DUNGWVNC 20:5 - Hawa Naga Bible 2001

⁵ Yac yuimx kuex bumx vtueq nauk nawk, nauk nawk palx kaz, yvmx khoc lac ngoz ruiux lec ngaz kuex Yehowa nuimshiq Tishox rvtauk, ngaz rulc rvlongx mvy muq. Ngaz muex shuiuc pac jix kuex tsuingshiq suiuz vsaz pat thuimx nuiyc pat bvlic nuex httuiuc laz murx tvgurc shaungx.

ASII LAKDAP Bible (BSI)

⁵ Jamlai phan sumla khaki na jiimin naq bumkiq. Riimakla kra shomnoq maimak. Jamkhano ngukla Ngi ka Tatiwe üm Shiikeawe. Kiimaq Ngi rai riilongti ka ashi min thümang phan. Ngi ngengti ma mo tiiho tiikang. Kra mo ka asetiim kiimaq asaütiim maiq pat tsam nai patblai na saüli mo mitiihoha.

DUNGWVNC 20:5 Referencias Cruzadas

2 SAMUEL 21:1

Dawid pat nuex wawc thuimx tup rvmc dung wvnc tueq, kvkhoc rvtueq Dawid rueq Yehowa muex wiz koq tueq, Yehowa rueq, “Sholu rueq Gibeon ghaq wawc miq htenc kuex thvy gay ningkhvnc nuex piq nuiyc vyuimx wuinz htenc nuex miq thvy gay mvrax lvp tueq,” ngoz tueq jungx tueq.

2 SAMUEL 21:6

Kvkhoc rvtueq piq suiuz vsaz hez waz mvshix kuex nuiyshiq muex lekuq koq, Yehowa rueq vhttauk taq hokhvmx Sholu ghaq ngoz yaq Gibea ghaq kvyuq Yehowa khaungkac nuex tsuinghez kuex tvshuirc pauk gay shix,” ngoz tueq jungx tvralc tueq. Hokhvmx waz rueq, “Ngaz rueq kvruex hez kuex kuq phaungx,” ngoz tueq tvralc tueq.

1 HOKHVMX 19:10

Piq rueq, “Tvphaungc Tvsuip Yehowa Tishox lex, ngaz rueq mnoz washiz muex dvyx mkaq muinz shuimx kuq vphaungx. Yuq muinz Israel miqsaz htenc rueq mnoz rulc vtaq bomkhvrc kuex tvbac gay ruiux, mshomrawx htenc kuex httak gay vtueq mshvmmax htenc lotlaz thvt gay tueq. Ngaz dvyx shex kvjungx vtaungx, tsuingshiq rueq ngvy thvy gay tvkoc thuiyx wuez yaq,” ngoz tueq tvralc tueq.

1 HOKHVMX 21:29

“Ahab kuex ngvy htumc nuex mtanc khvnc lac vgvnz tvyomz yaq nguinx kuex mnoz rueq lawc tvtsuingc vshuiux haz? Vkhoc piq rueq shuimx wvnc tueq yuq muinz, piq pat nuex piq htauk vyuq kuilc daz jamjaux tvyaungc kuq shaungx rvmuq; kvruex kuex vsaz pat nuex jix Ahab yuimx wuinz khux htauk nuex kuilc daz jamjaux tvdaungc kuq shaungx,” ngoz tueq jungx tueq.

2 HOKHVMX 17:35

Yehowa rueq tsuingshiq rulc bomkhvrc taq vtueq nvr shec tueq: “Vganc tishox htenc kuex nawk palx mvy muq; tsuingshiq muex bumx vtueq nawk muinz, vshuimc kuy muinz, shomc nawk kuy juing htenc shomc kuy muinz mvy muq.

