DUNGWVNC 31:18 - ASII LAKDAP Bible (BSI)

¹⁸ Riita ümtiikiiwa Shiikeawe raq Sinai Pum maq Mosheq ma bom chongke kra lottaq, apaiq raq longpen wiinai na aming raütu apaiq jaq maq awaiq kra Mosheq ma kuqto.

Hawa Naga Bible 2001

¹⁸ Tishox rueq Sinai Kanx maq Moshe muex jungc kuy lot yix, Tishox vpiq rueq bomkhvrc htenc vwuiyq taq lungdvmx nueyc kuex piq muex kuq tueq.

DUNGWVNC 31:18 Referencias Cruzadas

2 HOKHVMX 11:12

Kriithun kra tiijelot raütiishe Johoiada raq Joash ka Shomjam mong wa kinphai niishe sheahoto. Raüta hokham khuphok ka apaiq ma tiiphokto. Raütiishe apaiq ma hokhamwe jaqsham thungtri dap ashi ka apaiq jaq niishe kuqto. Raütiishe Joash khupo na ramkham tel maq nyukto. Raütiishe apaiq ka hokham ma shongkai lii nguta chiiriim raüta chongto. Kiimaq mungmaiqse riimin tsangshiq jaqphi phok raüta, akha gitrangto, “Hokhamwe ma rilung alu mirlaq!”

DUNGWVNC 24:12

Tatiwe raq Mosheq ma nguto, “Pum na düwan laüta Ngi phana wara. Kiimaq ümniika arjaq shon na, Ngi raq ümniima longpen anai kra mikuq kang. Kiijaq Ngi raq mungmaiqse ma tsii chongke bomtsi waiqkeje she.”

DUNGWVNC 24:18

Mosheq ka pum khuthaq na phum mong na düwanto. Kiijaq apaiq ka ranaiq rawa raroq blai siwato.

DUNGWVNC 8:19

Kiimaq mintin klotibi raq hokhamwe ma nguto, “Arka Shiikea jaqsham!” Shatmaq hokhamwe ka wanshak shak. Tatiwe raq chongtaq kiikhiili riito. Krai mren Apaiq raq Mosheq nai Aron bom ka taimak lanlaqlaq li riito.

JEREMIA 31:33

Ngi raq Israilnok rai tongshong anye shong tiikang kriika, akhiishe miraq: Ngi raq itri raütu ka tsangshiq khum niishe mithüha kiimaq tsangshiq mongjii na miwaiq kuqha. Ngi ka tsangshiq Shiikeawe miraq. Kiimaq tsangshiq ka isengi miraq.

Matthew 12:28

Riimak! Beljebul raq riimak. Shatmaq Shiikeawe Wenyi ningkun maq, ngi raq tha ka jobaiq tiikang. Riita ara jaqsham tiikang ara riili she, Shiikeawe Mungtan ka namshiq khuthaq na saükito she dea nguta hakhi kuq tlo.”

Luke 11:20

Riimak! Tha kong ka ngi raq Shiikeawe ningkun maq jobaiq tiikang. Kiimaq ara tha jobaiq tiikang jaqsham arka, Shiikeawe Mungtan ka namshiq tho niishe saükito nguta namshiq ma tiichhi kuqtlo.

2 Corinthians 3:3

Namshiq ka Jesuq Khristo raq awaiq lak, naishiq lümaq atiiho sitlan. Riita, ara lak arka laktai maq awaiq ka riimak. Shatmaq, atra Sitiwe Shiikeawe Asii Wenyi maq awaiq. Arka longdam thaq na awaiq ka riimak. Maiqse mongjii na awaiq.

TRI CHONGKE 10:4

Kiijiishe Tatiwe raq kra longpen dam wiinai na, apaiq raq kongkhu lak na waiqtaq bomtsi kra waiq kuqto. Kriika Aming Roqshi apaiq raq namshiq ka pum na thunglan ranaiq na walütu mong maq bomtaq kra waiq kuqto. Tatiwe raq ngi ma kra longpen dam wiinai ka kuqto.

TRI CHONGKE 4:13

Apaiq raq namshiq ma, namshiq rai tongshongtaq kra namshiq raq jamkha lang wan chang wa kra chong kuqto. Apaiq raq longpen anai na awaiq kuq Aming Roqshi kriika namshiq raq lang raa dongdii nguta namshiq ma chong kuqto.

TRI CHONGKE 5:22

“Arthun aming ara namshiq tarü ma pum na thunglan akhing Tatiwe raq namshiq ma kuqto. Ümtiikiiwa apaiq raq abomtsi ka tiiheng raüta walütu mong maq kiimaq phumda theahea mong maq ara bomtaq, apaiq raq arthun aming raütu arli kuqto kiimaq laihin aming ka kuqmak dea. Kra raütiishe apaiq raq arthun ka longpen anai na waiqto raüta kra ngi ma kuqto.

Hebrews 9:4

Kra khok mong niika, chaq ngam maq lo raüta ajop, homseng win honglu chaq chang beongwacha asi. Kiimaq kiijaq Tongshong Tek kra thü tlo. Tongshong Tek kriimin chaq ngam maq ajop raüta ahai. Kra Tongshong Tek mong niika, chaq ngam maq ahai tsabum chü ashi asi. Tsabum mong niika man niiwa, mana athü asi. Kiimaq Aron nyeakii acham arki ka wiijaq tam maq athü asi. Kiimaq longpen kiimin anai asi. Kra longpen kaü nai niika, Shiikeawe raq akuq Aming Roqshi kra waiq raüta athü asi.