DUNGWVNC 32:1 - ASII LAKDAP Bible (BSI)

¹ Ümtiikiiwa mungmaiqse raq Mosheq ka pum wa satki mak she, rahiq ka luhea she kiijaq siraiho kiita, tsangshiq ka Aron tro na riitamto raüta, apaiq ma akha nguto, “Nashiq ka Ejip mungwa shea wantiwe Mosheq ka jamkhii she wa jakita nashiq ri sapmai. Kra ningkhan nashiq shun sheati phra kaü ashi hailaq.”

Hawa Naga Bible 2001

¹ Miq htenc rueq kanx kvyuq Moshe kuex loayc hvlc httax kaz vtueq svt kaz muq shex kuex khiz vtueq, tsuinghez kuex Arun kox nuex komc tuimz rvtuimx kaz vtueq, “Nuiyshiq kuex Ejip mungx wawc tvdungc shvlc lvy jix waz Moshe kuex yvmx khoc wuez yaungx vtvnx nuiyshiq rueq tuiuz miq; kvkhoc rvtueq nuiyshiq muex lvmx shvlc kuy jix tishox vshiz kuex tvhungx guirx kuq koq,” ngoz tueq thoz wuez tueq.

DUNGWVNC 32:1 Referencias Cruzadas

RAPHA HIQWA LAK 19:14

Kiijiishe Lot ka achai wenai ma jawan chang ase nai kra lamti phana kito. Raüta akha nguto, “Jaqlo kotsi tiido ronglaq. Lanta ara chela arwa tiijintlo ronglaq. Tatiwe raq ara hiq ara atiithen she mirbaiq.” Shatmaq tsangshiq raq apaiq ka atiitsa bomtlo ngutli tiimato.

RAPHA HIQWA LAK 21:26

Abimelekh raq treto, “Kriika jurwa klota ngi raq sap mang. Ümniiriimin ngi ma chong maü dea. Kiimaq ngi riika ümchaütiq taitiikang.”

RAPHA HIQWA LAK 39:8

Shatmaq apaiq raq tremak riito. Kiimaq apaiq ma akha chongto, “Liilaq. Ngi arjaq asi kha maq itijongwe raq ara jam kun miitu jam min chapa mak she. Apaiq raq ngi ma apaiq tachong hupsam kunli khuthaq na liiko wan miitu arang kuqto.

RAPHA HIQWA LAK 44:15

Kiijiishe Joseph raq nguto, “Namshiq raq jamlai wa riilan? Ngi akha ajong ala maiqse riika langlii lata, namshiq raq jamlai wa klo tlan kra michhiha ngo ka sap man shea riilan?”

RAPHA HIQWA LAK 44:4

Kiimaq tsangshiq ka chela kinphai jinwan ri lishe, Joseph raq ajam kheti ajaqshise kiima thaüto, “Walaq juju, kra maiqwetiim ka jowan laq. Laüta ümniiraq tsangshiq ka lowan haüla, tsangshiq ma akha wailaq, ‘Namshiq raq jaqsham ahea ka abi maq jaram songke wa?’

Tvtsvmc 106:19

Tsangshiq raq chaq maq minsaü pongwe sumla Sinai pumji maq haito raüta noqto;

DUNGWVNC 13:21

Ranaiq bala niika Tatiwe ka phum kham kaü ma ja raüta tsangshiq khaki na lamshea wawantlo. Raüta tsangshiq ma lam ka tiichhi kuq raüta, shea wantlo, kiimaq rawa niika walütu khamchong ma ja raüta, tsangshiq ma sinkhu na wawan tlo raüta tsangshiq ma wa tiinii kuq wan raüta shea wantlo. Krai mren tsangshiq ka ranaiq rawa wawan ruqli laü wanto.

DUNGWVNC 14:11

Kiimaq tsangshiq raq Mosheq ma nguto, “Riita Ejip mung na maiq maa lap chang hiq ahü sha? Ümniiraq naishiq ka ara kumtsaiphii rumnyangkhi arjaq mitsailaq ngutiisha sheaho laü? Liilaq, ümniiraq naishiq ka Ejip mungwa tsuqho laüta jamlai wa riilaü kra!

