JEREMIA 27:5 - ASII LAKDAP Bible (BSI)

⁵ “Ngi arang jonghea riimtiikang kra lümaq kiimaq iningkun jonghea hotiikang kra lümaq, Ngi raq ara mangjong hiq ara, maiqphan kra, kiimaq ngamsaü ngiqse phan hiq raikhü na diimtlaq thun kra klowan kang. Kiimaq Ngi raq juma ke wan wa rotiikang, kriiwe ma arthun ara kuq tiikang.

Hawa Naga Bible 2001

⁵ “Ngaz yungx luz vtaungx luimc vkawc nuiyc hungc vlaungc maq ngaz rueq mungkawx muinz, miq muinz, ghaq htauk nuex httax yaq ngvmx saz lotlaz muinz tvdung sung taq tauk; ngaz rueq vthvl wvnc miq ukhaq muex muinz ngaz rueq kuq vshaungx.

JEREMIA 27:5 Referencias Cruzadas

RAPHA HIQWA LAK 1:25

Krai mren Shiikeawe kriithun wiita phansangto, kiimaq apaiq raq kriithun ka chhiraüta khoqriiqkhiq riito.

RAPHA HIQWA LAK 9:6

Maiqse ka Shiikeawe ikha phansangto. Kriikha maq jurwa maiqse miisaq tantlaq, kriiti miisaq kiimin akongtibi maiq raq mitan wan.

EJRA 1:2

“Arka Parsia mung langti Hokhamwe Sairas aming. Sanseng Ramungtan Rümti Tati Shiikeawe raq mangjong hiq angu tlotli ara hupkhang wan miitu ngi ka hokham ma shongto. Kiimaq Shiikeawe raq apaiq shomnoq wan miitu Judia wang wa Jerusalem chela na Shomjam sitlaq kra haike wan chang nguta ngi ma arang akekun she.

NEHEMIA 9:22

“Ümniiraq tsangshiq ma, mungrap mungrii khat kuq wan laü. Tsangshiq hiq rai wa, maiqmung ahin thun khatkuq wan laü. Tsangshiq raq Heshbon mung langti, Sihon hokham ka long wanto; raüta tangto. Kiimaq Bashan mung min long wanto. Raüta tsang hokhamwe, Og ka tangto.

Tvtsvmc 102:25

rathup rapha na ümniiraq hiq tiiqlaü; kiimaq ümjaq maq ramungtan thun ka tiiqlaü.

Tvtsvmc 96:5

Maiq mung ahin thun tisho kong ka miinan sumla phongli, shatmaq Tatiwe raq ramungtan thun tiiqto.

DUNGWVNC 20:11

Ratrok na saüli Ngi, Tatiwe raq, mangjong hiq ara, ra ara, kiimaq khamjong chum kra kiimaq arthun na siti phanrap sitlaq kra phansang kang. Shatmaq ramiishi ngo ranaiq na Ngi ka niitiitsak ahai riikang. Kra ningkhan na, Ngi, Tatiwe raq Asii Niitiitsak Ranaiq ka shiiman kuq kang. Lata kra ranaiq ka asii tiijakang.

DUNGWVNC 6:6

Kra ningkhan Israilnok ma Ngi raq tsangshiq ma akha chongtiikang nguta chongkuqlaq, ‘Ngi ka Tatiwe; Ngi raq namshiq ka midok dawanha. Lata namshiq ka Ejipnok dikong sitlan kiiwa wasetiim miishe mitiija wanha. Ngi raq ijaq phum aheng honghea pinthum ara tsangshiq khuthaq niishe midoha. Lata phiiptsi chang chamchao mo ka tsangshiq ma mitiihoha. Lata Ngi raq namshiq ka mitiichhii kuqha.

