WEAWEA 12:8 - ASII LAKDAP Bible (BSI)

⁸ Kra ningkhan, Ngi raq apaiq rai ka mantut na tiqtaq riibom dam tiikang. Linham linhok riibom dam tiikang. Shiiwang bomtsi miika riimak. Apaiq raq Ngi sham ka jam khiiwa kriimin chhito! Ikhla namnai raq ijaqshise khuthaq na bombi kiqsü ka jaram wa kuq tlan?”

Hawa Naga Bible 2001

⁸ Kvkhoc ningkhvnc nuex ngaz rueq piq muex kvjaz jungx ruiux yuq bomc nungx maq jungx mauk, piq rulc htvlx rvhumc maq raz tueq raungshuex raung jungx shaungx; piq rueq ngvy romkomz doc muinz khiz phuex shex! Nuimshiq rueq ngvy nvrc waz Moshe muex mvrax tvgurc kvjaz yvmx khoc lac ngoz vshuinx?” ngoz tueq jungx tueq.

WEAWEA 12:8 Referencias Cruzadas

RAPHA HIQWA LAK 32:30

Kiijiishe Jakob raq nguto, “Ngi raq Shiikeawe ka mantut na tiqtaq sham riichhi kang. Kra taü miimin ngi ka atrali sitiikang.” Kra ningkhan apaiq raq kra hiq ba ka Peniel nguta mangto.

Tvtsvmc 17:15

Shatmaq ngi riikla ümsham michhiha, jamkhano ngukla ngi raq ajiq klomang; kiimaq ümtiikiiwa ngi ka akon maq misamha, ümniirai mantut na peokhiq she misiha.

Tvtsvmc 49:4

Itsantsii ka taksu bomtsi thun na mitiitsiha, lata kriithun liichum ka hünongtoro tsülam maq michongha.

DUNGWVNC 19:19

Kiimaq nüchhong lerong tsü ka henghea riiwan wan hengto. Kiimaq Mosheq ka bomto. Kiimaq Shiikeawe raq apaiq bom ka ramok trang maq treto.

DUNGWVNC 20:4

“Ümnaq maiqmii miitu ramungtan na siti lo riimakla mangjong hiq na sitilo, riimakla kham mong na sitilo kra sumla thun kiiwa jamlai phan sumla li jiimin naq klokiq.

DUNGWVNC 33:11

Tatiwe raq Mosheq rai ka mantut na, maiq weshi raq akongtiwe rai riibomtlaq ikha riibomtlo. Kra lot raütiishe Mosheq ka piitiip na hali jang wan nongtlo. Shatmaq jerowe apaiq jaq thüti. Nun se Joshua ka kra Tombutiip niili sitlo.

DUNGWVNC 33:19

Kiijiishe Tatiwe raq treto, “Ngi raq wiita ikhushü jonghea chhainyii ka üm makki na alea wan mitiichhikuq kang. Kiimaq ümmiki na Ngi raq imang chong asii kra michong kang. Ngi ka Tatiwe. Kiimaq Ngi raq juwa tsea tsiiq wan kang kriiti ma mangchan tsii tiichhi kuq tiikang. Kiimaq Ngi raq tsea wan kangti ma mangchan tiitsi kuqtiikang.

DUNGWVNC 33:23

Kra latiishe Ngi raq ijaq ka alam she mirbaiqha. Kiimaq ümniiraq ijainü siim kra michhi haü. Shatmaq itheaphi ka liilot maü.”

DUNGWVNC 34:30

Aron nai mungmaiqse raq Mosheq sham na liito. Kiimaq atheaphi ka achhai anyii chhito. Kiimaq tsangshiq ka apaiq tho na wa ma ahai riito.

TAKSU LAK 1:6

Krai mren tsangshiq raq apaü raüta athü, taksu bomtsi liichum kra, tsangshiq raq mikhon wan lot. Raüta taksma maiqse raq, uqkhiima bomtsi chong tlaq kra liichum ka mitak wanlot.

ISAIA 40:18

Shiikeawe ka jurai wa mithapthi? Apaiq ka jamkhiiwa kra ümniiraq jamkho mishton haü?

ISAIA 46:5

“Ümniiraq Ngi ka jurai wa mitriingea haü?” nguta Tatiwe raq ngutlo. “Ngi akha ashi ra asi shea?

