Hosea 9:3 - Hawa Naga Bible 2001

³ Israel miqsaz htenc kuex Yehowa mungtan nuex httax ruq httax lvp tuinx rvmuq, yuq muinz Ejip mungx nuex yek waung vtueq Asiria mungx nuex tvwanc vruez phuiuz vsvy kuex phauk saq shuinx.

ASII LAKDAP Bible (BSI)

³ Israilnok ka Tatiwe raq akuq tsangmung na silu mak she miraq. Tsangshiq ka re raq Ejip mung na hali mitsuqho nong. Kiimaq Asiria mung niishe mitsuq wan. Raüta kiijaq apii chang phan kriishe miphaqsiq wan.

Hosea 9:3 Referencias Cruzadas

1 HOKHVMX 9:7

Tsuingshiq muex ngaz rueq kuq tauk mungtan wawc ngvy miqsaz Israel kuex tvhttot gay shaungx. Ngaz muex nawk palx juing baung ngoz tueq ngaz rueq pungx thvlc vthvl taq vruex Shomc Yuimx kuex ngaz rueq gay shec shaungx. Baung ruip saz nuex httax yaq miq htenc rueq Israel kuex shummarc vtueq wvlc guez tvyaungc shuex.

2 HOKHVMX 17:6

Hoshea duiz tueq maq wawc tvkuiuz nuex Asiria honoc waz rueq Samaria ghaq kuex khvt vtueq, Israel miqsaz kuex khoktep miqsaz muex Asiria mungx nuex lvp thuq wvnc vtueq, wvyvmc kuex Hala ghaq nuex, wvyvmc kuex Gozan hong Habor Ruilx kawx nuex, wvyvmc kuex Media mungx wawc miqghaq htenc nuex tvhttax tueq.

JEREMIA 16:18

Tsuingshiq rueq ngvy mungtan kuex thuiuzthuic vguez vmaungx ikhoc dvyx phara yac yuimx htenc maq tvshuy shac vtueq, tsuingshiq vrot vkaq tishox htenc maq tvmvrc yaq ningkhvnc nuex, ngaz rueq tsuingshiq kuex tsuingshiq mvrax nuiyc honc bac htenc laung nuex murx mvnnueyc kuq shaungx,” ngoz tueq jungx tueq.

JEREMIA 2:7

Ngaz rueq nuimshiq kuex ghaq vbur mungx nuex tuiz vtsvmz nuiyc vganc vhvlx phvnx ruip saz kuex tv-phuiuz svy tvkoc shvlx wvnc phaungx. Yuq muinz tsuingshiq rueq ngvy mungtan kuex tvbac gay tueq; tsuingshiq muex ngaz rueq vkuq mungtan kuex tvshuy shac gay tueq.

AJONJÜ 5:6

Nuiyshiq rueq miqmac tvraungx lvp tvkoc phuiuz svy kuex hungx laz lvp tvkoc, Ejip mungx nuiyc Asiria mungx wawc thoz kaz vtix.

EJEKIEL 4:13

Yehowa rueq, “Vruex kuex Israel miqsaz htenc mungganc nuex tvpanc nyanc gay shaungx kvkaq, Tvrac rueq tvwanc yaq phuiuz vsvy kuex phauk saq shuex lvmx rvtueq,” ngoz tueq jungx tueq.

DANIEL 1:8

Daniel rueq hokhvmx hoc wawc phuiuz vsvy nuiyc svpiq tix nuingx vtueq piq pumz kuex htungx vlayx maq sawc muq muex yaungx muq tvkoc vthuinz maq htvp htaz tueq, kvkhoc rvtueq piq rueq Ashpenaza rueq romc kuy tvkoc thoz koq tueq,

Hosea 11:11

Tsuingshiq kuex wushawx ikhoc Ejip mungx maq muinz, hituiuc ikhoc Asiria mungx wawc muinz makmak httuiuc wvnc wuez ruex. Ngaz rueq tsuingshiq kuex tsuingshiq yuimx htenc nuex shvlx wvnc yek shaungx. Ngaz Yehowa rueq jungx vshaungx.”

Hosea 11:5

“Tsuingshiq kuex ngaz kox nuex yek tvkoc tvlvlc wuez tueq, kvkhoc rvtueq tsuingshiq kuex Ejip mungx nuex yek juing rvtueq, Asiria rueq tsuingshiq kuex guimz wvnc shuex.

Hosea 7:11

Israel kuex vruc hituiuc kuiux shiz ikhoc baungshiz maq baungshiz nuex kvhttot khuemx yaq; piq miqsaz htenc kuex vphaungc romc kuy rvhumc tvkoc Ejip wawc thoz tueq, kvruex yimaq tsuingshiq rueq Asiria kox nuex yuz wvnc tueq!

Hosea 7:16

Tsuingshiq kuex ngvy kox wawc kvroz kaz wvnc vtueq luimc vkawc vguez tishox kox nuex kvwek kaz wuez tueq. Tsuingshiq kuex tingmuq laq ikhoc vkvmx juing rvmuq. Tsuingshiq vyungx vlaungx bix kuex thuinz tvyungc vtueq kvjaz ningkhvnc nuex, tsuingshiq kuex shox nuex thueyc wvnc wuez tuex, Ejip miqsaz rueq nueykuic wuez shuex.”

