JEREMIA 19:7 - ASII LAKDAP Bible (BSI)

⁷ Ara hiqshong armaq Ngi raq Juda mungti nai Jerusalemti raq ümtinkhan kiimung jaqsham wa misham hai nguta sürii wantaq thun kra wiita atiikan mirbaiqha. Ngi raq tsangshiq ka tsang jaqtinok ma tiikhat lata mitiitangha. Lata tsangshiq ka rekhat na wiita mitiijiip baiqha. Ngi raq tsangshiq maaphong ka rum na siti wushi kong ma nai rum nyamse kong ma mitiibak phaqha.

Hawa Naga Bible 2001

⁷ Ngaz rueq vruex baung vyuq Yuda mungx miqsaz nuiyc Yerusalem ghaq jix rueq dvnc yaq lotlaz kuex tv-phvyx gay shaungx. Tsuingshiq muex ralx hez kvmac tvtaungx gay ruiux tsuingshiq kuex ralx rvlungc nuex tvthvt gay shaungx. Tsuingshiq maungx htenc kuex wushawx htenc nuiyc ngvmx saz svl vwvl htenc phuiuz svy muex kuq shaungx.

JEREMIA 19:7 Referencias Cruzadas

2 HOKHVMX 21:14

Ngi raq kra redongjai mungmaiqse aso tiichongtlaq thun kriimin, tsang jaqtinok jaq khon mong na mikiinong kuqbaiqha. Re raq tsangshiq ka long raüta, mitang raüta tsangmung wa tsuq anyam wiita mihut wan.

TAKSU LAK 21:30

Tatiwe raq ümniishe ngengho raüla, maiqse taksu tsii, nyan phaqchi, taksma tsii thun ka ümniima amiinu ahü.

ISAIA 29:14

Kriikha na Ngi raq tsangshiq ka klata maq abuk ikha thongshi riihot bukjai na thongshi ri hali tiipat-saq mibukha. Juwa taksu maiqsetiim nguta tiimatlaq thun ka angok angikong miishe mijaki. Kiimaq tsangshiq khonglaq phaqchitu kriika khanhüli she mijaki.”

ISAIA 8:10

Namshiq raq rechap wan ma wutan langphok ronglaq! Shatmaq tiina tsangshiq raq ümtiikiimin tangmak miraq. Namshiq raq aroro tsütsit siq rongliina! Shatmaq kriithun ka atuli miraq. Jamkhano ngukla Shiikeawe ka naishiq rai asi.

JEREMIA 15:2

Tsangshiq raq ümniima, riita tsangshiq ka ümbana kaiho chang wa ngutla wai raüla, tsangshiq ma ngi raq chongkang nguta chonglaq. Tsangshiq ka: Tsangshiq wiijam ka thatsi raq mitsai— kiijaq tsangshiq ka kaiho chang! Maiq wiijam ka re na miqchup mitsai— kiijaq tsangshiq ka kaiho chang! Maiq wiijam ka ram raq miqchup mijiim— kiijaq tsangshiq ka kaiho chang! Maiq wiijam ka munglu shumwi ma mitsuq wan— kiijaq tsangshiq ka kaiho chang!

JEREMIA 15:9

Asetiim wemiishi tsaitaqti ka atsitsü thiimtlo, pitlang pitthea atsitsü min healot mak she. Apaiq ma ranaiq shethung ka rawa thung ma jakito; kriinyung ka khushü jampaqpaq kiimaq atsanbi taqtaq. Ngi raq namjaqtinok ma ümchaü namshiq atrati thun ka mitiijiipbaiqha, Arka, Ngi, Tatiwe raq ngutiikang.”

JEREMIA 16:4

Tsangshiq ka thadong henghea phiiptsi chang dongtlaq kiina mijiim. Tsangshiq maajoti maiq jumin ahü miraq. Kiimaq tsangshiq maaphong kra lapsheti min ahü miraq. Tsang maaphong ka minsaü daiq phong wak na aphong ikha mirphong. Tsangshiq ka redong akhing na re raq mijiipbaiq, riimakla ramdong raq amang maq mijiim. Tsangshiq maaphong ka wushikong raq miphaq kiimaq rum wa ngam kong raq miphaq.

JEREMIA 18:21

Shatmaq ümchaü, Tatiwe lei, tsangsetiim ka ram raq mijiimlaq. Kiimaq tsangshiq ka redong na mijiimlaq. Anyungre ka wehü sehü ma mija laq. Maiqwere ka thadong raüta mitsailaq. Kiimaq jerobi ka re na mitsailaq.

JEREMIA 21:7

Shatmaq ümnaq nai ümjaqkhong na siti ajong alabi thun, kiimaq redong na tsaimak luntlaqti mungmaiqse thun kra, ramdong na tsaimakti thun kra, kiimaq thadong na tsaimak atiichongti thun kra, Ngi raq namshiq wiitarü ka Hokhamwe Nebukadnejar nai namshiq jaqtinok namshiq tseabaiq tankhan tlaqtinok jaqkhon mong na mikuqbaiqha. Nebukadnejar raq namshiq ka atsea mirbaiq. Apaiq raq namshiq ka jumin tiihang mak miraq. Kiimaq namshiq phong wa ju miimin tiihang mangchan riimakla mangchan tiitsi kuq mak miraq. Arka, Ngi, Tatiwe raq kiqtoq tan lata chongtiikang.”

