JEREMIA 15:10 - ASII LAKDAP Bible (BSI)

¹⁰ Ngi ramkhiq aka na! Ngi ka chochihüwe! Inyung raq ngi ka jaramli wa mangjong hiq na rawü tiichhita? Ngi ka armungti rai loweatek rai tatso wiinyi riikhii riilea lam miili sichang dongtlo. Ngi raq ju miimin kampho ka tiinamkuq mang dea. Kiimaq maiqjaq wiimin kampho ka nam mang dea. Kra taü maq dongdii min maiq wiitarü ka ngi ma manson kiqsü bomti siisaq.

Hawa Naga Bible 2001

¹⁰ Ngaz kuex thuinz nuex piauc muq waz khoc vnauz! Yvmx ngoz tueq lac inyuiuz rueq ngaz kuex mungkawx vyuq jawx phvnx? Ngaz kuex ghaqphux vyuq rvthoz rvthvy nuiyc rvkhawc rvlvlc juing shex yaungx kaz. Ngaz kuex kuimphox mjuc muinz rvmuq kuex tvnvmc mauk, vnvmc muinz nvmc mauk; yuq muinz miq lotlaz laz rueq ngaz muex httonx tvmx wuez yaq.

JEREMIA 15:10 Referencias Cruzadas

1 HOKHVMX 21:20

Kiitiikaq Ahab raq Elija ka chhi raüta, apaiq raq nguto, “Ijaqtiwe loi, ümniiraq ngi hali chhirat wa nong laü nya?” “O, tengto. Ngi raq ümniika humrat kang,” nguta Elija raq treto. “Ümniiraq ümrilung ka Tatiwe makki na jamlai wa ashut kra klowan niilishe dea kiinong kuqbaiq laü kata.

1 HOKHVMX 22:8

Kiijiishe Ahab raq treto, “Shammi weshi ri dea asi. Apaiq ka Imla se Mika. Shatmaq ngi raq apaiq pinthum shutiikang. Jamkhano ngukla apaiq raq ngi miitu ka jangshi ra dongdii min riisham bomchong ahea ka chongkuq mak. Apaiq riika jangwrap she abi riisham bom kli tiithaitlo.” Kiijiishe, “Ümniiraq kiikhii ka naq ngu kiq!” nguta Jehoshaphat raq treto.

Tvtsvmc 109:28

Tsangshiq raq ngi ka ba ümsonlaq; shatmaq ümniiriika ngi ma ashiiman mirkuqhaü. Ngi tiichamchaotibi ka mitiidea baiqlaq! shatmaq ngi ümdise ka chojongchise misilaq.

Tvtsvmc 15:5

Apaiq raq maiq ma aliip jaü mak maq kampho tiinam kuqtlo, kiimaq apaiq ma tsiiqlap kuq raüta rung na arot saqse ma tiijalot mak, Jurwa arthun ara shamtlaq kriiti ka wranaiqshe khupwong kuqshat miraq.

Tvtsvmc 69:4

Ngi ka khahü na ngengtibi ka ikhubin thaq niimin pahea wealot mang. Ijaqtinok raq ikhu thaq na arot bom pahea chongtlo; tsangshiq ka ahong alakong kiimaq ngi tseabaiq tantlo. Ngi raq hukmang kiimin huklaü nguta tsangshiq raq ngi ma tiithamtlo.

DUNGWVNC 22:25

“Ümniiraq isenginok miitsan maiqse ashi ra ma kampho tiinam kuq raüla, kampho tiinamti laopanwe ikha naq jakiq. Kiimaq apaiq jaq wa amet naq jaükiq.

TAKSU LAK 26:2

Mihü na manson raü ka, wurai chaqse ra na bisiq tlaq ikha, kiimaq tsakklailu ra na bisiq tlaq ikhli, anga min ngamak ikha, kra manson ka maiq dü na ni kilot mak.

JEREMIA 15:20

Ngi raq ümniika tsangshiq makki na miiki gam maq ahai khetuk ma mitiija baiqha. Tsangshiq raq ümniika mikhat. Shatmaq tsangshiq raq ümniika tang mak miraq. Ngi ka ümnaq rai adam sishat mirha. Lata ümkhum ka mitiichhiikuqha kiimaq ümniika khusang maq mithüha.

LEWI 25:36

Apaiq jaq wa amet ka naq jaükiq. Shatmaq Shiikeawe aming kra lang laq. Kiimaq ümkongtiwe Israil phan ka ümjamtho na tiisilaq.

LEWI 25:37

Apaiq ma kampho tiinam kuq laü kra amet naq jaü kiq kiimaq apaiq ma phaq asea shakuq tlaü kriithaq na aliip naq jaükiq.

HABAKUK 1:3

Jam nguto ngi ma ashut kiimung ka, tiichhikuq tlaü? Kiimaq litkot chamchao walü kra, tiichhikuq tlaü? Imakki na mung then wan, jasam piqsii maiq riitsea kli, chhiwan tiikang. Tatso wiinyi riilong liiq kli, chhi wan tiikang.

Matthew 24:9

“Kra akhing she saü wan raüla, maiqse raq namshiq ka alap mirwan. Raüta namshiq ka mitiichamchao kiimaq atsea mirbaiq. Namshiq ka i sengi ma jawan tlan kriikha maq maiqphan angu wiita raq namshiq ka ashu ashe mirwan.

Matthew 5:44

Shatmaq ümchaü ngi raq namshiq ma chongpha: Namjaqti thun ka lungwii ronglaq. Kiimaq namshiq tiichamchaoti ma achu jaükuq ronglaq.

Luke 2:34

Simeon raq tsangtsam ma ramram achu shiiman kuqto. Raüta, anyung Meriq ma chongto, “Ara no arka, Shiikeawe raq ashong. Apaiq lümaq, Shiikeawe raq Israilnok phan pahea mishthen baiq. Kiimaq apaiq lümaq hali, Israilnok phan, pahea mitiichhii kuq. Apaiq ka Shiikeawe raq ashong wan miithii ajong ashi. Maiq pahea raq, apaiq angeng mirwan.

Luke 6:22

“Namshiq ka ma chochi jonghea, ümtiikiiwa maiq raq namshiq ka Maiq Se miitu angeng miraq, kiimaq ashleq mirbaiq. Kiimaq ashummii miraq, kiimaq namshiq ka abi nguta mingu!

Acts 28:22

Shatmaq naishiq riimin, ümnaq shang wan dam laü phungnok tsütsa kra kiitiina atai wan ka ro tiikai dea. Ara jamkhano chongtiikai ngukla, barap binrii na, nanok raq arphung ara ngengseng wanti siisaq chhi tai wan tiikai,” ngutiishe tsangshiq raq Paul bom ka treto.