Hosea 5:8 - ASII LAKDAP Bible (BSI)

Gibea chela na rechap wan hünong buk ronglaq! Rama chela na redong lerong ka tsü ronglaq. Bethawen chela maq redong chiiriim tlo ronglaq. Benjamin wangti lei re na watlo ronglaq!

Hawa Naga Bible 2001

Gibea nuex rvlungc bolic tuimz shuiuz! Rama nuex ralx daungx tvhuingc tvthuiz shuiuz! Bethawen lex ralx lungc muex guyc tvruingx wuez kuinz! Benjamin miqsaz lex ralx khvt wuez shuinz!

Hosea 5:8 Referencias Cruzadas

2 SAMUEL 21:6

Kra ningkhan, asaü asetiim wa maiqwesetiim wemiishi kra lap laüta naishiq ma atra maq kiinong kuq laq. Raüla naishiq raq tsangshiq ka Tatiwe man na, Gibeon chela na, Tatiwe raq Saul ka tsea raüta hokham ma ashong wanwe sichang kriijaq mitiishak paq baiqhai.” “Ahea ikhla. Ngi raq tsangshiq ka lap lata namshiq ma mikiinong kuq baiq kang,” nguta hokhamwe treto.

1 HOKHVMX 12:29

Krai mren apaiq raq chaq sumla minsaü pongse wiinai kiiwa ashi ka Bethel chela na thüto. Kiimaq sumla ashi ka Dan chela na thüto.

ISAIA 10:29

Tsangshiq raq kinchit ka jinwanto she! Raüta athi rawa ka Geba hiq na japtlo! Rama chelati ka phiip riishe tsai wanto. Kiimaq Hokhamwe Saul sichang Gibea chelati ka wiitashe pinto.

JEREMIA 4:5

Juda mung tlotli na lerong tsülaq! Tiihong laüta agi lülü maq riimlaq! Juda mungti nai Jerusalemti kiitelong maq trotam maq rukje chela thun kiina juronglaq nguta chonglaq.

JEREMIA 6:1

Benjamin wangti lei, maiqmii khupi jutlo ronglaq! Jerusalem wa chiim jintlo ronglaq! Tekoa hiq na redong hünong buktlo ronglaq. Kiimaq Beth-Hakherem hiq na redong wanii tu tiinyaitlo ronglaq. Shekhu nü maq mungthen wan chang nai mungbun wan chang rahai ka saü wantlo she.

Hosea 10:5

Samaria chelati, redong raü jaq phiip raq mitsai. Tsangshiq raq chaq maq alo minsaü sumla, Bethel chela na ashong re raq mishthen baiq. Raüta re raq pongmung na mipiphaq wan. Kriikha na kra noqti mungmaiqse nai ramwebi, maaho manyi mihoqtrang wan.

Hosea 4:15

“Riita namshiq Israilnok ka, mephe-nyung pha na kitlan jiimin, Juda mungti ka sethoq ngarai na naq tiidea rongkiq. Namshiq Gilgal chela na naq nyapkiq, Bethawen chela na naqwakiq, lanta sumla phra naqnoq rongkiq. Kiijaq kilanta Atra Tatiwe mang na, naqtiitum rongkiq.

Hosea 8:1

Tatiwe raq chongtlo, “Lerong tsürong laq. Re dong wanto! Liihawe raq wu phiimtlaq ikha, Re raq isenginok phiimtlo! Tsangshiq raq itongshong jaqkhaq raü chumbaiqto. Tsangshiq raq tongshong tri jinto.

Hosea 9:9

Tsangshiq raq Gibea chela maq phawan raüta, abi pinthum ngarai tangtlo. Shiikeawe raq tsangshiq ngarai raüpot khathüto. Apaiq raq tsangshiq mitiichamchao she.

Yoel 2:1

Lerong tsü ronglaq. Shiikeawe asii hiqlam maq, Shiikeawe raq atsea wan Jajon hiqlam maq tsü ronglaq. Juda mungti lei atiikhai rokrok phiip ronglaq! Tatiwe khapho wan ranaiq ka saüho tlo she!

Yoel 2:15

Jajon hiqlam maq lerong tsürong laq. Lanta mungmaiqse ka adam mirtam laq, dungsea tlea achu jaü aming kuq ronglaq!

AMO LUIK DVP (AMOS) 3:6

Redong lerong tsühaü jaq, chelati mungmaiqse haimak shea? Tatiwe raq tiikaihü maq, chamchao litkot chela na mipinshea?

JOSHUA 7:2

Joshua raq maiq wiijam ka Jeriko chela maq Ai chela na tiiwato. Ai chela ka Bethel chela maq shedong nü na. Kiimaq Bethawen chela tho na riito. Joshua raq sreabi ma, kra binjü ka samheawiq sisin wa rongkiq nguta tiiwato. Tsangshiq ka waraüta sisin wato.

PHOWEBI 5:14

Tsangshiq ka Ephraim wang wa, tanthung na satkito, Benjamin phan raq shunshea tlaq kra jai na, kiimaq tsangshiqnok jai na kito. Sreajongbi asheati thun Machir saüse phan wa, phentubi ka Jebulun phan wa.

1 SAMUEL 15:34

Raütiishe Samuel ka Rama chela na wawanto. Kiimaq Hokhamwe Saul ka ahiqshong na Gibea chela niishe wawanto.

1 SAMUEL 7:17

Kra raütiishe apaiq ka ahiqshong Rama chela kiina jang wan nonglili riitlo. Raüta apaiq ka kiijaq phowe jaqshamtlo. Rama chela na apaiq raq Tatiwe ma berong-wacha ashi haito.

1 SAMUEL 8:4

Kriikha niishe Israil mung wa welabi thun tlotli ka adam na ngongthunto. Raüta Samuel phana Rama chela na kihoto.