Hosea 9:3 - ASII LAKDAP Bible (BSI) Israilnok ka Tatiwe raq akuq tsangmung na silu mak she miraq. Tsangshiq ka re raq Ejip mung na hali mitsuqho nong. Kiimaq Asiria mung niishe mitsuq wan. Raüta kiijaq apii chang phan kriishe miphaqsiq wan. Hawa Naga Bible 2001 Israel miqsaz htenc kuex Yehowa mungtan nuex httax ruq httax lvp tuinx rvmuq, yuq muinz Ejip mungx nuex yek waung vtueq Asiria mungx nuex tvwanc vruez phuiuz vsvy kuex phauk saq shuinx. |
kriishe nguraüla, Ngi raq isengi Israilnok ka Ngi raq tsangshiq ma akuq wanha mungtan kriiwa akoq she mirbaiq wanha. Kiimaq Ngi raq ara Shomjam ara, Ngi shomnoq wan chang hiqba nguta phumram kham maq atiibok wanha asii jam arka amiimshe mirbaiqha. Mangjong maiqse barap binriiti raq Israilnok ka thophi riiqphi saisikhiq she mishum miiwan.
kra rawii ka Hoshea raq mung lang wan li maq wiitiikaü she angu na, Asiria mung ajong hokhamwe raq Samaria chela ka khat raüta jiito. Raüta apaiq raq Israilnok ka munglu shumwi kong ma Asiria mung na tsuq wanto. Raüta tsangshiq ka wiijam ka Hala chela niishe tiishongto. Kiimaq maiq wiijam ka Gojan wang na Habor Rai kii tan na tiisito. Kiimaq wiijam ka Media mung na chela thun na tiisito.
Ngi raq tsangshiq ka tsangshiq ngarai ümchuwa klo wantaq kra thaq na thep tliip lata tsangshiq ma mithamkuqha. Tsangshiq raq thep liip raüta imo ka miho. Jamkhano ngukla tsangshiq raq ngi raq akuqha mungtan ka tsitsü ahü sumla phra phong kra noq wan raüta wiita tiisheshi baiq wanto. Kiimaq tsangshiq raq arot akiq phra phong kra hiqma rama phong wan raüta ihiq shong ka tiisheshi wanto.”
Ngi raq tsangshiq ka hiqpo hiq win mung na tsuq wan kang, aphe arong ma shongnga wan miitu ahea awa phan lap phaq sea wan miitu. Shatmaq tsangshiq raq ihiqshong ka khoti tiithen baiqto; ngi raq tsangshiq ma akuqha mung ka tiisheshi baiqto.
Tatiwe raq nguto, “Arka ümtiikiiwa Ngi raq Israilnok ka pong mung thun na tiipin jobaiq wantiikang akhing na, tsangshiq raq akha phaqsiq raüta siwan chang miraq, Arka tri na apii nguta chongtlo.”
Shatmaq Daniel riika hokhamwe raq akuq apaiq rung wa dung nai che kra phaqsiq raüta, apaiq khum ka Shiikeawe maklii na tiisheshi mang nguta, atsan na atsidada maq thapthito. Kra ningkhan, apaiq raq Ashpenaj ma khrumkuq laq nguta tiipaiq tiinea raüta tiitaito.
Tsangshiq ka Ejip mung wa, wushikong laü wantlaq ikha miwa, Asiria mung wa haütaükong laü wantlaq ikha, ngi phana miwa,” nguta Tatiwe raq ngutlo.
Tatiwe raq ngutlo, “Tsangshiq iwokhong na jangwan romak she lankito. Kra ningkhan ümchaü sanha, Ejip mung na hali di ma jakai mijangho nong. Kiimaq Asiria mung raq tsangshiq mijam shawan.
Angi parokaü phephiiq raitlaq ikha, Israilnok ka phephiiq raitlo, apha na Ejip mung tijong hokito! Kra jai maq Asiria mung tijong hokito! tsangshiq raq ngi alaq riibaiqto.
Tsangshiq ka iwokhong wa juhoto. Raüta phra sumla noqhoto. Kriika athii arii min ahü. Tsangshiq ka liqphü abi kojo ikha jakito. Jamlai ngamhiip kaichang min riimak. Tsang mung welabi kumronghea bomtlo. Kriikha na chiqse rewe jaq na mitsai. Kra chhi raüta Ejip mungti minairai,” nguta Tatiwe raq ngutlo.
