JEREMIA 19:3 - ASII LAKDAP Bible (BSI)

³ Tatiwe raq ngi ma akha chonglaq nguto, “Juda mung hokhambi kiimaq Jerusalem chelati lei, tairong laq, Ngi Tati Ningkun Ajongwe, Israilnok Shiikeawe raq jamlai bom wa chongtiikang kra taironglaq. Ngi raq arhiq ara tiibunlak mitiithenbaiqha. Kra thenjen wan mra pin tsütsa ka taitibi maiq loweatek ka abom min lot mak tarü phiip raq mitsai.

Hawa Naga Bible 2001

³ Yehowa rueq ngaz muex jungx phuex, “Yuda mungx wawc hokhvmx bix nuiyc Yerusalem miqsaz lex, ngaz, Tvphaungc Tvsuip Yehowa Israel Tishox rueq jungx phaungx kuex tay shuinz. Ngaz rueq vruex baung vyuq kvkhoc thuimkux kuex tvdung gay shaungx, kvkaq kvruex lvmz tay jix miq tek vtueq kawc yawc wuez tuex.

JEREMIA 19:3 Referencias Cruzadas

Tvtsvmc 102:15

Maiqmung thun raq Tatiwe ma mihaisong wan; mangjong hiq na siti hokhambi kunli raq apaiq ningkun ma mihai.

Tvtsvmc 110:5

Tatiwe ka ümniima jaqtsi nü na; ümtiikiiwa atsankhiqjiiq, apaiq raq hokhambi thun ka khat raüta mitang.

Tvtsvmc 2:10

Ümchaü min namshiq hokhambi raq ara hon chong ara tai ronglaq; ara bomchong ara sap rong laq, namshiq mangjong pengtibi raq;

ISAIA 28:19

Kra sawa redong raq, namshiq ka nanshan shan kla nanki kla nankili, wranap nap mihut wan. Kra moho ka namshiq raq ranaiq rawa miho wan han. Shiikeawe nübok wa tsütsa anye aweatek saütlaq kriika, namshiq ma phiiptsi henghea riiwan wanli she miraq!

JEREMIA 13:18

Tatiwe raq ngi ma nguto, “Hokhamwe nai anyung hokham nyung ma chonglaq, tsangnai ka hokham ngacho kiiwa satki rongkiq nguta. Jamkhano ngukla tsangshiq hokham khuphok tsomhea thun kra tsangshiq khupo wa tiidea baiqto she.

JEREMIA 17:20

Laüta hokhambi ma nai Juda mungti tlotli ma, kiimaq Jerusalem na siti tlotli ma, kiimaq arthun kilamchong maq chela mong na nyap wanti maiqse tlotli ma, Ngi raq jamlai bom wa chongtiikang kra samheawiq taironglaq nguta chonglaq.

JEREMIA 18:11

Riita ümchaü man, Juda mungti nai Jerusalemti ma chongkuqlaq, Ngi raq tsangshiq ka tiithenbaiq miitu khatan raütu sürii wan tiikang. Tsangshiq ma imo mitiihoha. Tsangshiq ma ngarai rilung lamphan ka thaqbaiq ronglaq nguta chongkuqlaq. Tsangshiq raq ashut lamphan kra klai ronglaq kiimaq tsangshiq raq jamlai wa kiimungtlaq kra thaqbaiq ronglaq nguta chonglaq.

JEREMIA 19:15

Tsangshiq ma chongkang, Tati Ningkun Ajongwe raq akha nguto nguta, “Ngi raq ara chela khuthaq na nai ara tho apha na chela thun sitlaq tlotli na, ngi raq ümtinkhan chamchao mo mitiihoha ngutiiwa chongkang thun kra, kunkun she mitiihoha. Jamkhano ngukla namshiq ka nilan wanshak shaknok kiimaq Ngi raq jamlai wa chongtiikang kra taiman tlea tlan.”

JEREMIA 25:29

Ngi raq atiithenbaiq jaqsham ka ichela kriimaq miphahoha. Tsangshiq nga tsangshiq ka imo homak miili mihang wan rong i ngutiisha tiimasiq tla? Riimak, tsangshiq raq mo ka horaa dongdii. Jamkhano ngukla Ngi raq mangjong maiqse kunli ma re mitiidongha. Arka Ngi, Tati Ningkun Ajongwe raq toqtan tiikang.

JEREMIA 35:17

Riita arningkhan, ümchaü min, Ngi, Tati Ningkun Ajongwe raq, Israilnok Shiikeawe raq, namshiq Juda mungti nai Jerusalemti khuthaq na, Ngi raq mitiithenbaiqha nguta ikiqkham kang thun thenjen wan kriishe mitiisaüha. Ngi raq namshiq khuthaq na arthun tiisaü wan tiikang jamkhano ngukla, ümtiikiiwa Ngi raq namshiq ma ümtin khan wa chongkuq wan kang kra, namshiq raq taiman riilan, kiimaq Ngi raq namshiq heawan phata, namshiq raq ibom tre man riilan.”

JEREMIA 44:3

Jamkhano ngukla kiijaq siti mungmaiqse raq abi kloto. Raüta itsan tiikhiqto. Tsangshiq raq phanhin sumla phrakaü thun ma honglu thun takuqto. Kiimaq phra kaü thun tsangshiq riimin sapmak, namshiq riimin sapman, namtitiim riimin sapmak phra thun ka shomnoq wanto.

JEREMIA 6:19

Tailaq, hiq lei! Tsangshiq raq ümchuwa ajiq kiimung wantaq kriikha na, Ngi raq tsangshiq ka miqchup mitiithen baiqha. Jamkhano ngukla tsangshiq raq, Ngi raq ashrinkuqha tri ka no na tsuqbaiqto kiimaq ibomchong lang wan mak riito.

EJEKIEL 7:5

Tati Rakaü Hiqwe raq akha ngutlo, “Namshiq khuthaq na phanshi then wan jai maq phanshi then wan kra misaü wan.

Matthew 10:18

Namshiq ka i sengi kha maq wanghuptibi nai hokhambi rung na mitiichap. Kriika namshiq raq tsangshiq ma nai tsangshiq sengibi ma kiimaq Pongnok phan ma Tsütsa Ahea kra chongke wan miitu.

Revelation 2:29

“Juwa ni asi, Asii Wenyi raq phungtuti ma tsii chongkuq tlaq ara tiitsang tai ronglaq!

1 SAMUEL 3:11

Tatiwe raq apaiq ma nguto, “Akhing ashi na ngi raq Israilnok khuthaq na phanshi ra, pinthum phiiptsi chang mikloha. Kra mra pin tsütsa ka tai raüla, maiqse angu tarü pinthum phiip raq mitsai.