DUNGWVNC 31:18 - Hawa Naga Bible 2001

¹⁸ Tishox rueq Sinai Kanx maq Moshe muex jungc kuy lot yix, Tishox vpiq rueq bomkhvrc htenc vwuiyq taq lungdvmx nueyc kuex piq muex kuq tueq.

ASII LAKDAP Bible (BSI)

¹⁸ Riita ümtiikiiwa Shiikeawe raq Sinai Pum maq Mosheq ma bom chongke kra lottaq, apaiq raq longpen wiinai na aming raütu apaiq jaq maq awaiq kra Mosheq ma kuqto.

DUNGWVNC 31:18 Referencias Cruzadas

2 HOKHVMX 11:12

Kvruex yimaq Jehoiada rueq Joash kuex tvdung shvlx laq vtueq piq khux nuex khushec kuex tvbuz kuq ruiux raz tueq, hokhvmx yaungx vtueq guimz lawc tvkoc tvrac htenc httax yaq luik phux shiz kuex piq muex kuq tueq. Kvruex yimaq Joash muex ruimruimx kuq ruiux, hokhvmx rvtueq lvmz tvtay tueq. Miq htenc rueq muinz yauk phac tuimz vtueq, “Hokhvmx waz rullungx mluz kueq!” ngoz tueq guyc wuez tueq.

DUNGWVNC 24:12

Yehowa rueq Moshe muex ngoc, “Ngaz httax vtaungx kanx vyuq waung loq, miq htenc muex tvhonc tvtharc kuy tvkoc ngaz rueq lungdvmx vnueyc nuex tvrac htenc vwuiyq shec kuex mnoz muex kuq phaungx,” ngoz tueq jungx tueq.

DUNGWVNC 24:18

Moshe kuex phuemx rueq puingc yaq kankhux kvyuq duiz waung tueq. Piq kuex kvruex yuq vnuiyq 40, vwvrx 40 httax tueq.

DUNGWVNC 8:19

mvntan thenc jix hez rueq hokhvmx waz muex ngoc, “Vruex kuex Tishox rueq tvyaungx tueq!” ngoz tueq. Yuq muinz hokhvmx waz kuex vthuinz tsanz vtueq, Yehowa rueq jungx wvnc tueq rulc rv-ngvlc Moshe nuiyc Arun kvjaz kuex tay kuq muq.

JEREMIA 31:33

Israel miqsaz rulc taq shaungx bomkhvrc vnyalx kuex vkhoc rvtueq: Ngaz rueq tsuingshiq nyuing nuex ngvy tvrac kuex taq vtueq kvruex tsuingshiq thuinz vmungx nuex wuiyq taq shec shaungx. Ngaz kuex tsuingshiq Tishox muex yaungx ruiux tsuingshiq kuex ngvy miqsaz muex yaungx tuex.

Matthew 12:28

Ngaz rueq Belzebul luimc vkawc maq rvmuq, Tishox Siyac luimc vkawc maq htaungc htenc kuex yurc gay tauk. Kvkhoc doc ngoz ruiux yuq Tishox mungtan kuex nuimshiq kox nuex vhttuiuc wuez shex rvtueq.

Luke 11:20

Yuq muinz ngaz rueq Tishox ngauz vngax maq htaungc htenc yurc gay vshaungx ningkhvnc nuex Tishox Mungtan kuex nuimshiq kox nuex vhttuiuc wuez shex hakhix rvtueq.

2 Corinthians 3:3

Kvruex luik kuex Christu vpiq rueq wuiyq vtueq nuiyshiq muex tvgurc kuq phuex kuex raungraung kvkhic yaq. Kvruex luik kuex luik tix maq vwuiyq rvmuq, vtvraungx httax yaq Tishox Siyac maq vwuiyq luik rvtueq, kvruex luik kuex lungdvmx htauk nuex vwuiyq muinz rvmuq, thuinz vmungx nuex vwuiyq kuq rvtueq.

TRI CHONGKE 10:4

Kvruex yimaq Yehowa rueq nuimshiq kanx yaz nuex rvtuimx tuit raungnuiyq ikaq wvr mungx maq nuimshiq muex jungx kuq kv-phuinx Tvrac Rokshiz kuex vphaungc wawc lungdvmx nueyc nuex wuiyq tueq rulc rv-ngvlc wuiyq yek tueq. Yehowa rueq lungdvmx htenc kuex ngaz muex kuq phuex tueq,

TRI CHONGKE 4:13

Yehowa rueq nuimshiq rulc vtvhungx bomkhvrc ngoz yaq Tvrac Rokshiz kuex phvnc rax lvmz jungx kuq tueq. Kvruex tvrac kuex lungdvmx vnueyc nuex wuiyq taq shec tueq.

TRI CHONGKE 5:22

“Yehowa rueq kanx hep nuex rvtuimx kaz tuit nuimshiq htenc muex tvrac htenc vruex kuq kv-phuinx. Yehowa rueq wvr nuiyc nyauk hvlc phuemx daungx mungx maq thuic bomc yunghvlc maq tvrac htenc vruex jungx kuq kv-phuinx, laukshiz hulawx jungx yek muq shex. Kvruex yimaq vpiq rueq tvrac htenc kuex lungdvmx vnueyc nuex wuiyq vtueq ngaz muex kuq phuex.

Hebrews 9:4

Kvruex yuq vhomc phvnx juiuz juing kuimshawx shomrawx nuiyc wvpumz tuimx kuimshawx maq vtvhungx Bomkhvrc Jep httax yaq, kvruex jep mungx kvyuq manna wanx htawc juing kuimshawx tuik muinz, vpuic vsung rvyaq Arun paq muinz, bomkhvrc tvrac vwuiyq shec lung dvmx vnueyc muinz httax yaq.