DUNGWVNC 16:7 - Hawa Naga Bible 2001

⁷ Invp raungnvp nuex nuimshiq rueq Yehowa vpiq phelez lep yaq kuex khiz shuinx. Vpiq muex nuimshiq rueq mvrax tvgurc kvbot vtuinx kuex vpiq rueq tay tueq shex, yvmx khoc lac ngoz ruiux lec nvnueyc kuex vpiq rueq tvkhic yaq kvkhoc dvyx shuimx vshix,” ngoz tueq jungx tueq.

ASII LAKDAP Bible (BSI)

⁷ Ranap na Tatiwe asi makse chat-hit chhai-nyii kra michhi han. Namshiq raq apaiq ngeng bot nyan lan kriika apaiq raq taito she. Tengto, namshiq raq apaiq ngeng bot-nyan lan. Jamkhano ngukla nainai raq jaqsham tiikai kriika apaiq raq achong chong kli shamtiikai.”

DUNGWVNC 16:7 Referencias Cruzadas

DUNGWVNC 16:10

Arun rueq Israel miqsaz rvtuimx yaq kvyuq jungx kuq yaq nuex, tsuinghez rueq kumtsvy tvnx kox nuex nyez lawc koq tueq, Yehowa phelez lep yaq kuex phuemx daungx nuex vhuingc rvhek laz dung kaz tueq.

DUNGWVNC 16:12

“Israel miqsaz rueq ngoz yaq kuex ngaz rueq tay tauk. Tsuingshiq rueq raungyac kox nuex ngvmx kuex phauk wuez shuex, raungnvp nuex wanx kuex roc shuex tanc khvnc lvp shuex. Kvkaq tsuingshiq rueq ngaz Yehowa tsuingshiq Tishox rvtauk lvmz tuiuz wuez shuex,” ngoz tueq jungx tueq.

DUNGWVNC 16:8

Kvruex yimaq Moshe rueq, “Nuimshiq rueq ngoz vshuinx htenc kuex Yehowa rueq tay vtueq, nuimshiq rueq phuiuz svy tvkoc raungyac nuex ngvmx nuiyc raungnvp kox nuex nuimshiq muex rax tuex tanc khvnc wanx kuex kuq kv-phuinx. Nuimshiq rueq nvnueyc ngoz vphuinx kuex, nuimshiq rueq Yehowa muex ngoc ngac rvtueq,” ngoz tueq jungx tueq.

DUNGWVNC 24:10

tsuinghez rueq Israel miqsaz Tishox kuex khiz wuez tueq. Vpiq yaz phaungx nuex kuex saphire lung vphawc shec ikhoc khiz tueq.

DUNGWVNC 24:16

Yehowa ngauz vngax phelez kuex kanx kvyuq svt kaz tueq. Israel miqsaz rueq kvruex phelez yaq kuex kankhux nuex wvrluic ikhoc khiz tueq. Phuemx rueq kanx kvruex raungx tvruk puingc gay tueq, raungx mvshix vngoz nuex Yehowa rueq phuemx mungx maq Moshe kuex gvl tueq.

DUNGWVNC 40:34

Kvkaq Tap kvyuq phuemx rueq puingc wvnc koq tueq Yehowa ngauz vngax phelez kuex tap mungx nuex lez kaz tueq.

ISAIA 35:2

Kumtsvy tvnx kuex kokez vtueq guyc sez shic tuex; Lebanon Kanx htenc ikhoc svp rvp tuex, Karmel nuiyc Sharon nax htenc ikhoc vthuey vngoz mvrc tuex. Miq pumz tek vtueq Yehowa ngauz vngax kuex khiz shuex, vpiq luimc vkawc nuiyc yungc vloayc kuex khiz shuex.

ISAIA 40:5

Kvruex yimaq Yehowa ngauz vngax kuex dung wvnc vtueq, miq lotlaz rueq kvruex khiz shuex. Vkhoc yaungc tvkoc Yehowa vpiq pumz maq bomkhvmc kuq tueq,” ngoz tueq guyc ramc jungx tueq.

LEWI 9:6

Moshe rueq, “Nuimshiq rueq shuimc lvmc juing lotlaz kuex Yehowa rueq vnvr rvtueq, kvkhoc rvtueq vpiq phelez yaq ngauz vngax kuex nuimshiq kox nuex dung kvkhic tueq,” ngoz tueq jungx tueq.

WEAWEA 14:10

Miq htenc rueq kvruex kvjaz kuex tay vtueq, tsuingnueyc kuex lung maq tuip thvy gay tvkoc hunglaungx wuez tueq, yuq muinz kvkaq yauk lox nuex dvyx Yehowa ngauz vngax kuex vpiq httax yaq tap htauk nuex phelez yaq kuex tsuingshiq rueq khiz tueq.

WEAWEA 14:27

“Vruex layx bac jix miq kuex mtanc khvnc nuex httuiuc laz lac ngaz muex kvbot nyvnx phvnx? Kvkhoc kvbot nyvnx yaq kuex ngaz rueq tay tsuiyc mauk shex!

WEAWEA 16:11

Mnoz nuiyc m-yix phvnc jix hez htenc rueq Arun muex mvrax tvgurc vshuinx kvruex kuex vsuingc suing Yehowa muex khawc lvlc lvmx dvyx rvtueq,” ngoz tueq jungx tueq.

WEAWEA 16:42

Tsuingshiq kuex Moshe nuiyc Arun muex mvrax tvgurc tvkoc rvtuimx kaz vtueq Tap kox kvyuq lawc koq tueq, phuemx rueq tap kuex puingc wvnc vtueq Yehowa httax yaq ngauz vngax phelez yaq kuex khiz wuez tueq.

WEAWEA 17:5

Ngaz rueq thvl wvnc shaungx kvruex waz ngvlhtulc kuex vsung dung tuex. Vkhoc maq raz tueq Israel miqsaz rueq mnoz muex yauk lox, yauk lox kvbot nyvnx vtueq mvrax tvgurc kv-phux rvmuq shex,” ngoz tueq jungx tueq.

John 11:4

Kvruex kvjaz kuex Yesu rueq tay vtueq, “Kvruex thuiuz yaq kuex vthueyc juing thuiuz rvmuq, Tishox ngauz vngax tvdungc wvnc tvkoc thuiuz yaq rvtueq, kvruex thuiuz kvraq Tishox Saz ngauz vngax muinz dung wvnc tuex,” ngoz tueq jungx tueq.

John 11:40

Yesu rueq, “Mnoz kvmx ruiux yuq kuex Tishox ngauz vngax mnoz rueq khiz lvp shuiux ngoz tueq ngaz rueq jungx phaungx rvmuq haz?” ngoz tueq piq muex jungx tueq.