JEREMIA 14:12 - ASII LAKDAP Bible (BSI)

¹² Tsangshiq raq amang maq achu jaü raü min, ngi jaqwa khrum jaütlaq kra bom ka trekuq mang. Kiimaq tsangshiq raq ngi ma chaqtlii-honglu thun nai wong-honglu thun kuq raü min, ngi ka tsangshiq rai itsan riihea mang she. Kra rii na ngi raq tsangshiq ka re ma mitiijiipbaiqha, kiimaq ram tiidong lata mitiijiim baiqha kiimaq tha tiidong lata mitiijiimbaiqha.”

Hawa Naga Bible 2001

¹² Tsuingshiq rueq phuiuz svy mamc vtueq ngaz rueq romc kuy tvkoc tsuingshiq rueq thoz ruiux muinz tay kuq shaungx rvmuq; tsuingshiq rueq ngaz muex wvr maq jauk shomc kuy nuiyc vruiy vwungx shomc kuy shomc kuq ruiux doc muinz ngaz rueq raungc raq shaungx rvmuq. Kvkhoc ngoc mvnx, ngaz rueq tsuingshiq kuex ralx lungc, khvmc vrvmc nuiyc vmac vtsac htenc maq thvt gay shaungx,” ngoz tueq.

JEREMIA 14:12 Referencias Cruzadas

YOBA 27:9

Chamchao akhing na, tsangshiq hoqsii tlaq kra Shiikeawe raq mitai shea?

TAKSU LAK 1:28

Kra akhing na ümniiraq taksu tsii mirit haü. Shatmaq ngi raq tre mang she. Ümniiraq ngi rit ka shokchhum nochhum miphe haü. Shatmaq ngi ka hum maü she mirhaü.

TAKSU LAK 15:8

Maiqshaqti raq achu jaü raüla, Tatiwe ka chochikhiq; shatmaq abi ati maiqse raq, apaiq ma honglu atakuq ka, apaiq raq saisitlo.

TAKSU LAK 21:27

Ashutwe raq akuq honglu ka, Tatiwe raq tao mak. Akhek ka tsan na ajiq tiima raüta, honglu akuq kra saisitlo.

TAKSU LAK 28:9

Jurwa thungtri jin raüta sitlaq, kriiti achu jaü ka Shiikeawe raq, pinthum saisitlo.

ISAIA 58:3

Mungmaiqse raq waitlo, “Nashiq raq atu na amang maq achu jaramli wa mijaü, Tatiwe raq chhimak jiika? Nashiq ka dung seahü amang maq jaramli wa misi i, apaiq raq atsantsii kuqmak jiika?” Tatiwe raq tsangshiq ma ngutlo, “Riikhaq tengteng bomtsi ka ara. Namshiq raq amang maq achujaü tlan akhing na, namshiq riika maiqmii miitu kli tiimatlan. Kiimaq namshiq jaqshamtibi ka ahaihii riitlan.

JEREMIA 11:11

Arningkhan she ümchaü sanha, Ngi, Tatiwe, raq tsangshiq ka mitiithenbaiqha nguta honlam bom chongkuqtiikang. Kra then wan rahai saü wan raüjaq tsangshiq ka lunlot mak she miraq. Kra akhing na tsangshiq ka aho anyi raüta Ngi jaq wa khrum kuqlaq nguta mihoqtrang. Ngi raq tsangshiq bom ka taimang she mirha.

JEREMIA 11:14

Jeremia lei, arnok ara miitu ümniiraq ijaq wa achu naq jaükiq she. Kiimaq arnok ara miitu ümniiraq Ngi ma naq tiipaiqneakiq she. Tsangshiq ka ümtiikiiwa chamchao mirhum, kra akhing na ijaq wa khrum achu jaü raüla, Ngi raq tsangshiq achu jaü ka tre mang she.”

JEREMIA 15:1

Kiijiishe Tatiwe raq ngi ma nguto, “Mosheq nai Samuel ka arjaq Ngi rai chap raüta arnok miitu tiipaiqnea raü min, Ngi raq arnok ka tiihang kuq mang she. Tsangshiq ka imakki wa tiikibaiqlaq. Tsangshiq ka imakki wa tiikibaiqtlo laq.

JEREMIA 16:4

Tsangshiq ka thadong henghea phiiptsi chang dongtlaq kiina mijiim. Tsangshiq maajoti maiq jumin ahü miraq. Kiimaq tsangshiq maaphong kra lapsheti min ahü miraq. Tsang maaphong ka minsaü daiq phong wak na aphong ikha mirphong. Tsangshiq ka redong akhing na re raq mijiipbaiq, riimakla ramdong raq amang maq mijiim. Tsangshiq maaphong ka wushikong raq miphaq kiimaq rum wa ngam kong raq miphaq.

JEREMIA 21:6

Ngi raq ara chela na siti maiqse angu wiita loweatek mijiip baiqha; maiqse angu thun nai nyamse thun ka phiiptsi chang thabi dong raüta wiita adam na mijiim.

JEREMIA 24:10

Ngi raq re mitiidongha; ram mitiidongha; kiimaq tsangshiq khuthaq na tha mitiidongha; lata ara Ngi raq tsangshiq ma nai tsangtitiim ma akuqha mung arjaq maiq ka weshi min tiichong mang maq thumthum miqchup mitiijiimbaiqha.”

