DUNGWVNC 5:2 - ASII LAKDAP Bible (BSI) Kiijiishe hokhamwe tsangnai ma shiitep waito, “Tatiwe ka juwa? Ngi raq apaiq bom ka jaram taiwa? Lata Israilnok ka jaram tiiwa baiq wa? Ngi raq Tatiwe ka sap mang. Kiimaq ngi raq Israilnok kiimin tiiwa mang.” Hawa Naga Bible 2001 Hokhvmx waz rueq, “Yehowa ngoz yaq kuex ukhaq lac? Yvmx ngoz tueq lac ngaz rueq piq kvjaz kuex tay kuq vtueq Israel miqsaz kuex tvkaz shaungx? Ngaz rueq kvruex Yehowa kuex tuiuz mauk; Israel miqsaz kvmuinz tvkaz lot mauk,” ngoz tueq tvralc tueq. |
Riita arthun chong wan kai maiqmung phrakong raq maiqmii mungtan ka naishiq ajong hokhamwe jaq khon mong wa ümtiiko tiichhii kuqta? Tiichhiikuq mak dea. Ikhiijiika jamlai ngutiiwa namshiq riika Tatiwe raq Jerusalem ka mitiichhiikuq nguta kam rai tlan?”
Riita ümtiiko ümra mungti phra kong riiwa naishiq jaq khon mong wa tsang mung ka tiikhup wongkuqlot ta? Ikhiijiika namshiq phra kaü raq namshiq ka mitiichhii kuq lot nguta jamkho kamrai tlan?
Riita ümchaü min namshiq ka Hejekia ma naqtlao rongkiq. Riimakla apaiq ma lamjiq na naq tiisheaho rongkiq. Apaiq miika naq kam rongkiq! Junok mung phrakaü riimin asenginok ka Asiria mung pengti ajong hokhamwe jaqkhon mong wa ümchaü niitaq khup wong kuqlot mak shaq. Krai mren sii hali ara ümchaü chongtlan namshiq phrakaü riimin namshiq ka ijaq khon mong wa tiichhii kuqlot mak miraq!”
Tsangshiq raq Jerusalem riimti Shiikeawe kriimin, maiq mung ahinti thun phra kong, maiqse raq jaq maq alo sumla phra kong kiikha tiimiiren raütli shummii shaq shaq bomto.
Ümniiraq Pharao khuthaq na, apaiq jaqthü wanti welabi khuthaq na, asengi mungmaiqse khuthaq na, awang chang jaqsham tiichhikuq wan laü. Jamkhano ngukla tsangshiq raq, ümsengi Israilnok ka pinthum, tiichamchao wanto nguta asap haü. Kra laüta ümkhushü tiijong laü ihata, kra ümkhushü jong ka ümchaü min asi.
Kriikata Shiikeawe ma ajaq tham tiichhiketi kharii kiimaq Ningkun Ajongwe aming roiti kiimbon.
Kriiwe ka shiikongkhiq kiimaq nilan wanshakshak kiqkhii sru wali; apaiq raq aliiq ka ra na pishat maq chaptlo raüta Shiikeawe longkai jutlo.
Tsangshiq tsan na Shiikeawe shiikum pan wan ka raamak nguta tiimatlo kiimaq apaiq jaq wa achu jaü min holi riimak nguta tiimatlo.
Abiwe riika Tatiwe ka shümü mak; ashkong tsi ma atsan na Shiikeawe ngori shea nguta tiimatlo.
“Naishiq raq bomtiikai kriika milap hai dongdii. Naishiq raq jamlai wa rotiikai kra michong hai, kiimaq naishiq ka jurmin tangtalot mak.”
“Shatmaq ümchaü ka ngi she mikiha,” nguta Tatiwe raq ngutlo, “Jamkhano ngukla tsangshiq raq jehin norebi ka haihiitlo, kiimaq tsangshiq raq tiichamchaotlaq thun ka atsitsi ma hoqtrangtlo. Tsangshiq raq tsantsi mongtsi atiikhup wongketi rittlaq kra ngi raq mikuqha.”