2 HOKHVMX 17:41

Kvkhoc rvtueq miq htenc rueq Yehowa muex nawk palx wuez yaq, yuq muinz tsuingshiq rueq yac yuimx htenc muinz nawk palx wuez yaq; majuiuc raungnuiyq nuex httuiuc laz tsuingshiq suiuz vsaz htenc rueq kvkhoc dvyx shuimx wuez yaq.

2 HOKHVMX 23:26

Yuq muinz Hokhvmx Manase rueq yaq gay tueq yauk shuimc ningkhvnc nuex, Yuda miqsaz htenc htauk nuex Yehowa thuinkhaq yaq kuex majuiuc doc muinz thuinkhvy shiz muq doc rvtueq.

2 HOKHVMX 5:18

Kvkhoc rvtueq ngaz kuex ngvy hokhvmx waz rulc phvnx naungx ruiux Siria tishox Rimmon piq shomc yuimx nuex kaz vtueq nawk palx ruiux yuq Yehowa rueq ngaz muex mvrax dawc kuq phuex ngoz tueq tvluimc vshaungx. Vsuingc suing Yehowa rueq ngaz muex mvrax dawc kuq phuex!” ngoz tueq jungx tueq.

2 HOKHVMX 5:27

Majuiuc Naman thuiuz vsac kuex mhtauk nuex httuiuc wvnc vtueq, mnoz nuiyc msuiuz msaz hez nuex pattup rvhumc wvnc tuinx!” ngoz tueq jungx tueq. Gehazi kuex dung kaz tueq nuex piq gvn nuex vshungx kop vtueq tv-nguirx ikhoc luiz wvnc tueq.

2 KAÜWA WERAÜ 25:14

Amazia rueq Edom miqsaz khvt taungx vtueq yek waung tueq nuex, kvruex nuk rueq nawk yaq yac yuimx htenc kuex piq rulc vdvmz nuex lvmz wvnc ruiux, kvruex htenc kuex taq vtueq nawk palx kuq ruiux vhomc vtumc phvnx htenc jauk tueq.

2 KAÜWA WERAÜ 7:19

Yuq muinz ngaz rueq mnoz muex kuq phaungx tvrac htenc nuiyc vnvrc bomc htenc kuex mnoz nuiyc mmiqsaz htenc rueq phvnx muit maq vganc tishox htenc kuex nawk palx ruiux yuq kuex,

YOBA 21:19

Tishox rueq vwaz mvrax ning-khvnc nuex vsaz muex murx tvgurc yaq ngoz tueq nuimshiq rueq ngoz vshuinx. Kvkhoc rvmuq! Tishox rueq mvrax yaq jix waz muex dvyx murx mtvgurc shueq; tsuingshiq rueq shuimx wvnc tueq mvrax ningkhvnc nuex kvruex murx tvgurc shuex lvmz kuex piq muex mtvkhic shueq.

YOBA 5:4

Tsuingshiq saz miqwaz sahez rueq mkaq muinz kvwungx juing humc lot muq; tvrac rungx maq tsuingshiq kox nuex jungphvnc kuy jix miq vguez.

Tvtsvmc 109:14

Piq jix vwaz rueq shuimx wvnc tueq honc vbac htenc kuex Yehowa rueq mrvwvl kuq shueq, vnyuiuz yaq wvnc tueq mvrax htenc kuex mkaq muinz dawc kuq muq mruez shueq.

Tvtsvmc 78:58

Tsuingshiq rueq htaungc nawk palx juing baung htenc maq nuiyc tsuingshiq yac yuimx htenc maq vpiq thuinz tvkhaq tueq.

Tvtsvmc 79:8

Nuiyshiq jix vwaz tamx mvrax ningkhvnc nuex nuiyshiq muex murx nauk tvgurc vkueq; nuiyshiq thuinz tvluimc juing htenc lotlaz tvmoz gay tiq ningkhvnc nuex majuiuc dvyx nuiyshiq muex menjenc kuq koq.

Tvtsvmc 81:15

Ngaz muex shuiuc pac jix htenc kuex ngvy khaungkac nuex hiyaz vtueq bumx ruiux; tsuingshiq rvhumc juing murx kuex pattup httax tuex.

