JEREMIA 20:3 - ASII LAKDAP Bible (BSI)

³ Kriimaq napjai ranap she Pashur raq ngi ka thong mong wa diibaiqto. Kiijaq ngi raq apaiq ma akha ngukang, “Tatiwe raq ümniika Pashur nguta mang mak dea. Apaiq raq ümmang ka, ‘Barap Binrii Na Phiiptsi li’ nguta mangto.

Hawa Naga Bible 2001

³ Nvp yix raungnvp, Pashhur rueq ngaz vkhvrc yanx ruiuz kuex dawc gay yix, ngaz rueq piq muex jungx tauk, “Yehowa rueq mnoz kuex Pashhur ngoz tueq muingc muq doc. Vpiq rueq vkuq muingc kuex ‘Baung Ruip saz nuex Kvhiz juing,’ ngoz yaq.

JEREMIA 20:3 Referencias Cruzadas

RAPHA HIQWA LAK 17:15

Shiikeawe raq Abraham ma nguto, “Ümniiraq ümjamti nyung ka Sarai nguta naqheakiq she. Ümchaü armiiphat apaiq mang ka Sara she miraq.

RAPHA HIQWA LAK 17:5

Ümmang ka Abram ka riimak she. Shatmaq Abraham she miraq. Jamkhano ngukla Ngi raq ümniika maiq phan pahea ma ati tiija tiikang.

RAPHA HIQWA LAK 32:28

Kriiwe raq nguto, “Ümmang ka Jakob riimak she. Ümniika Shiikeawe rai riikilaü kiimaq maiqrai min riikilaü. Laüta ümniiriisii tanglaü. Kra ningkhan ümmang ka Israil she miraq.”

Tvtsvmc 31:13

Ngi raq ijaqtibi pahea raq riishap shaütlaq kra taitiikang; ngi tro na phiiptsi chang siisaq sitlo. Tsangshiq raq ngi tseabaiq miitu mat raü süriitlo;

ISAIA 8:3

Kriijai maq ijamti nyung ka wiihanshe riito. Riita kra naino maiqwe se kriishe humkai. Kiijiishe Tati raq ngi ma, “No mang ka ‘Jaqlo-Runlaq-Thitthit-Teklaq,’ nguta nguto.

JEREMIA 19:2

Laüta Kolotak Kilamchong lam kiimaq kinphai na dongho laüta Hinnom Tan kiina kilaq nguta thaüto. Kiimaq kiijaq ngi ma apaiq raq jamlai tsütsa wa chongkuqjiiq kra chiiriim laüta chongkuqlaq nguta chongto.

JEREMIA 19:6

Arningkhan, akhing ashi misaü wan, kra saü wan raüla, ara hiqshong ba arka Topheth riimak la Hinnom Tan ngutiika ngumak she miraq. Kra ngorii na Maiqjiip Baiqchang Tan ngutiishe mingu.

JEREMIA 20:10

Ngi raq barapse na atsise maq maiq raq akha riichongtlo tai tiikang, “Barap binrii na phiiptsi chang tong long! Arkha na apaiq ka mungpengti rung na shok rong i!” Ngi ma tatishaqti raq dongdii min, ngi ka ümtincho wa dea wan jiiq nguta kli khesiqtlo. “Jursap, apaiq ka momin raili moraq miraq,” nguta tsangshiq liipan na riichongtlo. “Kriishe nguraü ka nashiq raq apaiq ka thiikho na mitiiminlot rong i. Laita nashiq phuk ka milamlot rong i.”

JEREMIA 29:29

Jephania raq kra lak ka ngi ma phat kuqto.

JEREMIA 46:5

“Shatmaq Ngi raq jamlai wa chhitiikang?” nguta Tatiwe raq waito. “Tsangshiq ka akiinyii raüta jai na jang rang jang wanto. Tsangshiq phenlabi thun ka tiinamtok khat baiqto; tsang haisitsi ma phiip raq tsai wanto, raüta tsitsü panthit jutrangto, kiimaq tsangjai nü na liimak she.

JEREMIA 6:25

Naishiq ka hiqshong niimin wakham mai she. Kiimaq chiiheawea lam niimin khumki lot mai she. Jamkhano ngukla nashiq khatti renok ka wiija wiipiq siisaq. Krai mren naishiq trotam na phiiptsi chang siisaqli.”

JEREMIA 7:32

Kiimaq kra ningkhan, jaina akhing ashi she misaü wan. Kra hiq ba mang ka Topheth lo, Hinnom Thungtan ngutiika ngumak she miraq. Shatmaq Maiq Riijiip Chang Tan ngutiishe mimang. Tsangshiq raq maiqmaa phong ka kriitan kiijaq milap. Jamkhano ngukla maiqmaa phong kra lapchang hiq ahin ka binmak she miraq.

AJONJÜ 2:22

Ümniiraq ijaqtinok ka heawan laüta, tsangshiq ngi tro na nga raüta, phiiptsi jiiptsi chiqdong redong she, tiiwiinum siq wan laü. Krai mren ümtsankhiq walüwa, tiichhikuq laü matdong ranaiq, jumin tiichhii lot mak riito. Ngi raq mangchan lata atiichhanchhi wan wa, isetiim wiita tsangshiq raq tsatbaiqto.

EJEKIEL 13:9

Ngi raq namshiq arot riisham makchhi chongti, lanta maiq tiishon riisham bom maq tiithai tlan kra miitu mo she mitiihoha. Namshiq ka isengi Israilnok raq adam na mungthung raüta bom riichong raüta thapthi wantlaq kiijaq lomlot man she mirhan. Kiimaq nokti mang waiq lakdam na namshiq mang ka ahü miraq. Namshiq ka nam mung na ümkhii riita jiimin jang wanlot man she mirhan. Kiijiishetiq namshiq raq Ngi ardea Tati Rakaü Hiqwe nguta misap han.

Acts 16:30

Kra miishe, apaiq raq Paul nai Silas ka kinphai na sheaho raütiishe, tsangnai ma, “Shiilang we nai, riita ngi raq i khum ara tiichhii miitu jamlai phan jaqsham chang wa miraq?” nguta tsangnai ma waito.