JEREMIA 19:4 - ASII LAKDAP Bible (BSI)

⁴ Ngi raq ara hiqshong ara jamkhano tiithenbaiq tiikang ngukla, tsangshiq raq ngi ka no na miimbaiqto. Raüta ara hiqshong ara laihin phra kong ma honglu takuq raüta wiita tiishe shibaiqto. Tsangshiq raq nai tsangtitiim riimin sapmak kiimaq Juda mung wa hokhambi riimin sapmak phan phra kong kra shomnoq wanto. Kiimaq tsangshiq raq ara hiqshong na khühü lamhü na maiqsang sepii thun kra tsatbaiqto. Raüta maiqsang tiijai pahea raübaiqto.

Hawa Naga Bible 2001

⁴ Ngaz rueq vruex shuimx shaungx, yvmx khoc lac ngoz ruiux lec miq htenc rueq ngaz kuex tuip gay phuex; tsuingshiq nuiyc tsuingshiq jix vwaz tamx rueq muinz, Yuda hokhvmx bix rueq muinz tuiuz muq vganc tishox htenc muex vruex baung htenc vyuq, shomc nawk kuy juing maq shomc kuq vtueq tvshuy shac tueq. Tsuingshiq rueq vruex baung vyuq mvrax vguez miqsaz tvguiy tvmvrc tueq,

JEREMIA 19:4 Referencias Cruzadas

2 HOKHVMX 21:16

Manase raq maiq pahea sepii tsat baiqto. Raüta Jerusalem chela chii heawea lam thun na maiq tiijai ka khamrai ma tiija wanto. Apaiq raq arthun maiq miisaq tan wantaq arka apaiq raq Juda mungti ka sumla phra phong shomnoq thiikho na tiidea baiq wantaq kra tiitsuq ma kloto. Raüta mungmaiqse ma Tatiwe makki na ngarai tiitangto.

2 HOKHVMX 23:10

Hokhamwe Josia raq Hinnom Tan na sumla phrakaü Topheth shomnoq chang shomjam kriimin wiita tiibun baiqto. Krai mren kiijaq Molekh phra kaü ma jurmin ase maiqwe se lo, jechakse lo ka chaqtlii-honglu na kuqmak chang miitu runbaiqto.

2 HOKHVMX 24:4

Kiimaq akhek pinthum ka apaiq raq mungmaiqse setu sepii pahea tsat baiq wantaq kriikha na riito. Tatiwe raq Manase mra ka diikuq lot mak she riito.

Tvtsvmc 106:38

Tsangshiq raq sepii noserekong tsatbaiqto, kra mat tiijai raq mung ka tiisheshibaiqto.

ISAIA 59:7

Namshiq raq ranaiqtek abi kiimung sürii wantlan. Kiimaq namshiq raq kra abi jaqsham kra klo wanhü miika namshiq ka sanglili maq ngalot man. Namshiq raq maiqtu ngampiiti thun kra tseabaiq wan miitu akhiismin kankop man. Namshiq ümnüno kitlan, namshiq jai niika athen ajen wan lamlu kli sitlo.

ISAIA 65:11

“Shatmaq namshiq jurwa Ngi miimbaiq lan, jurwa Ngi asii kin Jajon chela kra shipoq tlan, kiimaq kiim phra kaü Gad kiimaq ningthoi phra kaü Meni shomnoqtlanti miika pong lin miraq.

JEREMIA 1:16

Ngi raq isenginok ma mo mitiihoha. Jamkhano ngukla tsangshiq raq ngarai tangto. Tsangshiq raq Ngi ka miimbaiqto. Raüta laihin phra thun ma honglu takuqto. Kiimaq tsangshiq raq sumla phra pahea tiiqto. Raüta kriithun ka shomnoqto.

JEREMIA 11:13

Juda mungti sumla phra phong ka Juda mung na chela thun ümchuwa sitlaq kiichu sitlo. Kiimaq Jerusalemti raq maiqphai asi Baal shomnoq chang honglu take wan chang berong-wacha thun ka Jerusalem na chiiheawea lam ümchuwa sitlaq kiichu hai wan raüta shomnoqtlo.

