Tvtsvmc 53:5 - ASII LAKDAP Bible (BSI)

⁵ Shatmaq tsangshiq ka phiip riishe mitsai, kiitin khan chamchao ka tsangshiq raq jangshi min riihum mak shaq, Shiikeawe raq asengi jaqtinok rok arii thun ka awan mirbaiq. Shiikeawe raq tsangshiq ka no na tsuqbaiqto she, krai mren Israilnok raq tsangshiq ka khat raüta tiinamtok mitang

Hawa Naga Bible 2001

⁵ Yuq muinz Tishox rueq vpiq miqsaz htenc muex ralx yaungc jix hez ruk vrawz htenc kuex nyanc shanc nyanc shix tvyaungc gay shuex ningkhvnc nuex, tsuingshiq kuex laukshiz muinz rvhumc muq phvnx hisungx juing kuex tvrvhumc shuex. Tishox rueq tsuingshiq kuex tvdux gay ruiux, Israel miqsaz rueq tsuingshiq kuex vsuingc suing taungx gay shuex.

Tvtsvmc 53:5 Referencias Cruzadas

YOBA 15:21

Anibok niika phiiptsi jiiptsi gisii trang krii li mitai, kiimaq apaiq ka hansang sitiikang angu bala niili thiimeaq kong raq apaiq ka milong wan.

Tvtsvmc 14:5

Shatmaq tsangshiq ka phiip riishe mitsai wan, Shiikeawe ka apaiq bom taiti rai asi.

Tvtsvmc 141:7

Pepan ka jamkho thamlaita aphusetiim ma tiiphantiikai, kra niqriri tsangshiq rok arii thun kiimin, maakho ki na miwanbaiq.

Tvtsvmc 2:4

Ramungtan na ahokham ngachang maq Tatiwe ka anaili riitlo kiimaq tsangshiq raq taimak chang shiiphongtlaq kra tiishipot li liitlo.

Tvtsvmc 35:26

Ngi kaidi chhiraüta doqdit seati ka tiinamtok tiitanglaq kiimaq tsangshiq ka maa raq amok ikha sunghü tsiihü tiijabaiqlaq; ngi nam ma tsangshiq ka asap atsinti nguta tiitsaki raiti thun tarü ma jea tiingaü laq laüta tsangmun jukramram tiijabaiqlaq.

Tvtsvmc 35:4

Ngi tsea tankhantibi ka tangmak raüta jea mingaü phaqlaq! Ngi tiidea ma thiikho thetibi ka sunghü tsiihü tiimok miichaq tiimokbaiqlaq laüta jai na tiijang baiqlaq!

Tvtsvmc 40:14

Ngi tseabaiq tantlaqti thun ka wiita tiitanglaq kiimaq wiita mokbaiqlaq. Ngi chamchao chhiraüta chochiti thun ka jai na tiijang baiqlaq kiimaq jea tiingaülaq.

Tvtsvmc 73:20

Tsangshiq ka rawama chhitiikai ikhli ranap na samki haijaq mokitlaq ikha; ümtiikiiwa ümnaq tiido tlaü, O Shiikeawe lei, tsangshiq ka mokisaqli mokitlo.

TAKSU LAK 28:1

Abi maiqse ka apaiq khuiti, jumin ahü taü maq, tsaihü jihü ahaisitsi ma paü wantlo. Shatmaq kechu maiqse ka, hangsikaü ikha akhiismin haimak sitlo.

JEREMIA 49:15

Tatiwe raq ümniika ningkun ajom miishe mitiijabaiq. Kiimaq ümniika jurmin shreng mak she miraq.

JEREMIA 6:30

Arningkhan tsangshiq ka amiinu ahü wadaiq phong ngutli she mingu. Jamkhano ngukla, Ngi, Tatiwe raq tsangshiq ka sinchii tsuqbaiqtlaq ikha no na tsuqbaiq kang she.”

AJONJÜ 2:6

Apaiq shomnoq chang Jam, bunlak buncha tiibun baiqto. Apaiq raq asii liipan ranaiq thun, nai Asii Niitiitsak Ranaiq lang akhing, wiita tangta baiqto. Atsankhiq moho sintsang ka, Hokhamwe nai ramwebi ma, pilichhaq tiihoto.

EJEKIEL 6:5

Ngi raq Israilnok maa phong ka barap binrii na minyin baiqha. Ngi raq tsangrok tsangrii phong kra wiita berong-wacha thun tro na miwan baiqha.

LEWI 26:17

Ngi ka namshiq ma wesang miishe mijakiha. Krai mren namshiq ka re raq khat raüta mitang. Krai mren namshiq ngengtinok raq namshiq khuthaq na nga raüta mung ka mipeng. Namshiq ka phiip ajiiptsi raq tsai lanta, maiq raq ajo wanti ahü li ngu raü min namshiq ka tsaihü jihüshe miju han.

LEWI 26:36

“Ngi raq namshiq ümchuwa pongmung na munglu shumwi ma atsuq wanti thun ka pinthum tsaihü jihü mitiiphiipha. Rahai raq chhijaq nyiipji tiime raümin namshiq ka haisitsi ma aju mirhan. Namshiq ka re raq rekhat na joraü jaq jutlan ikha miju han. Kiimaq namshiq tho na re ka ahü li jiimin namshiq ka akü alii miju han.

1 SAMUEL 14:15

Hiqshong binjü na siti Philistainnok phiip ajiip raq atsai she kiinyii wanto. Kiimaq rekhatkaitibi thun nai tsangshiqnok piitiip na siti phenlabi thun ka wiita haisitsi ma tsaihü jihü, atiikhai rokrok she kiinyii wanto. Kiimaq kra binjü thun na hiqjong muwanto. Krai mren, Philistainnok ka kai pinthum phiip ajiip raq atsai kiinyii wanto.