DUNGWVNC 14:10 - ASII LAKDAP Bible (BSI) Kiimaq Israilnok raq Ejip mung hokhamwe nai asengi phenlabi phong ka tsangshiq khat kai akai rai kra chhito. Kra chhi raüta tsangshiq ka phiipraq tsaito. Kiimaq tsangshiq ka Tatiwe ma aho anyi khrum kuqlaq nguta hoq trangto. Hawa Naga Bible 2001 Israel miqsaz rueq hokhvmx waz nuiyc piq nolaungx bix kaz yaq kuex khiz vtueq, tsuingshiq kuex pinhtumc hiyaz ningkhvnc nuex vromc kuy tvkoc Yehowa kox wawc guyc sez thoz wuez tueq. |
Krai mren tsangshiq raq Hokhamwe Jehoshaphat ka chhiraüta, tsangshiq tarii raq apaiq kiidea sham Israil mung hokhamwe nguta tiima raüta tsangshiq tarii raq apaiq kriilishe tamho raüta khat wanto. Shatmaq Jehoshaphat raq ka lülü she gito. Kiimaq Tati Shiikeawe raq apaiq ka tiichhii kuqto. Kiimaq apaiq kom wantibi re kong ka ahin nü niishe tiiki baiqto.
“Ümniiraq naititiim ka Ejip mung na, jamkho chamchao wantaq kra achhi haü kata. Ümniiraq khamshii chumjong mong maq, tsangshiq hoqsii wantaq kra tre kuq laü ihata.
Li jiimin Tati raq tsangshiq hosiitrang tlaq na taikuqto, apaiq raq tsangshiq kaidi rai ka chhito.
Tsangshiq chamchao tsi ma Tatiwe ma hoqto, kiimaq apaiq raq tsangshiq chamchao mong wa tiichhiito.
Kiijiishe tsangshiq chamchao tsi ma Tatiwe ma hoqto, kiimaq apaiq raq tsangshiq ka chamchao mong wa tiichhiito.
Tsangshiq chamchaotsi ma Tatiwe ma hoqto, kiimaq apaiq raq tsangshiq pitlang pitthea mong wa chhiito.
Tsangshiq chamchaotsi ma Tati ma hoqtrangto kiimaq apaiq raq tsangshiq chamchao mong wa khupwongto.
Kechu maiqse raq Tatiwe mang chongtlo; kiimaq apaiq raq taitlo; apaiq raq tsangshiq ka chamchao wiita wa tiichhiikuqtlo.
Shatmaq tsangshiq ka phiip riishe mitsai, kiitin khan chamchao ka tsangshiq raq jangshi min riihum mak shaq, Shiikeawe raq asengi jaqtinok rok arii thun ka awan mirbaiq. Shiikeawe raq tsangshiq ka no na tsuqbaiqto she, krai mren Israilnok raq tsangshiq ka khat raüta tiinamtok mitang
Namshiq ma chamchao akhing na, namshiq raq ngi ma chonglan, kiimaq ngi raq namshiq tiichhiikang. Rathaiq mong na ngi tiipaü chang maq, ngi raq namshiq achujaü trekang, Ngi raq Meriba hiq jüserai tsiim ba maq namshiq maitaikang.
Ümtiikiiwa Ejip mung hokhamwe raq Israilnok ka tiiwa baiqtaq, Shiikeawe raq tsangshiq ka Philistain mung khamjong chumkii lam maq shea wan mak riito. Kra lam ka aje pinthum shatmaq. Shiikeawe raq akha tiimato, “Ngi raq Israilnok raq tsangshiq tsantsii klai kai ka lungwii mang. Raüta Ejip mung na tiijang kainong ka romang. Arka tsangshiq raq re rai riikhat wan chang kra chhi raüta mitiima.”
Kiimaq Mosheq raq atsan tiitsi raüta Tatiwe ma achu jaüto. Kiimaq Tatiwe raq apaiq ma pepan ashi tiichhi kuqto. Apaiq raq kra pepan ka kham mong na baiqto. Kiimaq kham ka anyang ma amai ahea she riito. Kiijaq Tatiwe raq tsangshiq ma asi wan miitu tri raütu kuqto. Kiimaq kiijaq apaiq raq tsangshiq ka maitaito.
Tatiwe lei, ümniiraq ümsenginok ka sintsang maq tsat laü; kiimaq üm motsi ma tsangshiq raq ümjaq wa achu jaüto.
Riita ümtiikiiwa Juda mung hokhamwe raq Siria mung phenlabi ka Israil mung hiqrai niishe saühoto nguta tsütsa ka taitaq, apaiq nai asengi mungmaiqse tlotli ka pinthum phiip ajiip raq tsaito. Raüta rahai wan raüjaq pero jam kho tiibai wantlaq ikha tiikhaito.
Ümniika maisak toqpum kham mong na bumsiq tlaü, kriika Lebanon pum wa alam wa; shatmaq ümniima chamchao akhing saü raüjaq, ümniika maiq mang ngam chan michamchao haü, maiqnyungre nowüchhi tsi hoqtlaq ikha mirhaü.
“Namshiq raq Tatiwe namshiq Shiikeawe tsan ka kumtsaiphii bintang jüngi mung maq tiikhiq wan lan ira ümtiikiimin naq laq rongkiq. Namshiq raq Ejip mung wa laü wan ranaiq maq pha lanta, namshiq ka arjaq saü wan lan ranaiq na saüli, namshiq raq apaiq kiq khii wan lan.
Ngi raq namtitiim ka Ejip mung wa tiidong tsuq wan kang, kiimaq Ejip mungti raq kumrang leng na chao raüta nai kumrang raikhü na chao raüta tsangshiq ka jowanto. Shatmaq ümtiikiiwa namtitiim ka Khamshii Khamjong rai na saütaq,
tsangshiq raq ijaq wa khrum jaüjaü hoqsii trangto, krai mren, ngi raq tsangshiq nai Ejipnok liipan na rathup ranyaq tiisaü kang. Ngi raq Khamshii Khamjong rai kham ka Ejipnok thaq na jütso tiiblun lata wiita tiithap baiq kang. Ngi raq Ejip mungti ma jamlai wa riikang kriika namshiq raq asap han. “‘Namshiq ka kumtsaiphii binjü na rawii luhea silan.
Lungwiitsii niika ahai chang ahü. Minhap lungwiitsii riika haisong chang wiita jobaiqtlo. Kra ningkhan, ikhla, juwa ahai asi kriiti tsan mong niika lungwiitsii ka awongsii ma mija shaqli ngushat. Jamkhano ngukla, juwa ahai tiisishat, kriiti ka ashut asi. Kriikha maq moho ma haitlo.