ISAIA 42:5

Shiikeawe raq ramungtan thun ka phansangto, raüta rawang win na chanto; apaiq raq hiq ka tiiqto, kiimaq kiijaq siti thun wiita phansangto; apaiq kiijaq siti asengi tlotli ma rilung nai tsitsü kuqto. Raüta ümchaü Tatiwe Shiikeawe raq ajaqshi se ma akha ngutlo,

ISAIA 44:24

“Ngi ka Tatiwe, ümnaq chhiiti; ngi ka ümnaq phansangtiwe. Ngi ka Tatiwe, phanrap Tiidongtiwe. Ngi riili la ramungtan thun ka chankang; Ngi raq mangjong hiq tiiqkang akhing na, Ngi khrumti jumin ahü riito.

ISAIA 45:12

Ngi ahata mangjong hiq tiiqtiwe, lata kiijaq si miitu maiqse ka phansangkang. Iningkun maq Ngi raq ramungtan thun ka chankang; Ngi raq rashe, jipi, kiimaq raiqsaiq thun kra pengtiikang.

ISAIA 48:13

Hiqraikhü diimchang jamkhü ka Ngi raq shongkang, kiimaq ramungtan thun kiimin Ngi raq tiikha chankang. Ümtiikiiwa Ngi raq hiq nai ra ma aming kuqtiikang, tsangnai ka tlothit saüwasaq chaprang riitlo.

ISAIA 51:13

Ümnaq phansangti Tatiwe ka alaq rea shea riilaü, ramungtan thun kra chantiwe ka, kiimaq hiq tiichap wan chang jamkhü kra phong wantiwe ka? Ümniika jam nguto hairuqruq haisiqtlaü, ümniika shiikeng raüta tiikiinyiitlaqti ma, ümniika tsatbaiq haijaq nguta tankhantlaqti ma? Tsangshiq tsankhiq moktlaq kra riika ümdü na thanlot mak.

JEREMIA 27:4

Tati Ningkun Ajongwe, Israilnok Shiikeawe raq, tsangshiq ma aming kuq laüta, tsangshiq hokhambi ma Tatiwe raq akha tiichonghoto nguta chonglaq nguta chongto:

JEREMIA 32:17

“Tati Rakaü Hiqwe, ümniiraq ra nai hiq ka ümningkun jonghea kriimaq phansang laü. Kiimaq ningkun henghea maq tiiq laü. Ümniiraq lot maü chang ka jamlai phan min ahü.

JEREMIA 51:15

Tatiwe raq hiq ka aningkun maq tiiqto; apaiq nyan phaqchi maq mangjong hiq ka phansangto, kiimaq ramungtan thun kra tiikha chanto.

DANIEL 2:38

Apaiq raq ümniika ara mangjonghiq raikhü na maiqse sitlaq kra pengti, kiimaq rumnyamse, kiimaq peshap wushi wiita kra pengti ma shongto. Kra chaq maq alo khupo ka ümnaq riilaü.

DANIEL 4:14

Apaiq raq tiihong raüta agilülü akha riimto: ‘Pechong ka daqbaiq laq. Laüta akü ako thun ka wiita tapbaiq laq; ajaq thun ka wiita tapbaiq laq. Laüta atsi thun ka wiita wanbaiq laq. Achongtong wa nyamse thun ka, tiipin jobaiq laq. Atsung mong na tiiti wushi kong ka, wiita tiipin jobaiq laq.

DANIEL 4:17

Arka tsangrak maq khebomti rasetiim raq, khatan tri raütu ashat thü. Arka maiqse angu wiita raq, ratsan ramong nyang na siti, Ningkun Ajong Shiikeawe raq, mangjong maiqse kunli, hupkhangtlo nguta misap laq. Apaiq kli honyung hokham shongti, wepuq wese miili jiimin wela jaqshamke, apaiq raq thithi.’

DANIEL 4:22

“Chaü lei, kra pechong ka ümnaq. Jonghea luhea kiimaq ningkun jonghea sitlaü. Ümniika jonghea pinthum she jong wan laüta ratsan ramong nyang na saüli she saülaü. Kiimaq ümningkun jonglu kiimin mangjong hiq wiita hamli she ham wanto.

