JEREMIA 13:11 - ASII LAKDAP Bible (BSI)

¹¹ Ara patulong thun jamkho maiq chhüpii na phataqtaq khaptlii tiinap samtiikai, kiikhiisii hali ngi raq Israil mungti nai Juda amungti ka ngi rai riipom tlii maq ngi rai napshnap maq tiisi wan lungwii tiikang. Ngi raq akha klowan kang arka tsangshiq ka isenginok ma mija wanlaq. Kiimaq raüta tsangshiq raq imang mitiitsamlaq kiimaq ikhushü mitiijonglaq nguta tsangshiq ka tsea wan kang. Shatmaq tsangshiq raq ibomchong ka taimak riito.”

Hawa Naga Bible 2001

¹¹ Kheyop kuex khez tvroz nuex phaungx duingduing shuit yaq ikhoc, Israel nuiyc Yuda miqsaz lotlaz ngaz nuex phaungx duingduing hvlc rvwaungx tvkoc rvtueq. Tsuingshiq kuex ngvy miqsaz yaungx wvnc vtueq, ngvy muingc tvtsanc nganc tvkoc nuiyc tvtsvmc kvmc tvkoc tvhungx shec tauk; yuq muinz tsuingshiq rueq ngvy kvjaz tay phvnx wuez muq,” ngoz tueq jungx tueq.

JEREMIA 13:11 Referencias Cruzadas

Tvtsvmc 135:4

Apaiq raq Jakob ka apaiq rii nguta tseato, Israilnok ka apaiq rii nguta tseato.

Tvtsvmc 147:20

Apaiq raq mung ahinti thun ma akhiika shamkuqmak; tsangshiq raq apaiq thungtri thun ka sapmak. Tati tiitsam ronglaq!

Tvtsvmc 81:11

“Shatmaq isenginok raq ibom chong ka taimak riito; Israilnok raq ibom taimak riito.

ISAIA 43:21

Tsangshiq ka Ngi pumsii miituli dongdii Ngi raq aphansang wanha, krai mren tsangshiq raq Ngi tiitsam mishinge wan!”

ISAIA 62:12

Namshiq ka “Shiikeawe sengi asii maiqsetiim,” ngutiishe mingu. “Tatiwe raq achhü wan maiqse” nguta mingu. Jerusalem ka, “Shiikeawe raq lungwiitlaq chela,” nguta mingu wan. “Shiikeawe Raq Thaqbaiq Mak Phan Chela” ngutiishe mingu wan.

JEREMIA 13:1

Tatiwe raq ngi ma kilaüta raihi-nairai khea patulong thun ka rikikiq laüta samlaq nguta chongto. Shatmaq apaiq raq ngi ma kra khea ka kham na naqtsamkiq nguta chongto.

JEREMIA 13:10

Ara abinok raq ibom taimak ngiimtlo. Tsangshiq ka pinthum wanshakshak. Kiimaq abi thaq niimin abi klo wanti. Krai mren tsangshiq raq laihin phra thun shomnoq wanto. Kiimaq shiikumpanto. Kra ningkhan, tsangshiq ka ara patulong thun riimkitaq akhiisiisaq miriimki. Jamkam min taimak she.

JEREMIA 13:12

Tati Shiikeawe raq ngi ma chongto, “Jeremia, Israilnok ma chonglaq che tsabumtek na che ka ama tuptup mithiilaq. Kra ngu raüla tsangshiq raq mitre che tsabum ngutlaq ka che thümiili raq.

JEREMIA 19:15

Tsangshiq ma chongkang, Tati Ningkun Ajongwe raq akha nguto nguta, “Ngi raq ara chela khuthaq na nai ara tho apha na chela thun sitlaq tlotli na, ngi raq ümtinkhan chamchao mo mitiihoha ngutiiwa chongkang thun kra, kunkun she mitiihoha. Jamkhano ngukla namshiq ka nilan wanshak shaknok kiimaq Ngi raq jamlai wa chongtiikang kra taiman tlea tlan.”

JEREMIA 32:20

Man na rathup rapha pat na, ümniiraq Ejip mung na awang chang nai amao chang pahea jaqsham laü. Kiimaq ümchaü ranaiq na saüli ümniiraq kriithun jaqsham ka sham ruqli shamtlaü. Arka Israil mung na nai pongmung thun na shamtlaü. Krai mren ümniika mangrap se raq sap wantlo.

