JEREMIA 2:7 - ASII LAKDAP Bible (BSI) Ngi raq tsangshiq ka hiqpo hiq win mung na tsuq wan kang, aphe arong ma shongnga wan miitu ahea awa phan lap phaq sea wan miitu. Shatmaq tsangshiq raq ihiqshong ka khoti tiithen baiqto; ngi raq tsangshiq ma akuqha mung ka tiisheshi baiqto. Hawa Naga Bible 2001 Ngaz rueq nuimshiq kuex ghaq vbur mungx nuex tuiz vtsvmz nuiyc vganc vhvlx phvnx ruip saz kuex tv-phuiuz svy tvkoc shvlx wvnc phaungx. Yuq muinz tsuingshiq rueq ngvy mungtan kuex tvbac gay tueq; tsuingshiq muex ngaz rueq vkuq mungtan kuex tvshuy shac gay tueq. |
Ümsengi nok raq long maq aruk chela thun wiita khat wan raüta jii wanto; hiqpo hiqwin hiqshong ramsea asi, jam awak chaq nai seng tum aphong, jamkea na khappong theje, Olip petsi ro chhije, petsi wiqtsam ro aphong, kiimaq spiqro aphong chhije kuq wan laü. Krai mren, tsangshiq ka wok phetak tak maq, rongboq phaqsiq wanto. Ümtin khan wa ümniiraq ahea awa phan, tsangshiq ma kuq wan laü, tsangshiq raq polokhiq phaqsiq wanto.
“Shatmaq ümsenginok raq, maiqmii wela jawanto, ümbom taimak, ümkiq akhii riiwanto. Tsangshiq ma akuq haü, Thungtri ka jainong nü maq shungbaiq wanto. Tsangshiq ma tsii chongke wanti, shammibi ka atsea riibaiqto. Ümniipha na jang wan ronglaq nguta, bom chongke wanti shammibi wiita, tsatbaiq wanto. Tsangshiq raq ümniika bliiq kiki, shummii shipoq wanto.
Tati Ajong Pinthumwe raq tsangshiq ma achu mishmankuq. Raüta, “Ngi raq namshiq mishman kang, Isenginok Ejip mungti lei; namshiq, Asiria mungti, Ngi raq aphan sangha; kiimaq, namshiq, Israilnok ka, Ngi raq tingsang atsea arwanha Isenginok lei,” nguta mingu.
Ngi raq tsangshiq ka tsangshiq ngarai ümchuwa klo wantaq kra thaq na thep tliip lata tsangshiq ma mithamkuqha. Tsangshiq raq thep liip raüta imo ka miho. Jamkhano ngukla tsangshiq raq ngi raq akuqha mungtan ka tsitsü ahü sumla phra phong kra noq wan raüta wiita tiisheshi baiq wanto. Kiimaq tsangshiq raq arot akiq phra phong kra hiqma rama phong wan raüta ihiq shong ka tiisheshi wanto.”
Tatiwe raq ngutlo, “Riita maiq weshi raq tsang nyung ka amiim mirbaiq. Kiimaq kra junshu nyung ka tsangwe baiqthü raüta maiq weshi miishe miwa wan. Raüla wechüwe raq tsangnyung rom kai nong maimak she. Akha singa raüka mung ka wiita ashe shekhiq miishe mijaki. Shatmaq Israil lei, ümniika ümwesetiim maiq apawiq rai she silaü. Riita ümchaü ka ngi phana hali jang wan nong rotlaü!
Liilaq! hiilam hiqpot thun kiijaq. Ümniika mephe-nyung ma jalaüta nga wan maü dea hiq ba ka asi shea? Arabnok raq rumnyangkhi kumtsaiphii bin jü maq maiq wanhiq khumti kra tek ma khetlaq ikha, ümniiriimin tungkii lamkii thun kiimaq ngalaüta ümkongtiwetiim khe tlaü kata. Ümniiraq ümsethoq ja maq mung ka tiisheshi baiqlaü she.
Kiimaq apaiq ka ajeasi ngutiimin ahü. Apaiq raq mung ka wiita tiisheshi baiqto. Kiimaq apaiq raq longkaü thun nai pechong thun kra shomnoq raüta awese sishatmaq sethoq ja ngarai tangto.
