EJEKIEL 8:3 - ASII LAKDAP Bible (BSI)

³ Apaiq raq ajaq ikha kriika ngi phanü na tliisaq riito. Raüta ngi ka ikhudap maq dopot laphoto. Kiijiishe ara riisham makchhi maq chhikang, ngi ka Shiikeawe wenyi raq ra na rawang win na luhea na dowanto. Raüta ngi ka Jerusalem na sheahoto. Raüta apaiq raq ngi ka Jerusalem Shomjam shekhu nü nü kilamchong wang mong kilam chongti ba kiijaq shea wanto. Kiijaq Shiikeawe mak lii na riiqkhiq phan sumla kaü ashi kra tiinga raü riito.

Hawa Naga Bible 2001

³ Vpiq rueq yauk ikhoc kuex tvlanc vtueq ngvy khux mul maq shuimx tueq. Kvkaq vruex romzyac tvkhic nuex Tishox siyac rueq ngaz kuex raungx nuex tenz shvlx wvnc vtueq Yerusalem nuex shvlx wvnc phuex. Piq rueq ngaz kuex Shomc Yuimx ghaqkhux kox kaluix puc nuex shvlx wvnc phuex, kvruex baung kvyuq Tishox rueq lawc roc muq yac yuimx vshiz vtv-ngaungc taq rvtueq.

EJEKIEL 8:3 Referencias Cruzadas

1 HOKHVMX 18:12

Riita ngi wawan jai niili ümniika Tatiwe wenyi raq ümniika dowan raüta, ngi raq sapmang maiqhiq bashi ra na shea wan raü jiiha? Kriishe nguraü ka ngi raq Ahab ma ümniika arjaq asi nguta chongwa jai, kiimaq apaiq raq ümniika ritki raüta hummak she raü ka, apaiq raq ngi ka atiitsea mirbaiq. Ümtsan na tiitsang laq, ngi ka, noseji miiphü Tatiwe ka tsapkapkap maq shomnoq wanti.

2 HOKHVMX 16:14

Kiimaq miiki ngam maq atiiq berong-wacha Tatiwe ma akiinong kuq kriika anye berong-wacha nai Shomjam khok liipan na riito. Kra ningkhan Ahaj raq miiki ngam berongwachati kriika anyeti berong-wacha kriima shekhu nü siim na thüto.

2 HOKHVMX 2:16

Kiimaq akha nguto, “Naishiq ka arjaq maiq roqbiingi kuilang kuilabi siisaq asi. Naishiq kilaita ümtatiwe ka ritki phai. Jursap Tatiwe wenyi raq apaiq ka aluwiq na sheawan raütiiwa pum bashi ra niiwa baiq thüla riila. Riimakla hiq thung tan bashi ra niiwa baiq thüla riila.” “Raamak. Namshiq kai raamak,” Elisha raq treto.

2 HOKHVMX 21:7

Apaiq raq Shomjam mong na jechak phra Ashera sumla thüto. Ara Shomjam haiwantaq arka Tatiwe raq tingsang atsea arwan, apaiq raq Dawit nai ase Solomon ma akha nguto: “Ara Jerusalem na, ara Shomjam arka, Israilnok maiq phan phanroqshi ri phannai sichang hiqshong thun kriiwa, Ngi ka arba arjiili shomnoq wan raa nguta tingsang pong na athiiq arwanha hiqba.

Tvtsvmc 78:58

Tsangshiq raq apaiq ka tsangshiq thatsang hiqba thun haiwan raüta atsan tiikhiqto, kiimaq tsangshiq raq sumla phra thun noq raüta apaiq tsan ka walü wa ikha tiinyai chaqto.

DUNGWVNC 20:4

“Ümnaq maiqmii miitu ramungtan na siti lo riimakla mangjong hiq na sitilo, riimakla kham mong na sitilo kra sumla thun kiiwa jamlai phan sumla li jiimin naq klokiq.

DUNGWVNC 20:5

Jamlai phan sumla khaki na jiimin naq bumkiq. Riimakla kra shomnoq maimak. Jamkhano ngukla Ngi ka Tatiwe üm Shiikeawe. Kiimaq Ngi rai riilongti ka ashi min thümang phan. Ngi ngengti ma mo tiiho tiikang. Kra mo ka asetiim kiimaq asaütiim maiq pat tsam nai patblai na saüli mo mitiihoha.

DUNGWVNC 34:14

“Namshiq raq laihin phra naq shomnoq rongkiq. Jamkhano ngukla, Ngi, Tatiwe raq Ngi rai riilongtibi ka ninlot mang.