JEREMIA 33:9

Jerusalem ka Ngi ma chochi raikuk, khushü tiijongti, kiimaq imangchong tiijongti she miraq. Mangjong hiq na siti maiq mung thun pahea raq atiikhai rokrok raüta mishreng wan. Jamkhano ngukla, Ngi raq Jerusalem chelati miitu ümtinkhan wa athuk atsom jaqsham kuq wan tiikang kiimaq Ngi raq chelati miitu ümtin khan wa achi achet chiithe liiwa tiijakuq wan tiikang kra tsütsa ka tsangshiq raq mitai wan.”

JEREMIA 6:17

Kiijiishe Tatiwe raq rawa kintsongtibi shongto. Kriika honlam boli tsütlaq kra tai miitu. Shatmaq tsangshiq raq nguto, “Naishiq raq kriika taimai.”

JEREMIA 7:13

Ngi raq namshiq ma bliiq kiki chongkuq wankang. Shatmaq namshiq raq arthun ngarai tang wan lan. Namshiq raq ibom taiman, ikiq khiiwan lan. Ngi raq namshiq mangchong lata heawan pha jiila, namshiq raq ibom ka treman.

JEREMIA 7:23

Shatmaq ngi raq tsangshiq ma ibom tai raüta iwokhong na siraa nguta aming kuqkang. Krai mren ngi ka tsangshiq Shiikeawe miraq. Kiimaq tsangshiq ka isengi miraq. Kiimaq tsangshiq ka ngi raq jamkho aming kuq tiikang kraphan phan siwan ronglaq. Raüla tsangshiq ma rilung na phanrap ka aheawiq miraq nguta chongkuq kang.

JEREMIA 7:24

Shatmaq tsangshiq raq ibom taimak kiimaq tsangshiq tsantsii kuq wan mak riito. Shatmaq tsangshiq ka nilan wanshak shak kiimaq abi tiima tsantsii raq jamlai wa chongtlaq kra phan phanli siwanto. Kra ningkhan tsangshiq ka maiqshaq ma jawan la na, naolaqhea jabi wan wan khoti riito.

JEREMIA 7:26

Kra taü maq dongdii min, jurmin tsangshiq bom ka taiman. Kiimaq tsantsii kuq man shishe wan lan. Tsangshiq bom tai wan rii na, namshiq ka namtitiim thaq niimin nilan kiimaq kiqkhii srurii wan kli shiichaqtlan.

AMO LUIK DVP (AMOS) 3:1

O, Israilnok lei, Tatiwe raq namshiq tiishut wan, khatan bom chongtlaq ara tairong laq. Israilnok namshiq ka Tatiwe raq Ejip mung wa, wiimungtam maq atsuq wan.

Luke 10:11

‘Liirong laq, naishiq hokphi na akop botkhulai ara dongdii min, jai nü na naübaiq thü tiikai. Arka namshiq ma manson miishe mija wan. Shiikeawe Mungtan ka namshiq thoniishe saükito!’

TRI CHONGKE 26:18

Ümchaü ranaiq Tatiwe raq ümniika apaiq raq kiq kham kuqtaq kra phan phan asenginok she nguta, awura maq tiiham wanto. Kiimaq apaiq raq ümnii ma apaiq tri raütu thun ka kun kun langlaq nguta aming kuqtlo.

TRI CHONGKE 26:19

Apaiq raq ümchuwa maiq mung thun phansang wantaq kra thaq na, ümniika ajong pinthum mung miishe mitiija wan. Kiimaq ümniiraq apaiq tiitsam kam kiimaq apaiq mang shreng manto ka jonghea mikuq wan haü. Ümniika apaiq raq kiq kham kuqtaq kra phan phan asengi miishe mija wan haü.”

TRI CHONGKE 4:7

“Nashiq Shiikeawe ka nashiq ma rong raa tlaq akhingtek na nashiq tiinap na sitlo. Akha Shiikeawe ka maiq mung ahin ümtinkhan jongli siraü min tsangshiq ma rakitlaq ranaiq na tsangshiq tho na siti phra ka ahü. Nashiq raq apaiq jaq wa khrum achu jaü tiikai akhing tek na apaiq raq tre kuqtlo.

1 Peter 2:9

Shatmaq, namshiq riiwe kla, Shiikeawe raq atsea arwan maiq phan she. Hokham we ramwebi. Asii mung ashi nguta sitlan. Shiikeawe sengi. Namshiq ka Shiikeawe raq ngarai ranyaq tangtang mong wa, apaiq tiichhii wan rawüli, achong lot mai awang chang liliim rilung she kuqto. Apaiq raq namshiq hea wantaq kriika, apaiq raq awang chang tiichhii wan jaqsham wantaq kra nanok ma chongke wan miitu tseatsiiq wanto.