Biblia Todo Logo
La Biblia Online
- Anuncios -




Hosea 9:4 - Hawa Naga Bible 2001

4 Tsuingshiq kuex pungnuk mungx htenc maq Yehowa muex svpiq tix shomc kuq lvp shuex rvmuq, vpiq muex tsuingshiq shomc nawk kuy juing lvmz laq shuex rvmuq. Kvruex phuiuz svy jix vshiz maq vshiz kuex miq maungx luip shuex nuex phauk saq yaq ikhoc vshuy vshac rvtueq. Kvruex kuex tsuingshiq rvmc thuiuz hvlc nuex thuinz tvhvlc juing phuiuz vsvy rvtueq; kvruex kuex Yehowa Shomc Yuimx nuex shomc kuy juing tvyaungc tvkoc lvmc lvy mvy muq.

Ver Capítulo Copiar

ASII LAKDAP Bible (BSI)

4 Tsangshiq raq Tatiwe ma, honglu na che min kuq mak she miraq. Kiimaq tsangshiq raq nyamse honglu akuq wan kiimin, Tatiwe raq tao mak she miraq. Kra honglu thun ka, wulum tiijü tsam ikhli miraq. Kra wa nyiim wanti tarü, ashe maiqse miishe mija wan. Kra phaqsiq tlaq ka, tsangshiq wokpo miituli. Kriika Tatiwe jam na, honglu kewan chang riimak.

Ver Capítulo Copiar




Hosea 9:4
33 Referencias Cruzadas  

Vphaungc wawc khelbuenx kvrulc vdvmz olip puiz kilogram vshiz maq vshot khaqmvnc wanx tawk shiz muinz shomc kuy rax. Svpiq tix guip shiz kvmuinz shomc shvy kuq shuiuz.


Yehowa muex shomc kuy juing wanx kuex kvruex htauk nuex taq tueq, kvruex kuex Yehowa rueq vnvr rvtueq.


Kvruex wawc lung poz vnyel htenc nuimshiq rueq lvmz vtueq miqmac tishox htenc muex tvyaungc nawk palx vshuinx. Nuimshiq rueq svpiq tix kuex shvy vtueq shomc kuq ruiux vruiy vwungx maq shomc kuy muex laq vshuinx. Vruex htenc lotlaz kuex ngaz rueq raungc raq yaq ngoz tueq haz tvmaung vshuinx?


“Miq htenc rueq tsuingshiq thuinroc shuimx kaz wuez yaq. Tsuingshiq rueq manx pung saz kuex shomc nawk kuy tvkoc muinz, miqsaz kuex shomc nawk kuy juing tvyaungc tvkoc muinz thvt wuez yaq; tsuingshiq rueq khelbuenx vshiz maq shomc nawk kuq yaq waz kuex guyhex duingx tv-ngawk gay yaq waz rulc rv-ngvlc yaq; vruiy vwungx maq shomc kuy nuiyc wauk tvguiy maq shomc kuy kuex rv-ngvlc yaq; vhomc vtumc jauk shomc kuy kuex yac yuimx khaungkac nuex vjux thoz wuez yaq rulc rv-ngvlc yaq. Tsuingshiq kuex miqsuirc vsac nawk palx htungx htenc kuex raungc raq wuez yaq.


Miqmac rueq lungwawx yaq miq vshiz thueyc kaz ruiux yuq, piq thuinz tvhvlc kuy tvkoc ukhaq muinz piq rulc vdvmz phauk saq naungx shuex rvmuq; vnyuiuz nuiyc vwaz thueyc kaz ruiux doc muinz uraq muinz piq tvkoc menjenc thuinz tvkhic shuex rvmuq.


