DUNGWVNC 16:8 - ASII LAKDAP Bible (BSI)

⁸ Kiijiishe Mosheq raq nguto, “Tatiwe raq namshiq ma raji ko phaq chang ka ngam mikuq kiimaq ranap ko na phaqsea chang ka winsii, namshiq raq alot lot kra mikuq. Jamkhano ngukla namshiq raq apaiq ngeng ma ümtinkhan wa bot nyan lan kra apaiq raq taito she. Namshiq raq nai nai ngeng bom ümchuwa bom lan kriika Tatiwe ngeng bom riito.”

Hawa Naga Bible 2001

⁸ Kvruex yimaq Moshe rueq, “Nuimshiq rueq ngoz vshuinx htenc kuex Yehowa rueq tay vtueq, nuimshiq rueq phuiuz svy tvkoc raungyac nuex ngvmx nuiyc raungnvp kox nuex nuimshiq muex rax tuex tanc khvnc wanx kuex kuq kv-phuinx. Nuimshiq rueq nvnueyc ngoz vphuinx kuex, nuimshiq rueq Yehowa muex ngoc ngac rvtueq,” ngoz tueq jungx tueq.

DUNGWVNC 16:8 Referencias Cruzadas

DUNGWVNC 16:12

“Israilnok bot-nyantrang ka Ngi raq taikang she. Tsangshiq ma chonglaq raji raban raprap na tsangshiq raq ngam aphaq chang milap. Kiimaq ranap na tsangshiq raq aphaq asea lot mak winsii ka milap. Kiijiishetiq tsangshiq raq Ngi, Tatiwe ardea tsangshiq Shiikeawe ngutiishe misap wan.”

DUNGWVNC 16:9

Kiimaq Mosheq raq Aron ma nguto, “Mungmaiqse kunli ma chonglaq, tsangshiq ka waraüta Tatiwe khaki na michaplaq. Jamkhano ngukla apaiq raq tsangshiq bot nyan trang ka taito she.”

DUNGWVNC 17:2

Kiimaq tsangshiq raq Mosheq ma bot tsaüto. Raüta akha nguto, “Naishiq ma kham anyang chang kuqlaq.” Mosheq raq treto, “Namshiq ka jam nguto bot tsaü tlan? Namshiq raq Tatiwe ka jam nguto maitai tlan?”

ISAIA 32:6

Maiqjiqwe riika ajiq aphiqli mibom. Kiimaq ajiq jaqsham kli tiimatlo. Raüta ajiq kiimung kra süriitlo. Apaiq raq jamlai jaq wa shamtlaq kiimaq anü maq jamlai wa bomtlaq kriika Tatiwe shummii bom siisaqli bomtlo. Kiimaq apaiq raq ümtiikiimin amang aleiti ka dunghiq mak phan. Kiimaq khamnyang wiikiitsi chamchaotlaq kriima min khan kok tsiim kuq mak phan.

ISAIA 37:29

Ngi raq ümnaq hokho tlaü thun kra, kiimaq ümnaq shiikongsiq tlaü thun kra, tsütsa ka lapwan kang she. Riita ümchaü min Ngi raq ümkhü na jin raükom miishe miwa kang. Lata ümnübok na kumrang nübok na tiikaq chang jinpo kriishe mitiikaq kang. Lata ümnaq ana ümra lam mo kilaü kra lam phan phan hali mishea wan nong kang.”

WEAWEA 11:18

Riita ümchaü mungmaiqse ma chonglaq, ‘Anap ranaiq miitu namkhum ka atiisii ronglaq. Namshiq raq ngam miphaq han. Tatiwe raq namshiq honyi trang ka taito she. Kiimaq namshiq raq ngam phaq rohea nguta bottrang lan kiimaq namshiq ka man na Ejip mung na siji niika ümchaü arnam ma apeolin silan nguta ngulan kra taito she. Riita ümchaü min Tatiwe raq namshiq ma ngam she mikuq. Kiimaq namshiq raq phetak she miphaq siq han.

WEAWEA 14:27

“Ara abi pinthumnok ariiraq Ngi shra bottsaü arka ümtincho na saüli wa mibot nyan trang wan? Ngi raq tsangshiq bottsaü trang ka pahea achan she tai tiikang!

WEAWEA 21:7

Kiijiishe mungmaiqse ka Mosheq phana wato. Raüta akha nguto, “Naishiq raq Tatiwe ma nai ümniima bom abi bomlaita ngarai tangkai. Ümchaü min Tatiwe jaq paü kong ara lambaiq laq nguta achu jaülaq.” Krai mren Mosheq raq Mungmaiqse miitu achu jaüto.

Matthew 10:40

“Jurwa namshiq tao tlaq kriika ngi tao wan tlo. Kiimaq jurwa ngi tao tlaq, kriika ngi tiikaiti we kra tao tlo.

Matthew 9:4

Kiijiishe Jesuq raq tsangshiq tsan na jamlai wa tiima tlaq kra thohe raütiishe, “Namshiq tsan mong na akha abi ashut ka jaram wa tiima tlan?

Luke 10:16

Jesuq raq ajaqshisetiim ma bom ka akha chongkuqto, “Jurwa namshiq bom tai tlaq; kriika i bom tai tlo. Jurwa namshiq tao mak; kriika ngi armin tao mak. Kiimaq jurwa ngi tao mak; kriika ngi tiikaitiwe kriimin tao mak.”

John 13:20

Ngi raq chongtiikang arka tengteng: Jurwa i tsasoqti ka tao wan tlaq, kriika ngi tao wan tlo. Kiimaq jurwa ngi tao wan tlaq, kriika ngi tiikaiti we kriimin tao wan tlo.”

Romans 13:2

Arkha maq, mung welabi aming tai mak, tsangshiq kiq khiiti ka Shiikeawe raq ashong, welabi roi wan ma mijaki. Kiimaq jurwa mung welabi kiq khü tlaq, kriika maiqmii khu thaq niili kha ma miho wan. Mungrümti raq apaiq ka atsa miraq.

1 Corinthians 10:10

Tsangshiq phong wa maiq wiijamti raq abot atsaü riiwanto. Kiikha hali nashiq riimin abot atsaü ka raa mak. Tsangshiq bot tsaü wantaqti thun ka Maiqtseati Rase raq jiip baiqto.

1 Thessalonians 4:8

Krai mren, jurwa ara chong tiikai tri ara jin tlaq, kriiti riika, maiqse aming jin riimak, shatmaq, Shiikeawe tri, Asii Wenyi keti we tri jintlo ngushat.

1 SAMUEL 8:7

Kiimaq Tatiwe raq nguto, “Mungmaiqse raq ümniima jamlai wa chongtlaq kra wiita tailaq. Tsangshiq raq ümniika miimbaiq mak. Shatmaq tsangshiq raq ngi ka tsang hokham ma tiija romai she nguta miimbaiqto.