ISAIA 7:2 - ASII LAKDAP Bible (BSI)

² Riita ümtiikiiwa Juda mung hokhamwe raq Siria mung phenlabi ka Israil mung hiqrai niishe saühoto nguta tsütsa ka taitaq, apaiq nai asengi mungmaiqse tlotli ka pinthum phiip ajiip raq tsaito. Raüta rahai wan raüjaq pero jam kho tiibai wantlaq ikha tiikhaito.

Hawa Naga Bible 2001

² Siria nolaungx bix kuex Israel ghaq vraungx nuex shex httax yaq thaungc Yuda hokhvmx waz kox nuex httuiuc koq tueq, piq nuiyc piq miqsaz htenc kuex pinhtumc hiyaz kawc yawc wuez tueq, tsuinghez kuex raungguil rueq tvmoay yaq pulx jungx ikhoc kvkhuirc wuez tueq.

ISAIA 7:2 Referencias Cruzadas

2 SAMUEL 7:16

Ümchangkhü songwanti ümsaü ümsetiim ka maiqpat aweatek na, siruq miraq. Kiimaq ngi raq üm mungtan ka ümtiikiimin thumki mak phan she mitiija wanha. Kiimaq ümweraü phan raq mung peng wan jaqsham ka ümtiikiimin thummak phan miraq.’”

1 HOKHVMX 11:32

Solomon riika maiqphan phanshi kli she mitiithü. Kriika ijaqshi se Dawit ma anato lata kiimaq Jerusalem chela Ngi raq Ngi riishe nguta tingsang Israil mung wa atsea wanha kra miitu mikuqha.

1 HOKHVMX 12:16

Riita mungmaiqse raq hokhamwe raq tsangshiq bom ka taimak she riikiita, tsangshiq raq akhiishe gitrangto, “Dawit nai ajamtitiim ka wiitatam she midea wan laq! Tsangshiq raq nashiq ma jamlai jaq wa shamkuqta? Israil mungti singmung maiqse lei, nashiq ka maiqmii jam na pin rongpha! Rehoboam ka apaiq honhon lishe misisiq laq!” Krai mren Israilnok ka apaiq wokhong wiishe donghoto.

1 HOKHVMX 13:2

Tatiwe raq aming tattaq kra tiiphan phan, kra shammiwe raq kra berong-wacha ka akhiishe sonto: “O berong-wacha lei, berong-wacha lei, Tatiwe raq akha ngutlo: Maiqse ashi amang min Josia nguta mimang; apaiq ka Dawit weraü jamkun na michü. Apaiq raq üm khuthaq na, ara thatsang chang berong-wacha thun arjaq jaqshamti ramwebi ümniima honglu kewanti thun ka wiita mijiipbaiq. Raüta apaiq raq ümkhuthaq na maiq riiphong kra wa na michaq.”

2 KAÜWA WERAÜ 25:10

Krai mren Amajia raq kra ashiip araq phen phung ka atiijang riibaiqto. Kiimaq tsangshiq ma jam niili jang wan ronglaq nguta chongkuqto. Kra tai raütiishe tsangshiq ka Juda mungti ma tsang tsan khiq wa dok dok miishe tsangmung na jang wanto.

2 KAÜWA WERAÜ 28:12

Kiimaq Hiqkhu nü Mungtan wa tuwejongbi weblai, Jehohanan se Ajaria, Meshillemoth se Berekhia, Shallum se Jehijkia, kiimaq Hadlai se Amasa thun riimin phenlabi raq kra shumwikong tsuq wantaq kriika ajiq dea nguta khü hoto.

Tvtsvmc 11:1

Ngi ka Tatiwe wokhong na sitiikang, Ümniika angiwe ikha ngi ma jamkho akha bomtlaü, “Wushi kaü ikha pum kiina biwan laq,

TAKSU LAK 28:1

Abi maiqse ka apaiq khuiti, jumin ahü taü maq, tsaihü jihü ahaisitsi ma paü wantlo. Shatmaq kechu maiqse ka, hangsikaü ikha akhiismin haimak sitlo.