Tsuingshiq rueq ngvy tvkoc Sheba mungx wawc vwvnc vhomc vtumc phvnx nuiyc lvmx luz mungx wawc vwvnc wvyshuiuz tvhomc juing htenc kuex ngaz rueq yvmx ngoz tueq lac raungc raq shaungx? Tsuingshiq rueq shomc kuq yaq kuex ngaz rueq lvp mauk, tsuingshiq rueq shomc nawk kuq yaq htenc kuex raungc raq mauk.


Mnoz guit shix khoarc tvruingc kuex nauk tvtay kaz. Vyonz vyec shvmx ikhoc maq khux phop nauk phop kaz, yapaungc vguez maq nauk khuemx kaz. Mhtvlx nauk puingc kaz, vyonz vyec jix rueq phauk saq yaq kuex nauk phauk saq kaz,” ngoz tueq jungx tueq.


Kvruex yimaq ngaz rueq shuimx tauk kvkhoc nuimshiq rueq shuimx shuinx. Nuimshiq htvlx kuex puingc gay shuinx rvmuq, vyonz vyec jix phuiuz vsvy kuex phauk saq lvp shuinx rvmuq.


Daniel rueq hokhvmx hoc wawc phuiuz vsvy nuiyc svpiq tix nuingx vtueq piq pumz kuex htungx vlayx maq sawc muq muex yaungx muq tvkoc vthuinz maq htvp htaz tueq, kvkhoc rvtueq piq rueq Ashpenaza rueq romc kuy tvkoc thoz koq tueq,


Ekvkhoc Israel miqsaz htenc kuex vkhing loayc hvlc hokhvmx htenc lvp muq, walaungx bix muinz vguez, shomc nawk kuy vguez, vsawc lunghtung htenc mungx nuex, yac yuimx vguez, luinglawc shuex nuex shuimc juing vyac htenc lvp muq maq dvyx httax wuez tuex.


Tsuingshiq kuex ngvy kox wawc kvroz kaz wvnc vtueq luimc vkawc vguez tishox kox nuex kvwek kaz wuez tueq. Tsuingshiq kuex tingmuq laq ikhoc vkvmx juing rvmuq. Tsuingshiq vyungx vlaungx bix kuex thuinz tvyungc vtueq kvjaz ningkhvnc nuex, tsuingshiq kuex shox nuex thueyc wvnc wuez tuex, Ejip miqsaz rueq nueykuic wuez shuex.”


Tsuingshiq rueq ngaz muex shomc nawk kuy shomc kuq vtueq shomc nawk juing ngvmx kuex phauk wuez tueq. Yuq muinz ngaz, Yehowa rueq kvruex raungc raq vshaungx rvmuq, majuiuc tsuingshiq mvrax kuex rvwvl lvp vtueq kvruex tvkoc nuex tsuingshiq muex murx tvgurc shaungx; ngaz rueq tsuingshiq kuex Ejip nuex tvyek yek shaungx!


Shomrawx nuex shuimc lvmc jix shomc waz bix lex, ruiyhec khvy svmx vtueq khoar wuez kuinz! Shomc Yuimx mungx nuex kaz vtueq wvrx taungx yonzyex kuinz! Nuimshiq Tishox muex shomc kuy juing tuiz vtsvmz nuiyc svpiq tix vguez shex.


Shomc Yuimx nuex shomc kuy juing tuiz vtsvmz nuiyc svpiq tix vguez shex; Yehowa tvkoc shomc kuy juing vguez ningkhvnc nuex shomc waz bix yonzyex wuez yaq.


Yehowa nuimshiq Tishox kuex vpiq thuinz kvlayc vtueq nuimshiq muex phungc yungx rungc yungx vthuey vngoz htenc ruimrix kuq kv-phuinx. Kvruex yimaq nuimshiq rueq vpiq muex tuiz vtsvmz nuiyc svpiq tix maq shomc kuq shuinx.


