JEREMIA 3:8 - ASII LAKDAP Bible (BSI)

⁸ Juda raq ngi raq Israil ka miimbaiq kang she. Lata ijam wa jobaiq kang. Jamkhano ngukla apaiq ka iwokhong wa juho raüta mephe-nyung miishe jakito ngutiimin sapshat. Shatmaq Israil nyino nyung sethoq nyung Juda ka ahaisi ka ahü. Apaiq kiimin mephe-nyung ma jakito.

Hawa Naga Bible 2001

⁸ Israel kuex ngaz kox wawc kvroz kaz wvnc vtueq mephex muex yaungc ningkhvnc nuex ngaz rueq piq kuex shurc gay ruiux vluz nuex tvkaz gay tauk. Yuq muinz Israel muex vnox tvmtuing vguez Yuda kuex hiz muq. Piq muinz mephex nyuiuz muex yaungx vtueq

JEREMIA 3:8 Referencias Cruzadas

2 KAÜWA WERAÜ 21:11

Apaiq riika Juda mung na kin thun kiijaq thatsang chang shomjam thun haito. Raüta Juda mungti nai Jerusalemti ma Tatiwe man na ngarai pahea tiitangto.

ISAIA 50:1

Tatiwe raq ngutlo, “Ümniinga Ngi raq isenginok ka jobaiqkang maiq weshi raq achak miimbaiqtlaq ikha ngutiisha tiima tlaü? Ikhiijiika, amiim lak ka ümbano? Ümniinga Ngi raq ümniika maiq jaq na shumwi ma shabaiqto, awe raq asetiim ka di ma shaphatlaq ikha ngutiisha tiima tlaü? Riimak, ümniika ümngarai tang kha na shumwi ma maiqjaq khon na wawan laü. Ümnaq maiqdi ma tiiwabaiqtaq kriika ümniiraq kha pahea tang khana tiiwa baiqto.

JEREMIA 2:19

Ümniiraq abi kiimungtlaü kriiraq ümniima mo mitiiho, kiimaq ümniika iwokhong wa dongho laü kra riili ümniika mitiishut. Arka ümtinkhan akhap wa kiimaq ashut wa kra misap haü, ngi miimthü laü, Tatiwe, üm Shiikeawe, kiimaq iwokhong na simang she nguta kiholaü kra. Arka, Ngi, Ajong Pinthum Tatiwe raq ngutiikang.”

JEREMIA 3:1

Tatiwe raq ngutlo, “Riita maiq weshi raq tsang nyung ka amiim mirbaiq. Kiimaq kra junshu nyung ka tsangwe baiqthü raüta maiq weshi miishe miwa wan. Raüla wechüwe raq tsangnyung rom kai nong maimak she. Akha singa raüka mung ka wiita ashe shekhiq miishe mijaki. Shatmaq Israil lei, ümniika ümwesetiim maiq apawiq rai she silaü. Riita ümchaü ka ngi phana hali jang wan nong rotlaü!

JEREMIA 33:24

“Ngi raq Israil phan nai Juda phan, ara maiq ta tanai ara Ngi raq atsea wanha riishatmaq, Ngi raq tsangshiq ka tiishaü baiqto nguta nanok bom riichong raitlaq kra ümniiraq taitlaü shea? Krai mren, tsangshiq raq isenginok ka shummii shaqshaq chuphit nüphit liitlo. Kiimaq tsangshiq ka maiq mung ashiti nguta weamak she.

JEREMIA 5:7

Tatiwe raq waito, “Ngi raq isenginok ngarai ka jam nguto midiikuqha? Tsangshiq raq ngi miimbaiqto. Raüta phra thun, riikhaqli tisho riimak kra shomnoq wanto. Ngi raq isenginok ka wok phetaktak dunghiq wan kang. Shatmaq tsangshiq raq sethoq ngarai tangto. Raüta tsangshiq akhing ka mephe nyungre rai siwanto.

EJEKIEL 16:46

“Ümnyi nyikhu nyung ka shekhu nü mung wa Samaria chela. Apaiq tro na hiqshong thun kra apaiq rai romshaq. Kiimaq ümniima ano nyung ka apaiq tro na hiqshong thun romshaq maq shemai nü na Sodom chela sitlo.

EJEKIEL 16:47

Riita, ümniiriimin tsangshiq jaiphan phan tsangshiq jamkho maiqphai asi shonga wantaq kiikhiisii siwan sha rotlaü? Riimak. Ümnap ümji ajejeti dongdii min, ümniiriika tsangshiq nam ma naolaq, tiibitaq nü maq chonglot mai chang ashut klo wan laü ihata.

EJEKIEL 16:51

“Samaria chela riika ümniiraq ngarai ümchuwa tanglaü, kra khoko min tang mak dea. Apaiq raq ümchuwa klo wantaq, kriithaq na chan chan, ümniiraq maiqphai asi ngarai pahea klo laü. Ümniiraq ümtinkhan wa ashe ashi klotlaü kriimaq thapthi raü ka, ümnyino nyung ka ngarai tang mak nyung ikha jatlo.

EJEKIEL 23:44

Tsangshiq ka ara mephe nyungnai phana jangki jangwa li kiicham siqtlo. Kra maiqkong ka sethoq nyungnai Ohola nai Oholiba phana hali jang wan nongto. Kra sethoq nyungnai phana.

EJEKIEL 23:9

Kriikha niishe Ngi raq apaiq ka Asiria mungti akongtiwetiim, apaiq raq kai lungwiitlaqti thun miishe kiinong kuqbaiq kang.

Hosea 3:4

Akhiisii hali, Israilnok kiimin akhing luhea tsangshiq rümti hokhambi min ahü maq lo welabi min ahü maq siwan chang miraq. Kiimaq Shiikeawe ma honglu min kewan hümiili riimak la, asii honglu wacha longshong kaü thun min ahü miili siwan chang miraq. Kiimaq langlii wan chang nai teitlang chang sumla thun kiimin ahü miili siwan chang miraq.

TRI CHONGKE 24:1

“Bom shiiton maiq weshi raq jechak nyungshi ka milam. Shatmaq alam jai miishe apaiq raq achak ka romang she nguta mithap thi wan. Jamkhano ngukla apaiq raq kriinyung rong arai ka romak. Kra ningkhan apaiq raq kriinyung ma amiimbaiq lak kra waiq raüta, kriinyung jaq na mikuq. Raüta kriinyung ka ajam wa mijobaiq.

TRI CHONGKE 24:3

Kiimahali kra wenyewe kra riimin kriinyung ka romak. Kra ningkhan apaiq riimin achak miimbaiq lak kra waiq raüta kriinyung jaq na mikuq. Raütiishe are nyung ka apaiq raq ajam wa ajoshe mirbaiq. Riimakla, awese anai ngojawe kra atsai mirki ngu i.