DANIEL 4:25

Ümniika maiqse phong wa, ajoshe mirbaiq. Raüta ümniika rumnyamse kong rai she misidam haü. Rawii wiimiishi na saüli, ümniika minsaüpongwe ikha sangphii phaq laüta misihaü. Laüta hiqsii thung na mikon haü. Kiijaq ra wa bangkham ka ümkhum na mirok. Kiijiishetiq ümniiraq Ajong Thaq Na Ajong Shiikeawe riili dea, maiqse angu hokhambi mangjong na sitlaq kra pengtlo. Kiimaq mangjong hiq na hokham jaqsham ka apaiq raq ümriiti ma kewa lungwii tlaq, kriiti ma kuqtlo nguta misap haü.

DANIEL 5:18

“Ajong Thaq na Ajong Shiikeawe raq ümwe Nebukadnejar ka wiitarü thaq na ajong pinthum hokham ma shongto. Raüta apaiq kharü kiimaq angao jonghea kuqto.

Acts 14:15

“Namshiq raq ara jamlai ngarai wa tangho lan? Naishiq arka namshiq kiikha maiqse siili! Naishiq ka arjaq namshiq ma Tsütsa Ahea tiitaike wa nguta wakai. Namshiq ka ara thiihü sumla phra shomnoq lam phan tlan arwa, atra Shiikeawe ra nai hiq kiimaq sammoktra jü kra phansang wantiwe kiimaq ra nai hiq na phanrap diim tlaq kra tiiqti we Shiikeawe wokhong niishe shang wan tlo ronglaq, nguta tsütsa chongke wa tiina wakai.

Acts 17:24

Shiikeawe ka ara mangjong hiq ara kiimaq ara mangjong hiq raikhü na jamlai phan wa diim tlaq, kra thun kra phansang wanti we. Apaiq ka ra nai hiq ara rümti Tatiwe. Krai mren, apaiq ka maiqse raq jaq maq ahai hun phra shomnoq chang jam thun ahai kuq kiijiika singa mak.

Acts 17:26

Apaiq raq maiq ka weshi tiiq wanto she. Kiimaq kriiwe lai wiishetiq, maiqphan ka pahea tiipu wanto. Raüta ara mangjong hiq ara hamli niishe tiisi wanto. Tsangshiq ka ümriiba na shongnga chang wa kra, asi anga wan chang jamkhü wiirü thun kriimin, kongkhu miiphü thapthi wanje she tiihong raüta thü wanto.

TRI CHONGKE 2:19

Kra riihantiq namshiq ka Lot saüse phan Mobnok shongtlaq hiq rai tho tho na mirhan. Tsangshiq ka naq niq siq wan rongkiq. Riimakla tsangshiq rai ka naq riikhat rongkiq. Jamkhano ngukla Ngi raq tsangshiq ma hiqshong kuqkang kra wiika namshiq ma phushi min chumkuq mang she.’”

TRI CHONGKE 2:21

Tsangshiqnok kiimin Anakimnok jamkho jonghea luhea phan sitaq kiikhiisii ajong alu phan riito. Kiijaq tsangshiq ka pahea pahea riito. Kiimaq tsangshiqnok ka srea nolanok. Shatmaq Tatiwe raq tsangshiq ka wiita tiithen baiqto. Krai mren Ammonaiqnok raq tsangshiqnok hiqshong jii wanto. Raüta tsangshiq she kiijaq shong wanto.

TRI CHONGKE 2:7

“Namshiq raq ümchuwa jaqsham wan lan kra Tatiwe namshiq Shiikeawe raq shiiman kuqtaq ira tsan na tiitsang ronglaq. Apaiq raq namshiq ka ara kumtsaiphii bintang jüngi jonghea mung maq laü wan lan akhing phanrap na pinthum shiikum pan kuq wanto. Apaiq ka ara rawii roqblai tingkhit namshiq rai nong nong maq wadamto. Kiimaq namshiq ma jamlai phan wa rongraa wantaq kra apaiq raq thumli kun kun kuqto.

TRI CHONGKE 2:9

Tatiwe raq ngi ma akha nguto, ‘Mob mungti Lot saüse phan rai ka naq riitsak kaq rongkiq. Riimakla tsangshiq rai naq riikhat rongkiq. Ngi raq tsangshiq ma Ar chela ka akebaiq kun she. Kra ningkhan Ngi raq tsangshiq hiqshong kiiwa hiq ka namshiq ma phushi ra jiimin kuq mang.’”

