JEREMIA 2:8 - ASII LAKDAP Bible (BSI)

⁸ Ramwebi raq, ‘Tatiwe ha ümbano?’ nguta waimak, Iramwebi raq ngi sapmak. Mungtubi raq ikiq khü wanto; shammibi raq Baal phra mang na tra howanto, kiimaq thiihü sumla thun shomnoq wanto.

Hawa Naga Bible 2001

⁸ Shomc waz bix rueq, ‘Yehowa kuex m-yuq lac?’ ngoz tueq wiz muq, ngvy shomc waz bix rueq ngaz kuex tuiuz muq. Guimz lawc jix hez rueq ngaz kuex khawx lvlx wuez yaq; shomc waz bix rueq Bala muingc ruingc vtueq jungx ruiux khuec guez yac yuimx htenc kuex nawk palx wuez yaq.

JEREMIA 2:8 Referencias Cruzadas

1 HOKHVMX 18:22

Kiijiishe Elija raq nguto, “Tatiwe shammi ka ümchaü ngi laqlaqseli she tiichong tiikang. Shatmaq Baal shammibi ka 450 asi kata.

1 HOKHVMX 18:29

Akha tsangshiq ka ranaiq shethung shekham na saüli ragi hiqsii hoqsii trangto. Shatmaq tsangshiq achu jaü ka jurmin tre mak dea, achu jaü tre maiqbom maiqsa min ahü riito.

1 HOKHVMX 18:40

Kiijiishe Elija raq, “Baal shammibi thun kra laptlo ronglaq. Tsangshiq phong wa weshi ra min naq tiiju rongkiq!” nguta aming kuqto. Mungmaiqse raq tsangshiq ka tarü laphoto. Kiimaq Elija tsangshiq ka Kishon Jürai kiiniishe sheahoto. Raüta tsangshiq ka jiipbaiqto.

YOBA 35:10

Shatmaq tsangshiq ka tsang Phansangti Shiikeawe pha na wamak, apaiq ka tsangshiq ma ranyaq mong na sitlaq akhing na ran tsantsii tiichhiketiwe.

ISAIA 28:7

Liimanta, shammibi nai ramwebi thun kiimin chephe makaiq chhaq. Che raq chokrai raüta, akü alii watrang, rakli ropli siisaq. Tsangshiq ka chetsai nai laohu chanhea baknyang raüta chokrai kha maq, sunghü tsiihü kiimaq mangrang miira siisaq. Shammibi ka pinthum cherop kong kha maq, Shiikeawe raq riisham makchhi tiichhikuqtlaq kriimin taktsü mak she. Kiimaq ramwebi kiimin chephe makaiq siisaq kha maq, tsangshiq ma kha shokwatlaq kriimin phokuq tsümak she.

ISAIA 29:10

Tatiwe raq namshiq ka tiinguk miiliiq she tiiphepii baiqto. Lantea akon makaiq she mikon wan han kata. Shammibi ka mungmaiqse ma makpo jachang wa, Shiikeawe raq tsangshiq mak ka khea maq jobbaiqto.

ISAIA 30:5

Li jiimin, Juda mungti ka jaimaq pinthum atiishudaq mirwan. Jamkhano ngukla tsangshiq raq akam seachang mung riimak, tijong hophaq tsin maknok ma, tsangshiq kamtsantsii ka thü wanto, tsangshiq ma ran raüta tijong thükiita khoti, tsangshiq kli tiishaübaiq rat.”

JEREMIA 10:21

Ngi raq trekang, “Nashiqnok welabi ka maiqjiq kong; tsangshiq raq Tatiwe jaq wa hon atsii waimak. Arningkhan tsangshiq shutto, kriikha na nashiqnok ka wiita nyinbaiqto.

JEREMIA 12:10

Pong mungti hokhambi pahea wa raüta ispiq ro ka tiithen baiqto; tsangshiq raq iwak thun ji maq nibaiqto; tsangshiq raq imung tsomhea ka rumnyangkhi kumtsaiphii ma tiijabaiqto.

JEREMIA 16:19

Tatiwe ümniikli ngi khup wongtiwe kiimaq ngi ma ningkun shoqketiwe. Ümniiraq ngi ka litkot chamchao ranaiq na khrum kuq tlaü. Maiqmung pahea wa maiq ka ümphana wa raüta, akha mingu, “Naititiim pat na jam min ahü shaqmii siwanto. Tsangshiq raq arot phra phongkli shomnoq wanto. Jamlai liip min ahü, shatmaq thiihü sumla phra phong kli shiili liiwanto.

JEREMIA 18:18

Kiijiishe nokmaiqse raq nguto, “Jeremia ara jamkhii riichangwa riichong rong i! Nashiq ma shrinketi ramwebi ka wranaiqshe siruq miraq. Kiimaq nashiq danhonti taksubi kiimin asi miraq. Kiimaq Shiikeawe bomtsi chiiriim raüta chongketi shammibi ri asi. Apaiq ma kha pahea nyan rong i. Laita apaiq traho ka taimai she shishe baiq rong i.”

JEREMIA 2:11

Maiq junok mungti riimin tsangshiq phra thun ka klaimak, tsangshiq phra thun ka riikhaqli phra riimakli jumin klaimak, Shatmaq isenginok raq Ngi ka klaibaiqto, tsangshiq ma shreng manto ketiwe ka, tsangshiq ma jamlai min shamkuq tsümak phra thun maq klaibaiqto.

JEREMIA 2:6

Tsangshiq raq ngi bro riimak, ngi raq tsangshiq ka Ejip mung wa chhii wan kang, lata tsangshiq ka rumnyangkhi binjü maq shea wan kang: bintang jüngi nai kumtsaiphii phong lam maq, shinriiqriiq kiimaq maiqhai asi bin lam maq, kiijaq maiq jumin silot mak, kiimaq maiq jumin khumki mak lam maq.