DUNGWVNC 16:3

Kiimaq tsangshiq raq akha nguto, “Naishiq arka Tatiwe raq Ejip mung niili tsat baiq raüjaq ahea riichang wa. Kiijaq naishiq raq wok raq atang tang tolonglong nga laita ngam ka wok phetaktak phaqsiqkai kiimaq laihin phaq nai sea kiimin maiqmii raq aroro phetak phaqsiq tiikai arwa. Shatmaq ümchaütiq nya ümniiraq naishiq ka ara kumtsaiphii rumnyangkhi mung na tsuq wan laüta naishiq tarü ka ram ma tiihaü tlaü.”

DUNGWVNC 20:23

Namshiq Ngi tiitsuq ma shomnoq wan miitu phra thun ka kampho maq riimakla chaq maq naq klo rongkiq.

DUNGWVNC 24:12

Tatiwe raq Mosheq ma nguto, “Pum na düwan laüta Ngi phana wara. Kiimaq ümniika arjaq shon na, Ngi raq ümniima longpen anai kra mikuq kang. Kiijaq Ngi raq mungmaiqse ma tsii chongke bomtsi waiqkeje she.”

DUNGWVNC 24:18

Mosheq ka pum khuthaq na phum mong na düwanto. Kiijaq apaiq ka ranaiq rawa raroq blai siwato.

DUNGWVNC 32:11

Shatmaq Mosheq raq Tatiwe apaiq Shiikeawe ma tiipaiq neato raüta akha nguto, “Tatiwe riita ümniika ümsenginok, ümniiraq Ejip mung wa üm ningkun henghea kiimaq arang jonghea maq tiichhii wan laü kra miika, atinkhan ümtsan ka jaram wa tiikhiqho laü?

DUNGWVNC 32:22

Kiijiishe Aron raq treto, “Ngi miika naq khiq kiq. Ümniiraq arnok ka abi kiimung miitu kai honghea ngutri asap haü.

DUNGWVNC 32:23

Tsangshiq raq ngi ma akha nguto, ‘Nashiq Ejip mungwa tsuq wantiwe Mosheq ka jamkhiishe wa jakita nashiq ri sapmai. Kra ningkhan naishiq shun sheati phra kaü ashi klolaq.’

DUNGWVNC 32:7

Kiijiishe Tatiwe raq Mosheq ma nguto, “Jaqlo sat-hotlo laq. Jamkhano ngukla ümsenginok ümniiraq Ejip mung wa tsuq wan laü kriiraq ngarai tangto kiimaq Ngi ka no niishe tsuq baiqto.

DUNGWVNC 33:3

Namshiq ka hiqpo hiq win mung niishe wawantlan. Shatmaq Ngi ka namshiq rai adam niika wadam mang she. Jamkhano ngukla namshiq ka nilan wanshak shaknok. Kra ningkhan Ngi raq namshiq ka lam niili motiithen baiq riijiiq.”

EJEKIEL 20:8

Shatmaq tsangshiq raq lanlaqlaq ikiq khiito. Raüta ibom taimak tleato. Tsangshiq raq tsangshiq maiqphai asi sumla phra thun ka thaqbaiq mak riito. Kiimaq Ejip mungti phra thun kriimin baiq mak riito. Ngi raq itsankhiq walü heng nyaitlaq ningkun kra tsangshiq ma Ejip mung maq tiichhikuqla nguta khekham maq khe kang.

Hosea 12:13

Israilnok ka Ejip mung na, maiqdi ma jaraüta sito. Shatmaq kriiwa, Tatiwe raq, shammi weshi tiiki raüta kharü mong wa, tiichhiikuq wanto. Raüta tiichhanchhi wanto.

Mikha 6:4

Ngi raq namshiq ka Ejip mung wa tiidong wan kang. Maiqdi ma ajahan maiqjam mong wa, dokda wan kang! Ngi raq namshiq shea wanti, Mosheq, Aron, kiimaq Miriam ma tiishea wan kang.

WEAWEA 14:22

arnok arwa maiq weshi ra riimin kra mung na saüwan li chang atra silot mak miraq. Tsangshiq raq Ngi asi makse chathit chhainyiitlaq walü kra kiimaq Ngi raq Ejip mung na awang chang jaqsham wan kang thun kra kiimaq rumnyangkhi kumtsaiphii mung na awang chang jaqsham wan kang thun kra wiita chhi wanto she. Kiitinkhan tiichhike wan taü miimin, tsangshiq raq Ngi raq anin wan tsantsii rümtiikang kra bliiq kiki maitai wantlo. Kiimaq tsangshiq raq ibom tai mak maq ikiq khiitlo.

