WEAWEA 14:2 - ASII LAKDAP Bible (BSI)

² Tsangshiq raq Mosheq nai Aron tiishaü bomto. Kiimaq akha nguto, “Nashiq ka Ejip mung niili tsai hai jaq riiwe ka ahea riichang wa. Riimakla ara rumnyangkhi binjü arjaq tsairai hai riiwe ka ahea riichang wa!

Hawa Naga Bible 2001

² Tsuingshiq rueq Moshe nuiyc Arun muex ngoc, “Nuiyshiq kuex Ejip mungx maq rvmuq ngoz ruiux vruex yaruix tvnx vyuq thueyc kaz ruiux kuex pinhtumc vhvlx rvkhvmz tueq!

WEAWEA 14:2 Referencias Cruzadas

1 HOKHVMX 19:4

Elija ka kumtsaiphii rumnyangkhi bin kiina ranaiq minru kihoto. Raüta apaiq ka pechongji na ranyam ba na ngakito. Raüta atsan mong na atsaili riikiha jaq ahea riichang nguta tiimato. “Tatiwe, arka ngi ma chamchao henghea she,” nguta achu jaüto. “Irilung arka ümniiraq alamli she riiwan laq. Ngi ka atsai she riikihajaq riiwe khoti ahea miraq!”

YOBA 3:11

Ngi ka inyung puk na tsaiha jaq ahea riichang wa riimakla rawiichhi ri li tsaiki hajaq ahea riichang wa.

Tvtsvmc 106:24

Raütiishe tsangshiq raq hiqpo hiqwin mung ka shipoq wanto, jamto ngukla tsangshiq raq Shiikeawe kiqkham ma kammak riito.

Tvtsvmc 106:25

Tsangshiq tombutiip na sito raüta abot atsaü riito kiimaq Tati bomchong taimak riito.

Tvtsvmc 106:45

Tsangshiq tiiwong ma atongshong bomtsi tiimato, kiimaq alungwii tsii jonghea kha maq atsankhiq atiishi riiwanto.

DUNGWVNC 14:11

Kiimaq tsangshiq raq Mosheq ma nguto, “Riita Ejip mung na maiq maa lap chang hiq ahü sha? Ümniiraq naishiq ka ara kumtsaiphii rumnyangkhi arjaq mitsailaq ngutiisha sheaho laü? Liilaq, ümniiraq naishiq ka Ejip mungwa tsuqho laüta jamlai wa riilaü kra!

DUNGWVNC 15:24

Mungmaiqse raq Mosheq ma akha botto, “Naishiq raq jamlai wa minyang hai?”

DUNGWVNC 17:3

Shatmaq mungmaiqse ka khamnyang tsihea riito. Kiimaq tsangshiq raq Mosheq ma bot wan ruqli riito. Tsangshiq raq nguto, “Ümniiraq naishiq ka Ejip mung wa jam nguto tsuq wan laü? Naishiq ka kiimaq naisetiim ka kiimaq nai nyamse kong ka kham nyangtsi ma tiijiim baiq miitu sha tsuq wan laü?”

Jona 4:3

Ümchaü ka, Tatiwe lei, ngi ka atsai li she riipha. Ngi ka atra sinam ma atsai kai riiwe ka ahea pinthum,” nguta jaüto.

Jona 4:8

Ranap na rashe dong wan jai miishe, Shiikeawe raq kehea shedong nü rahai haike she tiihai wanto. Kra rakiitsi nai rahai haike haiwantaq kriiraq, Jona ka pitlang pitthea she khiimchaq wanto. Raüta rakiitsi ma Jona raq atsai riikiha jaq khoti ahea riichang nguta atsan mong na tiimato. Krai mren, “Ngi arka atsai lishe riikiha jaq khoti ahea riichang wa?” nguta jaüto.

WEAWEA 11:1

Mungmaiqse raq Tatiwe ma tsangshiq chamchao tiikai ngutiishe bottsaü phahoto. Tatiwe raq tsangshiq bottsaü trang ka taito. Kra ningkhan apaiq ka tsangshiq ma atsan khiqto kiimaq tsangshiq khuthaq na wa tiisatto. Kra wa ka tsangshiq phong mong na nyai wanto raüta tsangshiq ka khumto. Raüta tsangshiq piitiip siimko na sitibi maiq thun ka tiithen khiimbaiqto.

WEAWEA 11:15

Riita ümniiraq ngi ka akhli tlitkot chang jiika, ngi ara mangchan laüta, tiitsailaq atseali riibaiqlaq. Kra nguraü ka ümniiraq ngi atinkhan tiichamchao tlaü homa arka alaq she mirbaiqha. Ninwan ruq ka nin mang she miraq.”

WEAWEA 11:5

Ejip mung na siji na ngiq ka chamtraq siq wankai. Athii arii min ahü miili chamtraq ngiq ka siq wankai. Tsan na tiitsang ronglaq, kumchan thun, kham kumchan thun, siq khupo jaqlu lai, siqkhupo pojong lai, kiimaq khorotsang po thun phaqsiq wan kai ira ro dongtlo?