Maiqjiq kong riika maiqmii nai maiqmii tiingotlo, “Shiikeawe ka ahü.” Tsangshiq tsantsii ka anamkai kun she, kiimaq tsangshiq raq abi pinthum klo wanto; riikhaqli athuk atsom jaqshamti ka jumin ahü.
Ngi raq asap-ha, Ejip mung hokhamwe ka ningkun maq tiichop hü maq namshiq ka tiiwa mak miraq.
Chaü lei, ümchaü, Tatiwe raq ümniima ngutlo, apaiq ka juwa kra ümniiraq apaiq jaqsham kra chhi laütiishetiq misap haü nguta chongtlo. Liilaq, ümchaü ngi raq jurai wa kham ka ara nyeakii armaq mitsat-ha, kiimaq jürai wa kham ka tiijai ma mijaki.
Ngi ka rongboqhea riihala, ümniika moshipoq mirha sham, kiimaq ngi ka miitsan hea riihala, i ramtsi ma ahuk mojakai miraq, lata Shiikeawe mang motibi miraq.
“Shatmaq namshiq ümchaü ümchuwa Juda mung na tiichong kilanti thun riika Tatiwe namshiq Shiikeawe kiqkhii ka maimak she. Kiimaq armung arjaq shong nga wan nong ka tlea maimak she. Namshiq raq, ‘Riimak, naishiq ka Ejip mung niishe mikiho hai. Laita kiijaq misiki hai. Kiijaq naishiq ma chiqdong redong min ahüshe miraq. Kiimaq kiijaq redong hünongtam trang ka tai mai she miraq. Kiimaq ram raq amang ka tsai mai she miraq,’ nguta ngoka maimak she. Namshiq raq kriila nguhan jiila, Tati Ningkun Ajongwe, Israilnok Shiikeawe raq ngutlo, ‘Shatmaq namshiq ka Ejip mung na sikai dongdii ngutiishe nguholan jiila, ahea siki rangkiq.
Tatiwe raq nguto, “Mob ka che ma tiichok laq, jamkhano ngukla apaiq raq ikiq khiito. Mob ka apaiq phai raitaq kriithaq kiijaq akap atsea miküliisiq laq. Kiimaq maiq raq apaiq ka chhi raüta minai küsiq.
Riita, ümchaü min, namtsam raq lerong, tulu, torokong, torojong, phaqlamtoro, kiimaq laihin atsüngii chang phan thun tsütrang kra taihanla, hiq na bumrang lanta, sumla phrakaü ka noq ronglaq. Kra riiman hanla, jaqlo thitli, namtsam ka watum kaü henghea nyaitlaq mong na mitiidea baiq. Kra watum mong wa namtsam tiichhiiketi ashi ra shiikeawe ka asi ngutiisha tiimatlan?”
Tsangshiq raq, Awe nai ngi ka juwa kra sap mak kha maq, namshiq ma ara chong tiikang chamchao thun ara mitiisaü wan.
Tsangshiq raq, riikhaqli Shiikeawe tiima tsantsii ka, tsangshiq tsan na thü mak maq, shishe tlaq kriikha niishe, apaiq raq tsangshiq ka ashe ashi tsantsii walü tlaq kra miili she likuq baiqto. Kra likuq baiqtaq kriika, tsangshiq raq sham mak chang phan thun wiita misham laq, nguta ngo maq likuq baiqto.
Tati Jesuq ka, kra akhing na, walüli rai tlaq ikha misaüho. Raüta apaiq raq Shiikeawe bomtsi shisheti thun nai nashiq Tati Jesuq bomtsi, Tsütsa Ahea kra lang makti thun ka, wiita mitiichamchao wan.
Kriipat wa maiq thun ka wiita thumthum she tsaito. Kiimaq jai wa maiqpat senye raq Tatiwe ka alaqshe riibaiqto kiimaq apaiq raq Israilnok miitu jaq shamkuqtaq thun kiimin laqbaiqto.
Kiimaq Nabal raq bom ka akhiishe treto. “Jamlai jiq ngukai? Dawit raq tiichong wa tiiwa? Apaiq ka ju? Ngi raq apaiq mang jangshi ra min taimang shaq! Ümchaü pat na, namung na atijongwetiim wokhong wa ajuhowiti disekong ka pahea she!