DUNGWVNC 23:24

Tsuingshiq tishox htenc kuex bumx vtueq nauk nawk palx kaz, tsuingshiq htungx vlayx kuex nauk phvnx kaz. Tsuingshiq vsawc lunghtung htenc nuiyc tsuingshiq tishox htenc kuex tvbac tv-ngawk gay shuinz.

DUNGWVNC 34:14

“Ngaz, Yehowa rulc rvlongx palx kuex nanx shaungx rvmuq ningkhvnc nuex vganc tishox kuex nauk nawk palx kaz.

TAKSU LAK 8:36

Ngaz kuex thuiyx vtueq humc muq waz kuex vthuiuz vsac rvhumc vtueq; Ngvy shuiuc pac jix ukhaq yuq muinz vthueyc vmvy kuex lungwawx yaq,” ngoz tueq jungx yaq.

ISAIA 44:15

Miq washiz rueq pulx htaq shiz janx muex tvyaungc vtueq, htaq shiz kuex yac yuimx tvhungx guirx yaq. Kvmaq pulx htaq shiz kuex piq pumz tvkalc tvkoc wvr nuex jauk ruiux wanx muinz shuz yaq; vganc htaq kox kuex tishox vshiz tvhungx guirx vtueq nawk palx yaq.

ISAIA 44:19

Yac yuimx tvhungx guirc jix waz kuex tharc guez waz rueq, “Pulx htaq wvyvmc kuex ngaz rueq vjuiuz rvgay tauk. Wvr kuinx htenc nuex wanx kuex gaungc ruiux ngvmx kuex shuz phauk tueq. Kvjungx yaq pulx htaq maq yac yuimx vshiz tvhungx guirx tauk. Vyuq ngaz rueq pulx htaq vshiz kuex bumx vtueq nawk vshaungx!” ngoz tueq jungx tueq.

JEREMIA 2:9

“Kvkhoc rvtueq ngaz kuex ngvy miqsaz rulc lauk shiz rvkhawc lvlc yek taungx. Tsuingshiq suiuz vsaz rulc muinz rvkhawc lvlc taungx, ngoz tueq Yehowa rueq jungx tueq.

JEREMIA 32:18

Mnoz rueq miq vhingc vmunc muex phaungx ngaungx yaq lungwawc thuinz tvkhic kuq ruiux muinz, vnyuiuz vwaz mvrax ningkhvnc nuex miqsaz muex murx tvgurc vshuiux. Mnoz kuex yunghvlc nuiyc luimc vkawc yunghvlc Tishox rvtoq; mnoz kuex Tvphaungc Tvsuip Yehowa rvtoq.

EJEKIEL 18:19

“Yuq muinz mnoz rueq, ‘Vsaz kuex vwaz mvrax htenc ningkhvnc nuex yvmx ngoz tueq lac rvhumc muq rvtvnx?’ ngoz tueq wiz ruiux yuq, vsaz kuex vhvlx nuiyc vlvmz yauk shuimx wvnc tueq. Piq rueq ngvy tvrac htenc kuex taq vtueq kvruex htenc kuex honc maq phvnc tvhungx ningkhvnc nuex piq kuex vsuing tvraungx httax tuex.

EJEKIEL 18:2

jungx tueq, “Israel mungtan nuex httax yaq miq htenc rueq jungx ruq jungx ruiux yaq vruex bomc tvguip kuex yvmx lac rvtvnx? ‘Vnyuiuz vwaz rueq svpiq thuey vhix kuex saq, Yuq muinz vsahez kuex wac kuimz wuez yaq.’

EJEKIEL 20:7

Ngaz kuex tsuingshiq Yehowa Tishox rvtauk ningkhvnc nuex tsuingshiq rueq lungwawx yaq miqsuirc vsac yac yuimx htenc kuex tuip gay ruiux, sawc muq vrot vkaq Ejip tishox htenc nuex tsuingshiq shauk pumz tvshuy shac muq tvkoc ngaz rueq tsuingshiq muex jungx tauk.

