DUNGWVNC 20:5 - ASII LAKDAP Bible (BSI)

⁵ Jamlai phan sumla khaki na jiimin naq bumkiq. Riimakla kra shomnoq maimak. Jamkhano ngukla Ngi ka Tatiwe üm Shiikeawe. Kiimaq Ngi rai riilongti ka ashi min thümang phan. Ngi ngengti ma mo tiiho tiikang. Kra mo ka asetiim kiimaq asaütiim maiq pat tsam nai patblai na saüli mo mitiihoha.

Hawa Naga Bible 2001

⁵ Yac yuimx kuex bumx vtueq nauk nawk, nauk nawk palx kaz, yvmx khoc lac ngoz ruiux lec ngaz kuex Yehowa nuimshiq Tishox rvtauk, ngaz rulc rvlongx mvy muq. Ngaz muex shuiuc pac jix kuex tsuingshiq suiuz vsaz pat thuimx nuiyc pat bvlic nuex httuiuc laz murx tvgurc shaungx.

DUNGWVNC 20:5 Referencias Cruzadas

2 SAMUEL 21:1

Dawit raq mung pengtlaq pat na rawiitsam tinkhit ram henghea dongto. Kriikha na Dawit raq Tatiwe rai riiwaito. Kiimaq Tatiwe raq treto, “Saul nai ajamtitiim raq maiq tsatbaiq raüta mat kha tangto. Apaiq raq Gibeon chelati tsatbaiqto.”

2 SAMUEL 21:6

Kra ningkhan, asaü asetiim wa maiqwesetiim wemiishi kra lap laüta naishiq ma atra maq kiinong kuq laq. Raüla naishiq raq tsangshiq ka Tatiwe man na, Gibeon chela na, Tatiwe raq Saul ka tsea raüta hokham ma ashong wanwe sichang kriijaq mitiishak paq baiqhai.” “Ahea ikhla. Ngi raq tsangshiq ka lap lata namshiq ma mikiinong kuq baiq kang,” nguta hokhamwe treto.

1 HOKHVMX 19:10

Kiijiishe apaiq raq treto, “Tatiwe Ajong Pinthum Shiikeawe lei, ngi raq irilung wiilü ümniili shiililii wan kang, ümniili dongdii shomnoq wan kang. Shatmaq Israilnok raq ümniirai tongshong bomtsi athü wan ka wiita she jinbaiq wanto. Raüta ümnaq shomnoq chang berong-wacha thun wiita runbaiqto. Raüta ümshammibi thun min wiitashe tsatbaiqto. Ngi lamlam se li she tiichong tiikang. Kiimaq tsangshiq raq ngi tseabaiq tantlo!”

1 HOKHVMX 21:29

“Liilaq, ümniiraq Ahab ka imakki na jamkho aranse miishe jakitaq kra chhi tlaü shea? Riita ümchaü min apaiq raq imakki na akha aranse ma jatlaq arningkhan, Ngi raq apaiq pat na kra chongkang chongthum chamchao ka tiisaü mang. Kriika Ngi raq Ahab ma ase pat niishetiq tsangta ma chongthum chamchao kra mitiisaüha.”

2 HOKHVMX 17:35

Tatiwe raq tsangshiq rai tongshong wanto. Raüta tsangshiq ma akha aming kuq wanto: “Namshiq raq laihin phra thun shomnoq maimak. Tsangshiq jichong na bum lanta noqkai raamak. Kiimaq tsangshiq ka shiili wan maimak. Kiimaq tsangshiq ma honglu take maimak.

2 HOKHVMX 17:41

Krai mren tsangshiq riika siimko maq Tatiwe kra shomnoqtlo. Shatmaq siimko miika tsangshiqnok sumla phra thun kiimin shomnoqtlo. Krai mren, ümchaü niitaq tsangsaü tsangsetiim riimin kriithun kra shomnoq raütli sitlo.

2 HOKHVMX 23:26

Shatmaq Hokhamwe Manase raq ashut klo wantaq kra ningkhan Juda mung khuthaq na Tatiwe tsankhiq walü ka henghea shaü wanto. Kra walü nyai ka ümchaü niitaq matmak shaq li.