JEREMIA 15:6

Namshiqnok raq Ngi tiishaübaiq lan; namshiq raq Ngi ka jainong maq shungthülan. Kriikha na Ngi raq ijaq ka tliisaq lata namshiq ka tiinamtok bukbaiq kang. Jamkhano ngukla Ngi ka itsankhiq ninwan raq aniishe.

JEREMIA 16:11

Raüla, tsangshiq ma Tatiwe raq jamlai wa chongtaq kra chongkuqlaq. ‘Namtitiim pat na tsangshiq ka iwokhong wa donghoto. Raüta phanhin sumla phra thun shomnoq wanto. Raüta tsangshiq raq Ngi ka miimbaiq thüto. Kiimaq tsangshiq raq ibomchong tri raütu ka langmak riito.

JEREMIA 17:13

Tatiwe ümniika Israilnok tsantsii ranchang khearapaq; ümwokhong wa donghotibi wiita jea mingaü. Tsangshiq ka maiq mang botkhulai na awaiq ikha amaq mirki, jamkhano ngukla tsangshiq raq ümniika miimbaiqto, ümniika maiqse ma khangriri hea khamserai.

JEREMIA 17:20

Laüta hokhambi ma nai Juda mungti tlotli ma, kiimaq Jerusalem na siti tlotli ma, kiimaq arthun kilamchong maq chela mong na nyap wanti maiqse tlotli ma, Ngi raq jamlai bom wa chongtiikang kra samheawiq taironglaq nguta chonglaq.

JEREMIA 18:15

Kiikha taü maq isenginok raq ngi ka laqbaiqto; tsangshiq raq sumla phra kong ma homseng chaq raüta noqtlo. Tsangshiq khumchang lamphan tsin mak atiithap küraito; tsangshiq raq lamchu khiiphan thun ka khummak she tsaqkito. Tsangshiq ka miithii shonghü lamjiq nü na kihoto.

JEREMIA 2:13

Jamkhano ngukla isenginok raq ngarai phan nai tangto: tsangshiq ka iwokhong wa juhoto, khangriri hea khamraise wa, raüta tsangshiq raq khappong thun thuto, kriika akha tonglong kham riichumlot mak.

JEREMIA 2:17

Israil lei, arka ümniiraq ümjaqlii maq arit haü! Ümniiraq ngi miimbaiq laü, Tatiwe, üm Shiikeawe, Ngi raq ümniika lam maq shea wan tiikang akhing na miimbaiq laü.

JEREMIA 2:19

Ümniiraq abi kiimungtlaü kriiraq ümniima mo mitiiho, kiimaq ümniika iwokhong wa dongho laü kra riili ümniika mitiishut. Arka ümtinkhan akhap wa kiimaq ashut wa kra misap haü, ngi miimthü laü, Tatiwe, üm Shiikeawe, kiimaq iwokhong na simang she nguta kiholaü kra. Arka, Ngi, Ajong Pinthum Tatiwe raq ngutiikang.”

JEREMIA 2:30

Ngi raq ümniima mo tiihokang. Shatmaq kriika ümniima jam achu min ahüli jatlo. Ngi raq ümniika trantsii la nguta tiima phala, ümniiraq ibom tai maü. Hangsi kaü ahok aho giwan tlaq ikha, ümniiraq üm shammibi tsatbaiq laü.

JEREMIA 2:34

Namshiq khu akhea thun ka miitsan miijan maiqse tiijai raq kiimaq setu sepii maiqse tiijai na anyat rat tiijai tamtili she kata. Ahuk jati tiijai ka riimak. “Shatmaq atinkhan ara taü maq dongdii min,

JEREMIA 22:17

Shatmaq ümniiriika ümwokpo tiima kli saptlaü; ümniiraq maiq sepii pahea tsatbaiqlaü; kiimaq ümsengi mungmaiqse ka chongwai maq hot hot buk laü. Arka Tatiwe raq ngutlo.