EJEKIEL 39:25

Johvlc Yehowa rueq, “Yuq muinz Yaku suiuz vsaz tamx rvtueq Israel miqsaz muex majuiuc ngaz rueq menjenc vtueq, tsuingshiq kuex laukshiz hulawx tvrungx wanx yek shaungx. Ngvy vsawc muingc kuex tvwungx tvguing shaungx.

EJEKIEL 8:3

Vpiq rueq yauk ikhoc kuex tvlanc vtueq ngvy khux mul maq shuimx tueq. Kvkaq vruex romzyac tvkhic nuex Tishox siyac rueq ngaz kuex raungx nuex tenz shvlx wvnc vtueq Yerusalem nuex shvlx wvnc phuex. Piq rueq ngaz kuex Shomc Yuimx ghaqkhux kox kaluix puc nuex shvlx wvnc phuex, kvruex baung kvyuq Tishox rueq lawc roc muq yac yuimx vshiz vtv-ngaungc taq rvtueq.

DANIEL 1:2

Taungjix rueq Nebukhadnezar muex Hokhvmx Jehoiakim kuex tvlvp vtueq shomc yuimx wawc tsak vnyvmx wvyvmc kuex tvlvmz wvnc tueq. Piq rulc vdvmz vthuq wvnc miq wvyvmc kuex Babelon mungx wawc piq tishox htenc shomc yuimx nuex shvlx wvnc vtueq, lvp lvmz wvnc tueq tsak htenc kuex shomc yuimx tsak tumz nuex taq tueq.

DANIEL 3:18

Yuq muinz mkhoc shoc maq vpiq rueq palc muq ngoz ruiux muinz, Taungjix hokhvmx waz mtishox kuex nuiyhez rueq nawk palx shix rvmuq, mnoz rueq vtv-ngaungc kuimshawx yac muex muinz tuk nguk bumx miq,” ngoz tueq tvralc tueq.

LEWI 20:5

kvruex waz nuiyc piq yuimx wuinz htenc kvmuinz, ngaz muex tvmtuing vguez maq piq rulc raz tueq Molek muex nawk palx jix lotlaz kuex ngaz rueq khawx gay ruiux ngvy miqsaz wawc tvdux gay shaungx.

LEWI 26:1

Yehowa rueq, “Nuimshiq rueq yac yuimx htenc, lunghtung htenc, lung yac yuimx htenc kuex guirx vtueq nauk nawk palx kaz. Ngaz kuex Yehowa nuimshiq Tishox rvtauk.

LEWI 26:29

Nuimshiq kuex rvmc thuiuz thuiuz muex miqmac suiuz vsaz ngvmx kuex phauk wuez shuinx.

NAHUM 1:2

Yehowa Tishox rueq rvlongx palx yauk shuimc kuex nanx yaq rvmuq; vpiq kuex vpiq tvgap gawx jix htenc muex murx tvgurc yaq. Thuinz tvkhaq vtueq tsuingshiq muex murx tvyez kuq yaq.

WEAWEA 14:18

mnoz rueq, ‘Ngaz, Yehowa kuex vnanx thuinz httax vtaungx, lungwawx vtueq nuiyc menjenc vtueq mvrax nuiyc vkhawc vlvlc lvmz htenc kuex dawc kuq gay vphaungx. Yuq muinz vnyuiuz vwaz mvrax laung nuex tsuingshiq suiuz vsaz pat maq phaungc vtueq, pat thuimx pat bvlic nuex httuiuc laz murx tvgurc shaungx,’ ngoz tueq jungx toq.