TRI CHONGKE 32:8

Ratsan Ramong Nyang Na Sitiwe raq maiq mung thun ma tsangshiq hiqshong chum kuqto; apaiq raq maiq phan thun ma asi anga chang hiq tiihong kuqto. Apaiq raq maiq mungtek ma phra achhuq chhuq kuqto.

TRI CHONGKE 4:17

Kiimaq rum nyamse sumla lo, wushi sumla lo,

TRI CHONGKE 4:25

“Kiimaq namshiq ka kra mung na shong wan jai rawii luhea siwan jai niimin, lanta namsetiim kiimaq namsaütiim pat niimin, namshiq raq maiqmii miitu jamlai phan sumla li jiimin hai lanta ngarai naq tang rongkiq. Arka Tatiwe makki na abi jong hea. Kra klo hanla apaiq ka namshiq ma tsankhiq miraq.

TRI CHONGKE 4:32

“Namshiq rawü michhi han shaq, lea wantiiwa akhing kra konchon rong liita. Shiikeawe raq maiqse phan sang wantaq rapha hiqwa pat na saüli konchon rong liita. Mangjong hiq raikhü tlotli ka konchon rong liita. Atinkhan mra jonghea ka man na kongkhu pat na pin wan tiisha? Maiq weshi ra raq akha mra pinto nguta tsütsa ka tai wan tiisha?

TRI CHONGKE 4:35

Tatiwe raq arthun ara namshiq ma tiichhi kuq wanto. Arka namshiq ma apaiq kli dea Shiikeawe nguta tiichhike miitu klo wanto. Kiimaq apaiq tlea raüta ahin ka ahüshe nguta tiichhike miitu arthun ara klo wanto.

TRI CHONGKE 5:16

“‘Ümwe nai üm nyung ka shrenglaq. Ngi, Tatiwe üm Shiikeawe raq ümniima aming kuq tiikang ara phan phan. Kra riihaüla ümniima phanrap na ahea miraq. Kiimaq ümniika Ngi raq hiqshong kuq tiikang kiijaq rilung alu luhea maq misi haü.

TRI CHONGKE 9:29

Riita ija, ümniiriili arnok ka ümsenginok she nguta tseatsiiq wan laü kata. Kiimaq ümniiraq tsangshiq ka Ejip mung wa ümningkun henghea maq kiimaq ümhong ümla heng hea maq tsangshiq ka arjaq tsuq wan laü ahata.’

Colossians 1:16

Shiikeawe raq Khristo lümaq ramungtan na ümchuwa sitlaq kiimaq ara mangjong hiq na ümchuwa diim tlaq kra tiiqto. Kiimaq maiqse raq mak maq chhi tiikai phan kiimaq mak maq chhilot mai phan ümchuwa sitlaq thun wiitarü ka tiiqto. Ramungtan na siti nai mangjong hiq na siti winji hokhambi, winji tuwebi, kiimaq winji welabi ka Shiikeawe raq, Khristo lümaq siisaq phan sangto. Shiikeawe raq ara ra nai hiq thun ara apaiq lümaq siisaq tiiqto. Kiimaq apaiq miitu nguta tiiqto.

Hebrews 1:2

Shatmaq ümchaü sanha, ara phangthum wan pat she ngo maq, Shiikeawe raq nashiq ma tsii chongke ka, Ase nübok lümiishe bom dam tlo. Shiikeawe raq Ase lümaq, ara ra nai hiq ara phansang wanto. Kiimaq Shiikeawe raq Ase ka phangthum jai maq ara ra nai hiq thun wiita kunli ara rüm wan miitu ashong wan kun she.

Revelation 4:11

“Ümniika naishiq ma Tati shaq tsitsü paq Shiikeawe! Khushü jong, shreng manto, kiimaq ningkun wiita ka ümniirii li she. Ümniili phanrap phansangti we, ümniiraq athithi na phanrap tiidongti we, kiimaq tsitsü raüchong shamti we ka ümniili she.”