JEREMIA 15:9 - ASII LAKDAP Bible (BSI)

⁹ Asetiim wemiishi tsaitaqti ka atsitsü thiimtlo, pitlang pitthea atsitsü min healot mak she. Apaiq ma ranaiq shethung ka rawa thung ma jakito; kriinyung ka khushü jampaqpaq kiimaq atsanbi taqtaq. Ngi raq namjaqtinok ma ümchaü namshiq atrati thun ka mitiijiipbaiqha, Arka, Ngi, Tatiwe raq ngutiikang.”

Hawa Naga Bible 2001

⁹ Vsaz mvshix tvmoz gay tueq nyuiuz kuex vmaungc rvkaz tueq, thuiuzthuic rvhtayc wayc yaq. Piq raungx wuic kuex raungx nyauk yaungx wvnc vtueq; piq kuex yvlc sac vtueq thuinz vmungx thuiuz yaq. Nuimhez wawc vtvraungx doc httax yaq hez kuex nuimz ralx muex tvthvt gay kv-phuinx. Ngaz, Yehowa rueq jungx vshaungx,” ngoz tueq jungx tueq.

JEREMIA 15:9 Referencias Cruzadas

ISAIA 47:9

Shatmaq jaqlose liipan niili, ranaiqshi niili, ara chongkang anai mra ara mipin. Ümniiraq ümtinkhan mintinli klo haü min, ümwese nai ümsetiim ka mitsai dongdii.

JEREMIA 19:7

Ara hiqshong armaq Ngi raq Juda mungti nai Jerusalemti raq ümtinkhan kiimung jaqsham wa misham hai nguta sürii wantaq thun kra wiita atiikan mirbaiqha. Ngi raq tsangshiq ka tsang jaqtinok ma tiikhat lata mitiitangha. Lata tsangshiq ka rekhat na wiita mitiijiip baiqha. Ngi raq tsangshiq maaphong ka rum na siti wushi kong ma nai rum nyamse kong ma mitiibak phaqha.

JEREMIA 21:7

Shatmaq ümnaq nai ümjaqkhong na siti ajong alabi thun, kiimaq redong na tsaimak luntlaqti mungmaiqse thun kra, ramdong na tsaimakti thun kra, kiimaq thadong na tsaimak atiichongti thun kra, Ngi raq namshiq wiitarü ka Hokhamwe Nebukadnejar nai namshiq jaqtinok namshiq tseabaiq tankhan tlaqtinok jaqkhon mong na mikuqbaiqha. Nebukadnejar raq namshiq ka atsea mirbaiq. Apaiq raq namshiq ka jumin tiihang mak miraq. Kiimaq namshiq phong wa ju miimin tiihang mangchan riimakla mangchan tiitsi kuq mak miraq. Arka, Ngi, Tatiwe raq kiqtoq tan lata chongtiikang.”

JEREMIA 44:27

Ngi raq namshiq ka shiiman kuq mang she. Namshiq ka rongboq ma tiija mang she. Shatmaq namshiq ka athen she mir wan han. Namshiq tarü kunli mijiim han. Redong na mijiim han. Riimakla thadong na mijiim han. Namshiq ka thumpak mijiim han shaq wiiwii, jiim wan ruq mirhan. Weshi min tiichong man maq mijiim han.

JEREMIA 50:12

Shatmaq ümchela ajong pinthum kra maiqthoda she miho. Raüta jea mingaü. Bebilon mung ka mangjong hiq na maiq mung thun thaq na anun pinthum she mija wan. Kriika shinriiqriiq mung kiimaq maiqsi maimak kumtsaiphii mung miishe mijaki.

JEREMIA 6:4

Tsangshiq raq akha mingu, “Jerusalem khat ma tiije rongphiilii! Tiije ronglaq! Nashiq raq ranaiq shethung na mikhat rong!” Shatmaq kra nguraüta hali, “Ai, ümchaü ka rajishe. Rashe ka acha she. Kiimaq rashe chawan kiita rashe ban wanto.

JEREMIA 7:19

Shatmaq riikhaqli maq liiwan raüka, tsangshiq raq ngi dea shea tiichamchaotla? Riimak. Tsangshiq raq maiqmii raq khoti mo hotlo. Raüta tsangshiq khuthaq na jeasi ngaü chang lamlu kli tanwantlo.

AJONJÜ 1:1

Jerusalem chela ka man na asengi raq ama riito! Mangjong maiqse wiita raq kai ra tsa ikha tsa wanto. Shatmaq ümchaü san mantinyung ikhiishe; Chela rümti aki miikiimbi thun re raq jiip baiqto. Rewe jaqkhon mong na shumwi kong miishe tiija wanto.

AJONJÜ 4:10

Iphan imaq ma thenjen wantaq kriika, pinthum riitsitsaitsiiq, phiiptsi chang abi pinthum riito. Noshii nyungre raq dongdii min, tsangse noshiisetiim ka tsanglang pit tsi ma, tak na lumphaqto.

EJEKIEL 5:12

Ümsengi mantsam wa, manshi rii ka chela mong na thadong raüta nai ramdong raüta mijiim. Kiimahali mantsam kiiwa manshi ka re raq chela kinphai na mijiipbaiq. Kiimaq mantsam kiiwa atiithum manshi rii kriika, Ngi raq rahai ma mitiipanbaiqha. Kiimaq tsangshiq ka re ma tiijo lata mitiijiip baiqha.

EJEKIEL 5:13

“Ümniiraq itsankhiq walü nyai heng wa ka, Itsan ka misang shaq wiiwii misap haü. Ümtiikiiwa arthun ara hongtha wan jiiq, raütiq kiitiikiitiq ümniiraq arthun arka, Ngi, Tatiwe raq ümniima chongkang kriidea kupi wanto nguta misap haü. Jamkhano ngukla Ngi ka ümniiraq tsapkap maü shishetlaü kha na pinthum walüwa ikha khiqtiikang.

1 SAMUEL 2:5

Man na arong awinti thun ka ümchaü ningchang tham raüta, tiidung phaqtlo, Shatmaq amang ale siti ka, aramtsi mak she. Sehü nyung angu raq khoti asetiim wemiishi she humto, shatmaq asetiim jamshi anguti ashi min ahü she.