Hosea 7:16 - ASII LAKDAP Bible (BSI)

¹⁶ Tsangshiq ka iwokhong wa juhoto. Raüta phra sumla noqhoto. Kriika athii arii min ahü. Tsangshiq ka liqphü abi kojo ikha jakito. Jamlai ngamhiip kaichang min riimak. Tsang mung welabi kumronghea bomtlo. Kriikha na chiqse rewe jaq na mitsai. Kra chhi raüta Ejip mungti minairai,” nguta Tatiwe raq ngutlo.

Hawa Naga Bible 2001

¹⁶ Tsuingshiq kuex ngvy kox wawc kvroz kaz wvnc vtueq luimc vkawc vguez tishox kox nuex kvwek kaz wuez tueq. Tsuingshiq kuex tingmuq laq ikhoc vkvmx juing rvmuq. Tsuingshiq vyungx vlaungx bix kuex thuinz tvyungc vtueq kvjaz ningkhvnc nuex, tsuingshiq kuex shox nuex thueyc wvnc wuez tuex, Ejip miqsaz rueq nueykuic wuez shuex.”

Hosea 7:16 Referencias Cruzadas

Tvtsvmc 12:3

O Tatiwe lei, kra jutjü rattlaq tili thun ka tiikaiq baiqlaq! ra wa raiqsaiq panthit bomti nübok ka sukbaiqlaq, tsangshiq raq akha tsütsittlo,

Tvtsvmc 12:4

“Naishiq raq bomtiikai kriika milap hai dongdii. Naishiq raq jamlai wa rotiikai kra michong hai, kiimaq naishiq ka jurmin tangtalot mak.”

Tvtsvmc 12:5

“Shatmaq ümchaü ka ngi she mikiha,” nguta Tatiwe raq ngutlo, “Jamkhano ngukla tsangshiq raq jehin norebi ka haihiitlo, kiimaq tsangshiq raq tiichamchaotlaq thun ka atsitsi ma hoqtrangtlo. Tsangshiq raq tsantsi mongtsi atiikhup wongketi rittlaq kra ngi raq mikuqha.”

Tvtsvmc 17:10

Tsangshiq ka maiq ma mangchan ahü kiimaq jaqrap jirap bomtlo.

Tvtsvmc 52:2

Ümniiraq nanok shiithenbaiq miitu abi kiimungtlaü; ümtili ka panra ikha sihea. Ümniika wranaiqshe arot akiq kiimung tiikoli.

Tvtsvmc 57:4

Ngi ka ijaqti raq tiikomtam maq komwanto, tsangshiq ka maiqphaqti hangsi kong ikha. Tsangwi phong ka piq khu ikha kiimaq liqsin ikha sihea; tsangtili thun ka jasai phong sihea ikha.

Tvtsvmc 73:9

Tsangshiq raq ramungtan na siti Shiikeawe ma abi kli bomtlo kiimaq mangjong hiq na maiqse ma tiihang tiihiiq amingli kuqtlo.

Tvtsvmc 78:37

Tsangshiq raq apaiq ma tsantsii kuq raüta lungwiimak; tsangshiq ka apaiq tongshong tri wokhong na tsapkapkap maq shongnga wan mak.

Tvtsvmc 78:57

shatmaq tsangshiq ka nilankong kiimaq awetiim kiikha apaiq wokhong na simak riito, liqsin ako ikha maiqkamsea chang riimak riito.

ISAIA 3:8

Tengto. Jerusalem ka miqto she! Juda mung ka alang pit wan miiqmiiq she! Tsangshiq nübok maq bomtlaq kra nai tsangshiq jaq maq jamlai wa klotlaq kra wiita Tati makki na abi siisaq klotlo. Tsangshiq raq linham linhok raüta Shiikeawe apaiq ka shummiitlo.

