JEREMIA 20:4 - ASII LAKDAP Bible (BSI)

⁴ Tatiwe apaiq raq nguto, ‘Ngi raq ümniika ümniima nai ümkongtibi ma phiiptsi jiiptsi mitiijabaiqha. Kiimaq ümniiraq tsangshiq ka tsang jaqtinok raq nepja maq wiita ajiipbaiq wan kra michhihaü. Ngi raq Juda mungti kunli ka Bebilon mung hokhamwe jaqkhon mong niishe mikuq baiqha. Apaiq raq mungmaiqse wiijam ka munglu shumwi kong ma tsangmung na mitsuq wan. Kiimaq mungmaiqse wiijam ka re raq mijiipbaiq.

Hawa Naga Bible 2001

⁴ Yehowa rueq vpiq pumz maq jungx tueq, ‘Ngaz rueq mshauk pumz muinz mkungjix htenc muex muinz mnoz kuex kvhiz juing tvyaungc phaungx, tsuingshiq lotlaz kuex ralx hez yaung htenc maq thvy gay rvhumc tuex kuex mnoz rueq khiz shuiux. Ngaz rueq Yuda miqsaz lotlaz kuex Babelon hokhvmx luimc kawc khung nuex lekuq gay phaungx. Piq rueq wvyvmc kuex piq mungtan nuex wuinz saz muex thuq wvnc ruiux wvyvmc kuex vthvy rvgay tueq.

JEREMIA 20:4 Referencias Cruzadas

2 HOKHVMX 25:7

Jedekia makki na asetiim ka sebaiqto. Raütiishe Nebukadnejar raq Jedekia makpo wiinai ka atlat riibaiqto. Raüta apaiq ka jinraü kharü maq khatto. Raüta Bebilon mung na sheawanto.

Tvtsvmc 73:19

Tsangshiq ka tiihanghiiq miili she mitiithenbaiq; tsangshiq ka chongthum tiimiqchup she then wanto.

JEREMIA 13:10

Ara abinok raq ibom taimak ngiimtlo. Tsangshiq ka pinthum wanshakshak. Kiimaq abi thaq niimin abi klo wanti. Krai mren tsangshiq raq laihin phra thun shomnoq wanto. Kiimaq shiikumpanto. Kra ningkhan, tsangshiq ka ara patulong thun riimkitaq akhiisiisaq miriimki. Jamkam min taimak she.

JEREMIA 13:19

Juda mung wa shemai nü wang na siti chela thun ka re raq trotam maq akom phaq wan kun she. Jumin chela mong na nyap wa lot mak she. Juda mungti tlotli ka re raq munglu shumwikong ma pong mung na atsuq wan kun she.”

JEREMIA 19:15

Tsangshiq ma chongkang, Tati Ningkun Ajongwe raq akha nguto nguta, “Ngi raq ara chela khuthaq na nai ara tho apha na chela thun sitlaq tlotli na, ngi raq ümtinkhan chamchao mo mitiihoha ngutiiwa chongkang thun kra, kunkun she mitiihoha. Jamkhano ngukla namshiq ka nilan wanshak shaknok kiimaq Ngi raq jamlai wa chongtiikang kra taiman tlea tlan.”

JEREMIA 20:6

Kiimaq Pashur ümnaq ümpumsii kiimaq ümjamti thun thumthum ka re raq lap raüta Bebilon mung na mitsuq wan. Kiijaq ümniika mitsai haü. Kiimaq ümmaa ka kiijaq ümkongtitiim pahea ma arot akiq ümchuwa chongkuq laü kriiti rai adam na milap.’”

JEREMIA 25:9

‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.

JEREMIA 29:21

“Tati Ningkun Ajongwe, Israilnok Shiikeawe raq Kolaia se Ahab nai Maaseia se Jedekia raq apaiq mang na namshiq ma arot akiq bomtsi chongkuqtlaq kra miitu chongtlo. Apaiq raq chongto, apaiq raq tsangnai ka Bebilon Hokhamwe Nebukadnejar jaqkhon mong niishe mikiinong kuqbaiq wan. Raüta apaiq raq namshiq makki na tsangnai ka atsea mirbaiq.

JEREMIA 46:5

“Shatmaq Ngi raq jamlai wa chhitiikang?” nguta Tatiwe raq waito. “Tsangshiq ka akiinyii raüta jai na jang rang jang wanto. Tsangshiq phenlabi thun ka tiinamtok khat baiqto; tsang haisitsi ma phiip raq tsai wanto, raüta tsitsü panthit jutrangto, kiimaq tsangjai nü na liimak she.

JEREMIA 52:24

Arthaq niimin, phentu ajongwe Nebujaradan raq, munglu shumwi ma Ramwe Ajong Pinthumwe Seraia, apaiq jaithongti ramwe ajong Jephania, kiimaq shomjam liiti phongwa ajongbi wetsam tsuq wan damto.

JEREMIA 52:27

Ribla chela ka Hamath wang na. Kiijaq hokhamwe raq tsangshiq ka atiibuk riito. Raütiishe tsangshiq ka tiijiipbaiqto. Akha Juda mungti ka Bebilon mung na munglu shumwi ma tsuq wanto.

JEREMIA 6:25

Naishiq ka hiqshong niimin wakham mai she. Kiimaq chiiheawea lam niimin khumki lot mai she. Jamkhano ngukla nashiq khatti renok ka wiija wiipiq siisaq. Krai mren naishiq trotam na phiiptsi chang siisaqli.”

1 SAMUEL 2:33

Li jiimin, ngi raq ümsaü ümsetiim phong wa, maiq weshi ka atra mitiisi kang. Kiimaq apaiq ka ramwe jaqsham raüta ngi ka mishli wan. Shatmaq apaiq ka makchuk mijaki. Raüta aran phan chang jam min ahü she miraq. Kiimaq ümsaü ümsetiim ahinti ka wiita maiqjaq na mitsai.