JEREMIA 21:7 - ASII LAKDAP Bible (BSI) Shatmaq ümnaq nai ümjaqkhong na siti ajong alabi thun, kiimaq redong na tsaimak luntlaqti mungmaiqse thun kra, ramdong na tsaimakti thun kra, kiimaq thadong na tsaimak atiichongti thun kra, Ngi raq namshiq wiitarü ka Hokhamwe Nebukadnejar nai namshiq jaqtinok namshiq tseabaiq tankhan tlaqtinok jaqkhon mong na mikuqbaiqha. Nebukadnejar raq namshiq ka atsea mirbaiq. Apaiq raq namshiq ka jumin tiihang mak miraq. Kiimaq namshiq phong wa ju miimin tiihang mangchan riimakla mangchan tiitsi kuq mak miraq. Arka, Ngi, Tatiwe raq kiqtoq tan lata chongtiikang.” Hawa Naga Bible 2001 Yuq muinz, mnoz nuiyc mmiq vyungx vlaungx bix kuex ralx rvlungc, khvmx vrvmc nuiyc vmac vtsac wawc dung wvnc ruiux muinz, kvjungx yaq nuimshiq nuiyc vruex ghaqyungx wawc miq htenc kuex hokhvmx Nebukhadnezar nuiyc mnoz thvy gay roc yaq mralx hez yauk nuex nuimshiq lotlaz ngaz rueq lekuq gay phaungx. Nebukhadnezar rueq nuimshiq kuex thvt gay kv-phuinx. Piq rueq nuimshiq vshiz muinz tvjungx kv-phuinx rvmuq, menjenc kv-phuinx rvmuq, nuimshiq ukhaq muex muinz thuinz tvthuiuz shuex rvmuq. Ngaz, Yehowa rueq jungx vshaungx,” ngoz tueq. |
Pechong wa akü ako thun ka wiita ajungshe riikito. Raüta angoq she riikito. Kriika jechakre raq chin miishe riichom chaqtlo. Tsangshiq raq tsang tsü chhimak kha she, tsang Phansangti Shiikeawe raq tsangshiq ka mangchan mak she miraq. Kiimaq tsangshiq ma tiihang mangchan tiichhikuq mak miraq.
Ngi ka isenginok ma itsankhiq riikang; Ngi raq tsangshiq ka isenginok riimak she ikha haihii wan kang; Ngi raq tsangshiq ka ümjaq khon na thükang, kiimaq ümniiraq tsangshiq ka tiihang wan maü dea riilaü; ümniiraq tikii kiikaiq kong kriimin jimaq nishishi haihü wan laü.
Latiishe ngi raq hamlii che tsabum thun ka triibuk lata tsabum thun ka wiita mitiibun baiqha. Nyungwe re tikiibi, kiimaq jerobi wiita adam na romshaq mibukbaiqha. Jumin tiihang mang; jumin mangchan mang, kiimaq ju miimin mangchan ka tiitsi mang maq, ngi raq tsangshiq ka kun kun mijiipbaiqha.”
Tsangshiq raq amang maq achu jaü raü min, ngi jaqwa khrum jaütlaq kra bom ka trekuq mang. Kiimaq tsangshiq raq ngi ma chaqtlii-honglu thun nai wong-honglu thun kuq raü min, ngi ka tsangshiq rai itsan riihea mang she. Kra rii na ngi raq tsangshiq ka re ma mitiijiipbaiqha, kiimaq ram tiidong lata mitiijiim baiqha kiimaq tha tiidong lata mitiijiimbaiqha.”
Tatiwe raq ngutlo, “Namshiq ka jurshe wa mimang chan, Jerusalemti lei, namshiq miitu juwa mijümii? Ümtho na ashaqpuq chap raüta, ahea khata nguta juwa mibomdam?
Asetiim wemiishi tsaitaqti ka atsitsü thiimtlo, pitlang pitthea atsitsü min healot mak she. Apaiq ma ranaiq shethung ka rawa thung ma jakito; kriinyung ka khushü jampaqpaq kiimaq atsanbi taqtaq. Ngi raq namjaqtinok ma ümchaü namshiq atrati thun ka mitiijiipbaiqha, Arka, Ngi, Tatiwe raq ngutiikang.”
Ara hiqshong armaq Ngi raq Juda mungti nai Jerusalemti raq ümtinkhan kiimung jaqsham wa misham hai nguta sürii wantaq thun kra wiita atiikan mirbaiqha. Ngi raq tsangshiq ka tsang jaqtinok ma tiikhat lata mitiitangha. Lata tsangshiq ka rekhat na wiita mitiijiip baiqha. Ngi raq tsangshiq maaphong ka rum na siti wushi kong ma nai rum nyamse kong ma mitiibak phaqha.