JEREMIA 22:3

“Ngi Tatiwe raq namshiq ma jamlai wa tingting kiimaq riikhaqli kra sham ronglaq nguta aming tat tiikang. Wepuq weseti maiq raq laoliitlaq kriiwa, apaiq laotiwe jaq khon mong kiiwa tiichhii kuq ronglaq. Maiqse ka jimaq nishishi haihü maimak. Kiimaq pongmungti wanshawe kiimaq jechi nomisetiim kra, riimakla manti nyungre kra, nanshan shan haihü raamak. Kiimaq ara asii hiqshong arjaq maiqsang jamshut phit makti ka tsea baiq raamak.

JEREMIA 26:15

Shatmaq namshiq raq ara bomtsi arka tsan na riikhaqli thü ronglaq: Namshiq raq ngi tsatbaiq han jiila, namshiq ajong alabi nai mungmaiqse ara chelati ka maiqse ashi khahü na tseabaiq wan kha na ngarai khabu she mihohan. Jamkhano ngukla, Tatiwe raq ngi ka namshiq ma ara honlam bomtsi ara chongkekai tiikito.”

JEREMIA 26:23

Tsangshiq raq apaiq ka lap wan raüta Hokhamwe Jehoiakim phana shea wanto. Raüta Hokhamwe raq apaiq ka tiitsat baiqto. Kiimaq amaa ka mungmaiqse maalap chiim kiijaq dobaiqto.)

JEREMIA 44:3

Jamkhano ngukla kiijaq siti mungmaiqse raq abi kloto. Raüta itsan tiikhiqto. Tsangshiq raq phanhin sumla phrakaü thun ma honglu thun takuqto. Kiimaq phra kaü thun tsangshiq riimin sapmak, namshiq riimin sapman, namtitiim riimin sapmak phra thun ka shomnoq wanto.

JEREMIA 5:6

Kra ningkhan rum wa hangsi kong raq tsangshiq ka mikaq; kumtsaiphii rumnyangkhi wa shekong raq tsangshiq ka bunlak buncha mikaq phaq. Kiimaq tsangshiq chela thun mong na chiqwaiqkong wa raüta mikhephaq. Tsangshiq ka chela phai niishe dongki raüla, tsangshiq ka bunlak buncha mikaq phaq. Jamkhano ngukla tsangshiq ngarai ma ka ra ma hiq ma. Kiimaq tiithongkiki tsangshiq raq Shiikeawe bom ka tlea wanto.

JEREMIA 7:6

Pongmungti wanshawe namshiq rai sidamtlaq kra, manti liihi sekong, kiimaq manti nyungre kra naq nanshan rongkiq. Armung na maiqsangti ka kha ahü na naqtsatbaiq rongkiq. Sumla phra kong shomnoq ka athaqshe riibaiq ronglaq. Kra shomnoq tlan kriiriili namshiq ka mishthen baiq.

JEREMIA 7:9

Namshiq ka ahuk jatlan, maiq tsat lantea matwe ma jatlan, maiqchak rai sraki tlan, rung maq atiitum lantea arot chongtlan, Baal phra ma nyamse honglu takuqtlan, kiimaq namshiq raq man na sap wan man phra thun kra shomnoqtlan.

AJONJÜ 4:13

Kriika shammibi ngarai nai ramwebi shut kha maq thento. Tsangshiq raq sephii nojii maiqheati, tiijai raübaiqto. Kriikha na thento.

EJEKIEL 20:26

Ngi raq tsangshiq ka tsangshiq maiqmii raq honglu kuqtlaq kriimiili tsangshiq khum ka tiisheshi baiqkang. Kiimaq Ngi raq tsangsetiim chhikhusetiim thun kra honglu na tiitaakuq kang. Arka tsangshiq ma mo tiiho wan she kiimaq Ngi ka Tatiwe nguta tiichhike miitu klo kang.