ISAIA 11:13

Israil mungti raq Juda mungti ka shuliimak she miraq. Kiimaq Juda mungti ka Israil mungti rai wesang riija mak she miraq.

ISAIA 22:22

Ngi raq apaiq ma, Dawit saüse phan raq hotlaq, hokham arang ka kunli mikuqha. Apaiq jaq na ophis sapitu ka mikuqha. Apaiq raq jamlai kilü wa ditlaq, kriika jurmin shaqlot mak she miraq. Kiimaq apaiq raq jamlai kilü wa shaq tlaq, kriika jurmin dilot mak she miraq.

ISAIA 37:27

Kiijaq siti maiqse thun ka ningkun ahü jomtlii jomkito. Tsangshiq ka phiip raq tsaito. Raüta tsangnü hamlak lak, tsitsü min healot mak tiiraito. Tsangshiq ka sangphii wakram na chamtlaq ikha. Riimakla wukhu thung na tsaramtai na sang cham tlaq ikha. Ümtiikiiwa shedong mung nü wa rahai haike saüwan raüjaq shinkitlaq ikha shinkitlo.

ISAIA 37:35

Ngi raq archela ara mitiichhiiha. Lata mitiiwongha. Ikhushü shreng lata kiimaq Ngi raq ijaqshise Dawit ma kiqkham kuqkang kra tiiwong miitu mikloha.’”

ISAIA 6:13

Armung na maiq roqshi phongwa weshi li she tiichongki raü min, apaiq kiimin mishthenbaiq wan. Apaiq ka ok pechong adaqbaiq rea jai na achongkhuk bu tiichongkitlaq ikha miraq.” (Kra achongkhuk kriika Shiikeawe senginok rilung anye misongpha wan nong kra nangnga ngutlo.)

ISAIA 7:13

Kiijiishe Isaia raq treto, “Tailaq, ümchaü, Dawit Hokhamwe saüse phan lei. Ümniiraq maiq ma tsütsa tiisitlaü shatmaq maiqse raq laa maq anin riiwantlaq, riita ikhla Shiikeawe raq ninrattlaq kra thittlaiphok shea miniqsiqhaü?

ISAIA 7:17

“Tati raq ümkhu thaq na, ümsenginok khuthaq na, kiimaq hokham jamkun tlotli khuthaq na, Israil mungtan ka Juda mungtan rai tiikho raüta riiphea wanli maq, litkot chamchao ümchuwa leawan lan, kra thaq niimin chanhea pinthum litkot chamchao rahiq thun akhing misaü wan. Apaiq raq Asiria hokhamwe kra mishea wa.

ISAIA 7:5

Siria mungti raq Israil mungti nai tsang hokhamwe rai adam ri raüta thiikho thüto.

ISAIA 8:12

“Mungmaiqse raq jamlai phan wa kiimungtlaq kriijaq naq pongdamkiq. Kiimaq tsangshiq ka jam khiinok mo haisongtlaq kriima naqhai songkiq.

ISAIA 9:9

Israil mungti kunli raq, Samaria chela na siti maiq loweatek raq, arka apaiq riidea photo nguta misap. Ümchaü riiwe kla, tsangshiq ka shiikongkhiq kiimaq ra na dü ma phipii sitlo. Tsangshiq raq ngutlo,

Hosea 12:1

Tatiwe raq ngutlo, “Israilnok raq ranapchu maq riita, ratiijidoq pongmungti rai silu lamphan, tongshong wantlo kriika, atuli mimoki kiimaq athen mirki. Tsangshiq raq Asiria mungti rai tongshong wanto. Kiimaq Ejip mungti ma piikii lam dikuq wanto.”

Matthew 2:3

Hokhamwe Herod raq kra tsütsa ka tai raüta apaiq ka pinthum chapato. Kiimaq apaiq rai Jerusalem na siti maiq tarü chapato.