JEREMIA 3:9 - ASII LAKDAP Bible (BSI)

⁹ Kiimaq apaiq ka ajeasi ngutiimin ahü. Apaiq raq mung ka wiita tiisheshi baiqto. Kiimaq apaiq raq longkaü thun nai pechong thun kra shomnoq raüta awese sishatmaq sethoq ja ngarai tangto.

Hawa Naga Bible 2001

⁹ vyvlc svy vguez. Piq rueq ghaq vraungx kuex tvshuy shac vtueq, piq rueq lung nuiyc pulx htenc kuex nawk palx ruiux yaq phaq tueq.

JEREMIA 3:9 Referencias Cruzadas

ISAIA 57:3

Ana warong ra, namshiq ngarai maiqsetiim, namshiq kha ka tiipho wa rongkiq! Namshiq ka maiqwuq maiqlongti nai achak sishat taü maq maiqchak rai sra kaitibi nai mephe nyungre ikhli sitlan.

ISAIA 57:6

Namshiq raq kiiwa longkaü kaünyea nyea thun kra lam lantea tisho kong nguta noqtlan. Namshiq raq che khap ka honglu na tsangshiq ma raü kuqtlan kiimaq rai awong honglu thun kuqtlan. Namshiq nga Ngi ka arthun klotlan arma chochitlo ngutiisha tiimatlan?

JEREMIA 10:8

Tsangshiq tlotli ka maiqjiq kiimaq angikong. Pe sumla phong kriiwa tsangshiq raq jamlai wa misap tsin?

JEREMIA 16:18

Ngi raq tsangshiq ka tsangshiq ngarai ümchuwa klo wantaq kra thaq na thep tliip lata tsangshiq ma mithamkuqha. Tsangshiq raq thep liip raüta imo ka miho. Jamkhano ngukla tsangshiq raq ngi raq akuqha mungtan ka tsitsü ahü sumla phra phong kra noq wan raüta wiita tiisheshi baiq wanto. Kiimaq tsangshiq raq arot akiq phra phong kra hiqma rama phong wan raüta ihiq shong ka tiisheshi wanto.”

JEREMIA 2:27

Namshiq wiitarü khushü mijam— namshiq raq pechong ashi kra nang nga ümwe nguta ngutlan, kiimaq longkaü nang nga nam nyung nguta ngutlan kata. Ara jamkhano mirhum han ngukla, namshiq ka iwokhong na sihan chang wa, kinphai na juho lan. Shatmaq ümtiikiiwa namshiq raq chamchao riihumtlan, namshiq raq ngi nang nga kira laüta tiichhiikuq laq nguta ngutlan.

JEREMIA 2:7

Ngi raq tsangshiq ka hiqpo hiq win mung na tsuq wan kang, aphe arong ma shongnga wan miitu ahea awa phan lap phaq sea wan miitu. Shatmaq tsangshiq raq ihiqshong ka khoti tiithen baiqto; ngi raq tsangshiq ma akuqha mung ka tiisheshi baiqto.

JEREMIA 3:2

Liilaq! hiilam hiqpot thun kiijaq. Ümniika mephe-nyung ma jalaüta nga wan maü dea hiq ba ka asi shea? Arabnok raq rumnyangkhi kumtsaiphii bin jü maq maiq wanhiq khumti kra tek ma khetlaq ikha, ümniiriimin tungkii lamkii thun kiimaq ngalaüta ümkongtiwetiim khe tlaü kata. Ümniiraq ümsethoq ja maq mung ka tiisheshi baiqlaü she.

EJEKIEL 16:17

Kiimaq Ngi raq akuqha kampho nai chaq laktum thun kra lamho laüta, maiqwe kaütiim sumla phra hai laü. Laüta tsangshiq rai sethoq kiicham laüta siwan laü.

EJEKIEL 23:10

Tsangshiq raq akhu akhea ka chhutbaiqto. Raüta naiqhü ma riito. Raüta asetiim maiqwe sere nai jechak sere kong ka wiita lapto. Raüta nepja maq jiipbaiqto. Jechakre barap binriiti raq apaiq rilung miq wantaq kra botrap botrii riichong siqto.

EJEKIEL 23:21

(Oholiba, ümniiriika man na noseji na Ejip mung na siji na maiqwe re ma ümnyakpü ka tiisham siq laüta, junsang rilung ka tiimobaiq laü, laüta shut laü ikha hali, ümchaü min kra sethoq ja ka bliiqkinong tlaü kata.)

EJEKIEL 23:3

Tsangnai ka jetuji na, Ejip mung na sito. Raüta tsangnai raq junsang rilung ka tiimobaiqto. Kiimaq tsangnai ka mephe ma jakito.

Hosea 2:2

Shiikeawe raq Israilnok ma ngutlo, “Isetiim lei, namnyung ma tsii chongkuq ronglaq. Namnyung ka ümchaü ichak riimak she. Kiimaq ngi min awese ka riimang she. Apaiq raq sethoq jasha kra thaqbaiq tlo raüjaq ahea miraq. Kiimaq mephe nyung miika jamak she nguraü jaq ahea miraq.”

Hosea 4:12

Liimanta! tsangshiq raq pepan kiima, shammi bom chong laq, nguta riibom dam tlo! teitlang chang piq kii ma, ‘Chongkuq laq’ nguta bom wai tlo! Tsangshiq raq ngi ka miimbaiqto. Raüta mephe-nyung ikha, tsangshiq sumla puk na nyap wanto.

Yoel 1:19

Tatiwe lei, ngi ümman na hoqsii tiikang, nyamse rüm chang sang rü ahüshe. Pechong wiirü min ahü she. Wa maq wiita chaq baiqto.

HABAKUK 2:19

Phiiptsi chang jo, ümniima! Pepan nang nga, “Akonwa samlaq” nguta hea tlaü! Longkaü nang nga, “Tiido laq!” nguta hea tlaü. Phra Sumla raq ümniima, shammi bom michongkuq shea? Arka chaq ngam nai kampho ngam maq li alorat, akhum na tsitsü ahü.

Matthew 5:32

Shatmaq ümchaü ngi raq namshiq ma chongpha: Jurwa tsang-nyung ka maiq rai sra mak shatmaq, laihin khü akha ka nyan raüta miimbaiq tlaq, kiimaq apaiq raq miimbaiq jai she, tsang-nyung ka maiq wenye miishe wawan raü la, tsangwe wechüwe raq tsang-nyung ma maiqwe rai sra ngarai kra tiitang wan ma mija. Kiimaq tsangwe wenye we riimin, maiq-nyung rai sra ngarai tang ma mija.”