DUNGWVNC 33:12 - ASII LAKDAP Bible (BSI) Mosheq raq Tatiwe ma nguto, “Riikhaqli, ümniiraq ngi nang nga ara mungmaiqse arka kra mung na shea wan laq nguta chonglaü. Shatmaq ümniiraq ngi rai ka juwa mitiiwa dam haü kriika chongkuq maü dea. Ümniiraq ngi ka aheawiq asaphaü. Kiimaq ümniika ngi rai tsanhea sitlaü ngutlaü. Hawa Naga Bible 2001 Moshe rueq Yehowa muex jungx tueq kuex, “Mnoz rueq ngaz muex vruex hez kuex shvlc lvy tvkoc jungx kuq phux, yuq muinz ngaz rulc vdvmz ukhaq tvkay naungc lac kuex mnoz rueq ngaz muex jungx kuq muq doc. Mnoz rueq ngaz kuex vsuing tuiuz vtueq lawc roc vphux kuex mnoz rueq jungx toq. |
Ngi raq apaiq ka tsea wan kang she. Kriika apaiq raq asetiim nai asaütiim ka apaiq wokhong maq, Ngi raq akuqha aming thun kra lang laü raüta kiimaq riikhaqli nai tingting jaq sham raüta siwan miitu tsea wan kang. Tsangshiq raq kra klo raüla, Ngi raq apaiq ma kiq kham kuq kang kra kunli miklo kuqha.”
Kiijiishe hokhamwe raq Jadok ma chongto, “Tongshong Tek ka chela na hali tiijang piwan nong laq. Tatiwe ngi raq ngi miitu ahea thapthi tlaq jiika, akhing ashi na apaiq raq ngi ka ara Tongshong Tek tochang hiqba kiijaq hali mitiijang shea wan nong. Raüta Tek sham liiwanong miitu kiimaq apaiq sichang hiq ba kra liiwa nong miitu akhing mikuq.
Kechu maiqsetiim ka Tatiwe raq shunsheatlo kiimaq khebomshat, shatmaq abi kloti ka tsangshiq thum chang lam na kihotlo.
Ümchaü Ngi raq ümniika Ejip mung hokhamwe phana tiikitiikang. Kriika ümniiraq isenginok ka apaiq mungtan kiiwa ahin na tsuq wan miitu tiiki tiikang.”
Ümtiikiiwa Tatiwe raq Mosheq ka atho na warai chhitaq, kiitiikaq apaiq raq kra rumtamse mong maq, “Mosheq lei! Mosheq lei!” nguta heato. Apaiq raq treto, “O, ngi ka ajiilii.”
Ümchaü ümniika kilaq, laüta mungmaiqse ka Ngi raq ümriiba na shea wan chang ngutiiwa chong kang kiijaq shea wanlaq. Tsan na tiitsang shat riilaq, irase raq ümniika mishun shea wan. Shatmaq Ngi raq arnok arma tsangshiq ngarai kha na imo tiihoke akhing ka saü wantlo she.”
Tatiwe raq Mosheq ma nguto, “Arba arwa laüwan ronglaq, ümnaq nai mungmaiqse ümniiraq Ejip mungwa tsuq wan laü thun kra. Laüta Ngi raq Abraham ma, Isak ma kiimaq Jakob ma nai tsangshiq saü asetiim ma mikuqha nguta kiqkham kuqkang mung kiiniishe laüwan ronglaq.
Tatiwe raq Mosheq ma nguto, “Ümniiraq jamlai wa jaü laü kra phan phan Ngi raq miklo kang. Jamkhano ngukla Ngi raq ümniika aheawiq asapha. Kiimaq Ngi ka ümniima kai khoqriiq tiikang.”
Ngi raq rase ashi ka ümniima lamsheake miitu mitiiwa kang. Kiimaq Ngi raq Kanannok, Amoraiqnok, Hitaiqnok, Perijaiqnok, Hiwaiqnok kiimaq Jebusaiqnok thun kra ajo mirbaiqha.
Apaiq raq nguto, “Tatiwe, ümniika ngohea shaq shaq ngi ma khoqriiq tlaü jiila, ngi raq ümniika naishiq rai adam na wa i nguta tiipaiqnea tiikang. Arnok arka nilan wanshak shak nok. Shatmaq naishiq abi kiimung nai ngarai ka adii riikuqlaq. Kiimaq naishiq ka ümsenginok shaq ma rümshat riilaq.”
Israil lei, Tatiwe üm phansangtiwe raq akha ngutlo, “Naqhaikiq, Ngi raq ümnaq mitiichhii kang. Ngi raq ümniika üm mang chong lata heawan kang, ümniika Ngi rii.
Ngi raq ümniima tsiiqtum ranyaq mong na apaüthü thun mikuqha; kiijiitiq ümniiraq Ngi ka Tatiwe dea nguta misaphaü, kiimaq Israilnok Shiikeawe riidea ümniika mang chong raüta hea wanto nguta misaphaü.
“Ngi raq ümniika ümniima tsitsü mikuqha shaq niiphü tsea kang. Kiimaq ümniika rawii michhi shaq niiphü maiq mung thun miitu shammi ma shong wan kang.”
Man na namshiq Ejip mung wa laüwan lan akhing na, ngi ka namshiq rai pattup pat-sa adam siwanruq mirkang nguta kiqkham raü khakuq kang. Krai mren, ngi ka ümchaü min namshiq rai nongshnongli. Arningkhan namshiq naqhai rongkiq.
Shatmaq, Shiikeawe raq ashong khamlawe kaü ka jurmin tiimeshiki lot mak she. Ara khamlawe kaü na akha bomtsi waiq thüje she: “Tatiwe raq asengibi ka sapshat! Jurwa apaiq ka Tatiwe sengi she nguta sitlaq, kriiti raq ngarai lam phan raa mak she,” nguta waiq tlo.