1 SAMUEL 8:8 - ASII LAKDAP Bible (BSI)

⁸ Ngi raq tsangshiq ka Ejip mung wa ümra akhing niiwa tsuq wan kang, kra akhing maq phawan raüta, ümchaü niitaq saüli, tsangshiq raq ngi ma jainong shungkuq raüta, laihin phra thun shomnoq wanto. Riita, tsangshiq raq ngi ka jamkho shummii wan taq, kiikhiisii hali, ümnii kiimin shummiitlo.

Hawa Naga Bible 2001

⁸ Ngaz rueq tsuingshiq kuex Ejip mungx wawc tvdung shvlx wvnc tauk jauz maq phuex, tsuingshiq kuex ngvy kox wawc kvroz wvnc vtueq vganc tishox htenc kuex nawk palx wuez yaq; ngaz muex mkaq muinz tsuingshiq rueq kvkhoc ruez kuq wvnc phuex ikhoc majuiuc mnoz muex muinz ruez kuq kv-phux rvtueq.

1 SAMUEL 8:8 Referencias Cruzadas

Tvtsvmc 78:8

Tsangshiq ka tsangtitiim kiikha riimak mirlaq, Tsangtitiim pat ka kiqkhii sruwali kiimaq nilan, tsangshiq raq Shiikeawe ma kamtsii ka ümtiikiimin pharangrang maq thümak kiimaq tsangshiq ka apaiq wokhong na tsapkapkap simak riito.

DUNGWVNC 16:3

Kiimaq tsangshiq raq akha nguto, “Naishiq arka Tatiwe raq Ejip mung niili tsat baiq raüjaq ahea riichang wa. Kiijaq naishiq raq wok raq atang tang tolonglong nga laita ngam ka wok phetaktak phaqsiqkai kiimaq laihin phaq nai sea kiimin maiqmii raq aroro phetak phaqsiq tiikai arwa. Shatmaq ümchaütiq nya ümniiraq naishiq ka ara kumtsaiphii rumnyangkhi mung na tsuq wan laüta naishiq tarü ka ram ma tiihaü tlaü.”

DUNGWVNC 17:2

Kiimaq tsangshiq raq Mosheq ma bot tsaüto. Raüta akha nguto, “Naishiq ma kham anyang chang kuqlaq.” Mosheq raq treto, “Namshiq ka jam nguto bot tsaü tlan? Namshiq raq Tatiwe ka jam nguto maitai tlan?”

DUNGWVNC 32:1

Ümtiikiiwa mungmaiqse raq Mosheq ka pum wa satki mak she, rahiq ka luhea she kiijaq siraiho kiita, tsangshiq ka Aron tro na riitamto raüta, apaiq ma akha nguto, “Nashiq ka Ejip mungwa shea wantiwe Mosheq ka jamkhii she wa jakita nashiq ri sapmai. Kra ningkhan nashiq shun sheati phra kaü ashi hailaq.”

JEREMIA 34:14

Tsangshiq wokhong na dise ma jaraüta Jehudinok phan wa jurwa wiitrok she tsangshiq jaqsham kuqtaq, kriiti ka rawii wiimiishi she dong wantlaq akhing na atiidong baiq ratlo nguta aming kuq kang. Shatmaq namtitiim raq, Ngi raq chongkang ibomtsi kriika brorii mak shishe wanto. Kiimaq tsan na shaq wan mak riito.

EJEKIEL 2:3

“Maiqse lei, Ngi raq ümniika Israilnok phana tiiki tiikang. Tsangtitiim raq ikiq khii sru wanto, raüta Ngi ngeng wanto kiikha tsangshiq riimin ikiqkhii srutlo kiimaq ümchaü min iwokhong wa dongho raüta Ngi rai riilongliiqtlo.

WEAWEA 16:41

Kriimaq nap jai ranaiq she mungmaiqse tlotli raq Mosheq nai Aron tiishut bomto. Tsangshiq raq akha nguto, “Namnai raq Tatiwe sengi maiq wiijam tsatbaiq lan.”

TRI CHONGKE 9:24

Ngi raq namshiq rai mang riisap wan li maq, namshiq raq Tatiwe kiq khü sru wan kra chhi wan kang.

PHOWEBI 13:1

Israilnok raq Tatiwe man na ngarai hali tang nongto. Kriikha na apaiq raq tsangshiq ka Philistainnok jaqtakiq na wiiroqblai tiijamshato.

PHOWEBI 2:20

Kiijiishe, Tatiwe ka Israilnok ma pinthum atsan khiqtlo kiimaq akha ngutlo, “Armungti raq, ngi raq tsangtitiim ma tongshong kiqkham ka thürong laq nguta aming akuqha kra, wiita she jin wanto. Jamkhano ngukla tsangshiq raq ibomchong ka taimak tleatlo.

PHOWEBI 4:1

Ehud tsaikai jai maq Israilnok raq Tatiwe man na ngarai hali tang nongto.

PHOWEBI 6:1

Jangshi ri hali Israilnok raq Tatiwe man na ngarai tangto. Kriikha niishe Tatiwe raq Israilnok ka Midiannok jaqkhon mong na wiimiishi thübaiqto.

1 SAMUEL 8:7

Kiimaq Tatiwe raq nguto, “Mungmaiqse raq ümniima jamlai wa chongtlaq kra wiita tailaq. Tsangshiq raq ümniika miimbaiq mak. Shatmaq tsangshiq raq ngi ka tsang hokham ma tiija romai she nguta miimbaiqto.

1 SAMUEL 8:9

Kra ningkhan tsangshiq bom ka taikuq laq, shatmiitiina, hokham raq tsangshiq ka jamkho mijamsha wan kra bomtsi ka atsidada maq chongkuqlaq.”