PHOWEBI 2:10 - ASII LAKDAP Bible (BSI)

¹⁰ Kriipat wa maiq thun ka wiita thumthum she tsaito. Kiimaq jai wa maiqpat senye raq Tatiwe ka alaqshe riibaiqto kiimaq apaiq raq Israilnok miitu jaq shamkuqtaq thun kiimin laqbaiqto.

Hawa Naga Bible 2001

¹⁰ Kvruex pat wawc miq htenc muinz thueyc kaz wuez koq tueq, yix pat wawc miq htenc rueq Israel tvkoc Yehowa rueq yvmx lac shuimx wvnc tvnx kuex lauk gay wuez tueq.

PHOWEBI 2:10 Referencias Cruzadas

RAPHA HIQWA LAK 15:15

Ümnaq ümpumsii riiwe kla tikiijong kiikaiq na saüli misi haü. Laütiishetiq ümniika khu asang maq mitsai haü. Raüta ümmaa ka milap.

RAPHA HIQWA LAK 25:17

Ishmael ka arawii wiishishi ri wiiroqtsam ri wiimiishi niishe tsaito.

RAPHA HIQWA LAK 49:33

Riita Jakob raq asetiim ma kra tsü chongke ka lot raütiishe, apaiq ka chang na awe riito. Raüta apaiq ka tsaikito.

2 SAMUEL 7:12

Ümtiikiiwa tsaitlaü kiimaq ümmaa ka ümtitiim maalap chang hiq ba kriijaq milap wan. Kiitiikaq ngi raq ümsetiim phong kriiwa weshi ka hokham ma mishongha. Kiimaq apaiq ma amung aman ningkun aheng maq rüm wan miitu ningkun mikuqha.

1 KAÜWA WERAÜ 28:9

Kiimaq apaiq raq Solomon ma chongto, “Ise lei, ngi raq ümniima ümwe Shiikeawe ka saplaq nguta aming kuq tiikang. Laüta apaiq kli tsan nai mongjii wiita kuq lata shiililii wan laq, kiimaq khoqriiq shishiiq tiima tsantsii maq shiililaq. Apaiq raq nashiq tiima tsantsii kunli asap. Kiimaq nashiq raq jamlai wa lungwii tiikai kriimin asap. Krai mren ümniika awokhong na wahaüla, apaiq raq ümniika mitao. Shatmaq ümniika awokhong wa ahin na juho raüla, apaiq raq ümniika pattup miitu she mimiimbaiq.

YOBA 21:14

Abi maiqsetiim raq Shiikeawe ma tsangshiq ka naqbro riikiq nguta chongtlo; tsangshiq rilung miitu apaiq raq thapthi tlaq kra sap wan romak sitlo.

DUNGWVNC 1:6

Rahiq pahea siwan jai she Joseph nai aphu anotiim thun kiimaq kra pat wa maiq ümchuwa sitaq kra wiita atsaishe riikito.

DUNGWVNC 1:8

Kiijiishe, hokhamwe anye ashi, Joseph manphan jam min sapmakwe kriishe hokham ma shongto.

DUNGWVNC 5:2

Kiijiishe hokhamwe tsangnai ma shiitep waito, “Tatiwe ka juwa? Ngi raq apaiq bom ka jaram taiwa? Lata Israilnok ka jaram tiiwa baiq wa? Ngi raq Tatiwe ka sap mang. Kiimaq ngi raq Israilnok kiimin tiiwa mang.”

ISAIA 5:12

Namshiq raq poi klo tlan akhing na, phaqlamtoro thun, kiimaq jaqsinpin nai paimin thun tsülanta che kla baknyang polo lantli mochii tlan. Shatmaq Tati raq jamlai wa kiimungtlaq kriika sapphaq man.

JEREMIA 22:16

Apaiq raq miitsan maiqse kha tingting maq photo. Krai mren apaiq jaqsham ka ahea athuk atsom riito, kriikata Tatiwe sap raüta siwan rilung.

