JEREMIA 20:5 - ASII LAKDAP Bible (BSI)

⁵ Ngi ara chela na tsiiq nai nyamtum thun sitlaq kra tsang jaqtinok ma mitrunha kiimaq tachong hupsam thun ka wiita mitiinyea wanha. Kiimaq Juda mung wa hokhambi thun tsiiq nai nyamtum thun kriimin wiita thumthum mitiitsuq wanha. Raüta tsangshiq raq kriithun ka Bebilon mung na mihophaq wan.

Hawa Naga Bible 2001

⁵ Ngaz rueq vruex ghaqyungx wawc tsak vnyvmx lotlaz, ghaqyungx taungx vwawc nuiyc hup vsvmx lotlaz, Yuda hokhvmx bix tsak vnyvmx htenc kuex tsuingshiq ralx hez muex tvlvp gay shaungx, phvnx ruip saz Babelon mungx nuex lvmz wvnc wuez shuex.

JEREMIA 20:5 Referencias Cruzadas

2 KAÜWA WERAÜ 36:10

Lamsesat akhing she saü kiita Nebukadnejar raq Jehoiachin ka lapto. Raüta Bebilon mung na shumwi ma hit wanto. Kiimaq Shomjam wa tsiiq nai nyam tum thun kriimin howanto. Raütiishe Nebukadnejar raq Jehoiachin ma awa Jedekia kriishe Juda mung nai Jerusalem khuthaq na hokham ma shongto.

ISAIA 39:6

akhing ashi misaü wan, raüla üm hokham jam na hupsam ümchuwa sitlaq kra hutjok, ümtitiim raq ümchu wa tum na ümchaü ranaiq na saüli thüthütaq kra, tiisiirai Bebilon mung na mihophaq wan. Arjaq jamphan min tiichong mak miraq.

JEREMIA 12:12

Rumnyangkhi kumtsaiphii thun kra hamli na, rekong tsiiqtum thun tsoqsea kai kito. Ngi raq armung ka tiithumpak khatkai re tiikikang; jumin hansang maq silot mak she.

JEREMIA 15:13

Tatiwe raq ngi ma nguto, “Ngi raq re tiiki lata, Isenginok tsiiq tum thun kra mitrun wanha. Tsangshiq raq armung na ngarai pahea tangtaq kriikha na mo mitiihoha.

JEREMIA 17:3

Kiimaq rum na pum thun sitlaq kiijaq shomnoqtlo. Arthun ngarai kha na ngi raq namshiq tsiiq tum nyam tum thun totlan kra wiita namjaqtinok tiiki lata mitiihut wanha. Jamkhano ngukla nam mung hamli na namshiqnok raq ngarai pahea tangwan lan.

JEREMIA 3:24

Shatmaq Baal phra shomnoq wankai, maiqse ma jea tiingaüti phra kaü, shomnoq wankai. Kriikha na, nashiq nyamse thun thumto. Minsaü chhechhi kong wiita sumkai. Nase maiqwe setiim thun nai jechak setiim thun wiita sumkai. Man na richü pat maq phaho raüta, natitiim raq ümtinkhan wa hunnii wantaq raüta lapkap wantaq thun ka thum thum she sumphaq kai.

JEREMIA 32:24

“Bebilon mungti raq chela kra khat raüta jiiwan miitu chela trotam na hiqphong raüta hiqkhu thun she haito. Redong raq, ram raq haü wan raüta, kiimaq thadong raq jiim wan raüta chela mong na siti maiqse ka tsangshiq jaqkhon niishe mitsai. Ümniiraq jamlai wa chonglaü ümchaü sanha ümmakki niishe hongtha wanto.

JEREMIA 39:2

Riita Jedekia ka hokham jawanli maq wiiroqshi ri wiishi she angu na, kra rawii wa jipi lüblai lü na kra lüwa jiha ratiikaü ranaiq, na re raq Jerusalem chela kiitelong ruk thun kra tiibun siiqbaiq wanto.

JEREMIA 39:8

Kiimaq anü na Bebilon mungti phenlabi raq hokham jamkaü kra kiimaq mungmaiqse jam thun kra wa maq bunlak chaq baiqto. Raüta Jerusalem chela ruk thun kra wiita tiibun baiqto.

JEREMIA 4:20

Phanshi then wan jai, phanshi mithen wan; mung ka hiq maq hutse tiithenbaiqto she. Tiidongchhaq miili nashiq tombutiip thun ka tiithenbaiqto; khetuk chang thun ka bunlak buncha chaibaiqto.

AJONJÜ 1:10

Ajaqtinok raq atsiiq tum thun wiita tsuq wanto; Apaiq raq tsangshiq ka asii Shomjam mong na nyap wan chhito, Kiijaq Tatiwe raq pongmunti tiiwamak riito.

AJONJÜ 1:7

Jerusalem ka apaiq laqlaqse hiqmiq changkhü she, man niiwa jonglu kra tiimatlo, apaiq re jaq na saütaq akhing na, apaiq khrumti jumin ahü she, Ajaqtinok raq apaiq then jen ka, sunghea she slailiito.

AJONJÜ 4:12

Mungkanghiq hokhambi thun raq, Jerusalem chela ka re raq mikhat baiq nguta, akam min kammak riito. Shatmaq rewe kumlao raq, Jerusalem chela kilü, limham limhok raüta nyap wanto.

EJEKIEL 22:25

Mungtubi ka hangsikong raq ngam kaq raüta ngam riichhin phaqtlaq ikha ahok aho riitlo. Tsangshiq raq mung maiqse ka tsat baiqtlo. Raüta tsangshiq kampho kra nai tsangshiq tachong hupsam thun ka alaplap nyeahotlo. Kiimaq tsangshiq raq maiq tsatbaiqtaq raüta jechakre pahea manti nyungre ma tiijabaiqtlo.

DANIEL 1:2

Tatiwe raq apaiq ma Hokhamwe Jehoiakim ka tlapto. Kiimaq shomjam wa tsiiq anyam wiijam kiimin trunto. Apaiq raq shumwikong wiijam ka apaiq rai, Bebilon mung na apaiq phra kong shomjam na tsuq wanto. Raüta sepat lopi tsiiq atsuq wan ka shomjam na hupsam thüchang khok thun kiijaq thüto.

Hosea 13:15

Israilnok ka sangphii rü ikha nümrai raü min, shedong mung kumtsaiphii rahai kehea mitiisaüha. Tsangshiq khamnyang rai thun wiita mitrübaiqha. Tsangshiq khamchum süphut mitiisübaiqha. Ahea awa phanrap thumthum mishthen baiqha.