JEREMIA 32:34

Tsangshiq riika Maiqphai asi sumla phra kaü thun ka imang na ahai wan Ngi shomnoq chang Shomjam mong na thü wanto. Raüta tsangshiq raq Shomjam ka tiisheshi baiqto.

JEREMIA 7:30

“Juda mungti raq abi jaq sham wanto. Tsangshiq raq I Shomjam na, ngi raq saisitiikang sumla phra phong kra thüto. Raüta Shomjam ka tiishe baiqto.

EJEKIEL 1:1

Rawii roqtsam she angu na jipi lüblai liiwa rabiingi ngo ranaiq akhing riito. Ngi, ka ramwe jaqshamti. Iwe mang ka Buji. Kra akhing na ngi ka munglu shumwi ma atsuq wan Jehudinok rai Bebilon mung na, Chebar rai tan na sikang. Ramungtan ka atlin riikito. Kiimaq ngi raq riisham mak maq Shiikeawe ka chhikang.

EJEKIEL 10:3

Kriiwe ka kihotaq akhing bala cherubim thun ka Shomjam maq shemai nü nü siim na chap raqraq riito. Kiimaq wangmong rinkea keathung ba ka wakhuk raq mong wan raüta mawanto.

EJEKIEL 11:1

Shiikeawe wenyi raq ngi ka ra na dopot do wanto. Raüta Shomjam rinkea shedong nü ruk kilamchong nü nü kiiniishe shea wanto. Kiijaq kilamchong tho na ngi raq maiqlare roqnai ri webiingi chhikang. Tsangshiq rai mung wela wenai, Ajur se Jaajania nai Benaia se Pelatia kriimin asi riito.

EJEKIEL 11:24

Riisham makchhi maq Shiikeawe wenyi raq ngi ka ra na dowanto. Raüta Bebilon mung na munglu shumwi sitiikai hiq kiiniishe shea wanto. Kiijiishe riisham makchhi ka imakki wa mokisaq she maqkito.

EJEKIEL 2:9

Kiijiishe ngi raq maiq jaq ashi ka ipha nü na neishat chhikang. Kiimaq kra maiq jaq niika lakdamkom ashi sham raü chhikang.

EJEKIEL 3:12

Kiijiishe Shiikeawe wenyi raq ngi ka ra na dowanto. Kiimaq ngi raq ijai nü na ramokwa trang ikha kriiraq akha nguto, “Tatiwe khushü ramungtan thaq na sitlaq kra tiitsam laq!”

EJEKIEL 3:14

Tatiwe ningkun ka ikhum na henghea maq saükito. Kiimaq ngi ka apaiq wenyi raq jamkho dowantlaq kra phan phan, ngi ka kiqdaqtam dokdok kiimaq tsankhiqhea riito.

EJEKIEL 37:1

Ngi raq ikhum na Tatiwe ka ngi rai asi nguta ningkun henghea sapkang. Kiimaq apaiq wenyi raq ngi ka rom wan raüta kin hea wea na hiq thung tan ashi maiqrii phong raq ama kiijaq ngi ka dowanto.

EJEKIEL 40:2

Ngi raq riisham mak maq chhikang, Shiikeawe raq ngi ka Israil mung na sheahoto. Raüta ngi ka pum diiluhea kiijaq thü wato. Ngi raq imakki na jam phong ka pahea chela ashi ikha chhikang.

EJEKIEL 43:5

Tatiwe wenyi raq ngi ka ra na dopot dowanto. Raüta wang mong keathung kiiniishe shea wanto. Kiijaq ngi raq Shomjam ka Tatiwe khushü ngao liliim raq ama wanwishe chhikang.

EJEKIEL 43:8

Hokhambi raq tsangshiq hokham jam kilam thung thun nai tsang hokham jam kilam da thun ka i Shomjam kilam thung nai i Shomjam kilam da thun rai khariire na siisaq haito. Kra ningkhan naishiq liipan niika khetuk riili raitlo. Tsangshiq raq i mang asii ka tsangshiq raq ümtinkhan wa maiqphai asi klo raüta tiisheshito. Kriikha niishe Ngi raq itsankhiq tsi ma tsangshiq ka tiithenbaiq kang.

EJEKIEL 5:11

“Arningkhan, Ngi atra Shiikeawe raq ngutiikang - arka Ngi, Tati Rakaü Hiqwe bomtsi. Jamkhano ngukla, ümniiraq abi pinthum maiqphai asi klowan laüta, i Shomjam ka tiishebaiq laü. Ngi raq ümniika tiihang mang maq michumbaiqha.