EJEKIEL 17:2

“Maiqse lei, Israilnok ma uqkhiima bom ashi chongkuqlaq.

EJEKIEL 20:49

Shatmaq ngi raq atiiwin riikang, “Tati Rakaü Hiqwe lei; Ngi ma akhnok jaq ka naq tiishamkiq! Maiq wiitarü raq bot tsaü wanto, ngi raq tsangshiq ma traho bom chongke ka wranaiqshe uqkhiima bomtsi maq siisaq chongtlo nguta.”

Hosea 12:13

Israilnok ka Ejip mung na, maiqdi ma jaraüta sito. Shatmaq kriiwa, Tatiwe raq, shammi weshi tiiki raüta kharü mong wa, tiichhiikuq wanto. Raüta tiichhanchhi wanto.

WEAWEA 14:14

tsangshiq raq armung na shongti maiq mung thun kiima michong. Armungti thun raq tsütsa ka atai kun she ümniika, Tatiwe, naishiq rai asi, kiimaq ümniika naishiq rai dea sitlaü nguta phumda kaü ka naishiq khuthaq na khingkitlaq kra chhitlo. Kiimaq ümniika naishiq khaki na ranaiq niika phumda kaü khamchong ma jalaüta wawan tlaü, kiimaq rawa niika walütu kaü khamchong ma jalaüta wawantlaü nguta achhitai wan wishe.

WEAWEA 7:89

Ümtiikiiwa Mosheq ka Tombutiip mong na Tatiwe rai riibom wa wawantaq, apaiq raq Tatiwe ka Tongshong Tek pang chang hap kriithaq maq cherubim kaü nai chaptlaq heawea maq apaiq rai riibomdam ka taito.

Matthew 13:35

Apaiq raq chongkuq wantaq arka, shammi we bomchong kra tiikupi ma nguta chongkuqto. Shammi we raq akha nguta tiithai chongthüto, “Ngi raq tsangshiq ma shiiton bomtsi maq michong kuq ha; ngi raq tsangshiq ma rapha hiqwa miiphü, apaü raüta athü wan bomtsi kra michong kuq ha.”

Luke 10:16

Jesuq raq ajaqshisetiim ma bom ka akha chongkuqto, “Jurwa namshiq bom tai tlaq; kriika i bom tai tlo. Jurwa namshiq tao mak; kriika ngi armin tao mak. Kiimaq jurwa ngi tao mak; kriika ngi tiikaitiwe kriimin tao mak.”

John 1:18

Shiikeawe sham ka ümchaü niitaq, maiqse angu wa, jurmin chhi mak shaq. Ase sekhuq laqlaqse, Awe rai shamshi, Awe wokhong na siti we kra riili, Shiikeawe hon atsii ka, maiqse ma tiichhi kuqto.

John 15:15

Ngi raq namshiq ka, disetiim nguta ngu mang she. Ara jamkhano chongtiikang ngukla, dise riika, atijong we jaq tho ka lap mak. Ngi raq namshiq ka disetiim ngo rii na, kongtibi ngutiishe ngutiikang. Ara jamkhano chongtiikang ngukla, i We jaqtho ngi raq ümchuwa lap tiikang kriika, ngi raq namshiq ma wiita phanchan kuq kang.

John 15:24

Ngi raq tsangshiq makki na, maiq ahinti jurmin sham wanlot mak chang phan jaqsham shamkuq kang thun kriika, shamkuq wan mang dea ngu raü jiiriiwe kla, ija, tsangshiq shut chang ngarai min ahü mirwa. Shatmaq, ümchaü sanha, tsangshiq raq kra thun jaqsham ka wiita chhi wanto she. Raüta, tsangshiq raq i We nainai wiita she ngeng tlo.

1 Corinthians 13:12

Nashiq raq ümchaü jamlai wa chhi tiikai, kriika chamni mong na mot maq maq atsaiji chhi tiikai ikha. Shatmaq kra akhing niika, nashiq raq apaiq rai adam na sham riichhishat miishe misi wan rong i. Ümchaü ngi raq jamlai wa sap tiikang, arka akho athiq li sap tiikang. Kra akhing niishe ka, Shiikeawe raq, ngi rai jamkho minhap maq tsanwa maq sap tlaq, kiikhiishe ngi riimin, apaiq ka tsanwa miishe misap ha.