Tsangshiq raq ngi ka shomnoq wantlo. Raüta honglu ngamrea phaq wantlo. Shatmaq ngi tsangshiq Tatiwe ka, tsangshiq ma tsankhiq. Ümchaü sanha tsangshiq ngarai thop ka, tsangshiq makki niishe michekuqha. Lata tsangshiq ka sintsang miishe mitsatha. Lata Ejip mung niishe mijobaiq nongha!
Shiikeawe sintsang she saüki raüla, Israilnok ka barap niishe mitiipinbaiq. Ejip mungti raq tsangshiq ka adam na mirchom. Raüta Mephi chela na tsang maaphong milap! Tsangshiq rongwin wan chang hiqshong thun ka, hiqmiqchangkhü ma mija, shukrü tonglong lishe miraq.
Kiimaq kra riihan jiila, kra mung hiqshong rahai raq namshiq ma kongkhu na shong wanti thatsang maiqse thun jamkho jobaiq wantaq kiikha namshiq ka jobaiq mak miraq.
Tatiwe raq nguto, “Ngi raq akuqha thungtri raütu thun kiimaq aming thun ka wiita kun kun lang ronglaq. Kriika Ngi raq namshiq tsuq wan tiikang Kanan mung hiqkhu rakhu raq namshiq ka tiishaübaiq mak chang miitu.
Namshiq hiq ka pattup miitu shabaiq raamak. Jamkhano ngukla kra namshiq hupsam riimak. Kriika Shiikeawe hiq. Namshiq ka pong mungti wanshawe ma tiishamsiqtlaq ikhli shamsiqtlan.
Riita ara ngutlaü arkha na, Tatiwe bomtsi ara tailaq. Tatiwe raq akha ngutlo: ‘Ümjamti nyung ka chela na mephe-nyung miishe mija wan. Ümsetiim maiqwesere nai jechaksere ka, re raq mitsat baiq wan. Ümhiq thung ümram bin ka, nammung jiiwantinok riishe mirchum wan, raüta tsangshiq riishe mishamsiq wan. Kiimaq ümniika pongmung niishe mitsai haü. Kiimaq Israil mung ka pongmung na, rewa munglu shumwi miishe, mitsuq wan,’” nguta Tatiwe raq ngutlo.
Tiido ronglaq! lanta namchiim jintlo ronglaq. Namshiq chapngachang ka ajaq ahüshe. Namshiq maiqmii thiikho thülan, kiijiishe midea wan han. Lanta laimiq ümwa wan han.
Kiijiishe, Petar raq treto, “Tatiwe akhiiwiqwiq ka phaqsiq mang! Ümchaü niitaq ngi raq apii ashan chang phan ngam angiq ka i nü na thü mang shaqli!”
Tatiwe raq ümniika jamkho chochi khiq maq chiithe lüwawe ma tiija wantaq kiimaq ümniika tiipuchi kuq wantaq, raüta maiq ka pahea tiipa wantaq, kra niqriri sii hali, apaiq raq ümniika chochi khiq maq mitiithen baiq wan. Raüta ümniika miqchup she mitiithen baiq wan. Ümniika ümchaü mung jiiwan tlaü, laüta shong nga wan tlaü mung kiiwa arang chong maq barot raüta miphai baiq wan.
Tatiwe raq ümniika Ejip mung na hali kham jahat thun maq mitiiki baiq nong. Man na apaiq raq ümniika Ejip mung na jangkai nong ka raamak she miraq ngutiika nguto. Li jiimin apaiq raq ümniika kiina mitiiki baiq nong. Kiijaq namshiq raq nam khum ka namjaqtinok ma di ma misha kuq han. Shatmaq namshiq ka jurmin di ma rimak she miraq.”
Ümchaü ranaiq akhing na ngi raq ramungtan nai mangjong hiq ka namshiq shrati saqse keti ma tiijalata chongtiikang, namshiq raq ibom chong ara tlea hanla, namshiq ka kra mung kiiwa wiita she mimo wan han. Namshiq ka ümchaü Jordan rai jin wan lamta jiiwan tlan kra mung na alu ka shong nga wan lot man mirhan. Namshiq ka chongthum ma tiijatlii raüta mitiithum baiq.
Shatmaq, apaiq raq namshiq ma jamkhiiwa apaiq kiqkham poshi min tiikhoi mak shiikupi kuqtaq, kra niqriri sii hali, apaiq raq namshiq ma aphiip jiip chang chongkuqtaq, kriithun kiimin, kunkun mitiisaükuq.