WEAWEA 14:33

Nuimshiq kvmluimx thuinz vguez ningkhvnc nuex yaruix tvnx vyuq nuimshiq wawc yix tvsuip waz thueyc kaz tuex nuex httuiuc laz, nuimshiq suiuz vsaz hez kuex wawc rok bvlic nuex httuiuc laz yaruix tvnx vyuq dvyx kvroz httax ngaungc wuez tuinx.

WEAWEA 25:11

“Phineha rueq shuimx tvlot gay tueq ningkhvnc nuex Israel miqsaz muex ngvy thuinkhvy shiz tueq shex. Ngaz maq lvy vtueq vganc tishox muex nawk palx yaq kuex piq rueq tvdux gay tueq, kvkhoc rvtueq ngvy thuinz tvkhaq vtueq tsuingshiq kuex tvbac gay mauk shex.

Matthew 4:9

“Mnoz rueq bumx vtueq ngaz nawk ruiux yuq, vruex lotlaz kuex ngaz rueq mnoz muex kuq phaungx,” ngoz tueq jungx tueq.

John 15:18

“Mungkawx miqsaz rueq nuimshiq muex max shuiuc pac nuex dvyx ngaz muex kungkhux shuiuc pac phuex lvmz kuex rvwvl taq shuinz.

John 7:7

Mungkawx rueq nuimshiq kuex shuiuc pac lot muq; ngaz muex dvyx shuiuc pac yaq. Kvkhoc shuiuc pac yaq lvmx kuex tsuingshiq mvrax ngaz rueq tvkhic kuy ningkhvnc nuex rvtueq.

John 9:2

Vpiq sangac hez rueq, “Tvluingc waz lex, vruex waz muik mawz kuex vjawc maq phuex rvtueq, ukhaq mvrax ningkhvnc nuex lac rvtvnx? Piq mvrax ningkhvnc nuex shuex, vnyuiuz vwaz mvrax ningkhvnc nuex lac?” ngoz tueq wiz tueq.

Romans 1:30

Tsuingshiq kuex kvjaz thet hvlc jix, vganc jix muingc tvbac kvjaz, Tishox muex shuiuc jix, shummarc jix, ngamc ngax kvsomc parc jix htenc rvtueq, vbac phvnx phvnx ruip saz kuex tvdung yaq, miqmac nyuiuz vwaz kvjaz tay muq jix;

Romans 8:7

Kvkhoc rvtueq miq vshiz kuex miqsaz gvnngvmx thuinz rueq guimz gay ruiux yuq, Tishox muex phvnx muq ningkhvnc nuex piq kuex Tishox ralx muex yaungx wvnc tueq; vsuing piq rueq tay phvnx lot muq.

1 Corinthians 10:22

Rvmuq ngoz ruiux naungshiq rueq Taungjix muex khelric tvbac haz roc vshix? Naungshiq kuex vpiq htauk nuex muinz hungc vlaungc httaz hvlc haz?

TRI CHONGKE 32:21

Tsuingshiq yac yuimx htenc maq ngvy thuinz tvkhaq vtueq, vmuingc gurc tishox htenc rueq ngaz muex khunnyerx yaq, kvruex tishox htenc kuex tishox muik shauk rvmuq. Kvkhoc rvtueq vwvlc mvy muq miqphvnx kuex ngaz rueq shuimx vtueq tsuingshiq kuex tvkhaq shaungx; vngauk vngaz miqphvnx maq muinz tsuingshiq tvkhunx nyerx shaungx.

TRI CHONGKE 32:41

Ngaz rueq phelep yaung kuex httuiyq rek manx vtueq tvrac rulc rv-ngvlc shuimx vshaungx kuex khiz shuex. Ngaz muex ralx yaungc jix hez kuex phuiuq lvmz ruiux, ngaz muex shuiuc pac jix hez muex murx tvgurc shaungx.

TRI CHONGKE 4:24

Yvmx khoc lac ngoz ruiux lec Yehowa nuimshiq Tishox kuex luic thuiyc yaq wvr ikhoc rvtueq; vpiq rulc rvlongx palx jix kuex menjenc shuex rvmuq.