Hosea 8:13

Tsuingshiq rueq ngaz muex shomc nawk kuy shomc kuq vtueq shomc nawk juing ngvmx kuex phauk wuez tueq. Yuq muinz ngaz, Yehowa rueq kvruex raungc raq vshaungx rvmuq, majuiuc tsuingshiq mvrax kuex rvwvl lvp vtueq kvruex tvkoc nuex tsuingshiq muex murx tvgurc shaungx; ngaz rueq tsuingshiq kuex Ejip nuex tvyek yek shaungx!

Hosea 9:6

Jamjaux kuilc daz httuiuc vtueq miq htenc tvpanc gay rvhumc tuex nuex, Ejip miqsaz rueq tsuingshiq kuex tvtuimx wvnc vtueq, Memphi nuex luip gay shuex! Tsuingshiq kuimphox tsak nyvmx nuiyc tsuingshiq yuimx httax yaq baung htenc kuex namx ruix nuiyc shuiuq rumz htenc rueq puingc wvnc rvhumc tuex.

LEWI 18:28

kvmaq nuimshiq max nuex httax wvnc tueq miq htenc tvdux gay tueq ikhoc, nuimshiq kuex tvdux gay kv-phuinx rvmuq.

LEWI 20:22

Yehowa rueq, “Ngaz rueq shvlx wvnc vtueq nuimshiq httuiuc kaz tuinx Kanaan mungx maq nuimshiq tvdux gay rvhumc muit tvkoc ngaz rueq nvr phaungx nuiyc tvrac htenc kuex phvnx shuinz.

LEWI 25:23

Ghaqphux kuex pattup guimz tvy tvkoc shaung mvy muq, yvmx khoc lac ngoz ruiux lec ghaqphux kuex ngaz rueq guimz yaq, nuimshiq kuex ngaz nuex kvwungx httaz jix wuinz waz dvyx rvtuit.

AMO LUIK DVP (AMOS) 7:17

Kvkhoc rvtueq, Amazia lex, Yehowa rueq mnoz muex jungx yaq, ‘Mtaungx nyuiuz kuex lvmx yungx nuex mephex nyuiuz muex yaungx tuex, msaz hez kuex ralx khvt nuex thvy gay rvhumc tuex. M-ghaq mraungx kuex phvlx vtueq vganc jix htenc muex kuq gay shuex, mshauk pumz kuex sawc muq mungtan vshiz nuex thueyc tuiux. Israel miqsaz kuex vsuing tsuingshiq mungtan wawc thuq wvnc rvhumc tuex,’” ngoz tueq jungx tueq.

Mikha 2:10

Kvtenc vtueq kaz kuiuz; vruex yuq kvwungx juing yvmx muinz vguez. Vruex baung bac wvnc tvkoc nuimshiq rueq shuimx vshuinx mvrax htenc kuex vphoc rvhumc vtuinx.

Acts 10:14

Peter rueq, “Taungjix lex, kvkhoc kuex mvy muq rvtuex! Ngaz rueq vshuy vshac phvnx nuiyc sawc muq phvnx kuex mkaq muinz phauk saq mauk shauk doc,” ngoz tueq.

TRI CHONGKE 28:63

Yehowa rueq nuimshiq tvyungc loayc tvkoc muinz, miq pux paung wvnc tvkoc muinz raungc raq wvnc tueq rulc rv-ngvlc nuimshiq tvbac tac gay tvkoc muinz, tvsumx rumx gay tvkoc muinz raungc raq wvnc shuex. Nuimshiq rueq lvp wvnc shuinx mungtan kvwawc nuimshiq kuex tvdux tvdung gay shuex.

TRI CHONGKE 28:68

Yehowa rueq nuimshiq muex ngoc Ejip mungx nuex yix maq laukshiz yek kaz muit shex ngoz tueq jungx tueq, yuq muinz lix htenc maq nuimshiq kuex kvruex mungx kvyuq shvlx laq wuez kv-phuinx. Kvruex mungx kvyuq nuimshiq pumz kuex ralx nuk dax muex yaungc tvkoc shaung shuinx, yuq muinz nuimshiq kuex rez jix miq httax tuex rvmuq,” ngoz tueq jungx tueq.

TRI CHONGKE 4:26

Ngaz rueq raungx nuiyc ghaq muingc kuex ruingc vtueq hakhix taq vshaungx, ngvy kvjaz kuex nuimshiq rueq phvnx muit ngoz ruiux yuq, mtanc httax muit nuex kvruex mungtan kvyuq suimz wvnc tuinx. Nuimshiq rueq Yodan Ruilx kuex yanz wvnc vtueq khvt lvp wvnc shuinx mungtan kvyuq loayc hvlc tvraungx httax tuinx rvmuq. Nuimshiq kuex lotlaz tvbac gay rvhumc tuinx.

JOSHUA 23:15

Yuq muinz nuimshiq muex jungx wvnc tueq bomkhvmc ruip rawx kuex vpiq rueq tvhungx wvnc tueq ikhoc kvhiz juing thuimkux muinz vpiq rueq ruez wvnc shuex.