JEREMIA 1:5 - ASII LAKDAP Bible (BSI)

⁵ “Ngi raq ümniika ümniima tsitsü mikuqha shaq niiphü tsea kang. Kiimaq ümniika rawii michhi shaq niiphü maiq mung thun miitu shammi ma shong wan kang.”

Hawa Naga Bible 2001

⁵ “Ngaz rueq mnoz kuex thuiuzthuic pauk vguez shauk nuex thvl wvnc vtueq, mnoz max jawx nuex phuex pungx nuex raz tueq miqphvnx ruip rawx shvmmax muex thvl taq phaungx,” ngoz tueq jungx tueq.

JEREMIA 1:5 Referencias Cruzadas

Tvtsvmc 139:15

Irok irii thun ka sürii wantaq akhing na, ümtiikiiwa inyung puk na aheawiq tiisaptiida phansang wantaq akhing na, ümtiikiiwa ngi ka ahukse maq kiijaq jonglu wan kang akhing niiphü, ümniiraq ngi ka kiijaq asi nguta asaphaü.

Tvtsvmc 139:16

Ümniiraq ngi ka rawü michhiha shaq niiphü achhihaü. Irilung miitu rahiq athiiqkuq ka wiita ümlakdap na awaiqthü wishe, kriithun ka miphaja wanshaq niiphü.

DUNGWVNC 33:12

Mosheq raq Tatiwe ma nguto, “Riikhaqli, ümniiraq ngi nang nga ara mungmaiqse arka kra mung na shea wan laq nguta chonglaü. Shatmaq ümniiraq ngi rai ka juwa mitiiwa dam haü kriika chongkuq maü dea. Ümniiraq ngi ka aheawiq asaphaü. Kiimaq ümniika ngi rai tsanhea sitlaü ngutlaü.

DUNGWVNC 33:17

Tatiwe raq Mosheq ma nguto, “Ümniiraq jamlai wa jaü laü kra phan phan Ngi raq miklo kang. Jamkhano ngukla Ngi raq ümniika aheawiq asapha. Kiimaq Ngi ka ümniima kai khoqriiq tiikang.”

ISAIA 44:2

Ngi ka Tatiwe ümnaq phansangti; ümrawü chhi wanli miiphü, Ngi raq ümnaq khrum kuqkang. Naqhaikiq; ümniika ijaqshise, ngi raq tingsang atsea wanha isenginok; ngi raq lungwii tiikangnok.

ISAIA 49:1

Ibom taironglaq, luheati maiq mung thun lei, namshiq mungmaiqse ratsüko mung na sitibi lei! Ngi raq rawii michhiha shaq niiphü, Tatiwe raq ngi ka tseato, raüta ngi ka ajaqshi se ma shongto.

ISAIA 49:5

Ngi raq rawü michhi shaq niiphü, Tatiwe raq ngi ka shongto; apaiq raq ngi ka ajaqshi se ma shongto, asenginok ka tiijang shea wan nong miitu, Israilnok anyinbaiq rat kriithun ka tiijang tsuq wan nong miitu, Tatiwe raq ngi shrengtlo; apaiq ka ngi ma ningkun tu.

JEREMIA 1:10

Ümchaü ranaiq ngi raq ümniima maiq mung thun nai maiq mungtan thun sitlaq kra arangchong maq babaiq wan miitu kiimaq arunbaiq wan miitu, tiithenbaiq wan miitu kiimaq hokham ngachang wa tiidea baiq wan miitu, lata ahai wan miitu kiimaq acham ka chhi wan miitu arang kuq tiikang.”

JEREMIA 1:4

Tatiwe raq ngi ma nguto.

JEREMIA 20:15

Sonlaq iwe ma tsütsa ahea tiitai hotiwe ka, ümra akhing niiwa apaiq raq, “Maiqwese doto! Ümse ka maiqwese!” nguta chongketiwe ka!

JEREMIA 25:13

Ngi raq Bebilon mung ka maiq mung ahinti thun khuthaq na chamchao mitiisaüha nguta Jeremia lümaq tiichongkuq wan kang thun thenjen wan chamchao kriimiishe mitiicham chao wanha. Kra thenjen wan chamchao thun kriika ara lakdap mong na waiqthüje she.

JEREMIA 36:2

“Lakwaiq chang damkom ashi lam laq. Laüta Ngi raq ümniima Israil mung nai Juda mung kiimaq maiq mung thun wiita miitu bom ümchuwa chongkang ira wiita waiq thülaq. Ngi raq ümniima Josia ka hokham jatlaq akhing maq phaho lata, ümchaü akhing na saüli ibomtsi ümchuwa chongkuq kang kra kunli waiq thü laq.

JEREMIA 50:34

Shatmaq tsangshiq khupwongke wantiwe ka ahong alawe. Apaiq mang ka Tati Ningkun Ajongwe, Apaiq riishe tsangshiq kha ka mipho kuq wan. Krai mren ara mangjong hiq na hansang she miraq. Shatmaq Bebilon mungti miitu chamchao she misaü wan.”

Luke 1:15

Apaiq ka Tatiwe man na ajong pinthum miraq. Apaiq riika che nyang min maimak. Apaiq ka rawü chhi wanli miili, akhum na Asii Wenyi ka ama maq misi wan.

Luke 1:41

Elijabeth raq Meriq salam bomtsi kra tai ri li she, awok wa no kiimin atiime, aphe aphiiq she riito. Elijabeth ka Asii Wenyi raq ama riito.

Luke 1:76

“I se le, ümniika, Ajong Pinthum Shiikeawe shammi ngutiishe mingu. Ümniika Tatiwe ma sinkhu na miki haü. Laüta, apaiq kai chang lam kra mitanho haü.

John 10:36

Riita ngi arka I We raq dadüdü atsea riiwan raüta mangjong hiq na tiikito. Kriikha maq, ngi ka Shiikeawe Se nguta tiichong tiikang. Ara tiichong tiikang arkha na, namshiq raq ngi ma riikhiq apii ashut bom tlaü nguta kha ka jamkho nyan tlan?

Romans 1:1

Ngi Paul, Khristo Jesuq dise, kiimaq kiimwe ma tingsang athiiq raüta atsea wan, kiimaq Shiikeawe raq apaiq Tsütsa Ahea trahoke miitu ashong wan we raq waiq tiikang.

Romans 8:29

Shiikeawe raq maiqse phong wa ümriiti wa, kongkhu miiphü tsea wantaq, kriiti ka Ase sham sham tiija wan miitu, athiiq raüta pong na rairii thü wanto. Krai mren, Ase ka aphu anotiim pahea siwan tlaq kra phong na, chhikhu pinthum we ma mija wan.

1 Corinthians 8:3

Shatmaq jurwa Shiikeawe lungwii tlaq, kriiti ka Shiikeawe riimin apaiq ka asap.

Ephesians 1:22

Shiikeawe raq phanrap sitlaq kriika, Khristo jaqkhon mong na siisaq she likuqto. Kiimaq, Shiikeawe apaiq raq, Khristo ka phungtu khuthaq na, Ajong thaq niimin Ajong Tatiwe ngutiishe shongto.