2 Corinthians 3:18

Riita, ara chongtiikai arai mren, nashiq tarü raq nashiq theaphi ka panghü miishe, Tatiwe chhainyii ngao ka tliliim tiikai. Kiimaq ara chongtiikai chhainyii ngao, Tatiwe dü wa nashiq khum na saü tlaq arka, Asii Wenyi ahata. Ara Asii Wenyi ariiraq, nashiq rilung arka apaiq sham ikha achhai thaq niimin achhai anyii henghea she tiichhai nyii wan miitu she, nashiq rilung ara klai kuq wan tlo.

TRI CHONGKE 18:15

Shatmaq apaiq raq namshiq ma namshiq phong wa shammi weshi tsea raüta ngi akha namshiq phana mitiiki. Kiimaq namshiq raq apaiq bom ka tai ratlo.

TRI CHONGKE 34:10

Mosheq khan shammi ka Israil mung na jumin dong mak riito. Tatiwe raq apaiq rai ka mantut na tiqtaq riibom damto.

TRI CHONGKE 4:15

“Ümtiikiiwa Tatiwe raq namshiq rai Sinai Pum maq walü mong maq riibomtaq akhing na, namshiq raq apaiq sham ka chhi man dea. Riita namshiq maiqmii ma ahea miitu, tsan na atsi dada thü ronglaq,

TRI CHONGKE 5:8

“‘Ümnaq maiqmii miitu ramungtan na siti jamlai phan sumla min klo raamak. Kiimaq mangjong hiq na siti sumla min klo raa mak. Kiimaq kham mong na siti sumla min klo raamak.

Colossians 1:15

Khristo ka nashiq makhea maq chhi lotmai Shiikeawe sham niq riri. Apaiq ka phanrap Shiikeawe raq ümchuwa phansangtaq kra wiitarü thaq na Chhikhu we.

1 Thessalonians 4:8

Krai mren, jurwa ara chong tiikai tri ara jin tlaq, kriiti riika, maiqse aming jin riimak, shatmaq, Shiikeawe tri, Asii Wenyi keti we tri jintlo ngushat.

1 Timothy 6:16

Apaiq kli ka tsai mak phan; Apaiq ka mangjong maiqse raq jurmin chhi walot mak chang ramungtan rawüli na siti we. Apaiq sham ka jurmin chhi mak dea; Kiimaq apaiq sham ka jurmin chhilot mak miraq. Wiitarü raq Apaiq kli mishreng laq. Kiimaq pattup thum mak miq mak maq, ra nai hiq ka milang laq! Amen.

Hebrews 1:1

Richü pat na Shiikeawe raq natitiim ma, apaiq wokhong na siwan lamlu hon atsii ka jang pahea chongkuqto she. Kiimaq ra shammibi lümaq phanrap phanrii lam na seng raüta, tsii ka chongkuqto.

Hebrews 1:3

Apaiq sham ari ka Shiikeawe achhai anyii ngao kra dongdii, shamshi ngamshi. Kiimaq Shiikeawe rong arai sham ari ka kunli, apaiq khum na tiisam tlo. Kiimaq apaiq nübok maq dong tlaq ningkun henghea bomtsi lümaq, ra nai hiq wiita rüm tlo. Apaiq raq ara mangjong hiq na diim tlaq, mangjong maiqse ngarai diike wan lam ka tankuq wan tlii raütiishe, apaiq ka sanseng ramungtan na ngati we, Ningkun Ajong thaq na Ajong Rümti we Shiikeawe sitlaq ngachang tho na, jaqtsi nü niishe nga wato.

2 Peter 2:10

Akhek, Shiikeawe riika hi awaq ikha ashe ashi riinyat shat raüta, Shiikeawe raq akuq aming tri raü thun jin raüta siwanti thun ka, Shiikeawe raq mitiichamchao wan. Ara arot shrabi arka angi nolabi, raweahü maiqsetiim kong. Tsangshiq ka ramungtan na siti ningkun ajong rümti rasetiim miimin anato ahü shummii shaqshaq sitlo.

Jude 1:8

Ara chongtiikai akhiisii hali, ümchaü sitlaq, arot shammibi kong ara riimin, shammi la jatiikai nguta, tsangshiq khum ka shiithen baiq wan ngarai tang tlo. Raüta, Shiikeawe arang ka shummii shaqshaq shummii wantlo. Kiimaq ramungtan na siti rasetiim thun kriimin shummii wan tlo.