Tatiwe apaiq raq nguto, ‘Ngi raq ümniika ümniima nai ümkongtibi ma phiiptsi jiiptsi mitiijabaiqha. Kiimaq ümniiraq tsangshiq ka tsang jaqtinok raq nepja maq wiita ajiipbaiq wan kra michhihaü. Ngi raq Juda mungti kunli ka Bebilon mung hokhamwe jaqkhon mong niishe mikuq baiqha. Apaiq raq mungmaiqse wiijam ka munglu shumwi kong ma tsangmung na mitsuq wan. Kiimaq mungmaiqse wiijam ka re raq mijiipbaiq.
Lata ümniika, ümniiraq junok miiwa haitlaü, ümnaq tseabaiq tantlaqtinok jaq niishe mikuq baiqha. Ngi raq ümniika Bebilon hokhamwe nai aphenlabi jaq khon mong na mikuq baiqha.
Ngi raq armung thun ara ijaqshise Bebilon mung Hokhamwe Nebukadnejar arang wokhong niishe kiinong kuq wan kang. Kiimaq Ngi raq rum nyamsekong kra raq dongdii min apaiq wokhong na siwan miitu klokang.
Kiimaq Hokhamwe Jedekia ka re jaq mong wa lunlot mak miraq. Apaiq ka Bebilon hokhamwe jaq khon mong na mikuqbaiq. Raüta apaiq raq Bebilon hokhamwe ka mantut na mirchhi. Raüta pumsii maq apaiq rai mirbom dam.
Ümniika lunlot maü. Re raq ümniika milap. Raüta apaiq ma mikiinong kuqbaiq. Ümniiraq apaiq ka mantut na chap laüta ümmak maq michhi haü. Laüta pumsii maq apaiq rai mirbom haü. Laütiishe ümniika Bebilon mung niishe miwa wanhaü.
Kiimaq Tatiwe raq ngi nangnga hokhamwe ma akha chonglaq nguta thaüto, “Ümniiraq lakdam kom ka wa na chaqbaiq laü. Kiimaq ümniiraq Jeremia ma jamlai nguto Bebilon mung hokhamwe ka ana miki. Raüta armung ka mitiithenbaiq kiimaq armung wa mungmaiqse nai jam nyamse thun ka wiita mitsatbaiq nguta waiq laü.
Kra jai miishe Hokhamwe Jedekia raq ngi ka tiisheakito. Raüta apaiq raq ahokham jam maq ahukse maq ngi ma akha waito, “Riita Tatiwe nü wa tsütsa asi sha?” “Asi” nguta ngi raq abom ka trekang. “Ümniika Bebilon mung hokhamwe jaq na mikiinong kuqbaiq.”
Tatiwe raq ngutlo, “Israilnok ka skusekong hangsi kong raq jo raüta atiipinbaiq ikha. Apha na tsangshiq ka Asiria mung hokhamwe ajongwe raq khatto. Kiimaq kra jai maq Bebilon mung hokhamwe Nebukadnejar raq tsang rii thun ka bunlaklak kaqphaqto.
O, liilaq, Tatiwe lei, ümniiraq tiichamchao tlaü maiqse thun ka liilaq! Anyungre raq maiqmii chhü maq adea, asetiim maa kriishe paqtlo. Ramwebi nai shammibi thun ka, Shomjam mong maq jiipbaiq wantlo!
Ümniiraq ijaqtinok ka heawan laüta, tsangshiq ngi tro na nga raüta, phiiptsi jiiptsi chiqdong redong she, tiiwiinum siq wan laü. Krai mren ümtsankhiq walüwa, tiichhikuq laü matdong ranaiq, jumin tiichhii lot mak riito. Ngi raq mangchan lata atiichhanchhi wan wa, isetiim wiita tsangshiq raq tsatbaiqto.
Tati Rakaü Hiqwe raq akha ngutlo, “Ngi raq ümniika ümniiraq ngengtlaü kiimaq saisitlaü achok she mungtinok jaq khon mong niishe mikuq baiqha.
Ngi raq namshiq ka tiiwong kuq mang she kiimaq tiihang mangchan tiichhi kuq mang she. Namshiq raq maiqphai asi sumla phra thun shomnoq wan lan kriikha na, namshiq ma mo mitiihoha. Krai mren, namshiq raq Ngi ardea Tatiwe nguta misap han. Kiimaq namshiq ma mo tiihoketi ka Ngi ardea nguta misap han.”
Tsangshiq raq itsankhiq walütu hengwa kriishe mihophaq. Ngi raq tsangshiq ka tiiwong kuq mang she. Kiimaq tiihang mangchan min tiichhikuq mang she. Tsangshiq raq ijaq wa achujaü ka ümtinkhan hong raüta jaü raü min, Ngi raq tsangshiq achu jaü ka trekuq mang she.”
Shatmaq Ngi raq tsangshiq ma mangchan ka tiitsi mang she. Tsangshiq raq nanok ka jamkho riitaq kiikha, Ngi riimin tsangshiq ma mirha.”
Tsangshiq riika ratho chiqhawe raq kaq tlaq ikha mijiip baiq wan. Kiimaq jumin tiihang mak miraq. Nose re miimin kiimaq nyungwere miimin akhiismin tiihang mangchan tiichhi kuq mak miraq.