2 HOKHVMX 5:18

Krai mren, ngi raq ranphan tiikang, ümtiikiiwa ngi ka itijongwe hokhamwe rai kongshi kilata, Siria mung riimti phrakaü Rimmon shomjam na kidam tiikang, lata apaiq ka shomnoq dam tiikang akhing na, Tatiwe raq ngi mra ka tiitsang kuq mak raüjaq ahea miraq. Ngi ka tengteng kam tiikang Tatiwe raq ngi mra ka adü mirkuq!”

2 HOKHVMX 5:27

Riita arningkhan, ümchaü sanha, Naaman thatsi ka ümkhu thaq niishe milü wan. Ümkhuthaq na kiimaq ümsaü ümsetiim thaq na pattup pat-sa she mirlü wan!” Krai mren, Gehaji ka kiiwa tiido wantaq akhing na, akhum na kra thatsi ka akop wa kun she riito. Akhum wa akhü thun ka tsakhiiq ikha lüriirii ma she riito.

2 KAÜWA WERAÜ 25:14

Ümtiikiiwa Amajia ka Edomnok tang raütiishe ahiq na jang wantaq, apaiq raq tsangshiqnok phra sumla thun kiimin apaiq raq howan damto. Raüta kriithun ka shongto. Raüta shomnoqto. Kiimaq kriithun ma homseng honglu chaqkuqto.

2 KAÜWA WERAÜ 7:19

Shatmaq ümniiraq nai ümsenginok raq ümkhii miiwa ngi raq akuqha thungtri thun nai aming thun ka jin lantea, kiimaq laihin sumla phra thun kra shomnoq wan han jiila,

YOBA 21:19

Namshiq nga Shiikeawe raq ase ka awe ngarai thun kha na mo tiihotlo ngutlan kata. Kriika riimak! Shiikeawe raq ngarai maiqsebi ka maiqmii ngarai miitu mo mitiiho laq; Apaiq raq tsangshiq ma maiqmii ngarai kha na mo tiihotiikang nguta mitiichhi kuqlaq.

YOBA 5:4

Tsangsetiim tiikhup wongketi ahü she; rung na tsangshiq tiiwongketi ju min ahü.

Tvtsvmc 109:14

Awetiim mra thun ka Tati raq tsan na mitiitsanglaq; kiimaq anyung ngarai thun ka diikuqmak maq mithülaq!

Tvtsvmc 78:58

Tsangshiq raq apaiq ka tsangshiq thatsang hiqba thun haiwan raüta atsan tiikhiqto, kiimaq tsangshiq raq sumla phra thun noq raüta apaiq tsan ka walü wa ikha tiinyai chaqto.

Tvtsvmc 79:8

Naititiim raq ngarai thun tang kha na naishiq ma mo naq tiihokiq. Naishiq ma ümchaü tiihang mangchan tiichhi kuqlaq; naishiq ran chang jamlai min ahüshe.

Tvtsvmc 81:15

Ngi ngengtinok raq tsanghaisitsi ma ikhaki na mibum wa; tsangshiq moho ka pattup pat-sa mihophaq wan.

DUNGWVNC 23:24

Tsangshiqnok phra kong khaki na naq bumkiq. Riimakla kriithun ka naq noqkiq. Kiimaq tsangshiqnok miikam miisham thunglai ka naq lang kiq. Tsangshiq phra kong ka wiita tiithenbaiqlaq. Laüta tsangshiq raq asii longkham thun ashong ka wiita tiibun baiqlaq.

DUNGWVNC 34:14

“Namshiq raq laihin phra naq shomnoq rongkiq. Jamkhano ngukla, Ngi, Tatiwe raq Ngi rai riilongtibi ka ninlot mang.

TAKSU LAK 8:36

Jurwa ngi hummak dea, kriiwe ka mo hophaqtlo, jurwa ngi ngengtlaq, kriiti ka tsailam lungwiitlo.

ISAIA 44:15

Raüta kra pechong adaq kiiwa pe wiijam ka chin ma mitiija. Kiimaq pepan wiijam kiiwa sumla phra kra mihai. Pepan wiijam ka apaiq raq chin ma mitham. Raüta wa ka chaq raüta apaiq raq wa ka miwo. Kiimaq winsii milum phaq. Kiimaq pepan panko kriimiika sumla phra mihai. Raüta apaiq raq minoq.