JEREMIA 18:18

Kiijiishe nokmaiqse raq nguto, “Jeremia ara jamkhii riichangwa riichong rong i! Nashiq ma shrinketi ramwebi ka wranaiqshe siruq miraq. Kiimaq nashiq danhonti taksubi kiimin asi miraq. Kiimaq Shiikeawe bomtsi chiiriim raüta chongketi shammibi ri asi. Apaiq ma kha pahea nyan rong i. Laita apaiq traho ka taimai she shishe baiq rong i.”

JEREMIA 3:10

Riita ija, arthun ngarai ara tang wan jai she, Juda, Israil ma anyino nyung sethoq nyung ka iwokhong niishe nyap wan nongtiikang nguta tiimanhiito. Shatmaq apaiq raq atsantsii kuq raütiika riimak. Arka, Ngi Tatiwe raq ngutiikang.”

JEREMIA 42:18

“Tati, Israilnok Shiikeawe raq ngutlo, ‘Ngi raq itsankhiq walüwa ikha hengtlaq kra Jerusalem na siti khuthaq na jamkho tlü chaq kang, namshiq ka Ejip mung na laüho han jiila, ngi raq namshiq khuthaq niimin kra mitlü chaqha. Namshiq ka maklii jai na tiijang phat phiiptsi jiiptsi mithen wan han. Maiqse raq namshiq thenjen wan kra chhi raüta slaislii thophi riiqphi mishummii wan. Kiimaq namshiq mang ka chong raüta maiqse raq manson shiiton ma mitiija wan. Namshiq ara hiqshong arka thongshi chhinong man she mirhan.’”

EJEKIEL 23:32

Tati Rakaü Hiqwe raq ngutlo, “Ümniiriimin ümnyi raq nyangtaq khap kiiwa minyang haü; kra khap ka ajong kiimaq atsaü wiq. Maiq wiitarü raq ümniika shummiikhiq misaisi wan; kra khap ka amatup she.

EJEKIEL 36:20

Tsangshiq ka ümra mung niiwa wa wantaq kiijaq tsangshiq raq i mang asii khushü ka tiijam wanto. Jamkhano ngukla, nanok raq akha ngutlo, ‘Arnok arka Tatiwe sengi. Shatmaq tsangshiq raq tsang mung ka miimthü chang jakito.’

DANIEL 7:25

Apaiq raq Ajong Thaq Na Ajong Shiikeawe kra mishummii. Kiimaq Shiikeawe sengi wiita, hok maq nishishi mitiichamchao. Apaiq raq tsangshiq Shiikeawe, shomnoq thunglai nai poi tri thun ka, laibaiq wan mitan khan. Kiimaq Shiikeawe sengi ka, apaiq raq wiitsam ri wiithiq mijam sha wan.

Hosea 11:5

Tatiwe raq ngutlo, “Tsangshiq iwokhong na jangwan romak she lankito. Kra ningkhan ümchaü sanha, Ejip mung na hali di ma jakai mijangho nong. Kiimaq Asiria mung raq tsangshiq mijam shawan.

Hosea 11:7

Isenginok iwokhong wa dongho roli hongla wanto. Krai mren maiqtijong howanto. Raüta maiqdikong ma jawanto. Chamchao tsi maq hoqphaq wanto. Shatmaq ngi raq tsangshiq maaho tre mang.

Hosea 6:4

Shatmaq Tatiwe raq ngutlo, “Ephraim nai Juda lei, Ngi raq namshiq rai riibom chang asi sha? Namshiq raq ngi lungwii tlan ka, ranap phumda pan wan tlaq ikha, Ranap bangkham ka, rakii raüjaq wesaq weki tlaq ikha.

Hosea 7:13

“Tsangshiq ka thentoshe! Tsangshiq iwokhong wa juhoto! Raüta ngi rai riilongtlo! Tsangshiq ka chongthum miishe mija. Ngi raq tsangshiq tiichhii wan tiimakang. Shatmaq tsangshiq raq ngi shomnoq ka arot.

