DUNGWVNC 33:11 - ASII LAKDAP Bible (BSI)

¹¹ Tatiwe raq Mosheq rai ka mantut na, maiq weshi raq akongtiwe rai riibomtlaq ikha riibomtlo. Kra lot raütiishe Mosheq ka piitiip na hali jang wan nongtlo. Shatmaq jerowe apaiq jaq thüti. Nun se Joshua ka kra Tombutiip niili sitlo.

Hawa Naga Bible 2001

¹¹ Miqsaz vdvmz dvmz rvbomc yaq ikhoc, Yehowa kuex Moshe rulc khaungx rvhtux nuex raz tueq rvbomc naungx yaq. Kvruex yimaq Moshe kuex jerak nuex yek waung yaq. Yuq muinz piq muex romc kuy jix waz, Nun muex vsaz yalxrox waz Yoshua kuex Tap mungx nuex kvjungx kaz tueq.

DUNGWVNC 33:11 Referencias Cruzadas

RAPHA HIQWA LAK 32:30

Kiijiishe Jakob raq nguto, “Ngi raq Shiikeawe ka mantut na tiqtaq sham riichhi kang. Kra taü miimin ngi ka atrali sitiikang.” Kra ningkhan apaiq raq kra hiq ba ka Peniel nguta mangto.

2 KAÜWA WERAÜ 20:7

Ümniika naishiq Shiikeawe. Man na ümsengi Israilnok ka armung arjaq laü wantaq akhing na ümniiraq armung na siti maiq mung thun ka jobaiq wan laü. Laüta ümluwe Abraham saüsetiim ma pattup pat-sa miitu she kuqlaü.

YOBA 16:21

Ngi ma Shiikeawe jaq wa achu jaüketi maiq ratlo, akhi aluwe miitu rung na tiipaiq nea tlaq ikha, tiipaiq neati ratlo.

DUNGWVNC 17:9

Kiimaq Mosheq raq Joshua ma nguto, “Maiq wiijam ka tsea laq. Laüta Amalakaiqnok ka anap ranaiq khatkikiq. Ngi ka hiq lam thaq na michapha. Lata Shiikeawe raq chongtaq kra phan phan nyeakii kra sham lata ra na doshat maq michapha.”

DUNGWVNC 24:13

Kiimaq Mosheq nai apaiq jaq treti Joshua ka tiijeto. Kiimaq Mosheq ka asii pum kiina düpha wanto.

DUNGWVNC 32:17

Kiimaq Joshua raq mungmaiqse rüriiq trang ka taito. Raüta Mosheq ma akha nguto, “Ngi raq piitiip na re riikhat riiriiq trang taitiikang.”

DUNGWVNC 33:10

Kiimaq mungmaiqse raq phumda ka Tombutiip kilamchong na chap raü chhi raüla, tsangshiq ka hiq na bum rang riitlo.

DUNGWVNC 33:9

Mosheq ka tiip mong na nyap wan raüla, ra wa phumda kaü ka sat kitlo. Raüta phumda ka Tombutiip kilam chong kiijaq chapkitlo. Kiimaq Tatiwe ka phumda mong maq Mosheq rai riibomdamtlo.

ISAIA 42:8

“Ngi lamlamli üm Tatiwe üm Shiikeawe. Ngi khushü ka tisho ahinti ma riishake maimak; Ngi raq sumla phra thun ma Ngi shomra ka pheakuq mang.

WEAWEA 11:28

Kiijiishe Nun se Joshua noseji niiphü Mosheq jaq tretiwe raq Mosheq ma nguto, “Shiilangwe lei, tsangnai ka tiitsaqlaq!”

WEAWEA 12:7

Shatmaq ümtiikiiwa Ngi ka i jaqshise Mosheq rai she riibom dam tiikang, kriika pong she. Ngi raq apaiq ka isenginok Israilnok khuthaq na tsangshiq hupkhang wan miitu arang apaiq ma kuqkang.

WEAWEA 12:8

Kra ningkhan, Ngi raq apaiq rai ka mantut na tiqtaq riibom dam tiikang. Linham linhok riibom dam tiikang. Shiiwang bomtsi miika riimak. Apaiq raq Ngi sham ka jam khiiwa kriimin chhito! Ikhla namnai raq ijaqshise khuthaq na bombi kiqsü ka jaram wa kuq tlan?”

John 11:11

Jesuq raq ara chonglot raüta, tiijosaq hali, “Nakongti we Lajaras ka akon. Shatmaq, ngi kilata, apaiq ka atiisam mirkiha,” nguta tsangshiq ma chongto.

John 3:29

Junwati nyung kriika, junlamti we rii. Shatmaq, kherü lam sheati kiimwe sitlaq kriika, rohunti we kra chochi kra chhi raütli, apaiq kiimin kai chochi dam tlo. Ikiikhiisii hali, ngi armin la, kai chochi dam tiikang.

TRI CHONGKE 31:14

Kiijiishe Tatiwe raq Mosheq ma nguto, “Ümniika alu simaü she. Joshua ka healaq. Laüta apaiq ka Tombutiip na shea wan laq. Ngi raq apaiq ma tsii chongkuqpha.” Kiimaq Mosheq nai Joshua ka Tombutiip na wato.

TRI CHONGKE 34:10

Mosheq khan shammi ka Israil mung na jumin dong mak riito. Tatiwe raq apaiq rai ka mantut na tiqtaq riibom damto.

TRI CHONGKE 5:4

Kra pum maq Tatiwe raq namshiq rai mantut maq walütu mong maq riibom damto.

James 2:23

Krai mren she, Asii bomtsi na, ‘Abraham raq Shiikeawe kiqkham ma kamto. Krai mren, Shiikeawe raq apaiq ka kechu maiqse she nguta rairii wanto’ nguta chongtlaq bomtsi kriishe kuwato. Krai mren she, Abraham ka Shiikeawe ma aluwe shaq she dea nguta, Shiikeawe raq ajaq khaqkuqto.”