Shatmaq apaiq raq jaqsham kuqtaq kra jaqloli tsangshiq raq laqbaiqto, kiimaq apaiq tsiichong khemak tsangshiq raq athithi jaq shamto.
DUNGWVNC 17:2 - ASII LAKDAP Bible (BSI) Kiimaq tsangshiq raq Mosheq ma bot tsaüto. Raüta akha nguto, “Naishiq ma kham anyang chang kuqlaq.” Mosheq raq treto, “Namshiq ka jam nguto bot tsaü tlan? Namshiq raq Tatiwe ka jam nguto maitai tlan?” Hawa Naga Bible 2001 Tsuingshiq rueq Moshe muex ngoz ngax wuez tueq kuex, “Nuiyshiq muex vnuingc juing yuix kuq koq,” ngoz tueq ngoz wuez tueq. Moshe rueq, “Yvmx ngoz tueq lac ngoz ngax laq shuinx? Yvmx ngoz tueq lac Yehowa muex taruiyx vshuinx?” ngoz tueq. |
Shatmaq apaiq raq jaqsham kuqtaq kra jaqloli tsangshiq raq laqbaiqto, kiimaq apaiq tsiichong khemak tsangshiq raq athithi jaq shamto.
Tsangshiq raq tamlamlam maq Shiikeawe ka tairaito kriika tsangshiq raq aroro phaqsea kra keraa dongdii nguta shiitep jaüto.
Tsangshiq raq Shiikeawe ka niqruqruq jang pahea niqsiq wanto raüta Israilnok Asii Shiikeawe tsan tiitsi wanto.
Shatmaq tsangshiq raq Ningkun Ajong Shiikeawe kiq khiito raüta apaiq ka maitaito. Tsangshiq raq apaiq aming thun ka lang wan mak riito,
“Namtitiim raq Meriba hiq maq ngiimtaq ikha naqngiim rongkiq, kra ranaiq tsangshiq kumtsaiphii binjü wang maq Masaq hiq maq ngiimtaq ikha naqngiim rongkiq.
Kiijaq tsangshiq raq ngi niqsiqto raüta maitaito, Ngi raq tsangshiq miitu jaqshamkuq kang kra chhishatshat taü maq.
Kiijiishe Mosheq raq nguto, “Tatiwe raq namshiq ma raji ko phaq chang ka ngam mikuq kiimaq ranap ko na phaqsea chang ka winsii, namshiq raq alot lot kra mikuq. Jamkhano ngukla namshiq raq apaiq ngeng ma ümtinkhan wa bot nyan lan kra apaiq raq taito she. Namshiq raq nai nai ngeng bom ümchuwa bom lan kriika Tatiwe ngeng bom riito.”
Kra hiq ba mang ka Massa kiimaq Meriba nguta mangto. Jamkhano ngukla Israilnok bot nyanto. Raüta tsangshiq raq, “Riita Tatiwe ka nashiq rai asi dea sha ahü wa?” nguta bot trang raüta Tatiwe ka maitaito.
Tsangshiq raq Mosheq nai Aron ma nguto, “Namnai raq jamlai wa riilan ka Tatiwe raq chhito she. Namnai raq hokhamwe nai asengi ajong alabi ma naishiq tiingeng wan lan arkha na namnai apaiq mo mihohan. Namnai raq tsangshiq ma naishiq tiitsea baiq miitu lampu tankuq lan.”
Kiijiishe Ahaj raq treto, “Ngi raq miithii shongkuqlaq ngutiika jaümang. Ngi raq Tatiwe ka tairai mang.”
Jamkhano ngukla, shiikong miilong maiqse kra khoti, apeowiq polokhiq sitlo chhitiikai. Ashut aphit maiqsetiim kra khoti chiithe lüwa sitlo. Kiimaq tsangshiq raq ashut kiimung raüta, Shiikeawe raq anin wan tsii rüm tlaq kra tairai tlo. Kiimaq raüta juho tlo’” nguta tsütsit tlo.