WEAWEA 14:1

Rawa minru mungmaiqse ka chapatsi ma hoq trangto.

WEAWEA 14:22

arnok arwa maiq weshi ra riimin kra mung na saüwan li chang atra silot mak miraq. Tsangshiq raq Ngi asi makse chathit chhainyiitlaq walü kra kiimaq Ngi raq Ejip mung na awang chang jaqsham wan kang thun kra kiimaq rumnyangkhi kumtsaiphii mung na awang chang jaqsham wan kang thun kra wiita chhi wanto she. Kiitinkhan tiichhike wan taü miimin, tsangshiq raq Ngi raq anin wan tsantsii rümtiikang kra bliiq kiki maitai wantlo. Kiimaq tsangshiq raq ibom tai mak maq ikiq khiitlo.

WEAWEA 16:13

Riita ümniiraq naishiq ka hiqpo hiq win hiq Ejip mung wa arjaq tsuq wan laüta, ara bintang jüngi mung arjaq tseabaiq ma tsuq wan laü armin hong mak dea ngutiisha tiima tlaü? Kriithaq niimin ümniika naishiq khuthaq na dü laüta naishiq ka kai jamshaha jaq ngutiisha tiima tlaü?

WEAWEA 16:41

Kriimaq nap jai ranaiq she mungmaiqse tlotli raq Mosheq nai Aron tiishut bomto. Tsangshiq raq akha nguto, “Namnai raq Tatiwe sengi maiq wiijam tsatbaiq lan.”

WEAWEA 17:6

Akha Mosheq raq Israilnok ma chongto. Kiimaq tsangshiq raq maiq phan wela aweatek raq apaiq ma maiqmiimii phan nyeakii ka achhuq chhuq kuqto. Tsangshiq nyeakii tlotli ka roqshiri anai. Kiimaq Aron nyeakii kiimin tsangshiq nyeakii phong krai adam na thüdamto.

WEAWEA 20:2

Kiijaq tsangshiq piitiip teitaq ba niika kham ahü riito. Kra ningkhan mungmaiqse ka Mosheq nai Aron tro na riitamto.

WEAWEA 20:3

Raüta tsangshiq ka akha bot trangto: “Nashiq armin naphu nanobi Israilnok Tatiwe Tombutiip rinkea na jiimraitaq ikhiisii jiimrai haijaq khoti ahea riichang wa.

WEAWEA 20:4

Ümniiraq naishiq ka ara bintang jüngi mung arjaq jamlai nguto tsuqho laü? Arjaq naishiq ka nyamsekong rai chiimshi na mijiim rai laq ngutiisha tsuqho laü?

WEAWEA 21:5

Raüta Shiikeawe ngeng nai Mosheq ngeng bom bomto. Tsangshiq raq akha bottrangto, “Ümniiraq naishiq ka Ejip mung wa tsuq wan laüta ara bintang jüngi kumtsaiphii mung na jaram wa tiitsai tlaü? Arjaq aphaq asea chang min ahü. Anyang chang kham min ahü? Naishiq ka ara aphaq asea chang min riimak manna ariiraq achok she!”

1 Corinthians 10:10

Tsangshiq phong wa maiq wiijamti raq abot atsaü riiwanto. Kiikha hali nashiq riimin abot atsaü ka raa mak. Tsangshiq bot tsaü wantaqti thun ka Maiqtseati Rase raq jiip baiqto.

TRI CHONGKE 1:27

Namshiq liipan na weshi raq weshi ma akha bottrang lan: ‘Tatiwe raq nashiq ka angeng riitlo. Apaiq raq nashiq ka Ejip mung wa tsuq wan raüta ara Amoraiqnok jaqkhon mong na kebaiq dantlo. Kra riihaüla ara Amoraiqnok raq nashiq ka mijiipbaiq.

TRI CHONGKE 9:23

Kiimaq apaiq raq namshiq ka Kadesh Barnea hiq maq, aming kuq raüta apaiq raq namshiq ma Kanan mung kuqtlaq kra wa lanta jiiwan ronglaq nguta namshiq tiiwataq akhing niimin namshiq raq apaiq aming ka akhü riilan. Namshiq apaiq ma kamtsan tsii thü man riilan. Kiimaq apaiq aming kiimin lang man dea riilan.

Hebrews 3:16

Riita ara chongtiikai, Shiikeawe bomchong kra taishatshat taü maq, taimak dea ikha, alam alat ngiim wanti thun ka juwiita? Tsangshiq ka Ejip mung wa Mosheq raq shea wan raüta adam na alaü wan damti siisaq kli ngok ngi raiwito.

Jude 1:16

Tsangshiq riika wranaiqshe, abot atsaü wa trangli, kiimaq maiqse maiqtsiiq wa trang tiimin li sitlo. Tsangshiq ka tsangshiq hon atsii abi rüm tlaq kra lamphanti. Tsangshiq ka maiqmii tiishomra sea wa tiimin li. Kiimaq maiq ka shomrasiq raüta, tsangshiq wok tiipaü wan, nanok ka hirii raüta mopsiq tlo.