ISAIA 44:19

Sumla phra thun tiiqloti khutsai ka ahü. Tsangshiq raq maiqmii tiima tsantsii na, “Pe pan wiijam ka chin ma chaqkang. Lata ngi raq winsii lumkang. Kiimaq ngam ka wa na shulata phaqkang. Kriiwa chantlaq pepan kiiwa sumla phra ashi haikang. Lata ümchaü ka ngi raq pepan wa sumla haikang kriishe noqtiikang!”

JEREMIA 2:9

“Arningkhan, Ngi Tatiwe raq isenginok khuthaq na, kha nyantiikang sinkii kra misü nongha. Ngi raq tsangsaü tsangsetiim khuthaq na, kha thun kra rung na mishokha.

JEREMIA 32:18

Ümniiraq maiqse ahing amun ma mangchan riipit maü phan maq lungwii tlaü. Shatmaq maiqse ka anyungwe ngarai miitu min ümniiraq mo tiiho tlaü. Ümniika ajong pinthum kiimaq ningkun jonghea riimti Shiikeawe. Ümniika Tati Ningkun Ajongwe.

EJEKIEL 18:19

“Shatmaq namshiq raq akha waitlan: ‘Riita awe ngarai thun miitu ka ase raq jaro mo homak?’ Kra bomtre ka ara; Ase riika tri na jamlai wa riikhaqli kiimaq athuk atsom kra shamto. Apaiq raq itri raütu ka riikhaqli rümto. Raüta athuk atsom aheawiq tsapkapkap maq tri thun kra langto. Kra ningkhan, tengteng apaiq ka atra misi.

EJEKIEL 18:2

raüta akha nguto, “Israil mungti raq ara uqkhiima bomtsi arka jam nguto bliiqkiki chongsiqtla? ‘Anyungwe raq spiqtsi ka ahaiwiq siqto. Kriikha na asetiim riimin ahaiwiq siqtlo.’

EJEKIEL 20:7

Ngi raq tsangshiq ma tsangshiq raq lungwii raüta shomnoqtlaq maiqphai asi sumla phra thun ka wiita tiikübaiq ronglaq. Kiimaq Ejip mungti arot akiq sumla phra thun kriimaq tsangshiq khum ka tiisheshi raamak nguta chongkuq kang. Jamkhano ngukla Ngi ka tsangshiq Tatiwe tsangshiq Shiikeawe.

EJEKIEL 39:25

Tati Rakaü Hiqwe raq nguto, “Shatmaq ümchaü ka Ngi Jakob saüsetiim phan, Israilnok ma tiihang mangchan she mitiichhi kuqha. Lata tsangshiq ka thongshiri hali pinthum arong awinnok ma mitiija wan nongha. Ngi raq i mang chong asii kra mitiiwong wanha.

EJEKIEL 8:3

Apaiq raq ajaq ikha kriika ngi phanü na tliisaq riito. Raüta ngi ka ikhudap maq dopot laphoto. Kiijiishe ara riisham makchhi maq chhikang, ngi ka Shiikeawe wenyi raq ra na rawang win na luhea na dowanto. Raüta ngi ka Jerusalem na sheahoto. Raüta apaiq raq ngi ka Jerusalem Shomjam shekhu nü nü kilamchong wang mong kilam chongti ba kiijaq shea wanto. Kiijaq Shiikeawe mak lii na riiqkhiq phan sumla kaü ashi kra tiinga raü riito.

DANIEL 1:2

Tatiwe raq apaiq ma Hokhamwe Jehoiakim ka tlapto. Kiimaq shomjam wa tsiiq anyam wiijam kiimin trunto. Apaiq raq shumwikong wiijam ka apaiq rai, Bebilon mung na apaiq phra kong shomjam na tsuq wanto. Raüta sepat lopi tsiiq atsuq wan ka shomjam na hupsam thüchang khok thun kiijaq thüto.

DANIEL 3:18

Shatmaq, apaiq raq naishiq ka tiichhiikuq mak li jiimin, Chaü lei, naishiq raq ümphrakaü ka shomnoq mai. Kiimaq naishiq ka hiq na bum laita, ümniiraq chaq sumla shong laü kra khaki na bum laitiika noqmai.”

LEWI 20:5

Ngi raq ipumsii maq kriiwe ka mingengha kiimaq apaiq jamti wiitarü kiimaq apaiq rai kongshi maq pong raüta, Ngi shummiitaq raüta Molekh shomnoq wantaqti thun ka mingengha. Ngi raq tsangshiq ka isenginok nguta wea mang she mirha.

