1 SAMUEL 8:6 - ASII LAKDAP Bible (BSI)

⁶ Tsangshiq raq hokham jaütaq kriikha na Samuel tsan ka kai bito. Kriikha na apaiq raq Tatiwe jaq wa achu jaüto.

Hawa Naga Bible 2001

⁶ Hokhvmx washiz rax yaq ngoz tueq tsuingshiq rueq thoz yaq kuex Samuel rueq roc muq ningkhvnc nuex Yehowa kox wawc vjux thoz tueq.

1 SAMUEL 8:6 Referencias Cruzadas

Tvtsvmc 109:4

Ngi raq tsangshiq lungwiitiikang, kiimaq tsangshiq miitu achu jaütiikang, shatmaq tsangshiq raq ngi tangtatlo.

DUNGWVNC 32:21

Raüta apaiq raq Aron ma nguto, “Arnok raq jamlai riikaq phaüto, ümniiraq tsangshiq ma atinkhan pinthum ashut ngarai ka tiitang laü?”

DUNGWVNC 32:32

Mangchan laüta tsangshiq ngarai ka diikuqlaq. Shatmaq ümniiraq diikuq maü jiila, ümniiraq ümsenginok mang thun waiqlaü lakdap kiiwa imang ka alamli riibaiqlaq.”

Hosea 13:10

Namshiq tiichhiiti namhokham ümbano? Chela thun pengti mungtubi thun ha? “Naishiq ma hokham shongkuq laq, kiimaq mungtubi shongkuq laq,” nguta jaü wan lan ihata.

WEAWEA 16:15

Mosheq ka atsan khiqto. Kra ningkhan Tatiwe ma nguto, “Arwetiim raq honglu kuqtlaq thun ka ashi min naq taokiq. Ngi raq tsangshiq phong wa ju miimin ashut klomang. Ngi raq tsangshiq kumtoq kong wa kaüshi ra dongdii min lamho mang.”

WEAWEA 16:22

Shatmaq Mosheq nai Aron ka hiq na bum rang bum kito. Raüta akha nguto, “O, Shiikeawe lei, ümniika tlotli ma rilung tsitsü raü chong. Ngarai ka maiq weshi riili tangto. Riita ümniiraq mungmaiqse tlotli miisha mikhiq haü?”

WEAWEA 16:46

Kiimaq Mosheq raq Aron ma nguto, “Üm wapin ka ümjaq na shamtlolaq. Laüta berong-wacha kiiwa wachan wiiwatam maq kiijaq tso laüta thiilaq. Laüta homseng honglu wiijam ka wapin na thiilaq. Laüta kra ümjaq na doshat maq jaqlo thit thit mungmaiqse khum kra tiisii wan mro ka chhikuq tlolaq. Kotsi jaqlo! Tatiwe tsankhiq walü ka anyai wan kun she. Thabi tsi ka adong wan kun she.”

Philippians 4:6

Jamphan miitu min naq chapa rongkiq she. Namshiq ma jamlai phan wa raa tlaq, kra Shiikeawe ma, achu jaü maq chong ronglaq. Wranaiqshe, apaiq ma kechutum lanta, achu jaü ronglaq.

James 1:5

Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.

1 SAMUEL 10:19

Ngi ka namshiq Shiikeawe, phanrap litkot chamchao sangrai mong wa dokdake wanti. Shatmaq ümchaü ranaiq namshiq raq ngi ka shishebaiq lan. Lanta ngi la na, hokham weshi shongkuq laq nguta ijaq wa jaü lan. Ikhiijiika ahea. Ümchaü min, namshiq ka maiq aphan aphan maq kiimaq ata ata maq Tatiwe man na thung rong laq.’”

1 SAMUEL 12:12

Shatmaq namshiq raq Ammonnok hokhamwe Nahash raq namshiq khatwa kra chhi lanta, namshiq raq Tatiwe ka, namshiq hokham riimak nguta shipoq lan. Lanta ngi nangnga, ‘Naishiq rümti hokham weshi shongke ratlo,’ nguta ngulan.

1 SAMUEL 12:17

Riita, ümchaü ka raliichoji, shinram shinriiq riimak shea? Shatmaq ngi achu jaüpha. Tatiwe raq ra mitiimok raüta ra mitiijun. Kriishe chhihanla, namshiq raq Tatiwe jaq wa hokham ashi shongkuq laq nguta jaü lan kriika ngarai jonghea tangkai ngutiishe misap han.”

1 SAMUEL 12:19

Kiimaq tsangshiq raq Samuel ma akha nguto, “Shiilangwe lei, mangchan laüta, Tatiwe üm Shiikeawe jaq wa naishiq tsaiki maichang miitu achu jaü laq. Ümchaü naishiq raq, naishiq ngarai ümtinkhan wa sitlaq kra thaq na hokhamwe shongkuq laq nguta jaü kai ngarai kra hali tiitsuq nongkai nguta sapkai.”

1 SAMUEL 12:23

Riita ngi raq riiwe kla, Tatiwe man na namshiq miitu achu jaüke ka nungpaq lata, apaiq man na ngarai ka tangmang mirha. Kra la na, ngi raq namshiq ma jamlai wa ahea kiimaq namshiq ma riikhaqli jaqsham chang kra mishrin kuq kang.

1 SAMUEL 15:11

“Ngi raq ka Saul ka hokham ma shong kang kriikha na ümchaü kai tiishudaq tiikang. Apaiq raq ngi ka jainong miishe shung thüto. Raüta ngi raq apaiq ma aming akuqha kra jinto.” Samuel ka akhiq riito, kiimaq rawa minru konhü maq Tatiwe man na achu jaü tiipaiqneato.

1 SAMUEL 7:5

Raütiishe Samuel raq Israilnok kunli ka Mijpa chela na thung miitu, akha tiichong wato, “Ngi raq namshiq miitu Mijpa chela maq achu mijaü kuq kang.”