Matthew 24:43

Namshiq raq ara bomtsi ara tak chang. Maiq jam ashi wa jamtati we raq ajam na ahuk miwa nguta akhing asap ngu raü jiika, apaiq ka rawa konhü maq, ajam ka akhe miraq. Krai mren, ahuk raq kriiwe hupsam ka hukho lot mak miraq.

Matthew 24:48

Shatmaq apaiq ka maiqjiqti jiika atsan mong na atijong we ka alo saüho mak nguta mitiima.

Acts 17:29

Riita ija, nashiq ka Shiikeawe setiim she kha maq, nashiq raq Shiikeawe rong arai ka tsiimwe khiiqwe bi raq nai tiiqwebi raq, jaq maq chaq ngam wa, kampho ngam wa, kiimaq long maq sumla phra haihun tlaq kiikha sham nguta tiima ka raa mak she.

Acts 19:26

Shatmaq, lii rong laq, ümchaü arwe Paul raq, jamlai she wa riiwanta. Kra namshiq tarü raq maiqmii mak maq chhi tlan. Kiimaq maiqmii ni miishe tai tlan. Apaiq raq mungmaiqse ma, maiqse jaq maq ahaihun sumla thun kriika phra kaü ka riimak nguta traho kuqtlo. Raüta, apaiq traho bomchong lümaq, apaiq raq mungmaiqse pahea, ara Ephisia chela na sitibi mungmaiqse phong wa kiimaq Asea wang na siti mungmaiqse tsantsii ka, apaiq bomchong kra dea tengto ngutiishe trap ru wanto. Arka Ephisia na sitibi miili ka riimak, Asea wang na hamli she tiinyam wanto.

Acts 7:40

Kriikha miitiina, tsangshiq raq Aron ma, ‘Naishiq shunshea wanti phra sumla wiijam hailaq. Ejip mung wa naishiq shea wanti we Mosheq arkla, jamkhii she wa jasha kita naishiq ri sapmai,’ nguta shiitepto.

TRI CHONGKE 31:8

Tatiwe apaiq raq ümniika mishea wan. Kiimaq apaiq ka ümniirai miraq. Apaiq raq ümniika tiishaü mak miraq. Kiimaq miim baiq mak miraq. Kra ningkhan ümtsaiji naq trankiq. Kiimaq naqhaikiq.”

TRI CHONGKE 9:1

“Israil lei tai laq! Ümchaü ranaiq ümniiraq Jordan Rai ka jin wan laüta ümthaq na maiq mung jonghea thun nai ümthaq na srea nola jongnok thun kra mijii wan haü. Tsangshiqnok chela thun ka jonghea hea siisaq. Kra chela thun tro na aruk thun ka chohea hea ra na saülili.

TRI CHONGKE 9:9

Ngi ka Tatiwe raq namshiq rai tongshongtaq bomkham kra longpen dam wiinai na awaiq kuq kra jaüwa pum na wa wan kang. Lata ngi ka kiijaq anaiq roqblai awa roqblai ranaiq rawa dungmin siq mang kham min nyang mang maq siwa kang.

JOSHUA 7:13

Tiido laq! mungmaiqse ka tiisiilaq, laüta tsangshiq ka anap ngi phana riihumwa miitu tiije laq. Jamkhano ngukla ngi Israilnok Tatiwe Shiikeawe raq akha chong chang asi: ‘Israilnok lei, ngi raq namshiq ma ashthenbaiq chang hupsam nguta chongkang kra namshiq jaq na wiijam asi! Namshiq raq kra hupsam thun ka lambaiq man wiiwii, namshiq raq namjaqti ka khatlot man mirhan!’

2 Peter 3:4

Kiimaq tsangshiq raq sapshatshat taü maq, namshiq ma akha nguta atairai lam maq miwai, “Jesuq Khristo raq ajang mirki nong ha nguta kiqkham thütaq riimak sha? Riita ümchaü min, apaiq ka ümbano haiki tiita? Nashiq ma awetiim pat min atsaikai kun she. Shatmaq phanrap ra nai hiq ka man na rapha hiq wa maq jamkho sitaq kiikha sishatli! Ra nai hiq ka klai mak li shat shat!”