EJEKIEL 7:22

Ngi raq kai lungwii tiikang i Shomjam na thiimeaq kong ka nyap wa raüta tiisheshi baiq raü min, Ngi raq brorii mang she mirha.

EJEKIEL 8:11

Kiijaq Israilnok welabi roqmiishi asi. Tsangshiq rai Shaphan se Jaajania kiimin asi. Tsangshiq loweatek raq honglu homseng chaq chang sindea lakkong kra sham raqraq riito. Kiimaq honglu homseng chaq tlaq kriiwa wakhuk mong wa ka phum apong wan ikha riito.

DANIEL 11:31

Apaiq phenlabi wiijamti raq Shomjam ka mitiishe baiq. Raüta tsangshiq raq Shomjam na ranaiqtek honglu kuq tlaq kra atiithaq mirbaiq. Raüta Riikhiq Phiiptsi Chang Sumlakaü she mitiinga shong.

Luke 11:50

Ara chong tlaq arkha maq, ümchaü pat wa maiq thun arka, ra nai hiq tiiq wanli maq pha wan raüta, ümchaü pat na saüli, shammibi tsatbaiq wantaq thun kra mat kha na, Shiikeawe raq tsangshiq ka mitiichamchao wan!

TRI CHONGKE 13:13

nam mungwa maiq pantlat na siti raq tsangshiq chelati mungmaiqse ka, namshiq raq man na ümtiikiimin shomnoq wan man sumla phra thun kriishe shomnoq hoto nguta tsütsa ka mitai han.

TRI CHONGKE 13:6

“Ümphu ümno shaq riilo, ümse maiqwe se riilo, riimak la ümse jechak se riilo, riimakla, ümchak ümtsan ümmong po paqchang riilo, riimakla, ümtsanwa we ümluwe shaq riilo, raq ahukse maq ümniima laihin sumla phra thun kra shomnoq i nguta, phra thun ümniiraq kiimaq namtitiim raq ümtiikiimin shomnoq mak thun kra shomnoq i nguta molao moraq miraq.

TRI CHONGKE 28:20

“Ümniiraq abi klo haüla kiimaq Tatiwe wokhong wa dongho haüla, apaiq raq üm khuthaq na laimiq mra mitiisaü kuq, ümniika atuk amuk mitiijabaiq. Kiimaq ümniiraq phanrap jaqshamtlaü na acham achaoli mirhum haü. Raüta ümniika jaqlo liipan niili tiimiqchup mitiithen baiq.

TRI CHONGKE 28:36

“Tatiwe raq ümnaq nai üm hokhamwe ka pong mung na mishea wan. Kra mung niika ümnaq min simaü dea kiimaq ümtitiim min simak dea. Kra mung na ümniiraq phra kong pe maq ahai nai long maq ahai thun kra mishom noq haü.

TRI CHONGKE 28:64

“Tatiwe raq ümniika mangjong hiq raikhü na, maiq mung thun kiijaq wiita na miwan baiq wan. Mangjong hiq raikhü na siimko maq riita siimko na saüli miwan baiq wan. Kiimaq kiijaq ümniiraq pe maq ahai nai long maq ahai sumla phra thun kra, ümniiraq maiqmii riimin sap maü kiimaq ümtitiim riimin sap mak sumla phra kong kriishe mishomnoq wan haü.

Revelation 16:6

Tsangshiq raq Shiikeawe sengi nai Shiikeawe shammibi tiijai raü baiqto. Krai mren she, ümchaü ümniiraq tsangshiq ma, tiijai hali she tiinyang tlaü kra, tsangshiq raq jamlai wa lap tlaq, kriika tsangshiq raq kha tangtaq kra tham she hophaq wan tlo!”

PHOWEBI 5:8

Kiitiika mung na re dongto, kiitiikaq Israil raq phrakong anye tseato, Israil mung wa rewe hingroqblai raq, weshi ra raq liiq riimakla, piq lamho tiishea?