DUNGWVNC 20:4 - ASII LAKDAP Bible (BSI) “Ümnaq maiqmii miitu ramungtan na siti lo riimakla mangjong hiq na sitilo, riimakla kham mong na sitilo kra sumla thun kiiwa jamlai phan sumla li jiimin naq klokiq. Hawa Naga Bible 2001 “Nuimshiq rueq raungmungx nuex, ghaq htauk nuex, ghaq khung yuix mungx nuex httax yaq phvnx phvnx shishiz rulc rv-ngvlc shvmx kuex mnoz rueq mtvkoc tvhungx mvy muq. |
Apaiq kra bomtsi khu thaq na heashi asha puq shiwea wan raütiishe, apaiq raq chaq maq minsaü pongse nai anai sumla loto. Raütiishe apaiq asenginok mungmaiqse ma akhiishe nguto, “Namshiq ka lam luhea kilili lantea Jerusalem na Shiikeawe shomnoqkai kitlan. O Israilnok singmung maiqse lei, liimanta arjaq ahata namshiq phrakaütiim, namshiq ka Ejip mung wa shea wanti!”
Kiimaq Tatiwe raq sumla phra thun naq noq rongkiq nguta aming akuq kra wiita jinbaiq wanto.
Apaiq raq Shomjam mong na sumla ashi shongto. Kra hiq ba miitu ka Shiikeawe raq Dawit nai ase Solomon ma akha nguto: “Ara Jerusalem na, ara Shomjam arka, Israilnok maiqphan phanroqshi ri phannai sichang hiqshong thun liipan wa ara hiq ba arka ngi shomnoq wan miitu ngi raq tsea wan kang she.
Tsangshiq raq apaiq ka tsangshiq thatsang hiqba thun haiwan raüta atsan tiikhiqto, kiimaq tsangshiq raq sumla phra thun noq raüta apaiq tsan ka walü wa ikha tiinyai chaqto.
Sumla thun noqtibi loweatek ma jea tiingaütlo; tlotli tisho thun raq Tatiwe khaki na bum raüta noqtlo.
Namshiq Ngi tiitsuq ma shomnoq wan miitu phra thun ka kampho maq riimakla chaq maq naq klo rongkiq.
Ümtiikiiwa mungmaiqse raq Mosheq ka pum wa satki mak she, rahiq ka luhea she kiijaq siraiho kiita, tsangshiq ka Aron tro na riitamto raüta, apaiq ma akha nguto, “Nashiq ka Ejip mungwa shea wantiwe Mosheq ka jamkhii she wa jakita nashiq ri sapmai. Kra ningkhan nashiq shun sheati phra kaü ashi hailaq.”
Tsangshiq raq ngi ma akha nguto, ‘Nashiq Ejip mungwa tsuq wantiwe Mosheq ka jamkhiishe wa jakita nashiq ri sapmai. Kra ningkhan naishiq shun sheati phra kaü ashi klolaq.’
Kiimaq apaiq raq niti thun ka jaüto, raüta wa na tiijamto. Raüta chaq ka thang na loto. Raüta chaq maq saüla pongse sumla ashi loto. Kra chhi raüta mungmaiqse raq nguto, “Israilnok lei, ahata nashiq phra kaü, Ejip mung wa nashiq sheawanti!”
Ngi raq tsangshiq ma aming kuq lata lamphan tiichhikuq kang kriika phan mak she miimbaiqto. Tsangshiq raq chaq maq saüla pongse ashi loto, raüta kriishe shomnoq hoto. Raüta kriima honglu thun takuqto. Tsangshiq raq arka tsangshiq phra kaü, tsangshiq ka Ejip mungwa shea wanti nguta ngutlo.
Sumla phra kong ma kamti tlotli, jurwa sumla phong nangnga tsangshiq phra kong ngutlaq, tsangshiq thun ka aran ma mitiijabaiq kiimaq khushü jampaqpaq mirwan.”
“Ngi lamlamli üm Tatiwe üm Shiikeawe. Ngi khushü ka tisho ahinti ma riishake maimak; Ngi raq sumla phra thun ma Ngi shomra ka pheakuq mang.
Ngi raq tsangshiq ma tsangshiq raq lungwii raüta shomnoqtlaq maiqphai asi sumla phra thun ka wiita tiikübaiq ronglaq. Kiimaq Ejip mungti arot akiq sumla phra thun kriimaq tsangshiq khum ka tiisheshi raamak nguta chongkuq kang. Jamkhano ngukla Ngi ka tsangshiq Tatiwe tsangshiq Shiikeawe.