Tsangshiq raq Mosheq nai Aron tiishaü bomto. Kiimaq akha nguto, “Nashiq ka Ejip mung niili tsai hai jaq riiwe ka ahea riichang wa. Riimakla ara rumnyangkhi binjü arjaq tsairai hai riiwe ka ahea riichang wa!
arnok arwa maiq weshi ra riimin kra mung na saüwan li chang atra silot mak miraq. Tsangshiq raq Ngi asi makse chathit chhainyiitlaq walü kra kiimaq Ngi raq Ejip mung na awang chang jaqsham wan kang thun kra kiimaq rumnyangkhi kumtsaiphii mung na awang chang jaqsham wan kang thun kra wiita chhi wanto she. Kiitinkhan tiichhike wan taü miimin, tsangshiq raq Ngi raq anin wan tsantsii rümtiikang kra bliiq kiki maitai wantlo. Kiimaq tsangshiq raq ibom tai mak maq ikiq khiitlo.
Raüta Shiikeawe ngeng nai Mosheq ngeng bom bomto. Tsangshiq raq akha bottrangto, “Ümniiraq naishiq ka Ejip mung wa tsuq wan laüta ara bintang jüngi kumtsaiphii mung na jaram wa tiitsai tlaü? Arjaq aphaq asea chang min ahü. Anyang chang kham min ahü? Naishiq ka ara aphaq asea chang min riimak manna ariiraq achok she!”
Kiijiishe Jesuq raq treto, “Shatmaq, Asii bomtsi niika, ‘Tati Shiikeawe ka ümniiraq naq maitai kiq,’ nguta chongtlo.”
Ranaiq shi, anoweti raq awe jaq wa apaiq rii tachong hupsam sitlaq kra, ‘I we le, ngi ma ngi la tachong hupsam ümnaq tsai jaitiq lap chang sitlaq kriika, ngi ma ümchaü li pheakuq laq,’ nguta awe jaq wa jaüto. Krai mren, awe raq apaiq tachong hupsam kriika, ase nai liipan na pheakuqto.
Kiijiishe, Jesuq raq treto, “Asii bomtsi na, ‘Üm Tati Shiikeawe ka tamlamlam maq naq maitaikiq’ ” nguta chongtlo.
Riita, ümchaü min namshiq raq Pongnok phan kamasham maiqse ma, natitiim raq nai ümchaü nashiq riimin holot mai homa ka tiihokuq rong i ngutiika, jamkho tiima tlan. Kra homa ka tiihokuq laita, Shiikeawe ka jaram niqsiq wa?
Kra tairaütiishe, Petar raq, “Ümwese namnai raq kiqri lanta, Shiikeawe Asii Wenyi ka jamlai nguto tairai tlan? Liilaq, ümwese maa lapkaiti ka ümchaü maalap rü maq awa, kilam chong niili. Tsangshiq raq ümmaa kiimin ümchaü piho raüta milapki nong!” nguta apaiq bom ka treto.
Nashiq raq Tatiwe ka ümtiikii jiimin tsangshiq wiijamti raq tairai wantaq kiikha, tairai wan raa mak. Kriikha maq tsangshiq ka paü raq thaü raüta jiimto.
“Namshiq raq Massa hiq maq Tatiwe namshiq Shiikeawe ka tairai lan ikha naq tairai rongkiq.
“Namshiq raq Tatiwe namshiq Shiikeawe tsan ka Tabera hiq maq, Masa hiq maq, kiimaq Kibroth Hattaawa hiq maq min tiikhiq wan lan.
“Ngi raq tsangshiq ka wiiroq blai shiikumpan lata, shunshea wan kang, Kra chhi shatshat taü miimin, tsangshiq raq ngi ka niqsiqto, nguta Shiikeawe tiibot tlo.
Tsangshiq raq hokham jaütaq kriikha na Samuel tsan ka kai bito. Kriikha na apaiq raq Tatiwe jaq wa achu jaüto.