TRI CHONGKE 5:10

Yuq muinz ngaz muex lungwawx vtueq ngvy tvrac phvnc jix muex kuex miq pat vhingc vmunc nuex httuiuc laz ngaz rueq menjenc kuq shaungx.

TRI CHONGKE 5:9

Yac yuimx htenc kvruex bumx vtueq nauk nawk, nauk nawk palx kaz, yvmx khoc lac ngoz ruiux lec ngaz kuex Yehowa nuimshiq Tishox rvtauk ningkhvnc nuex rvlongx palx jix kuex nanx lot shaungx rvmuq. Ngaz muex shuiuc pac jix hez muex murx tvgurc ruiux tsuingshiq yaq tueq mvrax kuex sapat, suiuz pat pat thuimx pat bvlic nuex httuiuc laz tvgurc shaungx.

TRI CHONGKE 6:15

Nuimshiq rulc vdvmz httax yaq Yehowa nuimshiq Tishox rueq vpiq rulc rvlongx palx jix kuex nanx lot shuex rvmuq. Kvkhoc rvtueq nuimshiq rueq vganc tishox htenc kuex nawk palx ruiux yuq, thuinkhvy kuex wvr ikhoc luic vtueq nuimshiq kuex tvbac gay kv-phuinx.

TRI CHONGKE 7:10

yuq muinz vpiq shuiuc pac jix muex kuex lvmx lvy murx tvgurc kuq yaq.

James 4:4

Tvmtuing vguez miqsaz lex! Mungkawx vrulc phunox rvyaungc kuex Tishox rulc ralx muex yaungx yaq lvmx nuimshiq rueq tuiuz muit haz? Mungkawx rulc phunox rvyaungc roc jix waz ukhaq yuq muinz miqmac shauk gvnz kuex Tishox muex ralx tvyaungc vshuinx.

JOSHUA 23:16

Yehowa nuimshiq Tishox rueq, nuimshiq rueq phvnc tvkoc nvr tueq bomkhvrc kuex nuimshiq rueq phvnx muit maq vganc tishox htenc kuex nawk palx ruiux yuq, vpiq khaq vtueq nuimshiq muex murx tvgurc kv-phuinx; vpiq rueq nuimshiq muex kuq kv-phuinx vruex vhvlx mungtan vwawc mtanc httax muq nuex nuimshiq vshiz muinz kvjungx tuinx rvmuq shex,” ngoz tueq jungx tueq.

JOSHUA 23:7

kvmaq nuimshiq rulc kvjungx yaq miqsaz htenc kvrulc rvshot shauk httax muit tvkoc muinz, tsuingshiq tishox htenc muingc kuex jungx muit, kvruex muingc maq kvtuemc muit nuiyc kvruex tishox htenc kuex bumx vtueq nawk palx mvy muq.

JOSHUA 24:19

Yoshua rueq miq htenc muex ngoc, “Yuq muinz nuimshiq rueq Yehowa muex nawk palx kuq lot shuinx rvmuq. Vpiq kuex vsawc Tishox rvtueq ningkhvnc nuex nuimshiq mvrax kuex dawc kuq kv-phuinx rvmuq. Vpiq rulc rvlongx palx jix muex nanx kuq shuex rvmuq,

PHOWEBI 2:19

Yuq muinz shunshvlc jix vyungx vlaungx waz kuex thueyc kaz ruiux yuq, miq htenc kuex lvmx kez nuex kvwek phvnx wvnc yek vtueq, lvy wvnc tueq pat wawc miqsaz htenc rueq shuimx wvnc tueq htauk nuex muinz pinhtumc bac hvlc shuimx wuez yaq. Tsuingshiq rueq vganc tishox htenc kuex nawk palx vtueq tsuingshiq nuex httax yaq layx vbac lvmz htenc kuex tvhttoarc shuimx wuez yaq.