LEWI 26:1

Tatiwe raq nguto, “Sumla thun naqhaihun rongkiq. Riimakla sumla phra thun ka naq tiinga rongkiq, kiimaq longkham thun ka naq shong rongkiq, riimakla longkaü thun na sumla soqhai lanta naq noq rongkiq. Ngi ka Tatiwe namshiq Shiikeawe.

LEWI 26:29

Namshiq ka ram raq haü wan lanta pitlang pitthea she mihaü wan han. Namlang pitsi ma namsetiim ngam kriishe miphaq han.

NAHUM 1:2

Tati Shiikeawe raq apaiq rai riilong liiqti ka, akhiismin nin lot mak jaq mitiijang, tsangshiq ma atsankhiq tsi ma, tsangshiq mitsa.

WEAWEA 14:18

Ümniiraq ngulaü, ‘Ngi, Tatiwe ka mokhiq ka khiq mang. Kiimaq Ngi raq lungwiitsii jonghea tiichhikuq tiikang kiimaq pinthum tsapkapkap tiikang kiimaq ngarai kiimaq ikiq khiiti mra ka diikuq tiikang. Li jiimin, anyungwe ngarai thun kriikha na, asetiim nai asaütiim ma maiq pat pat-sam na nai patblai na saüli, anyungwe ngarai kha na mo tiihohü ka tlea baiq mang mirha.’

WEAWEA 14:33

Namsetiim ka ara bintang jüngi mung arjaq rawii roqblai mimang mii wan. Tsangshiq ka namshiq raq Ngi shishe baiq lan kriikha na micham chao wan. Kra chamchao ka namshiq phong wa atiisup tsaitiwe kra mitsai shaq wiiwii michamchao wan.

WEAWEA 25:11

“Phinehas raq jaqsham ahea klo kha maq, Ngi ka Israilnok ma itsan tiikhiq mang she. Apaiq raq laihin phra shomnoq ka pinthum ninlot mak Ngi li shomnoqtlo. Kra ningkhan tsangshiq ka itsan khiq li jiimin, Ngi raq tsangshiq ka tiijiimbaiq mang dea riikang.

Matthew 4:9

Raüta, “Ümniiraq i ji chong na bum laüta ngi ara shomnoq haü jiila, ara maiqmung thun ara ümniima mikuq kang,” nguta Thawe raq nguto.

John 15:18

“Mangjong maiqse raq namshiq ka ngeng seng wan kiiphan la, namshiq mingeng wan shaq na, tsangshiq raq ngi kongkhu ngengphato nguta bomtsi kra sap rong laq.

John 7:7

Phiijawa raq namshiq shulii chang lamlu ka ahü. Shatmaq, ngi ka tsangshiq raq shulii tlo. Arka ngi raq tsangshiq ngarai lamphan ka abi nguta chongkuq tiikang kriikha maq ngeng tlo.

John 9:2

Kra chhi raütiishe ajaqshisetiim raq apaiq ma, “Shrinketi we, ju ngarai riiwa, arwe makchuk dongtaq arnya? Apaiq ngarai riisha, sha anyungwe ngarai raq wiinya?” nguta waito.

Romans 1:30

Kiimaq tsangshiq nai tsangshiq liipan na arshaphaq, tsangshiq ka Shiikeawe makki na, kai maiqsai asi sitlo. Kiimaq tsangshiq ka ji maq nishishi tsii rümti; Tsangshiq ka ashkong li, kiimaq tiishom mra li; tsangshiq riika, abi lam ka apa klo wan wan roli sitlo. Tsangshiq raq anyung awe bom ka tai mak.

Romans 8:7

Arkha na tiina, juwa maiqmii han-ngam tiima tsantsii jaqkhon mong na sitlaq, kriiti ka Shiikeawe ma wesang. Ara jamkhano chongtiikang ngukla, apaiq ka Shiikeawe thungtri wokhong na silot mak. Kiimaq apaiq riika, ümkhiiriita jiimin, Shiikeawe tri aming ka lang lotmak.

1 Corinthians 10:22

Nashiq raq akhla klo hai jiila, nashiq raq Shiikeawe maklii kra tiishurea ma nguta klo ikhiishe mijaki. Nashiq ka Shiikeawe nam ma ajong ahong ala ka riimai.

