JEREMIA 34:3 - ASII LAKDAP Bible (BSI)

³ Ümniika lunlot maü. Re raq ümniika milap. Raüta apaiq ma mikiinong kuqbaiq. Ümniiraq apaiq ka mantut na chap laüta ümmak maq michhi haü. Laüta pumsii maq apaiq rai mirbom haü. Laütiishe ümniika Bebilon mung niishe miwa wanhaü.

Hawa Naga Bible 2001

³ Mnoz kuex dung lvp tuiux rvmuq; mnoz kuex kvlvp vtueq piq yauk nuex lekuy gay rvhumc tuiux. Mnoz rueq piq kuex khaungx rvhtux khiz shuiux nuiyc piq rulc rvbomc lvp tuiux; kvmaq mnoz kuex Babelon mungx nuex kaz wvnc tuiux.

JEREMIA 34:3 Referencias Cruzadas

JEREMIA 21:7

Shatmaq ümnaq nai ümjaqkhong na siti ajong alabi thun, kiimaq redong na tsaimak luntlaqti mungmaiqse thun kra, ramdong na tsaimakti thun kra, kiimaq thadong na tsaimak atiichongti thun kra, Ngi raq namshiq wiitarü ka Hokhamwe Nebukadnejar nai namshiq jaqtinok namshiq tseabaiq tankhan tlaqtinok jaqkhon mong na mikuqbaiqha. Nebukadnejar raq namshiq ka atsea mirbaiq. Apaiq raq namshiq ka jumin tiihang mak miraq. Kiimaq namshiq phong wa ju miimin tiihang mangchan riimakla mangchan tiitsi kuq mak miraq. Arka, Ngi, Tatiwe raq kiqtoq tan lata chongtiikang.”

JEREMIA 27:22

Kriithun ka Bebilon mung na mitsuq wan. Raüta Ngi raq itsantsii mikuqha shaq wiiwii, kriithun ka kiijiili mitiithü. Kra jai miishetiq Ngi raq kriithun ka ana hali milamho nongha. Lata arjaq hali mitiitsuq hoha. Lata thüchü chang na mitiithüha. Arka Ngi, Tatiwe raq toqtan tiikang.”

JEREMIA 32:28

Ngi raq ara chela arka ümchaü Bebilon mung hokhamwe Nebukadnejar nai apaiq phenlabi jaq khon mong niishe kiinong kuq baiq tiikang. Tsangshiq raq ara chela ka mijii wan.

JEREMIA 32:3

Hokhamwe Jedekia raq ngi ka kiijaq phaqtek na shaqto. Kriika ngi raq nang nga Tatiwe raq akha ngutlo nguta nokmaiqse ma tiitai laü nguta shaqto. Tatiwe bom ka akha, “Ngi raq Bebilon hokhamwe kiima ara chela ara tiikhat lata mitlapha.

JEREMIA 32:4

Kiimaq Hokhamwe Jedekia ka re jaq mong wa lunlot mak miraq. Apaiq ka Bebilon hokhamwe jaq khon mong na mikuqbaiq. Raüta apaiq raq Bebilon hokhamwe ka mantut na mirchhi. Raüta pumsii maq apaiq rai mirbom dam.

JEREMIA 34:21

Kiimahali, Ngi raq Juda mung Hokhamwe Jedekia nai awokhong na siti ajong alabi thun ka tsangshiq tseabaiq wantinok jaq khon mong niishe mikiinong kuqbaiqha. Ngi raq tsangshiq ka Bebilon mung phenlabi jaq khon mong na, jurwa namshiq khat mak she tsaqkitaq kra nok miishe mikiinong kuqbaiqha.

JEREMIA 34:4

Jedekia lei, Ngi raq ümnaq miitu jamlai wa chongtiikang kra tiitsang tailaq. Rekhat na ümniika tsaimaü mirhaü.

JEREMIA 37:17

Kra jai miishe Hokhamwe Jedekia raq ngi ka tiisheakito. Raüta apaiq raq ahokham jam maq ahukse maq ngi ma akha waito, “Riita Tatiwe nü wa tsütsa asi sha?” “Asi” nguta ngi raq abom ka trekang. “Ümniika Bebilon mung hokhamwe jaq na mikiinong kuqbaiq.”

JEREMIA 38:18

Shatmaq ümniiraq ümkhum ka tsangshiq ma kiinong kuq maü raüla, ara chela ka Bebilon mungti jaq khon mong niishe mikuqbaiq. Krai mren tsangshiq raq arka wa maq michaqbaiq. Kiimaq ümniimin tsangshiq jaqkhon mong wa lunlot maü mirhaü.”

JEREMIA 38:23

Kiijiishe ngi raq tiitsuq akha ngukang, “Namnyung tiim thun kiimaq namsetiim thun ka wiitarü Bebilon mungti jaq khon na mikiinong kuq baiq. Raüta tsangshiq raq mishea wan. Kiimaq ümniimin tsangshiq jaq khon mong wa lun lot maü mirhaü. Bebilon mungti hokhamwe raq ümniika munglu shumwi ma mishea wan. Raüta ara chela ka wa miishe michaq baiq. Raüta botkhulai rai mishotbaiq.”

EJEKIEL 12:13

Shatmaq Ngi raq apaiq tiimin chang chiiq chan lata mikheha. Lata apaiq ka mitiiminha. Latiishe ngi raq apaiq ka Bebilon chela niishe mishea wanha. Kiijaq apaiq ka makchuk maq siraütli she, jam min chhimak miili mitsai.

EJEKIEL 17:15

Shatmaq Juda mung hokhamwe raq kra tongshong kiqkham kra jinto. Raüta Ejip mung hokhamwe phana kumrang kong nai phenlabi pahea tiisheakai kiimwebi tiikito. Riita apaiq raq kra munglap wan nong miitu reshun tlaq ka mitang sha? Apaiq raq tongshong raütu runtlaq kriika mo hohü maq hangkilot mak!

EJEKIEL 17:16

Tati Rakaü Hiqwe raq ngutlo, “Tengteng, Ngi, atra Shiikeawe ka sitiikang wiiwii, ara hokhamwe ka Bebilon mung na mitsai wa. Jamkhano ngukla, apaiq ka Bebilon mung hokhamwe raq tongshong raüta, kiimaq apaiq ma tumkham tiinyang raüta, Juda mung na hokham ma shongthüto. Shatmaq apaiq raq tongshong tri jinto.

EJEKIEL 21:25

“Namshiq ka abi, Israil mung ka ashe jaqsham lanta peng wan lan. Namshiq ningthoi, atiithum khatham moho akhing ranaiq ka saü wanto she.