Krai mren, ngi ka wang mong niishe nyap wan kang. Lata liikang. Liikangta kra khechong thun kiijaq awaiq paü sumla phong, kiimaq laihin ashe ashi phan ngamsaü ngiqse sumla phong pahea kiimaq laihin sumla phong Israilnok raq shomnoqtlo chhikang.
Apaiq raq ajaq ikha kriika ngi phanü na tliisaq riito. Raüta ngi ka ikhudap maq dopot laphoto. Kiijiishe ara riisham makchhi maq chhikang, ngi ka Shiikeawe wenyi raq ra na rawang win na luhea na dowanto. Raüta ngi ka Jerusalem na sheahoto. Raüta apaiq raq ngi ka Jerusalem Shomjam shekhu nü nü kilamchong wang mong kilam chongti ba kiijaq shea wanto. Kiijaq Shiikeawe mak lii na riiqkhiq phan sumla kaü ashi kra tiinga raü riito.
“Ngi ka naq baiqthü rongkiq. Kiimaq sumla phra thun ka naq shomnoq rongkiq. Ja ajin maq sumla thun naq lo rongkiq. Lanta tsangshiq ka naq shomnoq rongkiq. Ngi ka Tatiwe namshiq Shiikeawe.
Tatiwe raq nguto, “Sumla thun naqhaihun rongkiq. Riimakla sumla phra thun ka naq tiinga rongkiq, kiimaq longkham thun ka naq shong rongkiq, riimakla longkaü thun na sumla soqhai lanta naq noq rongkiq. Ngi ka Tatiwe namshiq Shiikeawe.
Kra ningkhan, Ngi raq apaiq rai ka mantut na tiqtaq riibom dam tiikang. Linham linhok riibom dam tiikang. Shiiwang bomtsi miika riimak. Apaiq raq Ngi sham ka jam khiiwa kriimin chhito! Ikhla namnai raq ijaqshise khuthaq na bombi kiqsü ka jaram wa kuq tlan?”
Riita ija, nashiq ka Shiikeawe setiim she kha maq, nashiq raq Shiikeawe rong arai ka tsiimwe khiiqwe bi raq nai tiiqwebi raq, jaq maq chaq ngam wa, kampho ngam wa, kiimaq long maq sumla phra haihun tlaq kiikha sham nguta tiima ka raa mak she.
Thummak miq mak atra Shiikeawe ka shomnoq rii na, tsangshiq riika maiqse raq, jaq maq ahai hun, athumkai chang phan maiq sumla, wushi sumla, ngamsaü ngiqse sumla thun, kra khoti shomnoq tlo.
Kiimaq sumla phra shomnoq chang longkham min shong maimak. Tatiwe raq arthun ka pinthum saisitlo.
“‘Jurwa long maq, kiimaq pe maq, riimakla jin maq sumla phra ashi haitlaq, raüta ahuk se maq shomnoqtlaq, kriiti ma Shiikeawe manson minilaq. Tatiwe raq sumla noq ka saisitlo.’ “Kiimaq mung maiqse kunli raq mitre, ‘Amen!’
“‘Ümnaq maiqmii miitu ramungtan na siti jamlai phan sumla min klo raamak. Kiimaq mangjong hiq na siti sumla min klo raa mak. Kiimaq kham mong na siti sumla min klo raamak.
Krai mren, rase ashi ngojati ka mangjong hiq na kito. Raüta, ajaq wa Shiikeawe tsankhiq winpin kra raü baiqto. Krai mren, ngamthaiq kaü sil maq tsangshiq khum na awaiq wanti nai ngamthaiq kaü sumla shomnoqti khum na, maiqphiip maiqjiip atsam tha she dongwantoto.
Atinkhan sawa tha wa raq tiichamchao jai min, mangjong hiq na maiq ümchuwa tiichongtaq, kra raq tsangshiq jaq maq ahai sumla phra shomnoq ka thaq mak phanli shatshat riito. Tsangshiq raq thatsang ka thaqmak dea riito. Maiqse jaq maq aklo chaq sumla, kampho sumla, koti ngam maq ahai sumla, longkaü maq ahai sumla, kiimaq pe maq ahai sumla, mak ahü, ni ahü, khumtsü mak, tsitsü ahü phra sumla shomnoq ka thaqmak phanli shatshat riito.
Apaiq raq kampho ka anyung ma jangkuqto. Kiimaq anyung raq akha nguto, “Manson ka ise thaq na nikhi kimak chang miitu, ngi raq ijaq maq sham lata ara kampho ka, Tatiwe ma sinkham lata kiinong kuq tiikang. Ara kampho armaq pe maq phra sumla ashi hairaüta kriithaq na ara kampho maq lochang miraq. Kra ningkhan ümchaü ngi raq ara kampho ka ümjaq na hali jangkuq nong tiikang.”