JEREMIA 22:19

Kumtoq kaü maa hit baiq kitlaq ikha, apaiq maa ka mihitbaiqki, raüta Jerusalem kilamchong thun phai na mihit baiqki.”

JEREMIA 22:25

Lata ümniika, ümniiraq junok miiwa haitlaü, ümnaq tseabaiq tantlaqtinok jaq niishe mikuq baiqha. Ngi raq ümniika Bebilon hokhamwe nai aphenlabi jaq khon mong na mikuq baiqha.

JEREMIA 32:28

Ngi raq ara chela arka ümchaü Bebilon mung hokhamwe Nebukadnejar nai apaiq phenlabi jaq khon mong niishe kiinong kuq baiq tiikang. Tsangshiq raq ara chela ka mijii wan.

JEREMIA 34:20

Ngi raq tsangshiq ka tsang jaqtinok jaqkhon mong niishe mikiinong kuqbaiqha. Tsangshiq tseabaiq wan tankhantinok miishe mikuq baiqha. Krai mren, tsangshiq maa phong ka wushi kong nai rum nyamse kong riishe miphaq wan.

JEREMIA 46:26

Lata tsangshiq tseakaiti Bebilon mung Hokhamwe Nebukadnejar kiimaq asengi phenlabi jaqkhon na mikiinong kuq baiqha. Shatmaq rawiichii akhing niishe kla, mungmaiqse ka Ejip mung na hali misi wan nong. Arka man na jamkho richü pat na sitaq kiikhahali misi wan nong. Arka Ngi, Tatiwe raq toqtan tiikang.”

JEREMIA 7:33

Maiq maa phong ka wushi kong raq nai rumnyamse kong raq miphaq. Kiimaq kriithun jobaiqti maiq ka ahü miraq.

JEREMIA 8:2

Kra maiqrii phong ka riichom raüta hiqkho ashi na lapbaiq rii na, tsangshiq rok ariiq phong kriika hiqraikhü na weram werok, hiq tiipii ma khoti miphong baiq. Kra maiqrii phong ka riinyin riishin rashekii na, jipi li na kiimaq raiqsaiq liliimtlaq kiijaq mirphong rong, tsangshiq raq lungwii wantaq kiimaq shiikumpan wantaq kiimaq tsangshiq raq phan rap sham akai na lang liiwantaq kiimaq shomnoq wantaq kra khaki na miphong wan.

JEREMIA 8:8

Akhiitaü miinya, namshiq ka maiqshaq, kiimaq namshiq raq ithung ilai ka asaphan nguta tiitsakitlan? Liironglaq, ajok aliiq shrabi raq thungtri ka alai she riibaiqto.

JEREMIA 8:9

Namshiq phong wa taksu maiqsetiim ma jeashe mitiingaü. Tsangshiq ka mrumrang she. Kiimaq tsangshiq ka thiikho na midea. Tsangshiq raq ibomtsi shishe baiqto, Tsangshiq raq jamlai taksu tsii wa humta.

AJONJÜ 3:37

Tatiwe raq thapthi tlaq kriili, wranaiqtek klo wan tlo.

LEWI 26:17

Ngi ka namshiq ma wesang miishe mijakiha. Krai mren namshiq ka re raq khat raüta mitang. Krai mren namshiq ngengtinok raq namshiq khuthaq na nga raüta mung ka mipeng. Namshiq ka phiip ajiiptsi raq tsai lanta, maiq raq ajo wanti ahü li ngu raü min namshiq ka tsaihü jihüshe miju han.

LEWI 26:25

Ngi raq namshiq khuthaq na re she mitii dongha. Lata namshiq ma mo mitiihoha. Jamkhano ngukla namshiq raq nashiq liipan na tongshong bom kham wan kai raütu thun kra jin wan lan. Kiimaq namshiq ka namshiq khum tiichhii wan miitu chela thun kiina riitam wan han jiila, Ngi raq namshiq khuthaq na tha wa henghea healot mak phan thatsi kriishe mitiisaüha. Kra ningkhan she namshiq ka jamkhii min jasiq lot man she mirhan. Kra ningkhan, namjaqtinok puk niishe minyap wan han.

Romans 3:31

Riita, ikhiijiika, ara kamtsantsii ri thü wan kai she nguta, Thungtri ka brorii mai she sha miriirong i? Riimak, kiikhiika riimak. Ümchaü nashiq raq, Thungtri raü kha thun ka samhea she tiipha kha wan nong tiikai.

Romans 4:14

Ara jamkhano akha chong tiikai ngukla, Shiikeawe raq kiqkham kuq wantaq kriika, Thungtri lang wanti ma kuq wantaq ngu haü jiika, maiqse raq Shiikeawe ma kamtsantsii thü wan tlaq kriika, athii arii min ahü lishe mijaki. Kiimaq Shiikeawe kiqkham bomtsi kiimin thiihü lishe mijaki.

1 SAMUEL 17:46

Ümchaü ranaiq akhing na, ümniika Tatiwe raq ijaq khon mong niishe mikiinong kuqbaiq. Ngi raq ümniika mitang ha. Lata ümkhupo ka mitap baiqha. Kiimaq, Philistainnok rewe maa thun ka wushikong nai rum ngam kong ma mitiiphaqha. Raüla mangjong maiqse wiitarü raq, Israilnok Shiikeawe ka asi dea nguta misap.