Hosea 9:3

Israilnok ka Tatiwe raq akuq tsangmung na silu mak she miraq. Tsangshiq ka re raq Ejip mung na hali mitsuqho nong. Kiimaq Asiria mung niishe mitsuq wan. Raüta kiijaq apii chang phan kriishe miphaqsiq wan.

Hosea 9:4

Tsangshiq raq Tatiwe ma, honglu na che min kuq mak she miraq. Kiimaq tsangshiq raq nyamse honglu akuq wan kiimin, Tatiwe raq tao mak she miraq. Kra honglu thun ka, wulum tiijü tsam ikhli miraq. Kra wa nyiim wanti tarü, ashe maiqse miishe mija wan. Kra phaqsiq tlaq ka, tsangshiq wokpo miituli. Kriika Tatiwe jam na, honglu kewan chang riimak.

Hosea 9:6

Shiikeawe sintsang she saüki raüla, Israilnok ka barap niishe mitiipinbaiq. Ejip mungti raq tsangshiq ka adam na mirchom. Raüta Mephi chela na tsang maaphong milap! Tsangshiq rongwin wan chang hiqshong thun ka, hiqmiqchangkhü ma mija, shukrü tonglong lishe miraq.

MALAKI 3:13

“Namshiq raq ngi ma ashut pinthum bom lan,” nguta Tatiwe raq ngutlo. “Shatmaq namshiq raq, ‘Naishiq ümniima jamkho shuttiikai?’ nguta waitlan.

MALAKI 3:14

Namshiq raq, ‘Shiikeawe shomnoq arka jamlai liip min ahü. Apaiq raq chongtlaq kra sham laita jamliip wa midong. Kiimaq, nashiq raq jamlai wa ajiq klo kai kra ningkhan, Tati Ningkun Ajong Pinthumwe man na, nashiq mra tiidii wan kiimin jamlai liip wa midong?

Matthew 12:36

“Ngi raq chongtiikang arka tengteng. Phangthum Khapho Ranaiq na maiq khumtek raq maiqmii nübok maq ümchuwa shiiton hü maq bomtaq, kra bomtsi awea, apaiq raq bom tre chang miraq.

Luke 8:13

Tsamlai longrong hiawia na arokti ka ara. Maiq ümriiti riiwa Shiikeawe bomtsi ka tai raüta, chochikhiq maq lang tlo. Shatmaq, tsangshiq tsan na arang ka atsaü maq cham mak dea. Tsangshiq kam- tsantsii ka jaqlose miitu li sitlo. Krai mren, maitai chamchao akhing saü tlaq ranaiq na, tsangshiq kamtsantsii ka achhan riiwan tlo. Kriiti ka tsamlai longrong hiawia na arokti maq shiiton tlo.

James 3:5

Nashiq nü bok na, nashiq tili sitlaq armin, ara ümchaü kumrang maq thapthi tiikai akhiisii hali. Ashaq lii miika aranse. Mak min sukmak ngo chang khan. Shatmiitiq maiqse raq atili tsak tlaq kra phanphan, abom asa ka rapa hiqchin, atailot chang min ahü, bomrai tlo. Maiqmii tiitsaki seali. Namtsan na riiwea rongliita. Rum ka kunyung kinwe jonghea li ngu raü min, wakhat kiishi se miili kunyung kinwe tiikhiim chaq baiq wantlo!

2 Peter 2:8

Riita ara kechu maiqse Lot ka nokwe ngarai maiqse phong na siwanto. Tsangshiq raq ngarai tang wan kra chhi raüta, apaiq ka ranaiq rawa, atsan na wathiqse maq asi ikha chamchao raüta jamkha i jasiq li siwanto.

Revelation 13:5

Kra jü mong maq adong ngamthaiq kaü miika, Shiikeawe ni na wamak chang, Shiikeawe shummii bom shiikong miilong tiishomra akhing kuqto. Kiimaq apaiq ma arang ka jipi lüroq blai ri lünai miitu kuqto.