1 SAMUEL 8:7 - ASII LAKDAP Bible (BSI)

⁷ Kiimaq Tatiwe raq nguto, “Mungmaiqse raq ümniima jamlai wa chongtlaq kra wiita tailaq. Tsangshiq raq ümniika miimbaiq mak. Shatmaq tsangshiq raq ngi ka tsang hokham ma tiija romai she nguta miimbaiqto.

Hawa Naga Bible 2001

⁷ Yehowa rueq, “Miq htenc rueq mnoz muex jungx yaq phvnx ruip saz kuex tay shuiuz. Tsuingshiq rueq mnoz kuex tvdux gay yaq rvmuq; tsuingshiq hokhvmx yaungx vtaungx ngaz kuex tsuingshiq rueq tvdux gay yaq.

1 SAMUEL 8:7 Referencias Cruzadas

DUNGWVNC 16:8

Kiijiishe Mosheq raq nguto, “Tatiwe raq namshiq ma raji ko phaq chang ka ngam mikuq kiimaq ranap ko na phaqsea chang ka winsii, namshiq raq alot lot kra mikuq. Jamkhano ngukla namshiq raq apaiq ngeng ma ümtinkhan wa bot nyan lan kra apaiq raq taito she. Namshiq raq nai nai ngeng bom ümchuwa bom lan kriika Tatiwe ngeng bom riito.”

ISAIA 66:4

Kra ningkhan, Ngi raq tsangshiq khuthaq na tiimiqchup then wan chamchao mitiisaüha. Tsangshiq ka jamlai phan mo haisongtlaq kra phan chamchao sawa mitiisaüha. Jamkhano ngukla Ngi raq tsangshiq ka heawan kang akhing na, jurmin ibom tremak. Riimakla Ngi raq tsangshiq rai riibom kang akhing na, tsangshiq raq ibom taimak riito. Tsangshiq raq tam lam lam maq ikiq khü wanto. Raüta abi kli kloto.”

JEREMIA 34:14

Tsangshiq wokhong na dise ma jaraüta Jehudinok phan wa jurwa wiitrok she tsangshiq jaqsham kuqtaq, kriiti ka rawii wiimiishi she dong wantlaq akhing na atiidong baiq ratlo nguta aming kuq kang. Shatmaq namtitiim raq, Ngi raq chongkang ibomtsi kriika brorii mak shishe wanto. Kiimaq tsan na shaq wan mak riito.

EJEKIEL 2:3

“Maiqse lei, Ngi raq ümniika Israilnok phana tiiki tiikang. Tsangtitiim raq ikiq khii sru wanto, raüta Ngi ngeng wanto kiikha tsangshiq riimin ikiqkhii srutlo kiimaq ümchaü min iwokhong wa dongho raüta Ngi rai riilongliiqtlo.

EJEKIEL 3:7

Shatmaq Israilnok phongwa maiq riika, jurmin ümbom chong ka tairo mak miraq. Tsangshiq riika ibom chong kra dongdii min tairo mak miraq. Tsangshiq tarü ka nilankong kiimaq kiqkhii sruwatili.

WEAWEA 22:20

Kra rawa Shiikeawe ka Balaam phana kito. Raüta akha nguto, “Arwetiim ka ümnaq heawa nong nguta wataq jiika, tiije laüta tsangshiq rai kidam laq. Shatmaq tiina Ngi raq jamlai wa chongtiikang kriili misham haü.”

Matthew 10:40

“Jurwa namshiq tao tlaq kriika ngi tao wan tlo. Kiimaq jurwa ngi tao tlaq, kriika ngi tiikaiti we kra tao tlo.

Luke 10:16

Jesuq raq ajaqshisetiim ma bom ka akha chongkuqto, “Jurwa namshiq bom tai tlaq; kriika i bom tai tlo. Jurwa namshiq tao mak; kriika ngi armin tao mak. Kiimaq jurwa ngi tao mak; kriika ngi tiikaitiwe kriimin tao mak.”

Luke 19:14

Shatmaq, tsangmungti raq apaiq ka kai ngengto. Kriikha maq, tsangshiq raq apaiq jai na, tsütsa ka, ‘Naishiq raq arwe arka, naishiq khuthaq na hokham ma tiija wan romai!’ nguta kiimwebi tat raüta bom ka tiichongkito.

Luke 19:27

Riita, ija, ümchaü min, i jaqtinok, ngi ka tsangshiq khuthaq na hokham ma tiija wan lungwii makti thun kriika, lap wa lanta ana tsiiq wa rongkiq. Lanta, tsangshiq ka ajaq, i makki na jiipbaiq ronglaq!’ ”

John 13:16

Ngi raq chongtiikang arka tengteng: Dise ka atijong we thaq na ajong riimak. Kiimaq tsasoqti we ka, apaiq thaüti we thaq na ajong riimak.

PHOWEBI 8:23

Kiijiishe Gideon raq treto, “Ngi ka namshiq pengti ma jamang, kiimaq ise kiimin jamak. Tatiwe kli namshiq pengti miraq.”

1 SAMUEL 10:19

Ngi ka namshiq Shiikeawe, phanrap litkot chamchao sangrai mong wa dokdake wanti. Shatmaq ümchaü ranaiq namshiq raq ngi ka shishebaiq lan. Lanta ngi la na, hokham weshi shongkuq laq nguta ijaq wa jaü lan. Ikhiijiika ahea. Ümchaü min, namshiq ka maiq aphan aphan maq kiimaq ata ata maq Tatiwe man na thung rong laq.’”

1 SAMUEL 12:1

Kiitiikaq Samuel raq Israilnok ma akha traho kuqto, “Namshiq raq ngi ma jamlai jaqsham chang wa chong lan kra, shamkuqkang she. Ngi raq namshiq peng ma hokhamwe weshi shongkuqkang she.

1 SAMUEL 12:12

Shatmaq namshiq raq Ammonnok hokhamwe Nahash raq namshiq khatwa kra chhi lanta, namshiq raq Tatiwe ka, namshiq hokham riimak nguta shipoq lan. Lanta ngi nangnga, ‘Naishiq rümti hokham weshi shongke ratlo,’ nguta ngulan.

1 SAMUEL 8:22

Tatiwe raq treto, “Tsangshiq raq rotlaq kra klo kuqlaq. Laüta tsangshiq ma hokham ka shongkuq laq.” Kra raütiishe Samuel raq Israilnok mungmaiqse ka maiqmiimii hiqshong niishe tiiwa baiqto.

1 SAMUEL 8:8

Ngi raq tsangshiq ka Ejip mung wa ümra akhing niiwa tsuq wan kang, kra akhing maq phawan raüta, ümchaü niitaq saüli, tsangshiq raq ngi ma jainong shungkuq raüta, laihin phra thun shomnoq wanto. Riita, tsangshiq raq ngi ka jamkho shummii wan taq, kiikhiisii hali, ümnii kiimin shummiitlo.