1 SAMUEL 8:9 - ASII LAKDAP Bible (BSI)

⁹ Kra ningkhan tsangshiq bom ka taikuq laq, shatmiitiina, hokham raq tsangshiq ka jamkho mijamsha wan kra bomtsi ka atsidada maq chongkuqlaq.”

Hawa Naga Bible 2001

⁹ Kvkhoc rvtueq tsuingshiq rueq jungx yaq kuex tay kuq shuiuz, yuq muinz tsuingshiq hokhvmx htenc rueq tsuingshiq muex mkhoc laz ruez wvnc shvnx lvmz kuex vhvlx waq jungphvnx kuq ruiux, tsuingshiq muex daungdaungx honc jungx kuq shuiuz,” ngoz tueq jungx tueq.

1 SAMUEL 8:9 Referencias Cruzadas

JEREMIA 11:7

Ngi raq tsangtitiim ka Ejip mungwa tsuq wan kang akhing na, Ngi raq tsangshiq ma atsidada maq Ngi aming wokhong na siraajo nguta sinkham kuq wan kang. Krai mren ümchaü ranaiq niitaq saüli Ngi raq mungmaiqse ma hon lam wan tsü phathak nithak maq trantsii chongkuq wan ruq li riitiikang.

EJEKIEL 3:18

Ngi raq abi kloti ka atsai miraq nguta chongtiikang kra, ümniiraq apaiq ma tsantsii klai laq nguta honlam bom kra chongkuq maü dea rii laüta, apaiq rilung ka tiichhii wan mak dea raüla, kra ningkhan apaiq ka angarai na li mitsai. Raüla ngi raq apaiq tsaitaq kha ka ümkhuthaq na mitiideaha.

EJEKIEL 46:18

Mung pengti mungtuwe riika mungmaiqse jaq wa, juwe tachong hupsam li jiimin lamho mai mak. Apaiq raq asetiim ma pheakuq tlaq hü ahiq phu thun kriika, apaiq rii achumkuq hiq sitlaq kriiwiili pheake chang. Arka apaiq raq isenginok phong wa juwe hiq phu li jiimin nyeaho raüta shiikeng leng wan maimak.”

1 SAMUEL 10:25

Raüta Samuel raq mungmaiqse ma, hokhamwe arang nai apaiq raq mung peng jaqsham holai kra chongkuqto. Raüta kra thun ka lakdap ashi na waiq thüto. Raüta kra lakdap ka asii khok mong na thüto. Raüta apaiq raq maiq thun ka loweatek wiita maiqmii hiqshong na tiiwa baiqto.

1 SAMUEL 12:1

Kiitiikaq Samuel raq Israilnok ma akha traho kuqto, “Namshiq raq ngi ma jamlai jaqsham chang wa chong lan kra, shamkuqkang she. Ngi raq namshiq peng ma hokhamwe weshi shongkuqkang she.

1 SAMUEL 14:52

Apaiq atra sishat wiiwii ka, Saul raq Philistainnok rai rachhai ralüp wa ikha, riikhat wan ruq riito. Kra ningkhan na, ümtiikiiwa apaiq raq maiq weshi ra ahong ala riimakla srea nolajong hum raüla, kriiti ka apaiq raq asengi phenlabi ma shong wantlo.

1 SAMUEL 2:13

Kiimaq ramwebi raq mungmaiqse jaq wa jaü chang tri kiimin lang mak. Shatmaq ümtiikiiwa maiq raq honglu kuq tlaq akhing na, ramwe jaqshise ka kilili raüta, ajaq na jin lakkong ashuk atsam kra lamho lili riitlo. Raüta ngam ka mokhii na wa na tiida shat lumtlaq kriiwiili,

1 SAMUEL 8:8

Ngi raq tsangshiq ka Ejip mung wa ümra akhing niiwa tsuq wan kang, kra akhing maq phawan raüta, ümchaü niitaq saüli, tsangshiq raq ngi ma jainong shungkuq raüta, laihin phra thun shomnoq wanto. Riita, tsangshiq raq ngi ka jamkho shummii wan taq, kiikhiisii hali, ümnii kiimin shummiitlo.