Tvraungx httax yaq phvnx ruip saz thuiuzthuic kuex tvguiy nuex httax yaq, Yehowa rueq nvr tueq rulc rv-ngvlc miqsaz mvrax htenc tvsawc tvkoc shomrawx htauk nuex tvguiy lotlaz ruiuc gay tueq. Thuiuzthuic vhttax tvguiy rueq dvyx mvrax lvmz gay lot yaq.


Shomc waz Arun suiuz vsaz wawc guix vgvnz raungluingx muinz rungx rax muq jix uraq muinz ngaz muex phuiuz vsvy shomc kuy mvy muq.


Piq kuex vsawc yaungc rax, ngvy muingc kuex tvyvlc sac mvy muq. Piq rueq ngaz muex phuiuz vsvy shomc kuy htenc kuex shomc kuy jix waz ningkhvnc nuex vsawc yaungc rax.


Piq kuex miq rueq vsawc ngoz tueq khic tvy rax, yvmx khoc lac ngoz ruiux lec piq kuex ngaz muex phuiuz vsvy shomc kuy jix ningkhvnc nuex rvtueq, Ngaz kuex Yehowa rvtauk; ngaz kuex vsawc ningkhvnc nuex ngvy miqsaz htenc muinz vsawc tvyaungc shaungx.


Nuimshiq rueq ngvy tvkoc wvr maq jauk shomc kuy nuiyc vruiy vwungx shomc kuq shuinx nuex, ngaz rueq lvp wvnc shaungx rvmuq; nuimshiq rueq ngaz muex shomc kuy tvkoc puiz waq vremc nyvmx saz htenc kuex ngaz rueq lvp wvnc mauk.


Vruex kuex nuimshiq rueq shuimx vshuinx vganc phvnx shiz rvtueq. Nuimshiq miqmac rueq lvmz laq shuinx shomc kuy juing htenc kuex Yehowa rueq lvmz muq ningkhvnc nuex khoar nyerx wuez vtueq vpiq shomrawx kuex muik phic maq tvluimz vshuinx.


Miq maungx shuimc gay jix waz kuex nawk palx htungx maq raungx mvshix nuex httuiuc laz sawc muq httax yaq.


vpiq tvkoc vhomc vtumc tvyaungc muex rax yaq phuiuz svy shomc kuy juing htenc kuex htvp htaz taq tueq vkhing nuex Tishox muex shomc kuy tvkoc Israel miqsaz htenc muex jungphvnx kuy tvkoc nvr tueq.


Yehowa muex wanx tvdaungc vtueq shomc kuy juing humpanx htauk kvyuq, khvymvnz khuingc wuil kuex phawc vtueq panjamc htenc, vhomc vshot kok htenc, kuimx wanc htenc, svpiq tix kaytauc htenc kuex tvy rax. Ekvkhoc shomc kuy juing wanx htenc kuex mkaq muinz humpanx htauk nuex httaz rax.


Ngaz kuex raungmungx wawc vsvt kaz vtvraungx wanx rvtauk. Kvruex wanx kuex phuiuz svy jix ukhaq yuq muinz pattup tvraungx httax tuex. Ngaz rueq kuy juing wanx kuex mungkawx miqsaz rullungx tvraungx tvkoc kuq shaungx ngvy ngvmx rvtueq,” ngoz tueq jungx kuq tueq.


Ngaz kuex vyonz vyex rvhumc tauk nuex kvruex wawc phuiuz vsvy kuex ngaz rueq phauk saq mauk doc; nawk palx htungx maq ngaz sawc mauk ngoz ruiux yuq, ngvy yuimx wawc tvdung lvmz mauk doc, vthueyc kay jix waz tvkoc muinz shomc kuq mauk doc. O Yehowa lex, ngaz rueq mbomc tay shaungx; mvnz rokshiz wawc mvnshiz nuex seng vtueq mnoz rueq nvr phux rulc rv-ngvlc tvhungx lot tauk shex.


Síguenos en:

Anuncios


Anuncios


¡Síguenos en WhatsApp! Síguenos