DUNGWVNC 16:7 - ASII LAKDAP Bible (BSI)

⁷ Ranap na Tatiwe asi makse chat-hit chhai-nyii kra michhi han. Namshiq raq apaiq ngeng bot nyan lan kriika apaiq raq taito she. Tengto, namshiq raq apaiq ngeng bot-nyan lan. Jamkhano ngukla nainai raq jaqsham tiikai kriika apaiq raq achong chong kli shamtiikai.”

Hawa Naga Bible 2001

⁷ Invp raungnvp nuex nuimshiq rueq Yehowa vpiq phelez lep yaq kuex khiz shuinx. Vpiq muex nuimshiq rueq mvrax tvgurc kvbot vtuinx kuex vpiq rueq tay tueq shex, yvmx khoc lac ngoz ruiux lec nvnueyc kuex vpiq rueq tvkhic yaq kvkhoc dvyx shuimx vshix,” ngoz tueq jungx tueq.

DUNGWVNC 16:7 Referencias Cruzadas

DUNGWVNC 16:10

Aron raq mungmaiqse kunli ma bom chong kuqtaq krai mren, tsangshiq raq kumtsaiphii rumnyangkhi wang nü kiina liito. Kiimaq tiihanghiiq miili Tatiwe chhainyii makse chat-hit kra phumda dashi mong na chhai wanto.

DUNGWVNC 16:12

“Israilnok bot-nyantrang ka Ngi raq taikang she. Tsangshiq ma chonglaq raji raban raprap na tsangshiq raq ngam aphaq chang milap. Kiimaq ranap na tsangshiq raq aphaq asea lot mak winsii ka milap. Kiijiishetiq tsangshiq raq Ngi, Tatiwe ardea tsangshiq Shiikeawe ngutiishe misap wan.”

DUNGWVNC 16:8

Kiijiishe Mosheq raq nguto, “Tatiwe raq namshiq ma raji ko phaq chang ka ngam mikuq kiimaq ranap ko na phaqsea chang ka winsii, namshiq raq alot lot kra mikuq. Jamkhano ngukla namshiq raq apaiq ngeng ma ümtinkhan wa bot nyan lan kra apaiq raq taito she. Namshiq raq nai nai ngeng bom ümchuwa bom lan kriika Tatiwe ngeng bom riito.”

DUNGWVNC 24:10

Kiimaq tsangshiq raq Israilnok Shiikeawe ka chhito. Ahok phi takiq niika saphir longseng pen maq ahai maiqkhum chang lam ikha, ra jamkho wai chat chat li tlaq kiikha riito.

DUNGWVNC 24:16

Kiimaq Tatiwe asi makse chat-hit chhainyii ka pum thaq na saükito. Israilnok maklii niika kra walü li chhaitlaq kriika pum khuthaq na walütu kaü nyairaitlaq ikha riito. Phum raq pum ka ratrok na saüli pangbaiqto. Kiimaq ramiishi ranaiq she angu na Tatiwe raq phum mong maq Mosheq ka heato.

DUNGWVNC 40:34

Kiijiishe Tombutiip ka phumda raq pang wanto. Kiimaq Tatiwe asi makse chathit chhainyii liliim raq Tombutiip ka mong wanto.

ISAIA 35:2

Kumtsaiphii wang chojong chise hongraüta mishinge wan; kra binjü ka Lebanon pum thun tsomwa ikha tsomhea miraq, kiimaq Karmel wak ram thun nai Sharon tan wiinai ikha hiqpo hiqwin miraq. Maiq loweatek raq Tatiwe khushü chhai nyii michhi wan, kiimaq apaiq jonglu nai apaiq ningkun kra michhi.

ISAIA 40:5

Kiijiishe Tatiwe khushü kra mitiichhikuq, kiimaq maiq phan tlotli raq kra michhi. Arka Tatiwe apaiq raq kiq akhamkuq.”

LEWI 9:6

Mosheq raq nguto, “Tatiwe raq namshiq ma arthun ara klo ronglaq nguta aming kuqto. Kra riihanla apaiq asi makse chathit liliim ka namshiq ma mitiichhikuq.”

WEAWEA 14:10

Shatmaq mungmaiqse tlotli raq tsangshiq ka long maq tiitsailaq tiiqbaiq rong i nguta danto. Shatmaq tiihanghiiq miili mungmaiqse raq Tatiwe asi makse chathit chhainyii raitlaq kra Tombutiip khuthaq na chhito.

WEAWEA 14:27

“Ara abi pinthumnok ariiraq Ngi shra bottsaü arka ümtincho na saüli wa mibot nyan trang wan? Ngi raq tsangshiq bottsaü trang ka pahea achan she tai tiikang!

WEAWEA 16:11

Ümtiikiiwa ümniiraq Aron ngeng bom bomtlaü, kriika riikhaqli maq ümniiraq nai ümsenginok raq Tatiwe ngeng bom bom tlan.”

WEAWEA 16:42

Tsangshiq ka Mosheq nai Aron tiishut ma adam na kunli riitam wan jai she, tsangshiq ka Tombutiip nü na liito. Kiimaq tsangshiq raq phumda kaü ka satki raüta tiip ka pang wanto. Kiimaq Tatiwe asi makse chathit chhainyii liliimtlaq ka kiijaq chhairaitlaq kra chhito.

WEAWEA 17:5

Krii phong kiiwa Ngi raq juwa shong wan kang kriiwe nyeakii kra acham raüta aküsetiim asi miraq. Akha klo lata Ngi raq ara Israilnok raq ümnaq ngeng bom bot wan ruq bottlaq kra tiikaiqshak she mitiikaiq baiqha.”

John 11:4

Jesuq raq kra tsütsa ka tairaüta, “Ara tsisi tlaq arka, apaiq miisaq tiithum miitu ka riimak. Shatmaq, ara lümaq Shiikeawe khushü kra tiidong miitu tsitlo. Krai mren, Shiikeawe Se khushü kiimin mijong wan” nguta chongto.

John 11:40

“Ngi raq ümniima chongpha ira taimaü sha? Ümniiraq kamhan jiila, Shiikeawe khushü jonglu kra michhi haü nguta chongpha ihata?” nguta Jesuq raq apaiq bom ka treto.