JEREMIA 4:22

Tatiwe raq ngutlo, “Isenginok ka maiqjiq angikong; tsangshiq raq ngi sap mak. Tsangshiq ka nosere maiqjiqse kong ikha; tsangshiq raq takmak. Tsangshiq ka abi kiimung lam na siimakong, shatmaq jaqsham ahea phan sham ka sapmak.”

JEREMIA 5:31

Shammibi raq arot akiq kriili chongtlo. Ramwebi raq mung ka shammibi aming kra phan phan pengtlo. Kiimaq isenginok raq tsangshiq kiq ka khii wan tsü mak. Shatmaq arthun ara athum riiwantlaq kiijaq tsangshiq raq jamlai she wa miraq?”

JEREMIA 7:8

“Liironglaq, namshiq ka laopha bomtsi kiima kamsiq lantea sitlan.

JEREMIA 9:14

Kra langwan la na, tsangshiq tsantsii ka wanshakshak siwanto. Raüta tsangwetiim raq ashrinkuq thü Baal phra sumla thun kli shomnoq wanto.

EJEKIEL 22:26

Ramwebi raq itri raütu thun kra jintlo. Kiimaq jamlai wa asii hupsam thun kra shreng mak riitlo. Tsangshiq raq asii phan nai siimak phan hupsam liipan na atsea atsiiq chang nguta sap mak. Tsangshiq raq maiqse ma asii phan hupsam nai ashe ashi phan hupsam liipan na arai arii raüta shrinkuq mak. Kiimaq tsangshiq raq Asii Niitiitsak Ranaiq ka shili shaqlaqli liitlo. Kra ningkhan na Israilnok raq Ngi ka shreng mak.

EJEKIEL 34:2

“Maiqse lei, Israil mung rümti tuwebi ka tiinamtok tamlaq. Tsangshiq ma riisham bom maq tiithailaq. Tsangshiq ma, Ngi, Tati Rakaü Hiqwe raq jamlai mra wa tiiho tiikang kra chongkuqlaq: Namshiq ka miqlan she. Israil mung pengti sku rümtibi namshiq ka thenlan she! Namshiq raq maiqmii wokpo kli tiipaotlan. Skusekong ka shiili man.

Hosea 4:6

Isenginok ka thento she. Tsangshiq raq ngi ka juwa sapmak kha na. Namshiq ramwebi raq ngi sapman shishe wan lan. Kiimaq ngi raq ashrinkuqha tri shishe wan lan, kra ningkhan ngi riimin namshiq ka shleqbaiq tiikang, kiimaq namsetiim ka ka ngi ramwebi ma nguta thüwan mang she mirha.

HABAKUK 2:18

Phra sumla aliip asi shea? Arka maiq jaq maq ahai kata. Ariiraq ümniima jamlai wa michong? Arot bomli khata michong! Sumla raq apaiq tiiqtiwe ma, jamlai wa mikuq? Phra nguraü abom min ahü!

Matthew 16:26

Maiq weshi raq mangjong tlotli ka lap wan raü jiimin, apaiq tsitsü ka tiimo baiq raü jiika jamlai liip wa misi? Ahü, jamliip min ahü! Apaiq tsitsü ka thongshi lapkai nong miitu jamlai min kuqwanlot mak she miraq.

Luke 11:52

“Namshiq Thungtri shrinketibi ma pinthum phiiptsi chang asi! Namshiq raq Shiikeawe tiima tsantsii khon chang phaqchi kilü diwan chang sapi tu ka thü baiq lan. Namshiq maiqmii kiimin nyap wa man. Kiimaq nanok awa roti kiimin, tiiwa man maq tangta baiq tlan!”

John 16:3

Tsangshiq raq, Awe nai ngi ka juwa kra sap mak kha maq, namshiq ma ara chong tiikang chamchao thun ara mitiisaü wan.

John 8:55

Shatmaq, namshiq riika, apaiq ka juwa kra sap man dongdii sitlan. Shatmaq, ngi raq apaiq ka juwa asap ha. Ngi raq apaiq ka sap mang nguta tiingo ha jiika, ngi armin namshiq rai khoshi na kaiti siili, arot we ma mijaki damha wa. Shatmaq, ngi raq apaiq ka juwa asap ha. Kiimaq ngi ka apaiq aming kra lang lata apaiq wokhong na sitiikang.

2 Corinthians 4:2

Naishiq raq ahuk arot nai jeasi miari sham akai ngutlaq kriika ümchaü sanha wiita baiq kaishe. Naishiq raq maiq ka laolii mai phan. Kiimaq Shiikeawe bomtsi ka trotkiq mai phan. Naishiq ka Shiikeawe apaiq maklii na tengman tlaq bomtsi kra kholam kholiiq, tantan maq chongkuq tiikai. Kiimaq wiitarü man na, naishiq tiima tsantsii ka wüjangjang hea maq sitiikai.

TRI CHONGKE 33:10

Tsangshiq raq ümsenginok ma üm tri ka lang ronglaq nguta mishrin kuq wan; Tsangshiq raq üm berong wacha na honglu thun mitaa kuq wan.

1 SAMUEL 12:21

Namshiq raq arot phra thun jai ka naq phan rongkiq. Tsangshiq raq namshiq ka khrum kuq lot mak. Kiimaq tiichhii kuq lot mak. Jamkhano ngukla tsangshiq ka riikhaqli Shiikea riimak.

1 SAMUEL 2:12

Eli senai ka haibihiiti. Tsangnai raq Tatiwe ma tsantsii kuq mak.