JEREMIA 27:6 - ASII LAKDAP Bible (BSI)

⁶ Ngi raq armung thun ara ijaqshise Bebilon mung Hokhamwe Nebukadnejar arang wokhong niishe kiinong kuq wan kang. Kiimaq Ngi raq rum nyamsekong kra raq dongdii min apaiq wokhong na siwan miitu klokang.

Hawa Naga Bible 2001

⁶ Ngaz kuex ngvy nvrc waz Babelon Hokhvmx Nebukhadnezar luimc vkawc khung nuex miqphvnx lotlaz lekuy gay jix waz rvtauk; yaruix wawc ngvmx saz htenc doc muinz piq muex shuimc kuy tvkoc ngaz rueq tvshuk kuq tauk.

JEREMIA 27:6 Referencias Cruzadas

2 HOKHVMX 25:28

Ewilmerodakh raq apaiq ma mangchang tsantsii tiichhi kuqto. Raüta apaiq rai nanok ahinti hokhambi kiijaq Bebilon mung na munglu shumwi ma atsuq wan kra phong na, apaiq ma shreng manto ajong lin she kuq raüta shongto.

2 KAÜWA WERAÜ 36:23

“Arka Parsia mung pengti Ajong Hokhamwe raq akuq aming. Tatiwe, Ramungtan Riimti Shiikeawe raq, ngi ka mangjong tlotli pengtiwe miishe shongto. Kiimaq ngi ma Juda mung na Jerusalem na apaiq miitu Shomjam ashi kra haike miitu arang kuqto. Riita ümchaü min, namshiq tarii Shiikeawe senginok thun ka, kiina kirong laq. Riita namshiq Tatiwe namshiq Shiikeawe kli namshiq rai adam misilaq.”

ISAIA 44:28

Ngi raq Sairas ma ngutiikang, ‘Ümniiraq mung ka imang na mipenghaü; ümniiriika ngi raq chongtiikang kra phan phan mishamhaü; ümniiraq Jerusalem tiiheahai miitu aming mikuqhaü; kiimaq Shomjam jamkhü longkaü kra mitiishong wan haü.’”

JEREMIA 21:7

Shatmaq ümnaq nai ümjaqkhong na siti ajong alabi thun, kiimaq redong na tsaimak luntlaqti mungmaiqse thun kra, ramdong na tsaimakti thun kra, kiimaq thadong na tsaimak atiichongti thun kra, Ngi raq namshiq wiitarü ka Hokhamwe Nebukadnejar nai namshiq jaqtinok namshiq tseabaiq tankhan tlaqtinok jaqkhon mong na mikuqbaiqha. Nebukadnejar raq namshiq ka atsea mirbaiq. Apaiq raq namshiq ka jumin tiihang mak miraq. Kiimaq namshiq phong wa ju miimin tiihang mangchan riimakla mangchan tiitsi kuq mak miraq. Arka, Ngi, Tatiwe raq kiqtoq tan lata chongtiikang.”

JEREMIA 22:25

Lata ümniika, ümniiraq junok miiwa haitlaü, ümnaq tseabaiq tantlaqtinok jaq niishe mikuq baiqha. Ngi raq ümniika Bebilon hokhamwe nai aphenlabi jaq khon mong na mikuq baiqha.

JEREMIA 24:1

Tatiwe raq ngi ma tamlii anai na phupmuptsi ka Shomjam rinkea na tiito raü tiichhikuqto. (Ara tiichhikuqtaq arka Bebilon mung Hokhamwe Nebukadnejar raq Jehoiakim se Juda mung Hokhamwe Jehoiachin ka Jerusalem wa munglu shumwi ma Bebilon na, Juda mungti welabi nai tsiimwebi kiimaq jaqsham smabi rai tsuq wan jaishe riito.)

JEREMIA 25:9

‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.

JEREMIA 28:14

Tati Ningkun Ajongwe, Israilnok Shiikeawe raq nguto, apaiq raq maiq mung thun tlotli khuthaq na jin thaikii she mitiiho. Krai mren tsangshiq raq Bebilon mung Hokhamwe Nebukadnejar puk na siisaq nyap raüta, apaiq ka mishkumpan. Tatiwe raq nguto, apaiq riika rum nyamsekong kra dongdii min Nebukadnejar puk na mitiinyap wan.”

JEREMIA 43:10

Kra lot laütiishe tsangshiq ma chongkuq laq, Ngi, Tati Ningkun Ajongwe, Israilnok Shiikeawe raq, ijaqshise Bebilon mung Hokhamwe Nebukadnejar ka ara chela na misheahoha. Kiimaq apaiq raq apaiq hokham ngacho ka ara ümchaü ümniiraq longkaü thun laplaü arthaq na mitiinga kiimaq apaiq raq ahokham tombutiip ka ara longkaü thun arthaq na mitiipii chan.

JEREMIA 49:30

“Hajor chelati lei, Ngi, Tatiwe raq honlam bom chong tiikang, namshiq ka luhea na chiim jin wan jutlo ronglaq. Lanta tiipaü ronglaq. Bebilon mung Hokhamwe Nebukadnejar raq namshiq miitu tiikho athe kun she. Apaiq raq akha ngutlo,

EJEKIEL 29:12

Ngi raq Ejip mung ka mangjong tlot li na maiqsi maimak mung ma mitiijabaiqha. Wiiroqblai na saüli Ejip mung wa chela thun ka wiita hiqmiq changkhü ma mitiijabaiq, mangjong hiq wa chela thun thentaq kriithaq niimin naolaq tiibitaq mithen wan. Ngi raq Ejip mungti ka wanshanok ma mitiijabaiqha. Tsangshiq maiq mung thun wiita na mipin wan raüta maiqnok phanhin phan rai misi wan.”

EJEKIEL 30:24

Kra latiishe Ngi raq Bebilon hokhamwe jaq phum ka ahong ala miishe mitiijaha. Lata inepja ka apaiq jaq niishe mitiishamha. Shatmaq Ngi raq Ejip mung hokhamwe jaq phum ka mitiingoq bukbaiqha. Kiimaq apaiq ka amitsi ma angam angu she miraq. Raüta ajaqtinok makki na mitsai.

DANIEL 4:12

Ajaq aji shamhea shamjü, akü ako atsi ango hiq ma ra ma. Mangjong maiqse raq phaqsea rii hongli riito. Rumnyamse anyang mong na bumto, wushikong raq atsung mong na achü haitlo, atra nyamse phan wiita raq, atsi phaqsiqto.

DANIEL 4:22

“Chaü lei, kra pechong ka ümnaq. Jonghea luhea kiimaq ningkun jonghea sitlaü. Ümniika jonghea pinthum she jong wan laüta ratsan ramong nyang na saüli she saülaü. Kiimaq ümningkun jonglu kiimin mangjong hiq wiita hamli she ham wanto.