EJEKIEL 7:20

Akhing ashi na tsangshiq ka tsang longseng laktum tsomhea kra lak raüta kai shiikongto. Shatmaq tsangshiq raq kriithun kiimaq maiqphai asi sumla phra thun kra tiiq wanto. Kra ningkhan tiina Tatiwe raq tsang tsiiq tum thun ka tsang mak lii na maiqphai asi she tiijabaiqto.

EJEKIEL 8:5

Shiikeawe raq ngi ma nguto, “Maiqse lei, shekhu nü nü kiina liilaq.” Krai mren, ngi raq liikang. Liikangta kiijaq kilam chong tho na berong-wacha tho kiijaq Shiikeawe mak lii na riikhiq pinthum sumla phra kaü ashi tiichap raü chhikang.

EJEKIEL 9:2

Kra ngori tlothit miili maiq wetrok ka Shomjam maq shekhu nü na kinphai ruk kilamchong kriiwa dong wanto, loweatek jaq na rekhat chang hupsam ka piraq chhaq maq. Tsangshiq rai maiq weshi asi. Apaiq ka raihi-nairai khealü miirii samraü. Kiimaq ajaq niika lak waiq chang hupsam kriimin shamshat. Tsangshiq tarü ka wato. Raüta miiki berong-wacha tho kiijaq chaprang chapkito.

DANIEL 10:10

Kiijiishe maiqjaq ashi raq idü na shamto. Raüta ngi ka ijaq nai ilakü maq tiichapto. Ngi ka atiikhai rokshrokli riikang.

DANIEL 10:18

Jangshi ri hali apaiq raq idü na shamsaq sham nongto. Kiimaq ngi miimin ikhum na iriika phanshi ahong lin lin she riito.

DANIEL 5:5

Kra liipan na tiihanghiiq miili, maiqjaq ashi ka hokhamwe jam khokmong khetuk na longnin win maq alorat kiijaq, lemtem thun nyaitlaq walü li raq chhainyiinyiihea tiichhishat ba kiijaq maiqjaq kriiraq lak waiqrea chhito. Kiimaq hokhamwe raq kra maiqjaq raq lakwaiq rattlaq kra chhito.

Acts 8:39

Kra lot raüta, tsangnai ka khamchum mong maq takii na dong wan ri li she, Philip ka Asii Wenyi raq, ahin nü na shea wan saq she shea wanto. Siihiip jong we raq Philip ka chhi mak she riito. Shatmaq, apaiq ka kai pinthum chojong chise miishe tsangmung na kihoto.

TRI CHONGKE 32:16

Tsangshiq raq sumla phra noqto, Raüta Tatiwe mak tiishuto, tsangshiq raq abi klotaq kriiraq apaiq tsan tiikhiqto.

TRI CHONGKE 32:21

Tsangshiq sumla phra kong maq itsan tiikhiqto, tsangshiq shiikea kong ma imak tiishuto, phra kong ka riikhaqli shiikea kong riimak. Kriikha na Ngi raq maiq mung ashi kriima tsangshiq tsan ka mitiikhiqha; Ngi raq tsangshiq ka maiq mung ashi anginok ma tsangshiq mak mitiishuha.

TRI CHONGKE 4:24

Jamkhano ngukla Tatiwe namshiq Shiikeawe ka walütu kaü. Apaiq rai riilongti ka apaiq raq akhiismin nin lot mak.

TRI CHONGKE 5:9

Jamlai phan sumla jiimin bum lanta noqkai maimak. Kiimaq shomnoq raa mak. Jamkhano ngukla Ngi arli üm Tatiwe üm Shiikeawe. Kriikha maq Ngi rai riilongti thun ka Ngi raq ninlot mang. Ngi raq Ngi ngengtibi ma mo tiiho tiikang. Kiimaq tsangsetiim kiimaq tsangsaütiim pat na saüli maiq pat patblai na saüli mo mitiihoha.

TRI CHONGKE 6:15

Namshiq raq laihin phra thun kra shomnoq han jiila, Tatiwe tsankhiq walü ka namshiq khuthaq na walütu ikha minyai wan. Raüta namshiq ka michup tiisiirai she mishthen baiq. Jamkhano ngukla Tatiwe namshiq Shiikeawe, namshiq rai adam sitlaq kriiraq apaiq ngengtibi ka apaiq raq ninlot mak.

JOSHUA 24:19

Kiijiishe Joshua raq mungmaiqse ma nguto, “Shatmaq namshiq raq Tatiwe ka shiili lot man mirhan sham. Apaiq ka asii Shiikeawe. Kiimaq apaiq raq namshiq ngarai thun ka diikuq mak miraq. Apaiq raq apaiq rai riilongti thun ka ninlot mak miraq.