JEREMIA 32:24

“Bebilon mungti raq chela kra khat raüta jiiwan miitu chela trotam na hiqphong raüta hiqkhu thun she haito. Redong raq, ram raq haü wan raüta, kiimaq thadong raq jiim wan raüta chela mong na siti maiqse ka tsangshiq jaqkhon niishe mitsai. Ümniiraq jamlai wa chonglaü ümchaü sanha ümmakki niishe hongtha wanto.

JEREMIA 6:20

Tsangshiq raq Sheba mung wa homseng lam wan raüta honglu na chaqtlaq kra ngi ma jamlai liip wa? Riimakla pongmung luhea wa süsetapan homhea phan lam wan raüta honglu na chaqtlaq kra ngi ma jamlai liip wa? Tsangshiq raq ngi ma honglu kuq wantlaq kra ngi raq tao mang. Kiimaq tsangshiq raq ngi ma nyamse honglu takuq wan tlaq kra miitu min ngi ka shümü mang.

JEREMIA 8:13

“Ngi raq isenginok ka maiq weshi raq awak wa tsam riichom juttlaq ikha adam na riichom wan lungwiikang. Shatmaq tsangshiq ka spiqro na atsi ahü spiqro ikha; kiimaq phupmup chong na atsi ahü ikha; ajaq thun kiimin wiita ajung kaikun she. Arningkhan she Ngi raq pongmungti ma armung ara seawan miitu kiinong kuqbaiq kang.”

JEREMIA 9:16

Ngi raq tsangshiq ka maiq pong mungti thun mung luhea na, tsangshiq riimin sapmak kiimaq tsangtitiim riimin sap mak, mangtang ramangnok mung niishe munglu shumwikong ma mitiitsuq wanha. Lata ngi raq tsangshiq ka tiithumpak mitiithen baiqha shaq wiiwii, chiqse rewe pahea tiiki lata tsangshiq ka mitiikhat wanha.”

EJEKIEL 14:19

“Kiimaq Ngi raq kra mung na thadong henghea tiisaü lata kiimaq itsankhiq tsi ma, kra mungti maiq pahea tiijiimbaiqha jiila, maiqse nai nyamse thun nongnong jiipbaiq hala,

EJEKIEL 14:21

Tati Rakaü Hiqwe raq akha ngutlo: “Ngi raq Jerusalemti ma, ijaq wa abi pinthum phanblai mo tiihochang asi kra mitiisaüha. Arka redong, ramdong, rum ngamphong, kiimaq thadong mitiisaüha. Lata mungmaiqse kiimaq jam nyamse kong kra thumthum pili mijiip baiqha.

EJEKIEL 8:18

Tsangshiq raq itsankhiq walütu hengwa kriishe mihophaq. Ngi raq tsangshiq ka tiiwong kuq mang she. Kiimaq tiihang mangchan min tiichhikuq mang she. Tsangshiq raq ijaq wa achujaü ka ümtinkhan hong raüta jaü raü min, Ngi raq tsangshiq achu jaü ka trekuq mang she.”

Hosea 5:6

Tsangshiq skusekong nai jamnyamsekong kra tsuqho raüta, Tatiwe ma shomnoqkai nguta kitlo, shatmaq Tatiwe raq, tsangshiq honglu ka tao mak she miraq, apaiq raq tsangshiq ka miimbaiqto.

AMO LUIK DVP (AMOS) 5:21

Tatiwe raq ngutlo, “Namshiq raq ngi shomnoq wan poi klo tlan, kra ngi raq ninlot mang!

Mikha 3:4

Namshiq ningthoi ranaiq ka saü wanto she. Kra akhing na namshiq ka, mihoq phaq han. Shatmaq Tatiwe raq namshiq achu jaü tremak miraq. Apaiq raq namshiq achu jaü ka taimak she miraq. Jamkhano ngukla namshiq raq ashut thunglai pahea klo lan.

JEKERIA 7:13

Ngi raq tsangshiq ma tsii chongkuq kangta taiwi mak, kriikha niishe tsangshiq raq ümtiikiiwa achu jaü wan taq kriimin trekuq mangshe riikang.

MALAKI 1:10

Tati Ningkun Ajong Pinthumwe raq ngutlo, “Namshiq phong wa weshi ra raq Shomjam kilü thun ka shabaiq raüjaq ahea riichang wa nguta tiima tiikang. Kra nguraü ka namshiq raq athii ahü honglu thun ka iberongwacha na chaqki man mirhan wa. Ngi ka namshiq ma itsan heamak. Namshiq raq honglu kuq tlan ka tao mang.

MALAKI 2:13

Kiimahali namshiq ara ajiq kiimung ashi klo tlan ka ara. Namshiq ka aho asii hoq trang lanta, Tatiwe berong-wacha ka wiita tiipiim baiq tlan. Jamkhano ngukla, namshiq raq akuqhan honglu ka Tatiwe raq tao mak she.

Revelation 6:8

Kiijaq ngi raq liikang. Kiimaq lütaitai kaü, kumrang ashi chhikang. Kriithaq na chaoti we mang ka Tsailam we nguta chongtlo. Kiimaq apaiq jaiphanti we mang ka Wulum we nguta chongto. Tsangnai ma mangjong maiqse ka, manblai wa manshi rii ka redong na, ramdong na, kiimaq thadong raq, kiimaq rum ngamse lümaq tiijiip baiq miitu arang kuqto.