JEREMIA 13:9 - ASII LAKDAP Bible (BSI)

⁹ “Ara khea riimkitaq akha, ngi raq Juda mungti shiikong tsii nai Jerusalemti shiikong tsii ka mitiithen baiqha.

Hawa Naga Bible 2001

⁹ “Vruex kuex Yuda mungx wawc wv-ngamc wv-ngax jix nuiyc Yerusalem wawc ngamc vngax yunghvlc jix kuex ngaz rueq mkhoc lac tvbac gay shaungx lvmz rvtueq.

JEREMIA 13:9 Referencias Cruzadas

TAKSU LAK 16:18

Shiikong tsantsii ka atsai lam sheati, khünga maklii ka adea wa chang thiikho theti.

ISAIA 16:6

Juda mungti raq akha ngutlo, “Naishiq raq Mob mungti ka kai kumrong kumraq hea nguta tsütsa taiwan kai. Naishiq raq asaphai tsangshiq ka shiikonghea pinthum. Kiimaq khünganok. Shatmaq tsangshiqnok tiitsakirai tlaq kriika shaqmii, banbok miili.”

ISAIA 23:9

Arka Tati Ajong Pinthumwe raq thapthi wanto. Tsangshiq raq shiikongkhiq maq jamlai phan wa klowantaq thun kra miqchup tiithenbaiq miitu apaiq raq toqtan wanto. Kiimaq tsang mungti aki miikiimbi thun kriima jea tiingaü miitu kloto.

JEREMIA 13:8

Kiijiishe Tatiwe raq ngi ma thongshiri hali chongkuq nongto, Apaiq raq nguto,

JEREMIA 25:18

Jerusalemti kiimaq Juda mung na chela thun sitlaq wiita ma, tsangshiq hokhambi kiimaq mung welabi thun rai nong nong adam maq tiibak nyang kang. Kriika tsangmung thun ka botkhulai rai shot raüta kumtsaiphii ma tiijabaiq tlii mirlaq nguta kuq kang. Kriika hiqmiq changkhü ikhiishe maklii jai na tiijang phat she mija wan. Krai mren maiqse raq tsangshiq mang ka maiq ma manson chang ashi ikhiishe mitiija wan. Kriika ümchaü min nguruqli ngutlo.

JEREMIA 48:29

Mob ka kai shiikongtlo! Ngi raq tsangshiqnok ka pinthum shiikonghea, khüngahea, kiimaq tiishomrahea pinthum nguta taikang. Tsangshiq raq maiqmii jonglu tiitsaki kli saptlo.

EJEKIEL 16:50

Tsangshiq ka shiikongkhiq. Kiimaq nilan. Kiimaq Ngi raq jamlai phan wa saisi tiikang kriiphan ka kloto. Kra ningkhan Ngi raq tsangshiq ka tiithen baiq kang. Kriika ümniiriiminla aheawiq asap haü.

EJEKIEL 16:56

Riita, man na, ümniika shiikongkhiq sitlaü cho ji na, Sodom chela kra naikü maü sha riilaü?

LEWI 26:19

Ngi raq namshiq wanshak shak shiikong tsii rümtlan kra, buk lata atiingoq mirbaiqha. Ra min junkuq mak she miraq. Namshiq hiqshong rahai wa hü ahiq thun ka shinriiqriiq she miraq. Kiimaq hiq raikhü ka jin ikha tsinhea miraq.

NAHUM 2:2

(Jamkhiiwa ngukla, Tatiwe raq Israil khushü ka, man na re raq mitiibun shaq pat wa, khushü ka mitiijong kuq nong.)

JEPHANIA 3:11

Kra akhing na isenginok namshiq ka, ikiq khii lantea ngarai tang wan lan, kra miitu tiijeasi chang ahüshe. Jamkhano ngukla, ngi raq ibom taimak shiikongti, namshiq phong wa, achum she mirbaiq wanha. Kiimaq namshiq ka asii ihiqlam na, ikiq tlea man she mirhan.

Luke 18:14

“Riita, ngi chong pha,” nguta Jesuq raq nguto. “Phunta hiti we ka Shiikeawe raq apaiq ngarai ka diike jeshe, ajam na wawanto. Phorisiwe ka riimak. Ara jamkhano chongtiikang ngukla, maiqse liipan wa jurwa, maiqmii dea ajong nguta tiima tlaq, kriiti ka aran ma mitiija. Kiimaq, jurwa tiisaiq haiq shat maq sitlaq, kriiti ka ajong ma mitiija wan.”

James 4:6

Maiqse ngarai sükha tsii ka henghea. Li jiimin, Shiikeawe kaphap mangchan tsii riiwe ka wiitarü ngarai ningkun thaq na aheng. Arkha maq tiina, Asii Bomtsi na, “Shiikeawe raq ra weahü maiqse ka romak. Shatmaq sobsob bombom maq siti miika, apaiq kaphap mangchan apa kuq tlo” nguta chong tlo.

1 Peter 5:5

Kiikhiisii hali, namshiq jerobi riimin, maiqlare wokhong na si raa tlo. Kiimaq namshiq wiitarü raq, aranse ma ja lanta, weshi raq weshi shiikum pan raa tlo. Jamkhano ngukla asii bomtsi na akha chongtlo, “Shiikeawe raq angiim boqshatti ka athu riibaiqtlo. Shatmaq aranse ma jati ka lungwii tlo.”