Acts 5:9 - ASII LAKDAP Bible (BSI)

⁹ Kra tairaütiishe, Petar raq, “Ümwese namnai raq kiqri lanta, Shiikeawe Asii Wenyi ka jamlai nguto tairai tlan? Liilaq, ümwese maa lapkaiti ka ümchaü maalap rü maq awa, kilam chong niili. Tsangshiq raq ümmaa kiimin ümchaü piho raüta milapki nong!” nguta apaiq bom ka treto.

Hawa Naga Bible 2001

⁹ Kvkaq Peter rueq, “Nuimnueyc kuex Taungjix Siyac taruiyx muex yvmx ngoz tueq lac raz vtuinx? Lawc shuiuz, mtaungx waz luip kay jix hez kuex vruex kaluix daungx vyuq httuiuc wvnc yaq; mnoz muinz vpic tvy gay kay juing rvtueq!” ngoz tueq.

Muklom

⁹ Req Peter aa piq ma batta, “Chamma nang nia ba himteywa aa Teyhungwa Tsija tha tari ma kashey rum wan shin tin i? Thanga bara bahimteywa bung kattey tang tha kalung kang na lang aa, etho ning aa nang raa tho sol kat phanu!”

Acts 5:9 Referencias Cruzadas

RAPHA HIQWA LAK 20:13

Kra ningkhan ümtiikiiwa Shiikeawe raq ngi ka iwe jam mong wa pong mung niishe tiiki baiqtaq, ngi raq apaiq ma, ‘Ümniiraq ngi ka ümtinkhan wa lung wiitlaü kriika, nanok maiq wiitarü ma ngi ka ümphu nguta chong lili laüta tiichhilaq,’ ” nguta chongkang.

2 HOKHVMX 6:32

Kiimaq apaiq raq tsasoqti Elisha tiisheakai tiikito. Kra bala Elisha ka apaiq jam na nyungwere maiq wiijam apaiq rai riihumkai akiti rai angadam riito. Hokhamwe raq atiiki tsasoqtiwe ka misaüho shaq na Elisha raq nyungwere kiima nguto, “Liirong laq, kra matwe kaü raq ngi tiitseakai maiq tiikitlo! Ümchaü min apaiq ka arjaq saüho raüla, kilü ka ashaq rong laq. Apaiq ka jam mong na naq tiinyap rongkiq. Hokhamwe apaiq kiimin apaiq jai niili misaüho.”

Tvtsvmc 50:18

Ümniika ahukwe achhichhi krai kongshi jawan laü kiimaq ümniika mephe nyungre rai kiichamti rai kongshi jawan laü.

Tvtsvmc 78:56

Shatmaq tsangshiq raq Ningkun Ajong Shiikeawe kiq khiito raüta apaiq ka maitaito. Tsangshiq raq apaiq aming thun ka lang wan mak riito,

DUNGWVNC 17:2

Kiimaq tsangshiq raq Mosheq ma bot tsaüto. Raüta akha nguto, “Naishiq ma kham anyang chang kuqlaq.” Mosheq raq treto, “Namshiq ka jam nguto bot tsaü tlan? Namshiq raq Tatiwe ka jam nguto maitai tlan?”

DUNGWVNC 17:7

Kra hiq ba mang ka Massa kiimaq Meriba nguta mangto. Jamkhano ngukla Israilnok bot nyanto. Raüta tsangshiq raq, “Riita Tatiwe ka nashiq rai asi dea sha ahü wa?” nguta bot trang raüta Tatiwe ka maitaito.

TAKSU LAK 11:21

Kamto maq khelaüta silaq, ajiq kloti ka mitsa sha wan dongdii. Shatmaq kechu maiqse ka, khup wongkuq shat miraq.

TAKSU LAK 16:5

Tatiwe raq, kumrong kumraq maiqse ka, pinthum tsaihaitlo. Apaiq raq tsangshiq ka weshi min, tiichamchaohü maq tiihang mak miraq.

Mikha 7:3

Tsangshiq tarü phusu sang siisaq. Mungtu shiilangbi, phowebi, wiita tsiiqlap seati siisaq. Amangchong ajongwe raq, apaiq raq jamlai wa rotlaq kra, tsangshiq adam kiq ri raüta klotlo.

WEAWEA 14:22

arnok arwa maiq weshi ra riimin kra mung na saüwan li chang atra silot mak miraq. Tsangshiq raq Ngi asi makse chathit chhainyiitlaq walü kra kiimaq Ngi raq Ejip mung na awang chang jaqsham wan kang thun kra kiimaq rumnyangkhi kumtsaiphii mung na awang chang jaqsham wan kang thun kra wiita chhi wanto she. Kiitinkhan tiichhike wan taü miimin, tsangshiq raq Ngi raq anin wan tsantsii rümtiikang kra bliiq kiki maitai wantlo. Kiimaq tsangshiq raq ibom tai mak maq ikiq khiitlo.

Matthew 4:7

Kiijiishe Jesuq raq treto, “Shatmaq, Asii bomtsi niika, ‘Tati Shiikeawe ka ümniiraq naq maitai kiq,’ nguta chongtlo.”

Luke 16:2

Kra tai raütiishe, apaiq raq achere we ka hea raüta chongto, ‘Ümniiraq i piikii ka atiisum riitlaü nguta, ngi ma nanok raq chong tlaq ara tengtaq riimak sha? Ümchaü min, ümniiraq, i tsiiq i nyam ümchuwa sitlaq kra, ngi ma kunli weake ra tlo. Ümniika ümchaü, i chere we ma jalot maü she.’

Acts 15:10

Riita, ümchaü min namshiq raq Pongnok phan kamasham maiqse ma, natitiim raq nai ümchaü nashiq riimin holot mai homa ka tiihokuq rong i ngutiika, jamkho tiima tlan. Kra homa ka tiihokuq laita, Shiikeawe ka jaram niqsiq wa?

Acts 5:6

Kiiwa jerobi thun ka wa raüta, Ananias maa ka jobto. Raüta amaa ka piho raüta lapkito.

Romans 10:15

Kiimaq, Shiikeawe raq apaiq tsütsa ahea kra, chiiriim raüta chongke wan miitu, bin na tsütsa chongke wantibi tiikai hü miika, juro michong kuq wan? Arka, Asii bomtsi na, “Tsütsa ahea chongke wantibi saü wan tlaq kriika, pinthum ahea riito!” nguta chong tlo.

Romans 3:19

Riita, ümchaü nashiq raq asap i, Thungtri sitlaq kriika, juwa Thungtri wokhong na misi rong i nguta sitlaq, kriiti miitu sitlo. Ara Thungtri sitlaq arka, maiqse angu raq jamkiq khii chang ahü she mirlaq nguta sitlo. Thungtri sitlaq kriika, mangjong maiqse hiq maq hutse Shiikeawe rung na tiichap miitu sitlo.

1 Corinthians 10:9

Nashiq raq Tatiwe ka ümtiikii jiimin tsangshiq wiijamti raq tairai wantaq kiikha, tairai wan raa mak. Kriikha maq tsangshiq ka paü raq thaü raüta jiimto.