JEREMIA 31:34

Tsangshiq phong wa jurmin akongtiwe ma Tatiwe ka sap wan laq nguta shrinke wan ngomin rarai mak she miraq. Jamkhano ngukla, tsangshiq wiitarü raq Ngi ka misap. Nosese maq phawan raüta nolajong pinthum na saüli, tarü raq ngi ka misap wan. Ngi raq tsangshiq ngarai thun ka wiita midii kuq wanha. Krai mren, Ngi raq tsangshiq shutphit thun kra itsan na tiitsang mang she mirha. Arka Ngi, Tatiwe raq toqtan tiikang.”

JEREMIA 9:2

Itsan mong na riiweasea kla kumtsaiphii rumnyangkhi na ngi sichang hiq bashi asi nguraüjaq ahea riichang, kiijaq inok ita makki wa alu na akihoha chang wa. Tsangshiq ka tsapkap mak pinthum, iwokhong na simak mung siiqbaiq tiikong,

JEREMIA 9:3

Tsangshiq ka wranaiqshe arot akiq chongtikong; mung na tingting chong rii na ajok aliiq kli chongtlo. Tatiwe raq ngutlo, “Isenginok raq phanshi abi klojai maq abi phanshi maq tiipatlo, kiimaq tsangshiq raq ngi ka tsang Shiikeawe nguta sap mak.”

JEREMIA 9:5

Tsangshiq tarü ka kongti laoliiti siisaq, kiimaq jurmin tengteng bomtsi chongmak; tsangshiq tilika arot bomchong miitu atiingam reawishe, kiimaq tsangshiq raq ngarai tang ka tsaq mak phan. Tsangshiq riika mat atsa ka ashi tanghoholi riitlo, kiimaq maiq ka bashi wa laohoho li she sitlo. Tatiwe nga asenginok raq apaiq ka shishe baiqto she ngutlo.

WEAWEA 27:13

Ümniiraq armung ka liilot jai, ümphu Aron tsaitaq ikha, ümniimin mitsai haü.

Luke 20:32

Atiisup niishe, jechaknyung kriishe tsaikito.

Acts 13:36

Riita, arjaq chongtlaq arai mren, Dawit raq apaiq pat na Shiikeawe luqkhap ma jaraüta, Shiikeawe jaq ka sham wanto. Raüta, apat sung wan jai she, apaiq ka tsai wanto. Raüta, apaiq maa ka atitiim maalap chiim na lap damto. Kiimaq apaiq maa ka maakho niili namraito.

TRI CHONGKE 31:16

Tatiwe raq Mosheq ma nguto, “Ümniika jaqloli she mitsai haü. Kiimaq ümnaq tsai jai na mungmaiqse ka iwokhong na simak she midongki. Raüta Ngi raq tsangshiq rai tongshong kang tri ka ajin mirbaiq. Tsangshiq raq Ngi ka amiim mirbaiq. Raüta tsangshiq raq jiiwantlaq mung kiiwa thatsang maiqse sumla phra thun kriishe mishomnoq wan.

2 Thessalonians 1:8

Tati Jesuq ka, kra akhing na, walüli rai tlaq ikha misaüho. Raüta apaiq raq Shiikeawe bomtsi shisheti thun nai nashiq Tati Jesuq bomtsi, Tsütsa Ahea kra lang makti thun ka, wiita mitiichamchao wan.

Titus 1:16

Tsangshiq raq Shiikeawe ka saptiikai nguta tiitsaki rai tlo. Shatmaq, tsangshiq rilung na jaqsham tlaq kra riika, tsangshiq ka arot wetiim dea ngutli she, saqseng hakhi khoti kuq tlo. Tsangshiq ka Shiikeawe maklii na maiqphai asi, ashe sitlo. Tsangshiq ka Shiikeawe kiq khiiti. Tsangshiq ka jaqsham ahea shamti ka riimak she.

JOSHUA 24:31

Joshua ka atra sishat wiiwii, Israilnok mungmaiqse raq Tatiwe ka shiilito. Kiimaq apaiq tsaijai min, Tatiwe raq Israilnok miitu ümchuwa jaqsham wantaq kra maiqmii mak maq chhiti welabi thun ka atra sishat wiiwii tsangshiq raq Tatiwe ka shiili shat riito.

1 SAMUEL 2:12

Eli senai ka haibihiiti. Tsangnai raq Tatiwe ma tsantsii kuq mak.