Shatmaq tsangshiq ka ümtiikiiwa armung na saüwantaq, raüta armung ka jiiwantaq, raüta hiq ka lap wantaq, tsangshiq raq ümniiraq akuq haü aming raütu thun ka lang wan mak riito. Kiimaq ümniiraq ashrinkuq haü, tri raütu kra phanphan siwan mak riito. Ümniiraq ümchuwa aming thun tsangshiq ma kuq laü thun kra akhiismin lang mak riito. Kriikha niishe ümniiraq tsangshiq khuthaq na atin khan thenjen chamchao she tiisaü kuq laü.
Man na tsang mung ka dongpha wanji niiphü, Israilnok mungti nai Juda mungtinok raq itsan ka tiibi wanto. Raüta tsangshiq jaqsham ashut aphit klo wantaq kra lümaq itsan ka tiikhiq wanto.
Ngi raq ara jamkhano sinkham kang ngukla tsangshiq raq Ngi aming raüta thun kra wiita shishe wanto. Raüta itri raütu thun ka wiita jinbaiq wanto. Kiimaq Asii Niitiitsak Ranaiq ka wiita tiisheshi baiq wanto. Raüta tsangtitiim pat na shomnoq wantaq sumla phra thun kra shomnoq wanto.
Ngi raq tsangshiq ma mungtan ashi mikuqha nguta kiqkham kuqkang kra mung niishe shea wan kang. Ümtiikiiwa tsangshiq raq kiijaq ku akin thun ka diiluluwiq siisaq kiimaq pero pahea ajaq thun waichat chat hea kra chhito. Kra chhi raüta pechong tong thun tiikham raüta tsangshiq raq honglu thun takuq wanto. Tsangshiq kra honglu thun kra takuq raüta wa na chaqto kiimaq tsangshiq raq che honglu thun kuqto. Raüta itsan tiikhiq wanto.
Kra akhing na, Ngi raq tsangshiq ma tsangshiq ka Ejip mung wa ashea mirwanha. Lata Ngi raq tingsang atsea arwanha hiqpo hiqwin mungtan ashi, mangjong tlot li na ahea pinthum mung kiijaq mishea wanha nguta ikiq khamkuq kang.
Riita ümchaü, Tati Rakaü Hiqwe raq akha ngutlo: “Ümniika iwokhong wa dongho laüta, Ngi ka laqbaiq laü kiimaq jainong maq shungthü laüta sethoq jatlaü kiimaq mephe jatlaü kra khaniishe ümniika michamchao haü.”
“Maiqse lei, man na Israilnok ka tsang mung na siji na, tsangshiq rilung ashe kiimaq ashut jaqsham wantaq kra lümaq mung hiqkhu rakhu ka tiisheshi baiqto. Ngi raq tsangshiq rilung ka jechakre kheasam bala ashe sitlaq ikha ashe lü wan kang.
Israilnok ka Tatiwe raq akuq tsangmung na silu mak she miraq. Tsangshiq ka re raq Ejip mung na hali mitsuqho nong. Kiimaq Asiria mung niishe mitsuq wan. Raüta kiijaq apii chang phan kriishe miphaqsiq wan.
Tiido ronglaq! lanta namchiim jintlo ronglaq. Namshiq chapngachang ka ajaq ahüshe. Namshiq maiqmii thiikho thülan, kiijiishe midea wan han. Lanta laimiq ümwa wan han.
Raüta tsangshiq raq Mosheq ma akha nguto, “Naishiq raq mung ka liiwakai. Laita mung ka chiithe jong hiq kiimaq hiqpo hiq win mung chhiwakai. Arjaq lamhokai petsi wiq tsam tu thun arli liimanta.
kra maiq maa ka ra washi kiikhiili tiipaq shat ka thü raa mak. Kra maiq maa ka kra ranaiq li lap thü chang. Jamkhano ngukla maiq maa pekham chong na tiipaq shat la thü raüla kra mung na Shiikeawe manson she misaüki. Maiq maa ka lam lanta alap riithü ronglaq. Tatiwe üm Shiikeawe raq ümniima kuqtlaq mung ka naq tiishekiq.
Tatiwe raq jamlai wa riikhaqli kiimaq ahea ngutlaq kriili riikhaqli maq jaq ka sham ronglaq. Kra riihan jiila namshiq ma jamlai min ngusiq mak, khusang rakhang maq misihan. Namshiq raq kra hiqpo hiq win mung Tatiwe raq namtitiim ma mikuqha nguta kiq akhamkuq kra jiiwan lanta milap wan lot han.