TRI CHONGKE 32:21

Tsangshiq sumla phra kong maq itsan tiikhiqto, tsangshiq shiikea kong ma imak tiishuto, phra kong ka riikhaqli shiikea kong riimak. Kriikha na Ngi raq maiq mung ashi kriima tsangshiq tsan ka mitiikhiqha; Ngi raq tsangshiq ka maiq mung ashi anginok ma tsangshiq mak mitiishuha.

TRI CHONGKE 32:41

Ngi raq inepja ka achhai lüplüp mitiisi minha, kiimaq kha ka tingting maq miphoha. Ngi raq iphuk lam ijaqtinok mikhatha kiimaq Ngi ngengti thun ma mo mitiihoha.

TRI CHONGKE 4:24

Jamkhano ngukla Tatiwe namshiq Shiikeawe ka walütu kaü. Apaiq rai riilongti ka apaiq raq akhiismin nin lot mak.

TRI CHONGKE 5:10

Shatmaq Ngi lungwiiti nai Ngi raq akuqha tri thun kra langtibi miika, maiq pat ahing amun na saüli lungwiitsii mitiichhi kuqha.

TRI CHONGKE 5:9

Jamlai phan sumla jiimin bum lanta noqkai maimak. Kiimaq shomnoq raa mak. Jamkhano ngukla Ngi arli üm Tatiwe üm Shiikeawe. Kriikha maq Ngi rai riilongti thun ka Ngi raq ninlot mang. Ngi raq Ngi ngengtibi ma mo tiiho tiikang. Kiimaq tsangsetiim kiimaq tsangsaütiim pat na saüli maiq pat patblai na saüli mo mitiihoha.

TRI CHONGKE 6:15

Namshiq raq laihin phra thun kra shomnoq han jiila, Tatiwe tsankhiq walü ka namshiq khuthaq na walütu ikha minyai wan. Raüta namshiq ka michup tiisiirai she mishthen baiq. Jamkhano ngukla Tatiwe namshiq Shiikeawe, namshiq rai adam sitlaq kriiraq apaiq ngengtibi ka apaiq raq ninlot mak.

TRI CHONGKE 7:10

Shatmaq apaiq ngengseng wanti ka apaiq raq tiijoq mak miraq. Apaiq raq tsangshiq ma mo mitiiho wan.

James 4:4

Namshiq ka awese baiqthü raüta maiq rai srati nyung ikha! Mangjong maiqse rai silu riijati ka Shiikeawe rai wesang ngoka sap man sha?. Jurwa mangjong hiq rai silu riija lungwiitlaq, kriiti ka Shiikeawe rai wesang jakitlo.

JOSHUA 23:16

Kiimaq namshiq raq, Tatiwe nam Shiikeawe raq, namshiq ma tongshong ramkhap kra lang ronglaq nguta aming kuqtaq kra, lang man riihan jiila, kiimaq lanta namshiq raq ahin phra thun kra shiililii lanta shomnoqho han la, apaiq tsan mikhiq, raüta namshiq ma mo mitiiho. Kiimaq jaqlo liipan niili, ara hiqpo hiqwin mung, apaiq raq namshiq ma kuqtaq arwa, namshiq ka weshi min tiichong man she mithum han.”

JOSHUA 23:7

Kiimahali, namshiqnok phong na tsangshiqnok abung tiichongkitaq kra rai, adam na shongnga maimak, kiimaq tsangshiqnok phra kong kra mang chong lanta sinkiitiq bomkham maimak, kiimaq kra phra thun ka shomnoq raamak, riimakla tsangshiq khaki na anoq bumkai maimak.

JOSHUA 24:19

Kiijiishe Joshua raq mungmaiqse ma nguto, “Shatmaq namshiq raq Tatiwe ka shiili lot man mirhan sham. Apaiq ka asii Shiikeawe. Kiimaq apaiq raq namshiq ngarai thun ka diikuq mak miraq. Apaiq raq apaiq rai riilongti thun ka ninlot mak miraq.

PHOWEBI 2:19

Shatmaq tsangwelawe kriishe tsaiki raüla, tsangshiq ka achü rilung lamphan kiinahali jangki nong tlo. Raüta tsangshiq ma kongkhu pat na leawantaq kra thaq niimin naolaq she ngarai klotlo. Raüta tsangshiq raq laihin phra kong kriishe shiililiiho tlo kiimaq shomnoqhotlo. Kiimaq tsangshiq raq abi rilung lamphan ka thaqbaiq mak phan she riitlo.